Тэд үхэхдээ гол нь биш. Хэт эрт үхчихвэл тэдэнд өөрсдийгөө өөрчилж, залбирч, гэмээ наманчлах цаг гарахгүй. Бүгд шууд там руу явна. (За, Багш аа.) Тэр үед тэдэнд туслахад надад үнэхээр амаргүй байх болно. (За, Багш аа.) Тамд унасан хүмүүсийн нүгэл багасах хүртэл маш удаан хүлээх ёстой болдог учраас, тэнд тэдэнд туслахад илүү хэцүү.
Юу гэж асуусан билээ? Надад нэмж хэлэх зүйл байж мэднэ. (Тэдгээр вируснүүд саарч, ахиж хувьсаж өөрчлөгдөхгүй юу гэж асуусан юм.) За. Хэзээ тэгэх вэ, гэж үү? Диваажингийн хүч, Бурханы хүчний тусламжтайгаар тэд өшөөгөө аваад дууссаны дараа. (Хөөх.) Гэхдээ олон хүний амь нас, сүнсийг эрсдүүлэлгүйгээр хэдийнээ энх тайван тогтсон. Тэд үхэхдээ гол нь биш. Хэт эрт үхчихвэл тэдэнд өөрсдийгөө өөрчилж, залбирч, гэмээ наманчлах цаг гарахгүй. Бүгд шууд там руу явна. (За, Багш аа.) Тэр үед тэдэнд туслахад надад үнэхээр амаргүй байх болно. (За, Багш аа.) Тамд унасан хүмүүсийн нүгэл багасах хүртэл маш удаан хүлээх ёстой болдог учраас, тэнд тэдэнд туслахад илүү хэцүү. Бас, надад хийх бусад олон зүйлс бий. (За.)
Зөвхөн тамын хүмүүст туслах гэж тэр хүчинд би төвлөрч болохгүй. Энэ нь бусад бүх төрөлтнүүдэд шударга бус, бүх ертөнцийн хувьд шударга бус. (За, Багш аа.) Тиймээс тэд амьдарч, нүглээ наманчилсан дээр. (За.) Мөн хэдийнээ өөд болсон ч гэмээ наманчилсан нь туламж хүртэн чөлөөлөгдсөн. Гэвч гэмээ наманчлаагүй нь үйлийн үр нь арилаагүй бол там руу явах нь гарцаагүй, үйлийн үр нь арилах ч боломжгүй. Учир нь зөвхөн энэ төрөл дэх үйлийн үр нь биш. Олон төрлийнх нь үйлийн үр байдаг. (За, Багш аа.) Зөвхөн авшгийн үеэр Их Багш тастаж, энэ төрлийн үйлийн үрийг нь л үлдээдэг. Гэсэн ч энэ нь маш их. Ойлгож байна уу? (Тийм ээ, Багш аа.) Гэвч аль нэг шавь Их Багшийн эсрэг явбал автоматаар, Их Багшийн оролцоогүй тэр нь цуцлагддаг, Ивээлийг үгүй болгодог. Учир нь зүүн тийш хазайвал, зүүн талдаа гарна. (Тийм.) Баруун тийш хазайвал баруун талдаа байна. Өмнө зүг явчхаад хойд зүгт очно гэж найдах боломжгүй. (За, Багш аа.) Тийм л юм.
Авшгийн дараа тэд Их Багшийн эсрэг явбал бүх үйлийн үр нь буцаж ирээд, энгийн хүнийх шиг, бусад авшиггүй, Их Багшид итгэл бишрэлгүй хүмүүстэй адил болно. Ойлгож байна уу? (Тийм ээ, Багш аа.) Тийм учраас заримдаа намайг зөвхөн шалгах гэж орж ирсэн, эсвэл хөгжилдөх гэж, эсвэл намайг баян, алдартай болохоор ч юм уу орж ирчхээд буцаад миний эсрэг болдог маш мунхаг хүмүүсийг би үнэхээр өрөвддөг. Тэд өөрсдийг нь ямар хувь тавилан хүлээж буйг мэддэггүй. Өө Бурхан минь, аймшигтай. Намайг уучлаарай. Гэхдээ би бүх хүчээ, эсвэл нэлээд их хүчээ тийм хүмүүсийн нэгийг аврахад ашиглаж чадахгүй. Хүсэхгүй байна. (За, Багш аа.) Учир нь энэ нь надаас хэдэн зуун мянган хүнд туслах хүчийг авах болно. (За, Багш аа.) Тэгэхээр хэдийгээр би тэр сүнсийг, тэр төрөлтнийг өрөвдөж байвч, өөрийгөө зөөлрүүлж, бүх хүчээ, бараг л бүх хүчээ, нэлээдгүй хүчээ хүнд үйлийн үрд баригдсан нэг хүнийг аврахад зарцуулж чадахгүй. (За, Багш аа.)
Тиймээс намайг бүү зэмлээрэй, эсвэл намайг хайр, нигүүлсэлгүй гэж бүү бодоорой. Надад байгаа. Гэхдээ би олон зуун мянган эсвэл олон сая тэрбум хүмүүсийг нэг хүний төлөө золиосолж чадахгүй. (За, Багш аа.) Учир нь нэг удаад миний авч буух хүчний хэмжээ хязгаартай. Аажим аажмаар тодорхой хэмжээнд тусалдаг. Хэрэв би үүнийг нэг хүнд ашиглавал, дуусчихна. Тэгээд шинийг авахаар хүлээх ёстой болно. (За, Багш аа.) Мөн бие махбод маань үүнийг хүлээж авч чадахуйц байх ёстой. Энэ хүч, хамгийн дээд бүсээс ирсэн үлэмж гайхалтай хүч. Би аваад л, аваад л байвал хэтрэх болно, яг л эмийг хэтрүүлэн хэрэглэхтэй адил. Тэгвэл үхнэ шүү дээ. Та нар үүнийг мэднэ, тийм үү? (Тийм ээ, Багш аа.) Сайн зүйлсийг хүртэл, ихээр хэрэглэж болохгүй. Ай, Бурхан минь. Энэ дэлхий үнэхээр ээдрээтэй. Төвөгтэй!
Мэдээллийг та нарт зориулж шүүхэд хүртэл би маш олон цаг ажиллах ёстой болдог. Хоёр, гурван цаг. Заримдаа илүү, нөхцөл байдлаас хамаарна. Учир нь заримдаа гарчиг нь хангалттай байдаг ч заримдаа үгүй, та нарт мэдээлэл болгож хүргүүлэхэд шаардлага хангах эсэхийг шалгах ёстой болдог. Магадгүй тэр мэдээллийг бид судалгаа хийхэд ашиглана. (За, Багш аа.) Та нар завгүй учраас дэлхий дээр юу болж байгаа бүхнийг харах боломжгүй. Тиймээс тийм зүйл болсныг мэдэж байвал та нар судалгаа хийж, дараа нь бид нэвтрүүлэг хийгээд, нийтлэх боломжтой. Тиймээс би та нарт сонгож өгч байгаа зүйлдээ болгоомжтой байх ёстой, миний судалгаанд бас хугацаа ордог. Учир нь ТВ-р бидний гаргасан бүхэн хүмүүст нөлөөлж байдаг. Бид цаг бөглөсөн биш, ямар нэг тустай, хэрэгцээтэй зүйлс авчрах учиртай. Сүүлийн үед бид ямар нэг шинээр болж байгаа зүйлс юм уу эсвэл ямар нэг сонирхолтой, зугаатай, хүмүүсийн тархийг амраасан зүйлсээр л нэвтрүүлгүүдээ хийх учиртай. (За, Багш аа.)
Учир нь миний бизнес үргэлжилнэ. Энэ жил, магадгүй КОВИД-19 жаахан сааруулсан учраас би хандив ихээр нь өгч чадахгүй байгаа. Өгдөг ч багаар, өмнөхөөсөө илүү хязгаарлагдмал. Гэхдээ өгч чадахгүй болтлоо өгөх боломжтой. Мөн зөвхөн бэлэгтээ гол нь биш, дурсгалын цом нь чухал. Миний бичээс, тэднийг магтсан магтаал маань тэдний байгаа газрыг бас адисалдаг юм. (За.) Тэгэхээр зөвхөн мөнгөндөө ч биш. Тэд хүлээн авбал адислал хүртдэг. Тодорхой хэмжээнд хамгаалагддаг. (За, Багш аа.) Мэдээж, тэд надад итгэвэл илүү хамгаалагдаж, өөд болсныхоо дараа илүү эрх чөлөөтэй болно. Хэр их итгэл бишрэлтэй буйгаас хамаарч тэд өөд болсныхоо дараа илүү өндөр түвшинд очно, эсвэл бүрэн чөлөөлөгдөнө. Зөвхөн мөнгөндөө биш юм. Гэхдээ надад илүү мөнгө байвал, мэдээж, би илүүг өгөхийг хүсдэг, за юу? Бусад хүмүүст, ядарсан, тусламж хэрэгтэй хүмүүст болон амьтдад хэзээ ч хангалттай өгч чадахгүй, хэчнээнийг өглөө ч би хангалттай өгч чадахгүй.
Гэвч та нарт хэлэхэд дэлхийн хүмүүс ядуу байх шаардлагагүй. Зэр зэвсэг, дайн, сонгууль гээд өөр юунд ч билээ, бусад олон хэрэгцээгүй, хор хөнөөлтэй бизнес, үйлст зарцуулдаг мөнгийг дэлхий дахинд туслахад ашиглавал хэн ч ахин ядуу байх шаардлагагүй. Ямар ч хүүхэд өлсөхгүй, ямар ч гэр бүл ахин хэзээ ч хоосон хонох шаардлагагүй болно. Мөн ямар ч эмэгтэй өөрийгөө гудамжинд зарж, эсвэл эмсийн хүрээлэнд зарж, өвчин тусаж, үүний, тэдний бизнесийн хохирогч болох шаардлагагүй. Учир нь эмсийн хүрээлэнд очдог бүх хүмүүс зөөлөн, эелдэг байдаггүй ба, зөвхөн бие махбодын харилцаа хүсдэггүй. (За, Багш аа.) Тэднийг бас зодож, дээрэлхдэг. Цөөнгүй олон эмэгтэй үйлчлүүлэгчдийнхээ гарт амиа алддаг. Зарим нь үүний төлөө мөнгө төлдөг. Зарим садист үйлчлүүлэгчид эмсийн хүрээлэн дэх охидыг ташуурдах гэж мөнгө төлдөг. Та нар мэднэ, тийм үү? (Тийм.) (За, Багш аа.) Зарим нь тэднийг үзэн яддаг учраас нууцаар бас нэг нэгээр нь хороодог. Мэдээгээр та нар энэ бүхнийг сонссон. Хэдэн жилийн өмнө бас цуврал алуурчин зөвхөн гудамжны охидыг онилсон. “Хөөрхөн эмэгтэй” киноны эмэгтэй шиг.
Тэгэхээр ямар ч эмэгтэй хэзээ ч ийм нөхцөл байдалд хүчээр орох ёсгүй, эсвэл нөгөө хүн нь баян учраас хүчээр түүнтэй гэрлэж, хүчирхийлүүлэх шаардлагагүй. Гэр бүл нь ядуу, өлсгөлөн байгаа учраас тэр өөрийнхөө хайрыг золиослон өөрөө ч танихгүй, дургүй, муухай ааштай, муу, царай муутай, бөгөөд бусад бүхэн нь түүнийг огтхон ч аз жаргалтай болгохооргүй, бүр түүнийг зоддог хүнтэй явах ёстой болдог. Хүмүүс ядуу үедээ, юу ч хамаагүй хийдэг. Учир нь энэ нь хэдийнээ хүмүүст материаллаг бүтцэд нь суулгагдсан байдаг, тэгснээр тэд үүрд боол байх ёстой болдог. Олон цагаар ажиллаж, хүүхдүүдээ хооллохын тулд, эхнэрээ болон бусад хамаатнууд, эцэг эхээ хооллохын тулд тэд хоёр гурван ажил хийх ёстой болдог.
Гэвч хэрэв засгийн газар, энэ дэлхийн зөв шударга засгийн газар дайны төсөв мөнгөө, цус урсгадаг мөнгөө ард иргэддээ, ядууст, ядарсан нэгэнд туслахад зарцуулбал манай дэлхий диваажин болно. Би заах, ямар нэг зүйл хийх шаардлагагүй болж, Суприм Мастер Телевиз хэрэггүй, бид хэрэггүй, миний мөнгө хэрэггүй болно. Би ямар ч бизнес хийх шаардлагагүй болно. (За, Багш аа) Би агааран хоолтон болж болно.
Хэн ч өлсөхгүй байгаа учраас, дайн ахин хэзээ ч гарахгүй, хэн ч хоол хүнсний төлөө, эдийн засгийн шалтгаанаар, усны төлөө, усны хомсдолоос болж дайнд явахгүй, учир нь тэд ус зарж байгаа, эсвэл зарахаар төлөвлөж байна, бүр Волл Стрийт дээр шүү. Яагаад гэвэл ус сүүлийн үед улам бүр үнэ цэнтэй болж байна. Магадгүй дараа нь бид ганц литр ус авахын төлөө дэлгүүрийн урд оочирлох ёстой болох байх. (За.) Баян хүмүүс бүгдийг нь гэртээ авч, харин магадгүй ядуус оочирлож, авахын тулд дэлгүүр явж, эсвэл магадгүй төхөөрөмжид мөнгө хийж авдаг болох байх, хэн мэдлээ?
Учир нь цэвэр ундны ус сүүлийн үед улам бүр л үнэ цэнтэй болж байна. Олон усны эх үүсвэр хэдийнээ гэмтэж, хатаж ширгэж, дуусаж, юу ч үгүй болж, эсвэл хортой болсон. Энэ дэлхий дээр байнга олон хүүхдүүд ийм хортой, бохир ус ууж, өвчилж, байнга үхэж байна. Секунд тутамд нэг хүүхэд, нэг эмэгтэй, нэг ахмад настан үхдэг. Эмзэг, ядуу хүмүүс махны үйлдвэрлэлийн, арьс ширний үйлдвэрлэлийн, төрөл бүрийн химийн үйлдвэрлэлийн хортой уснаас болж үхдэг. (За, Багш аа.)
Тийм учраас би та нарт өөрсдийнхөө азтай байдалд Бурханд өдөр бүр таларх гэж хэлдэг юм. Хэдийгээр та нарт бусад олон ядуу хүмүүсийнх шиг их зүйл байхгүй гэж бодож байвч, байгаа. За юу? (За Багш аа.) Та нарт цэвэр ус байна. Байгаа газарт тань сайхан хоол хүргэгдэн ирдэг. (Тийм.) Мөн та нарт байрлах сайн, аюулгүй, цэвэр, халдваргүй газар байна. Та нар хамтдаа бясалгах боломжтой. Нэг нэгнийхээ сайн энерги, нөхөрлөл, дэмжлэгт найдаж болно. Та нар бол маш азтай бүлэг. (Тийм ээ, Багш аа.) Мөн номын ах эгч нар тань бас их азтай. Та нар бүгд мэдээсэй гэж хүсэж байна. Үнэхээр тийм. (За, Багш аа.)
Би бас өдөр бүр азтай байгаадаа талархдаг. Ноход маань эмчтэй, харж хандах амьтны эмчтэй байгаад талархдаг. Хэдийгээр тэр шархдах юм уу ямар нэг зүйл болбол, эсвэл өвчилбөл бидэнд мөнгө бий. Бид түүнийг зовоохгүйн төлөө амьтны эмч дээр авч очих боломжтой. (За, Багш аа.) Тэгээд тэд эдгэрдэг. Мөн бидэнд уух ус байна. Хүмүүст тийм зүйл байхгүй. Маш энгийн, ус хүртэл өчнөөн олон сая хүмүүст байдаггүй. (За, Багш аа.) Зөвхөн хөгжил буурай орнууд ч биш. Бүр Америкийн зарим газарт дахин боловсруулсан ус ашиглах ёстой байдаг гэж хаа нэгтэйгээс олон жилийн өмнө би уншиж байсан. Энэ үнэн үү? Жишээ нь угаалгын өрөөний усыг тэд дахин боловсруулж цэвэр болгоод ахиад ашигладаг. Зарим газар хангалттай ус байдаггүй. (Тийм.) Тийм үү? Би хаа нэгтэйгээс уншсан. Энэ үнэн үү? (Тийм.) (Тийм. Үнэн Багш аа.) (Тэд бас бохирын усыг дахин ашигладаг.) Бохирын ус. Өө Бурхан минь. Төсөөл дөө? Бүр Америк шүү. Тийм үү? Би үүнийг Америкт уншсан. (Сингапурт бас.) Сингапурт бас аа? (Тийм.) Яаж вэ? Сингапур. Маш өндөр зэрэглэлийн орон шүү дээ.
Маш олон хүмүүс байдаг ч хангалттай ус байдаггүй. (За, Багш аа.) Тэд далайн усыг ундны ус болгож чадлаа ч заримдаа бас тоног төхөөрөмж нь эвдэрчихдэг. Ийм зүйлийг би Испанид харж байсан. Жавиад нэг удаа би тэнд байхдаа нэг зоогийн газарт хоол идэхээр ортол, болор шил нь уг нь бол цэвэр, нэвт харагддаг. Тэд сайн цэвэрлэж, цаасаар, алчуураар арчдаг учраас цэвэрхэн, нэвт харагддаг. Уг нь бол яг л шинэ мэт цэвэрхэн гялалзаж байдаг. Гэвч тэр үед, намайг очих бүрд шил нь их бүдэг, цэвэр биш байсан. Тиймээс би тэднээс, “Юу болоо вэ? Энэ онцгой шил юм уу? Ийм зүйл өмнө нь хараагүй юм байна.” гэхэд тэд, “Үгүй ээ, одоогоор далайн ус сайн шүүгдээгүй болохоор ингэлээ. (Хөөх.) Олон долоо хоног болж байгаа ч тэд засаж чадаагүй л байна. Тийм учраас бидэнд цэвэр ус байхгүй. Тиймээс шил нь урьдынх шигээ цэвэр биш байгаа юм.” гэж хэлсэн. Төсөөлж байна уу?
Далайн ус болон төхөөрөмжид найдаж байсан. Үргэлж аюулгүй биш, тийм үү? Мөн хот даяараа тийм ус уух ёстой болсон. Магадгүй тэд зарим тусгай хэрэгслээр шүүх боломжтой байх, тийм үү? (Тийм.) Тусгай аяга, тусгай ваар, лонхоор ч юм уу шүүх боломжтой. Гэхдээ хэр удаан? Тэгээд тэр усаараа угааж, бас усанд орно. Ногоо гэх мэт бүх л зүйлсээ тийм төрлийн усаар угаах болно. Далай үнэхээр том ч сүүлийн үед далайн ус бүх хэсэгтээ биш. Тэд далай руу бохироо цутгадаг, хогоо цутгадаг, эсвэл санаандгүй урсаад ордог, эсвэл байгаль урсгаад аваачдаг. Төрөл бүрийн хуванцар, микро хуванцар, бүгд тэнд байдаг ба төрөл бүрийн бохир зүйлс, эсвэл бохирын систем бохироо өөр цутгах газаргүй учраас бүгд далай руу ордог. Зарим улс оронд тийм байдаг. (За, Багш аа.)
