Хэсэгхэн газрын төлөө аллага үйлдэнэ гэдэг байж боломгүй. Энэ бол буруу. (Тийм, Багш аа.) Газар гэдэг миний бодлоор дээр нь амьдрахад зориулагдсан. Тийм үү? (Тийм.) (Тийм.) Амьдралаа тогтвортой болгоход, мөн модод тарихад мөн хүмүүс идэж таашаах жимс ногоо тарихад зориулагдсан. Дэлхий нийт шим тэжээлээ авахад зориулагдсан. (Тийм, Багш аа) Тиймээс хэн тэнд амьдрах нь хамаагүй.
Хэсэгхэн газрын төлөө аллага үйлдэнэ гэдэг байж боломгүй. Энэ бол буруу. (Тийм, Багш аа.) Газар гэдэг миний бодлоор дээр нь амьдрахад зориулагдсан. Тийм үү? (Тийм.) (Тийм.) Амьдралаа тогтвортой болгоход, мөн модод тарихад мөн хүмүүс идэж таашаах жимс ногоо тарихад зориулагдсан. Дэлхий нийт шим тэжээлээ авахад зориулагдсан. (Тийм, Багш аа) Тиймээс хэн тэнд амьдрах нь хамаагүй. тийм л зүйл хийж байвал болно. (За, Багш аа.)
Хэдийгээр урьд нь тэр газар нутаг өөр улсад харьяалагддаг байсан ч одоо хэдийнээ удаан хугацаа өнгөрөөд өөр улсын харьяанд байгаад дасан төвхнөчихсөн байгаа. Тэгэхээр би ямар нэг гэрээнд гарын үсэг зурсан байлаа гэхэд буцаагаад авчхаж болохгүй. Хэлж байгааг маань ойлгов уу? (Тийм ээ, Багш аа.) Бас удаан хугацаанд төвхнөчихсөн байгаа. Үүнд яагаад дахин халдах гэж? Яагаад гэм зэмгүй хүмүүсийн цус урсаж, гаслан зовлон шаналал авчрахаар эргүүлэн авах гэж. (Тийм ээ.) Энэ оронд амьдарч байгаа хүмүүсийг ч атугай харж тэрхүү гэрээний тухайд юу ч хийхгүй байх хэрэгтэй гэдгийг ойлгох хэрэгтэй. Тийм үү? (Тийм ээ. Багш аа.) Ингэж ярьж байгаа нь Крим шиг газрын тухай ярьж байгаа хэрэг. Энэ хагас арал, эсвэл бүрэн арал Украйнд харьяалагдах болоод аль хэдийнээ урт удаан хугацаа өнгөрснийг та нар мэднэ. Мөн Нагорно-Карабахад арменчууд суурьшаад хэдийнээ удаан хугацаа өнгөрөөд байна. Та нар намайг ойлгож байна уу? (Тийм ээ, Багш аа.)
Тэд амар тайван амьдралаараа амьдарч, татвар төлдөг. Ямар асуудал байна вэ? Хүмүүс ямар нэг санхүүгийн дарамт л үүсгэхгүй бол зүгээр шүү дээ. Тэд та нартай дайтдаггүй. Тэд танай оронд болон ард иргэдэд ямар ч түвэг болдоггүй. Тэд мөрөөрөө л амьдардаг. Ядаж л та нар тэдэнд анхаарал халамж тавих шаардлагагүй. Энэ нь хүртэл хэдийнээ сайн хэрэг. Үгүй гэж үү? (Тийм ээ, Багш аа.) Бурхан минь. Би ямар ч асуудал харахгүй байна. Харин та нар? (Үгүй, Багш аа.) Би дэлхийн удирдагчид та нараас асуудал байна уу гэж асууж байна. Өөртөө, сүнсэндээ, зүрх сэтгэлдээ, өөртөө хариулаарай. Та нар хариултыг нь мэдэж байгаа болохоор би хариулмааргүй байна.
Энэ дэлхийн бүх зүйлс түр зуурынх. Газар нутаг хүртэл газар хөдлөлт, цунами, хөрсний гулгалт зэрэг ямар нэг байгалийн гамшигт үгүй болж болно. Яагаад хэсэгхэн газар нутгаас болж асар их уй гашуу, зовлон шаналал тарих ёстой юм бэ. Ямар ч шалтгаантай байлаа гэсэн Бурханы хүүхдүүдийг хөнөөчхөөд ялалт хэмээн тэмдэглэж болохгүй.
Эмэгтэйчүүдийг бэлэвсрүүлж, эрчүүдийг тахир дутуу болгож, хүүхдүүдийг өнчрүүлдэг. Эцэг эхийг хайрт үр хүүхдээс нь хагацаадаг. Яагаад, яагаад, яагаад, яагаад? Дэлхийн удирдагчид үүнд өөрсдөдөө хариулаарай. Бурханд хариул! Амьдралд чинь ямар нэг зүйл тохиолдоход та нар учрыг мэддэг. Шударга бус байсны чинь төлөө, бусдад гуниг зовлон авчирсны төлөө амьдралд чинь муу зүйлс тохиолдох юм бол Бурханыг битгий буруутга. Өөрийгөө л буруутга. Би үнэнийг хэлж байна. Ийм л юм. Ямар ч муу нөхцөл байдалд орсон Диваажин өршөөх болтугай гэж би хүсэж, залбирч найдаж байдаг.
Өөрийн тань биш болсон хэсэг газрын төлөө та Бурханы хүүхдүүдийг хөнөөсөн. Тийм байж яаж сайн шагнал, сайн үр дагавар ирнэ гэж хүлээх вэ? Диваажин харж байгаа. Диваажин бүхнийг мэднэ. Зөвхөн эд хөрөнгийн төлөө, илүү хүч тэнхээтэй болохоороо Бурханы хүүхдүүдийг тийм байдлаар хороосон хэн ч бай... бусад орны сул дорой иргэдийг эсвэл өөрийнхөө улсын ядарсан иргэдийг дарангуйлж байгаа нь жижиг хэмжээнд эсвэл том хэмжээнд хаа ч болж байдаг танхайрал, дээрэнгүй байдалтай адилхан. Бурханы хүүхдүүдийг ийм байдлаар хороодог хэн ч бай зүгээр мултрахгүй. Диваажин харж байгаа.
Намайг уучлаарай, залуусаа. Хүн, амьтдын зовлонг бодох бүрдээ би дотроо буцалж байдаг юм. Яаж ч чаддаггүй. Хэт их хүмүүний сэтгэл хөдлөл надад байсаар байна. Гэтэл та нар намайг хүчтэй гэж бодож байдаг. Би тийм ч хүчтэй биш. За юу? Тийм ч хүчтэй биш. Заримдаа дэндүү зөөлөн. За. Асуултынхаа хариуг авч чадав уу? (Тийм ээ, Багш аа. Баярлалаа.) Би юу ярьж байлаа? Үүний талаар би үүрд ярьсан ч чадна.
Гэвч гол санаа нь гэвэл материаллаг эд зүйлсийн төлөө хүний амь хороож болохгүй. Хэчнээн том, хэчнээн үнэтэй байлаа ч болохгүй. За юу? Цус урсгах учиргүй. (За.) Соёлтой хүний хувьд, улс орны удирдагчийн хувьд эд хөрөнгийн төлөө хэзээ ч дайн дэгдээх учиргүй байсан юм. Энэ бол дээрэм хийхтэй адилхан, тийм, намайг ингэж хэлсэнд уучлаарай. (За, Багш аа.) Миний өвөө, эсвэл аав маань өөр хэн нэгэнд эдлэн газрынхаа нэг хэсгийг эсвэл байшингаа өгчихсөн бол надад өөрт минь бол ямар ч асуудалгүй. Би гэр оронгүй хүн биш. Өөр илүү том, илүү сайхан байшинтай. Аавынх, эсвэл өвөөгийнх маань байсан тэр байшинг хүч ашиглан эсвэл буу, хутга ашиглан буцаан авахгүй байсан. Ойлгож байна уу? (Тийм, Багш аа.) Энэ зөв логик уу? (Тийм ээ, Багш аа.) Та нар тийм зүйл хийх үү? (Үгүй, Багш аа.) Та нарт тийм зүйл ч хэрэггүй. Тийм үү? (Тийм.) Хэрэгтэй бол, магадгүй орон гэргүй бол, очоод эелдгээр, “Гуйж байна, надад тэр байшин хэрэгтэй байна, за юу?” гэж хэлнэ. (Тийм.) Эсвэл тал нь, бид хуваагаад хэрэглэж болно. Тэр байшинг буцаан авахын тулд гэм зэмгүй хүмүүсийн аминд хүрэхийн тулд буу, хутга, хүч, тэсрэх бөмбөг ашиглахгүй. Хаа ч газар адилхан, ойлгов уу? (Тийм, Багш аа.) Өгөгдсөн зүйл бол...
Хүмүүс шүүмжлэх учраас би үүний талаар ярихыг огт хүсээгүй. Би улс төрд оролцдоггүй. Би хүмүүнлэгийн, хүмүүнлэг зүйлд оролцож байна. Ойлгов уу? (Тийм ээ, Багш аа.) Олны дундах, хүмүүс хоорондын таатай хандлага. Хүн хүнтэйгээ хүн шиг байх. Та нар хэлж байгааг минь ойлгож байгаа. (Тийм ээ, Багш аа.) Мөн би Бурханаас эмээдэг. Би хүмүүст хайртай. Намайг тавгүйтүүлдэг энэ бүх зүйлийн талаар би яагаад ч юм дашрамд нь хэлэх хэрэгтэй байсан юм. Нэгэнтээ хэлэх хэрэгтэй. За юу? (За, Багш аа.)
Ямар ч шалтгаанаар бай, өвөг дээдэс маань тэр байшинг өөр хэн нэгэнд хэдийнээ өгсөн бол өгчихсөн, тийм үү? (Тийм, Багш аа.) Хийгдчихсэн. (Тийм.) Тэгээд л болоо. Тэр хүнд тэр байшинг өгсөн, манай овгийн өмчийг өгсөн аавынхаа, өвөөгийнхөө эсвэл өвөг дээдсийнхээ, хэнийх нь ч бай би хүсэл санааг хүндэтгэх ёстой. Түүний гарын үсэг, хүсэл санааг хүндэтгэх ёстой. Ойлгов уу? (Тийм, Багш аа.)
Юу ч боллоо гэсэн энэ нь хэдийнээ тэр хүний өмч болсон. (Тийм.) Дээрээс нь хэрэв тэдний хүүхдүүд, хойч үе нь тэр байшинг өвлөж авсан бол тэр байшинг буцаан авах гээд би буу, хутга ашиглан дайрч довтолж, тэднийг хороох уу? (Үгүй.) Үүнийг та нар шударга, сайн гэж бодож байна уу? (Үгүй, Багш аа.) Мэдээж үгүй, тийм үү? (Тийм.) Ямар ч соёлтой боловсон хүн, ёс суртахууны хэм хэмжээг мэддэг ямар ч хүн хэзээ ч тийм зүйл хийхгүй, шашин шүтлэгтэй, Бурханд итгэдэг, итгэдэггүй талаар ярилтгүй. Бурханд заавал итгэдэг байх албагүй, гэвч нэг нэгэндээ үнэнч, шударга хандахад хандлагад итгэх ёстой. Тийм биш гэж үү? (Тийм, Багш аа.) Мөн өөрсдийгөө соёлжсон улс орон гэж нэрлэчхээд, ямар ч шалтгаантай бай зөвхөн газар авахын төлөө бусад орны ядарсан иргэдийг, хөгшид, хүүхэд, эмэгтэйчүүдийг, бусад хүмүүсийг зовлон шаналалд унаган, үхэлд хүргэснээрээ баясан цэнгэж байгаа бол хүмүүсийн хүндэтгэлийг хүртэнэ гэж бүү бодоорой, Диваажин өршөөнө гэж бүү найдаарай. Үйлийн үр нь үргэлж шууд ирдэггүй ч ирэх л болно... энэ төрөлд тань, эсвэл тамд. Бусад гэм зэмгүй хүмүүст зовлон учруулдаг хэн бүхэн өөрсдөд тань ирэх төлөөс шийтгэлээс айх учиртай. За за, намайг ингээд яриад байхаас өмнө дараагийн асуултаа асуугаарай. Би зүгээр л... Түр хүлээгээрэй, түр хүлээгээрэй. За, дараагийн асуулт.
(За. Багш аа зарим шавь нар Багштай хамт ажиллахаар ирдэг ч ямар ч юм шалтгаанаар тэд үлддэггүй, эсвэл үлдэх боломжгүй болдог. Ямар нэг үйлийн үр тэднийг илүү удаан байхад саад болж байна уу, хэрэв тийм бол үүнийг хэрхэн даван туулж эсвэл зайлсхийж болох вэ?)
Үүнийг тэд өөрсдөө шийддэг. За юу? (За.) Хувь тавилангаа та нар удирдах боломжтой. Эрт дээр үеэс л хүмүүс ингэж хэлж ирсэн. Мөн та нарт ярьж өгсөн олон Буддын түүхээр та нар үүнийг мэднэ. (Тийм.) Та нар өөрсдийгөө хянаж удирдах боломжтой. Зүгээр л, “Үгүй ээ. Миний хүссэн зүйл бол энэ. Тоолшгүй олон төрөлтнийг аврахад нь би Багшид туслахыг хүсэж байна. Би өөрийнхөө хүслийг сонсох шаардлагагүй.” гээрэй. (За, Багш аа.) Надад энэ үлдсэн үйлийн үрийг хүлээн авах шаардлага байхгүй. (За, Багш аа.) Тэгэхээр үлдэх үү, явах уу гэдгээ шийддэг нь та нар юм. (За, Багш аа.) Учир нь бид бол Бурхан, бидний дотор Бурхан бий. Магадгүй бид Оройн дээд биш. За юу? гэвч бид илүү дээд Бурхан, Бурханы нэгэн хэсэг. Оройн дээд Бурханы нэгэн хэсэг. Яагаад гэвэл энэ нь бүхний эхлэл юм. Оройн Дээд Бурхан бол бүх эхлэлийн эхлэл нь юм. (За, Багш аа.) Тиймээс хүсвэл бид тэр хүчийг ашиглах боломжтой, (За.) эсвэл “би” үзлээ, сэтгэл хөдлөлөө, дорд хүслээ сонссоор байхыг хүсвэл тэр нь бидний сонголт. Бид сонгох эрх чөлөөтэй. Ойлгов уу? (Тийм, Багш аа.) Хэрэв хүсэл зорилго тань хүчтэй бол та нар Их Багшийг орхихгүй, эсвэл үүн шиг, ямар ч бай, эрхэм ариун ажлаа орхихгүй. (За, Багш аа.) (Ойлголоо.) За. Хариултаа авч чадав уу? (Тийм ээ, Багш аа. Баярлалаа.) Зүгээр дээ.
(Сүүлд Багш амьтдыг хааны тогтолцоотой гэж хэлсэн...) Тийм, тийм, хааны. Тийм. (хатантай, хаантай, ханхүү, гүнжтэй гэж хэлсэн.) Тийм. (Багш аа, тэднийг тийм байр сууринд яаж томилдог юм бэ?)
Байгаль томилдог юм. Эсвэл хууль тогтоол нь. (За.) Тэгж хэлдэг билүү? Ард иргэд нь. Нэг хаан нь үхвэл, тэд ухаантай мэргэн нэгнийг, нигүүлсэнгүй нэгнийг томилж, өөрсдийгөө удирдуулдаг. Тэгээд үүний дагуу, тэд бас... эсвэл хаан нь ухаалаг зөвлөхүүдийг томилдог, мэргэн зөвлөх, түшмэлүүдийг томилж, улс орноо, төрөл зүйлээ захирч, удирдахад өөртөө туслуулдаг. Яг л хүмүүс шиг, яг адилхан. Гэхдээ тэд илүү хүчтэй, илүү ид шидтэй.
Тэд заримдаа өөрсдийгөө хүний дүрд хувиргаж бидний дунд хэсэг алхдаг. (Хөөх.) (Хөөх.) Тийм учраас тэд заримдаа асуудалд ордог юм. (Өө.) Та нар олон түүх, үлгэр домог сонсож байсан. (Тийм, Багш аа.) Зарим хэсэг нь үнэн юм. (Хөөх.) Тэдэнд үүрд тийм байх хүч байхгүй. (За, Багш аа.) Жишээлбэл, тэд хүний биеэ үүрд хадгалж, хүн шиг амьдрах боломжгүй. Хэрвээ тэгвэл тэд хүн шиг амьдрахын тулд өөртөө байгаа бусад бүх хүчнээсээ татгалзах ёстой болдог. (Өө.) Үүнийг бол тэд харамсалтай зүйл гэдгийг мэддэг. Гэвч заримдаа тэд... энэ өөр төрөл зүйл зарим хүнд хайртай болж, тийм зүйл хийдэг. (Хөөх.) Тэгээд тэд үүрд хүний дүрээр үлддэг юм. За юу? (Хөөх.) Хожим нь тэдэнд юу болдог талаар бүү асуугаарай, амьдралдаа юу хийхээс нь хамаардаг, мөн тэд хүн хэвээр байх эсэхээс нь. Эсвэл тэд өөрсдийн төрөл зүйлдээ эргэн ирэх эсэхээс хамаарна, гэвч энэ нь амаргүй. Нэгэнт хүн болсон бол үүнтэй орооцолддог ба үүнд захирагдаж, хүнийх шиг, ийм материаллаг төрлийн тогтолцоонд захирагдаж, улмаар үйлийн үртэй болж, дараа нь... шийтгэл хүртэж, дараа нь төрөл авдаг ба (За, Багш аа.) үүний дараа өөрийгөө хэн бэ гэдгийг санах үнэхээр хэцүү. Хүн болохын тулд энэ бүхнийг арилгах ёстой байдаг. За юу? Тэдэнд байдаг хүчээр, ихэнх хүчээрээ тэд үргэлж хүний биеэ хадгалж чаддаггүй. Тиймээс хэрэв тэд баригдвал, эсвэл зарим нэг асуудалд орвол, зугтаж чадахгүй. Өөрсдийнхөө төрөл зүйлд, жинхэнэ төрхөндөө эргэн орж, үхэх юм уу, алуулдаг. (Өө.) Ойлгож байна уу? (Тийм, Багш аа.) Зочны өрөөнд тань байсан үзэсгэлэнтэй эмэгтэй гэнэт бар болчихвол та нар айхгүй гэж үү? Гэрийн тань бусад хүмүүс түүнийг алах болно. (Тийм.) Ойлгож байна уу? (Тийм.) Хариултаа авч чадав уу? (Тийм, Багш аа.) (Баярлалаа, Багш аа.)
