Өдөр бүр ямартай ч та нар бясалгахаасаа өмнө залбирах учиртай. (За, Багш аа.) “Сүнслэг хичээл зүтгэлийг минь тогтвортой байлгаж өгөөч. Бүх Диваажин, намайг адислаач.” (За, Багш аа.) “Оройн дээд Бурхан, Огторгуйн Ачит Төрөлтнүүд бүх Бурхад, хүчирхэг Бурхад Агуу Бурхад минь, сүнслэг тэвчээрээ хадгалахад минь, үзэл зорилгоо хадгалахад минь бусдад туслахын тулд хүчтэй байхад минь туслаач”
Асуултад нь хариулав уу, хайр аа? (Ахиад нэг байна.) За, асуугаарай.
(Дэлхий бүрэн веган болсон үед аура унших, телепат гэх мэт тэр бүх чадварууд хүмүүст эргээд ирэх үү?)
Өө, огтхон ч үгүй. Үгүй. Тэгвэл уг нь сайн. Тэгвэл сайн. Гэвч энэ бол их шуналтай хэлэлцээр байна, үгүй гэж үү? Хэдэн ногоо идчихээд бусад бүхнийг авна гэж үү? Бурхан минь, тэгдэг ч болоосой. Надад хүртэл тийм зүйл байгаагүй. Би олон олон, арван жил бясалган дадуулах хүртлээ ноход, амьтадтай урьд нь ярьж чаддаггүй байсан. (За, Багш аа.) (Хөөх.) Харин та нар зөвхөн веган болчхоод бүхнийг өөрт тань ирэхийг хүсээ юу? Эсвэл бусад бүгд? Хөөх, тэгдэг ч болоосой. Бурхан минь, Та сонсов уу? Үүнийг өгч чадах уу? Хүртэх гавьяатай байх ёстой, за юу? (За, Багш аа.) Бүх үхэр, шар, бүх туулай, бүх яст мэлхий гээд тэд бүгд веган. Тэдэнд та нарт байгаа шиг их зүйл байхгүй. Тэдэнд Арьяабалын Арга байхгүй.
Энэ бол байж болох хамгийн сайн бэлэг. (За, Багш аа.) Ямар ч эрин галавыг туулан өнгөрч байсан, бясалган дадуулах Арьяабалын Аргатай бол аз юм, учир нь энэ нь та нарт үүрдийн эрх чөлөөг баттай олгодог. Үүрдийн үүрд, үүрдийн мөнхөд гэтэлгэгдэх болно. Олон хүмүүс, лам, гэлэнмаа нар, номлогч нар насан туршдаа дадуулж, төрөл бүрийн наманчлал үйлдэж, төрөл бүрийн тав тухаас татгалзаж, хатуу шалан дээр унтаж, өдөрт нэг хооллож, эсвэл хоёр, гурван өдөрт нэг л хооллож, муухан хоол идэж, эсвэл бараг л юмс идэхгүй байж, хадаастай орон дээр унтаж, модноос нэг хөлөөрөө дүүжлэгдэж, эсвэл нэг хөл дээрээ зогсдог, байнга, хэзээд ч, мөн зуны үд дундын наранд хэр удаан хугацаагаар гэдгийг мэдэхгүй, урдаа гал асаадаг ч тэд та нартай харьцуулахад юу ч хүртдэггүй. За юу? (За, Багш аа.) Учир нь дадуулан бясалгасаар байвал гэтэлгэгдэх баталгаа тань үүнд оршдог. Энэ дэлхий дээрх хэнд ч та нарт байгаа зүйл байхгүй. Зөвхөн цагаан, веган хоол идээд авчихдаг юм биш. Үгүй, тэгвэл дэндүү, дэндүү, дэндүү сайхан. Тэгдэг бол бүх сармагчинд бүх зүйл байх байсан. Жимсэн хоолтнуудад хүртэл... веган хоолтнуудад байдаггүй. Тэдэнд энэ бүхэн байдаггүй. За? Адислал магадгүй хүртдэг байх. Сэтгэл нь амар амгалан байна. Өмнөх төрлийнх нь эсвэл энэ төрлийн өмнөх хагасын амьдралын үйлийн үр нь зөвшөөрвөл тэд хамгаалагдана. Эсвэл энэ төрлийн тогтсон үйлийн үр нь зөвшөөрвөл тэгнэ.
Учир нь энэ дэлхий дээр ирсэн хэн ч бай тогтсон үйлийн үртэй байх ёстой. Тэр, тэр, тэр, тэр зүйлсийг туулах ёстой байдаг. Гэхдээ өөрчлөх боломжтой, учир нь та нар Арьяабалын Аргаар бясалган дадуулдаг. Ингэснээр хэрвээ хүсвэл, хүчтэй хүсэл зорилготой болно. (За, Багш аа.) Гэвч бясалган дадуулахгүй бол мэдээж, та нар туулах ёстой бүхнээ туулна. Бясалган дадуулбал үйлийн үр тань багасна. Мөн хүчтэй үзэл зорилготойгоо хамтдаа, үзэл зорилго тань та нарын чиглүүлэгч юм. Үзэл зорилго тань хүчтэй байх ёстой, “Хүмүүс маш их зовж байна. Амьтад маш ихээр тамлуулж байна. Би өөрийгөө бодож болохгүй. Тэдэнд туслахын тулд би үүнийг хийх ёстой, аль чадахаараа. Үхэх байлаа ч аль чадахаараа би хийх болно.” гэсэн үзэл зорилготой байх ёстой. Ийм байдлаар та бүхэн өөрсдийн замаа залдаг. (За, Багш аа.)
Энэ олон арван жил би та нарт хэдийнээ заасан. Та нар юу зөв, юу буруу вэ гэдгийг мэднэ. Би ахиж заахгүй. Хүсэхгүй байна. Та нар хэдийнээ мэднэ. Та нар бол өөрсдийнхөө удирдагч. Өөрсдийнхөө их багш. Өөрсдөө хий. Тэгэхээр та нарын түрүүн орхиод явсан хүмүүсийн тухай асуултын хувьд гэвэл тэд сул дорой, за юу? (За, Багш аа.) Магадгүй тэд сайн бясалган дадуулдаггүй байх, эсвэл хангалттай үзэл зорилго, идеалист сэтгэлгээ байхгүй байх. (За, Багш аа.) Мэдээж, орхиод явсан тэр хүмүүсийг би ойлгож байна. Тэд ганхсан гэдгийг би ойлгож байна. За юу? Тэд тулаанд ялагдсан гэх мэт. Би байнга уучилдаг. Уучлах нь илүү хөнгөн байдаг учраас дургүйлхэн хорсохоос дээр байдаг. Сэтгэлийг дээрдүүлдэг. (За.) Би уучлахгүй байхыг огт дургүй. Уучлах нь шийтгэхээс илүү хялбар. За юу? (За, Багш аа.)
За. Би асуултуудад тань хариулав уу? (Тийм, Багш аа.) Ямар нэг зүйлээс хоцров уу? Эсвэл миний дэлгэрүүлж хэлэх ёстой өөр зүйл байна уу? (Үнэхээр сайхан, гүйцэт хариуллаа, Багш аа. Баярлалаа Танд.) За, хайраа.
(Багш аа, саяхан та залбирлын талаар мөн гэрээний талаар дурдсан юм чинь,) За? (залбирлын хүч хэрхэн үйлчилдэг вэ? Гэрээнээс болоод диваажин хүмүүст туслах боломжгүй байдаг уу? Тийм учраас бид залбирвал Диваажинд үүнд оролцох шалтаг гардаг юм уу?)
Тийм. Учир нь бид хамтдаа хүмүүс Эсвэл зүгээр л хамаатнууд гэж болно, эсвэл хамтдаа хүмүүс. Бид бүгд холбоотой, бид бүгд нэг дэлхий дээр байх, эсвэл нэг улс оронд хамт байх барилдлагатай. Энэ бол бидэнд урьд төрөлд байсан барилдлага. Тийм учраас Аулак (Вьетнам) эсвэл Хятадад эсвэл Германд, эсвэл Америкт хамтдаа бид нэг газар төрсөн. Тиймээс залбирч болно. Учир нь залбирах үед Диваажинтай илүү холбогддог. (За, Багш аа.) Тиймээс Диваажингийн хүч та нартай холбогдож, та нар руу урсан орох боломжтой, мөн та нар бусад хүмүүстэй барилдлагатай учраас тэр хүчийг дамжуулах боломжтой, яагаад гэвэл түүнд байдаггүй, эсвэл тэрхэн мөчид байдаггүй. Сул дорой, (За, Багш аа.) үйлийн үрд идэгдсэн, эсвэл эсрэг тэсрэг байдаг. Тиймээс одоо байгаа илүү хүчээ хуваалцах боломжтой. Үгүй бол, та нарт хангалттай илүү хүч байдаггүй.
Жишээ нь мөнгөгүй бол найздаа туслахыг хүслээ ч тусалж чадахгүй. Өгөхийн тулд илүү мөнгөтэй байх ёстой. (За, Багш аа.) Тийм. Ингэхийн тулд, нэг бол хадгаламжид тань байх юм уу, банк явна. Банктай холбогдож, кредит картаар ч юм уу мөнгөө авна. Залбирлын утга нь ийм юм. Материаллаг байдлаар яривал ийм. Ойлгов уу? (Тийм, Багш аа.) Ойлгогдож байна уу? (Тийм, Багш аа. Баярлалаа, Багш аа.) За. Тэгэхээр, хэрэв банк явахгүй бол, ажиллахгүй бол, хадгаламжгүй бол хүссэн хэндээ ч та нар тусалж чадахгүй. За юу? (За.) Үүнтэй адилаар та нар залбирахгүй бол, тэр хүнд өгөх нэмэлт хүчгүй байна. Эсвэл залбирал гэдэг нь яг л хандив босгох үйл ажиллагаатай адилхан, эсвэл сан эсвэл байгууллага эсвэл сан байгуулж бусдаас санхүүгээр туслахыг гуйхтай адилхан. Тэд тэр санд тань эсвэл хандив босгох дансанд тань хандив хийж, тэгээд та нар түүгээр бусдад тусалдаг, яагаад гэвэл та нарт туслахыг хүссэн хүн амьтдадаа туслах хангалттай мөнгө байхгүй. Илүү ойлгогдож байна уу? (За, Багш аа.)
Өдөр бүр ямартай ч та нар бясалгахаасаа өмнө залбирах учиртай. (За, Багш аа.) “Сүнслэг хичээл зүтгэлийг минь тогтвортой байлгаж өгөөч. Бүх Диваажин, намайг адислаач.” (За, Багш аа.) “Оройн дээд Бурхан, Огторгуйн Ачит Төрөлтнүүд бүх Бурхад, хүчирхэг Бурхад Агуу Бурхад минь, сүнслэг тэвчээрээ хадгалахад минь, үзэл зорилгоо хадгалахад минь бусдад туслахын тулд хүчтэй байхад минь туслаач” (За, Багш аа.) гэж залбираарай. Энэ бол өмнөх залбирал. Дараа нь та нар, “Бүх тусламжид Тань баярлалаа.” гэж бясалгалын дараа, эсвэл ямар ч үед хэлээрэй. Би зөвхөн бясалгахдаа ч биш байнга талархдаг. Энэ бие махбодод байгаа үед надад тусламж хэрэгтэй. Тэд хийж чадахгүй бол мэдээж би хийх ёстой болдог. Энэ нь мөн надад төлөөстэй. Гэвч хамаагүй, би хийх ёстой зүйлээ хийх ёстой, зүгээр. Зүгээр, инэгэх дуртай. Эргэн тойронд байгаа энэ хүчтэй чөтгөрүүдийг бусад хүмүүст илүү хохирол учруулаад байхыг зөвшөөрч чадахгүй. Тэд хүмүүсээр дамжуулан ажилладаг. Аль илүү эрх мэдэлтэй хүн дээр тэд ажиллахыг хүсдэг. Тэгэхээр нэг чөтгөр нэг хүнийг эзэгнэхийг оролддог бол удирдагчийн хувьд тэд илүүг илгээдэг. (За, Багш аа.) Гурав, дөрөв, тавыг. Азаар би тэдний ихэнхийг нь доош аваачсан. Тэгээгүй бол илүү үймээн самуун гарах байсан юм. За юу? (За, Багш аа.)
Аа, тийм. Одоо... Тэр юу асуусан билээ? (Зөвхөн залбирлын тухай л байсан юм, баярлалаа Танд. Та хариулчихсан, Багш аа.) Бясалгалын хүч тань ... хангалттай... хэрэв миний хэлсэн аргаар бясалгадаг бол хангалттай. Багадаа өдөрт гурван удаа. Мөн унтахаасаа өмнө бясалга. Орон дээрээ суугаад эсвэл буйдан дээрээ суугаад бясалгаарай. Эрмэг дээр нь биш хананы дэргэд суугаарай. Өөрийгөө унагахгүй, цэх байлгах хангалттай самади-гийн хүчтэй гэж бүү бодоорой. Би шаланд тань санаа зовж байна. Цуурч мэднэ. Өдөр тутмын тань бясалгал та нарт хангалттай. Мөн та нар Суприм Мастер ТВ-д ажилладаг учраас та нар өөрсдийгөө халхлах жаахан нэмэлт буян хүртдэг. (За, Багш аа.) Гэвч бусдад туслахыг хүсвэл хэн нэгний төлөө залбирах учиртай гэж бодвол залбираарай. (За, Багш аа.) Тэр хүнд Бурхан тусална гэж илүү залбираарай, тэр хүн шударга, сайн, бидэнд болон дэлхийд сайн учраас юмсыг түүнд зөвөөр эргүүлж өгнө үү гэж залбираарай.
(Багш аа, КОВИД-19-ийн вирус тусаж өвчилсөн хүн вируст байгаа амьтдын сүнснээс чин сэтгэлээсээ уучлал хүсвэл энэ нь амьтдын сүнсэнд болон халдвар авсан хүндээ ямар нэг байдлаар тустай юу?)
Нөхцөл байдлаас хамаарна. Мал нядалгааны газраас өмнө нь гарсан, тэр бүх вирус хэдийнээ олон жил болчихсон... зөвхөн энэ удаагийнх ч биш, одоогийнх байх албагүй, (За.) тэдгээр вирус магадгүй хэдийнээ өөр өөр төрөл авсан байх магадлалтай. Тэгээд энэ удаад шүүлтийн сүүлийн цаг үе учраас Диваажин үүнийг зөвшөөрсөн. Энэ бас маяатай өмнө нь хийсэн гэрээ юм. (За, Багш аа.) Тэд өшөө авахыг зөвшөөрсөн. (Өө. Тийм ээ, За.) Харин халдвар авсан хүмүүсийн хувьд, хэдийнээ буян ба үнэ цэнэ, ... юу ч бай тэр нь хэдийнээ шавхагдчихсан учраас тэдний амьдрал тийм зовлонтой байх учиртай. Тэдэнд энэ вируст зөрүүлж өгөх юу ч байдаггүй. Ойлгож байна уу? (Тийм, Багш аа.) Учир нь манай гарагийн энэ цаг үе бол хүн төрөлхтөнд хэдийнээ ирчихсэн байгаа сүүлчийн шүүлтийн үе.
Би олон арван жилийн турш анхааруулсан ч хэн ч сонсоогүй эсвэл маш цөөн хүн сонссон. Хэрвээ тэд эргэсэн бол энэ байдлаас урьдчилан сэргийлж чадах байлаа. Эсвэл маш бага зовох байсан. Тиймээс энэ хүмүүс маш их, аль хэдийн маш хүнд болсон үйлийн үрийг тээж яваа. Тэдний цаг хугацаа болжээ. Тэдэнд санал болгох зүйл алга. Хэрвээ тэдэнд санал болгох зүйл байвал мэдээж оролдоод үзэж болно. Хэрвээ тэд үйлийн үрийн тухай мэддэг, итгэдэг бол мэдээж залбирч болно. Тэд бас залбирч болно. Гэхдээ энэ амар биш. Тэд эдгээр сүнснүүдтэй шууд ингээд хэлэлцэж чадахгүй. Өндөр сүнслэг дэстэй хүмүүс, өнгөрсөн ба одоо үеийн Их Багшаар, эсвэл гэтэлж туулсан хүн амлалтыг нь (За, Багш аа.) гэрчилж байж хийгдэх ажил. Тэр хүн хэдийгээр вирусийн сүнсийг өөрөө харахгүй байлаа ч дотоод сэтгэлдээ ингэж хэлж болно “Би танд ямар нэгэн хор учруулсан бол, таныг алсан бол, аль эсвэл таныг өөрийн тоомжиргүй зангаасаа болж тамлан зовоосон бол намайг уучилж өршөөгөөрэй. Хэрвээ амьд үлдвэл би өөрчлөгдөнө. Би тусалж чадна. Би амьтдад туслах болно. Бас зөв замыг сонгон буян хурааж, хэн нэгэн Их Багшийг дагах ба үүгээрээ буян хурааж чадвал түүнийгээ тантай хуваалцах болно. Тэгээд та энэ орчлонгоос чөлөөлөгдөх болно.” Тэгвэл, тэд хийж чадна. Тэгвэл тэд чөлөөлөгдөж чадна. Ойлгов уу? (Тийм ээ, Багш аа.)
Диваажин, Их Багшийн хүч аль хэдийн маш их оролцсон, үнэхээр их оролцсон. Түүний явах цаг болчихсон л бол тэр явах л хэрэгтэй болно. Хэлэх гэснийг минь ойлгов уу? (Тийм ээ, Багш аа.) Хэрэв амьдрах хугацаа байгаа л бол Их Багш тэднийг үхүүлэхгүй. Оролцож тохиролцоно. Миний хэлж байгааг ойлгов уу? (Тийм, Багш аа.) Чин сэтгэлээсээ гэмээ наманчлах юм бол тэр хүний сүнстэй тохиролцдог. Тэгвэл ямартай ч тустай. Гэвч тэр хүн эргэж ирээд нөгөө л зүйлээ ахин хийвэл, ахиад л мунхаг байж, “Өө, надад юу ч болсонгүй” гэж хэлбэл... түүний сүнс нь ойлгосон ч бодол оюун нь ойлгохгүй, тэр, “Өө, тэр эргэж ирээд, нөгөө л зүйлээ хийж болно, сая болсон зүйл бол амархан байлаа. Би хэдхэн өдөр, нэг, хоёр 7 хоног, нэг сар л өвдөөд одоо зүгээр болсон.” гэж бодвол Тэд тангаргаа мартсан байна. Амлалтаа мартсан гэсэн үг бөгөөд тэд ахиад өвчилнө. Эсвэл тэдэнд ямар нэг зүйл болно. Тэгвэл тэд ахиад зовно. Диваажин мэдэх учраас чин сэтгэлээсээ байх ёстой.
