ਪ੍ਰਮਾਤਮਾ ਨਾਲ ਇੱਕ ਮਿੰਟ ਤੋਂ ਵੀ ਘੱਟ ਸਮੇਂ ਵਿੱਚ ਸੰਪਰਕ ਕਿਵੇਂ ਕਰੀਏ, ਛੇ ਹਿਸਿਆਂ ਛੇਵਾਂ ਦੂਸਰਾ ਭਾਗ

ਸੋ ਇਹ ਬਹੁਤ, ਬਹੁਤ, ਬਹੁਤ ਮਹੱਤਵਪੂਰਨ ਹੈ ਕਿ ਤੁਸੀਂ ਆਪਣਾ ਭਵਿੱਖ ਉਦੋਂ ਹੀ ਚੁਣੋ ਜਦੋਂ ਤੁਸੀਂ ਅਜੇ ਵੀ ਭੌਤਿਕ ਸਰੀਰ ਵਿੱਚ ਜ਼ਿੰਦਾ ਹੋ। ਕਿਰਪਾ ਕਰਕੇ ਗਿਆਨ ਦੀ ਚੋਣ ਕਰੋ। ਕਿਰਪਾ ਕਰਕੇ ਜਿਸ ਵੀ ਤਰੀਕੇ ਨਾਲ ਤੁਸੀਂ ਕਰ ਸਕਦੇ ਹੋ, ਪ੍ਰਮਾਤਮਾ ਨੂੰ ਚੁਣੋ। ਤੁਹਾਨੂੰ ਹਮੇਸ਼ਾ ਪ੍ਰਮਾਤਮਾ ਅੱਗੇ ਪ੍ਰਾਰਥਨਾ ਕਰਨੀ ਚਾਹੀਦੀ ਹੈ, ਪ੍ਰਮਾਤਮਾ ਨੂੰ ਯਾਦ ਰੱਖਣਾ ਚਾਹੀਦਾ ਹੈ, ਪ੍ਰਮਾਤਮਾ ਦੀ ਉਸਤਤ ਕਰਨੀ ਚਾਹੀਦੀ ਹੈ। ਅਤੇ ਸਭ ਤੋਂ ਵੱਧ, ਵੀਗਨ ਬਣੋ। ਮੈਨੂੰ ਪਤਾ ਹੈ ਕਿ ਤੁਸੀਂ ਇਹ ਬਹੁਤ ਸੁਣਿਆ ਹੋਵੇਗਾ, ਪਰ ਮੈਂ ਇਸ ਗੱਲ 'ਤੇ ਜ਼ੋਰ ਨਹੀਂ ਦੇ ਸਕਦੀ ਕਿ ਇਹ ਤੁਹਾਡੇ ਲਈ ਕਿੰਨਾ ਮਹੱਤਵਪੂਰਨ ਹੈ।

ਜੇਕਰ ਤੁਸੀਂ ਕਿਸੇ ਦੇ ਖੂਨ ਦਾ ਕਰਜ਼ਾ ਨਹੀਂ ਲੈਂਦੇ, ਤਾਂ ਤੁਸੀਂ ਇਸਨੂੰ ਚੁਕਾਉਣ ਲਈ ਆਪਣਾ ਖੂਨ ਵੱਖ-ਵੱਖ ਤਰੀਕਿਆਂ ਨਾਲ ਨਹੀਂ ਵਹਾਓਗੇ। ਅਤੇ ਜੇਕਰ ਇਹ ਬਹੁਤ ਜ਼ਿਆਦਾ ਖੂਨ ਦਾ ਕਰਜ਼ਾ ਹੈ, ਤਾਂ ਤੁਹਾਨੂੰ ਜੰਗ ਝੱਲਣ ਲਈ, ਜ਼ਰੂਰੀ ਨਹੀਂ ਕਿ ਮਨੁੱਖੀ ਰੂਪਾਂ ਵਿੱਚ, ਪਰ ਕਿਸੇ ਹੋਰ ਰੂਪ ਵਿੱਚ, ਵਾਰ-ਵਾਰ ਵੱਖ-ਵੱਖ ਰੂਪਾਂ ਵਿੱਚ, ਪੁਨਰਜਨਮ ਲੈਣਾ ਪਵੇਗਾ। ਅਤੇ ਨਰਕ ਵਿੱਚ ਵੀ, ਤੁਹਾਡਾ ਕੋਈ ਸਰੀਰਕ ਰੂਪ ਨਹੀਂ ਹੈ, ਪਰ ਤੁਹਾਡਾ ਪਿੱਛਾ ਕੀਤਾ ਜਾਵੇਗਾ, ਤੁਹਾਨੂੰ ਮਾਰਿਆ ਜਾਵੇਗਾ, ਤੁਹਾਨੂੰ ਵੱਖ-ਵੱਖ ਤਰੀਕਿਆਂ ਨਾਲ ਤਸੀਹੇ ਦਿੱਤੇ ਜਾਣਗੇ। ਅਤੇ... ਇਸ ਬਾਰੇ ਗੱਲ ਕਰਨ ਲਈ ਇਹ ਬਹੁਤ ਜ਼ਿਆਦਾ ਹੈ। ਇਹ ਮੈਨੂੰ ਦਰਦ ਦਿੰਦਾ ਹੈ।

ਤਾਂ ਹੁਣ ਤੁਸੀਂ ਜਾਣਦੇ ਹੋ, ਇਸ ਜੀਵਨ ਕਾਲ ਵਿੱਚ ਜਦੋਂ ਤੱਕ ਅਸੀਂ ਅਜੇ ਵੀ ਜ਼ਿੰਦਾ ਹਾਂ, ਕਿਰਪਾ ਕਰਕੇ ਧਿਆਨ ਰੱਖੋ ਕਿ ਤੁਸੀਂ ਧਰਤੀ ਨਾਲ ਕਿਵੇਂ ਪੇਸ਼ ਆਉਂਦੇ ਹੋ, ਤੁਸੀਂ ਇਸ 'ਤੇ ਕਿਵੇਂ ਚੱਲਦੇ ਹੋ, ਅਤੇ ਧਿਆਨ ਰੱਖੋ ਕਿ ਪ੍ਰਮਾਤਮਾ ਨੂੰ ਕਦੇ ਨਾ ਭੁੱਲੋ। ਹਮੇਸ਼ਾ ਪ੍ਰਮਾਤਮਾ ਨੂੰ ਯਾਦ ਰੱਖੋ। ਪ੍ਰਮਾਤਮਾ ਤੁਹਾਡਾ ਇੱਕੋ ਇੱਕ ਸੱਚਾ ਪਿਤਾ ਅਤੇ ਮਾਤਾ ਹੈ, ਅਤੇ ਉਹ ਸਭ ਕੁਝ ਜਿਸਦੀ ਤੁਹਾਨੂੰ ਕਦੇ ਲੋੜ ਹੈ। ਤੁਹਾਡਾ ਵਜੂਦ ਪ੍ਰਮਾਤਮਾ ਦਾ ਹੈ। ਅਤੇ ਜੇ ਤੁਸੀਂ ਇਸ ਤੋਂ ਇਨਕਾਰ ਕਰਦੇ ਹੋ, ਤਾਂ ਤੁਸੀਂ ਗੁਆਚ ਜਾਓਗੇ, ਕੁਚਲੇ ਜਾਓਗੇ, ਸਾੜ ਦਿੱਤੇ ਜਾਓਗੇ, ਤਸੀਹੇ ਦਿੱਤੇ ਜਾਣਗੇ, ਨਰਕ ਵਿੱਚ ਜਾਂ ਸਰੀਰਕ ਰੂਪ ਵਿੱਚ, ਵੱਖ-ਵੱਖ ਹੋਰ ਰੂਪਾਂ ਵਿੱਚ ਦੁੱਖ ਝੱਲੋਗੇ।

ਕਈ ਹੋਰ ਰੂਪ, ਕਈ ਹੋਰ ਭੌਤਿਕ ਰੂਪ ਜਿਨ੍ਹਾਂ ਵਿੱਚ ਤੁਸੀਂ ਦੁੱਖ ਝੱਲਣ ਜਾਂ ਕੁਝ ਥੋੜ੍ਹਚਿਰੀ ਖੁਸ਼ੀ ਪ੍ਰਾਪਤ ਕਰਨ ਲਈ ਅਵਤਾਰ ਧਾਰਨ ਕਰ ਸਕਦੇ ਹੋ। ਪਰ ਇਹ ਸਭ ਇੱਕ ਭਰਮ ਹੈ। ਇਹ ਭੌਤਿਕ ਸੰਸਾਰ ਇੱਕ ਭਰਮ ਹੈ। ਮੇਰੇ ਲਈ ਭੌਤਿਕ ਸੰਸਾਰ ਵਿੱਚ ਵੱਖ-ਵੱਖ ਤਰੀਕਿਆਂ ਨਾਲ ਧਿਆਨ ਕੇਂਦਰਿਤ ਕਰਨਾ ਮੁਸ਼ਕਲ ਹੈ। ਨਹੀਂ ਤਾਂ, ਜੇ ਮੈਂ ਇਸਨੂੰ ਛੱਡ ਦਿੰਦਾ ਹਾਂ, ਤਾਂ ਮੈਂ ਇਸ ਗਿਆਨ ਵਿੱਚ ਬਹੁਤ ਡੂੰਘਾ ਚਲੀ ਜਾਵਾਂਗੀ ਕਿ ਇਹ ਸੰਸਾਰ ਭਰਮ ਹੈ। ਕੁਝ ਵੀ ਅਸਲੀ ਨਹੀਂ ਹੈ। ਅਤੇ ਮੈਂ ਤੁਹਾਨੂੰ ਕੁਝ ਵੀ ਸਿਖਾਉਣ ਦੇ ਯੋਗ ਨਹੀਂ ਹੋਵਾਂਗੀ। ਮੈਂ ਤੁਹਾਡੀ ਕਿਸੇ ਵੀ ਤਰ੍ਹਾਂ ਮਦਦ ਕਰਨ ਲਈ ਇਸ ਧਰਤੀ 'ਤੇ ਰਹਿ ਨਹੀਂ ਸਕਾਂਗੀ।

ਜਦੋਂ ਮੈਂ ਇਸ ਗ੍ਰਹਿ 'ਤੇ ਰਹਿੰਦੀ ਹਾਂ, ਮੇਰੇ ਕੋਲ ਅਜੇ ਵੀ ਬਹੁਤ ਸਾਰੇ ਹੋਰ ਸਰੀਰ ਹਨ ਅਤੇ ਮੇਰੀ ਆਤਮਾ ਪੂਰੀ ਤਰ੍ਹਾਂ ਆਜ਼ਾਦ ਹੈ, ਹਰ ਚੀਜ਼ ਦੀ, ਪੂਰੇ ਬ੍ਰਹਿਮੰਡ ਦੀ ਨਿਗਰਾਨੀ ਕਰ ਰਹੀ ਹੈ । ਸੋ ਮਦਦ ਹਰ ਥਾਂ ਪਹੁੰਚਾਈ ਜਾ ਸਕਦੀ ਹੈ। ਮੇਰੀ ਆਤਮਾ ਸਰੀਰ ਵਿੱਚ ਨਹੀਂ ਹੈ। ਇਸੇ ਲਈ ਮੈਂ ਕਿਤੇ ਵੀ ਹੋਣ ਲਈ ਬਹੁਤ ਆਜ਼ਾਦ ਹਾਂ, ਕਿਉਂਕਿ ਤੁਸੀਂ ਇਸਨੂੰ ਆਪਣੇ ਘਰ ਵਿੱਚ ਵੀ ਦੇਖ ਸਕਦੇ ਹੋ। ਪੈਰੋਕਾਰ, ਜਾਂ ਗੈਰ-ਪੈਰੋਕਾਰ ਵੀ, ਤੁਹਾਡੇ ਪਰਿਵਾਰ ਦੇ ਮੈਂਬਰ ਜਾਂ ਤੁਹਾਡੇ ਦੋਸਤ ਵੀ ਕਈ ਵਾਰ ਮੇਰਾ ਰੂਪ ਦੇਖ ਸਕਦੇ ਹਨ, ਪ੍ਰਕਾਸ਼ ਦਾ ਪ੍ਰਗਟ ਰੂਪ ਜੋ ਮੁਕਤ ਹੋ ਸਕਦੀ ਹੈ। ਆਤਮਾ ਕੁਝ ਵੀ ਕਰ ਸਕਦੀ ਹੈ। ਮੇਰੀ ਆਤਮਾ ਕੁਝ ਵੀ ਕਰ ਸਕਦੀ ਹੈ, ਕਿਤੇ ਵੀ ਪ੍ਰਗਟ ਹੋ ਸਕਦੀ ਹੈ, ਅਤੇ ਇਹ ਉਸ ਵੱਡੀ, ਮਹਾਨ ਆਤਮਾ ਨਾਲ ਜੁੜੀ ਹੋਈ ਹੈ, ਸੋ ਮੈਂ ਕਿਸੇ ਦੀ ਵੀ ਮਦਦ ਕਰ ਸਕਦੀ ਹਾਂ, ਭਾਵੇਂ ਕੋਈ ਇਸਨੂੰ ਨਾ ਦੇਖ ਸਕੇ, ਪਰ ਕਈ ਵਾਰ ਉਨ੍ਹਾਂ ਦੇ ਨਾਲ ਜਾਂ ਘਰ ਵਿੱਚ ਮੌਜੂਦ ਹੋਰ ਲੋਕ ਇਸਨੂੰ ਦੇਖ ਸਕਦੇ ਹਨ।

ਸਾਡੇ ਪਿਆਰੇ ਸਤਿਗੁਰੂ ਜੀ ਨੂੰ, ਅਸੀਂ ਕਾਮਨਾ ਕਰਦੇ ਹਾਂ ਕਿ ਸਤਿਗੁਰੂ ਜੀ ਠੀਕ ਠਾਕ ਰਹਿਣ ਅਤੇ ਸਵਰਗ ਦੀ ਬਖਸ਼ਿਸ਼ ਨਾਲ ਚੰਗੀ ਸਿਹਤ ਪ੍ਰਾਪਤ ਕਰਨ। ਮੈਂ ਅਤੇ ਮੇਰਾ ਪਤੀ ਲਵਿੰਗ ਹੱਟ ਲਿਚਫੀਲਡ ਪਾਰਕ ਦੇ ਮਾਲਕ ਹਾਂ। ਅਸੀਂ ਪਿਛਲੇ ਸੱਤ ਸਾਲਾਂ ਤੋਂ ਕੰਮ ਕਰ ਰਹੇ ਹਾਂ ਅਤੇ ਕਾਰੋਬਾਰ ਵਧੀਆ ਚੱਲ ਰਿਹਾ ਹੈ। ਜੂਨ 2023 ਦੇ ਮਹੀਨੇ ਦੌਰਾਨ, ਸਤਿਗੁਰੂ ਜੀ ਦਾ ਪ੍ਰਕਾਸ਼ਮਾਨ ਪ੍ਰਗਟ ਸਰੀਰ ਕੰਮ ਦੇ ਘੰਟਿਆਂ ਦੌਰਾਨ ਕਈ ਵਾਰ ਸਾਡੀ ਲਵਿੰਗ ਹੱਟ ਵਿੱਚ ਆਇਆ। ਮੁੱਖ ਤੌਰ 'ਤੇ, ਸਤਿਗੁਰੂ ਜੀ ਬਹੁਤ ਜਲਦੀ ਆਉਂਦੇ ਅਤੇ ਚਲੇ ਜਾਂਦੇ ਸਨ ਕਿਉਂਕਿ ਸਤਿਗੁਰੂ ਜੀ ਸਿਰਫ਼ ਇਹ ਦੇਖਣਾ ਚਾਹੁੰਦੇ ਸਨ ਕਿ ਸਾਡੀ ਲਵਿੰਗ ਹੱਟ ਕਿਵੇਂ ਚੱਲ ਰਹੀ ਹੈ।

ਹਾਲਾਂਕਿ, ਜਦੋਂ ਆਖਰੀ ਵਾਰ ਸਤਿਗੁਰੂ ਜੀ ਆਏ ਸਨ, ਸਤਿਗੁਰੂ ਜੀ ਮੇਰੇ ਨਾਲ ਗੱਲ ਕਰਨ ਲਈ ਕੁਝ ਦੇਰ ਹੋਰ ਰੁਕੇ ਸਨ। ਸਤਿਗੁਰੂ ਜੀ ਸਾਰੇ ਚਿੱਟੇ ਕੱਪੜੇ ਪਹਿਨੇ ਹੋਏ ਪ੍ਰਗਟ ਹੋਏ, ਜਦੋਂ ਮੈਂ ਖਾਣਾ ਬਣਾ ਰਹੀ ਸੀ ਤਾਂ ਮੇਰੇ ਸੱਜੇ ਪਾਸੇ ਖੜ੍ਹੇ ਸਨ, ਅਤੇ ਅਸੀਂ ਇੱਕ ਛੋਟੀ ਜਿਹੀ ਗੱਲਬਾਤ ਕੀਤੀ। ਮੈਂ ਸਤਿਗੁਰੂ ਜੀ ਨਾਲ ਸਾਂਝਾ ਕੀਤਾ ਕਿ, ਮੌਜੂਦਾ ਵਿਸ਼ਵ ਸਥਿਤੀ ਨੂੰ ਦੇਖਦੇ ਹੋਏ, ਜੇ ਅਸੀਂ ਕੁਝ ਨਹੀਂ ਕੀਤਾ, ਤਾਂ ਸਾਰੇ ਲਵਿੰਗ ਹੱਟਸ ਮੁਸੀਬਤ ਵਿੱਚ ਪੈ ਜਾਣਗੇ ਕਿਉਂਕਿ ਇਹ ਕਾਰੋਬਾਰਾਂ ਲਈ ਬਚਣਾ ਬਹੁਤ ਮੁਸ਼ਕਲ ਸਮਾਂ ਹੈ। ਅਤੇ ਸਤਿਗੁਰੂ ਜੀ ਨੇ ਜਵਾਬ ਦਿੱਤਾ, "ਸ਼ਾਇਦ ਤੁਹਾਡਾ ਪਤੀ ਅਜੇ ਵੀ ਲਵਿੰਗ ਹਟਸ ਨੂੰ ਬਚਾ ਸਕਦਾ ਹੈ; ਉਸ ਕੋਲ ਬਿਜ਼ਨਸ ਦੀ ਡਿਗਰੀ ਹੈ।"

ਇਹ ਕਹਿ ਕੇ ਸਤਿਗੁਰੂ ਜੀ ਚਲੇ ਗਏ। ਇਸ ਤੱਥ ਨੂੰ ਭੁੱਲ ਜਾਣ ਤੋਂ ਬਾਅਦ, ਅਗਲੇ ਦਿਨ ਮੈਂ ਆਪਣੇ ਪਤੀ ਨੂੰ ਪੁੱਛਿਆ ਕਿ ਕੀ ਉਸ ਕੋਲ ਕੋਈ ਕਾਰੋਬਾਰੀ ਡਿਗਰੀ ਹੈ, ਜਿਸ 'ਤੇ ਉਸਨੇ ਪੁਸ਼ਟੀ ਕੀਤੀ ਕਿ ਅਸਲ ਵਿੱਚ ਉਸ ਕੋਲ ਅੰਤਰਰਾਸ਼ਟਰੀ ਵਪਾਰ ਪ੍ਰਬੰਧਨ ਵਿੱਚ ਐਮਬੀਏ ਹੈ। ਮੈਂ ਆਪਣੇ ਪਤੀ ਨਾਲ ਗੱਲ ਕੀਤੀ, ਅਤੇ ਉਹ ਸਹਿਮਤ ਹੋਏ ਕਿ ਉਹ ਲਵਿੰਗ ਹਟਸ ਦੀ ਮਦਦ ਕਰਨਾ ਪਸੰਦ ਕਰਨਗੇ। ਹਾਲਾਂਕਿ, ਉਸਨੂੰ ਲੱਗਦਾ ਹੈ ਕਿ ਉਸਨੂੰ ਸੱਚਮੁੱਚ ਸਤਿਗੁਰੂ ਜੀ ਦੀ ਪ੍ਰਵਾਨਗੀ ਅਤੇ ਮਾਰਗਦਰਸ਼ਨ ਦੀ ਲੋੜ ਹੈ। ਅਸੀਂ ਲਵਿੰਗ ਹਟਸ ਪ੍ਰਤੀ ਤੁਹਾਡੀ ਦੇਖਭਾਲ ਅਤੇ ਚਿੰਤਾ ਲਈ ਸਤਿਗੁਰੂ ਜੀ ਦਾ ਦਿਲੋਂ ਧੰਨਵਾਦ ਕਰਦੇ ਹਾਂ। ਅਸੀਂ ਚਾਹੁੰਦੇ ਹਾਂ ਕਿ ਸਾਰੇ ਲਵਿੰਗ ਹੱਟ ਵਧਣ ਅਤੇ ਖੁਸ਼ਹਾਲ ਹੋਣ ਤਾਂ ਜੋ ਅਸੀਂ ਮਨੁੱਖਤਾ ਦੀ ਸੇਵਾ ਕਰਦੇ ਰਹਿ ਸਕੀਏ। ਫਿਨਿਕਸ, ਐਰੀਜ਼ੋਨਾ, ਯੂਐਸਏ ਤੋਂ ਤੁਹਾਡਾ ਪੈਰੋਕਾਰ, ਨੇਰੀਆ

ਪਿਆਰੇ ਪਰਮ ਸਤਿਗੁਰੂ ਚਿੰਗ ਹਾਈ ਜੀ ਅਤੇ ਸੁਪਰੀਮ ਮਾਸਟਰ ਟੀਵੀ ਟੀਮ ਦੇ ਮੈਂਬਰ, [...] ਮੈਂ ਤੁਹਾਡੀ ਮੌਜੂਦਗੀ ਦੇ ਸੰਬੰਧ ਵਿੱਚ ਹੋਏ ਕੁਝ ਡੂੰਘੇ ਅਨੁਭਵ ਵੀ ਸਾਂਝੇ ਕਰਨਾ ਚਾਹਾਂਗਾ, ਪਰਮ ਸਤਿਗੁਰੂ ਚਿੰਗ ਹਾਈ ਜੀ। ਬੇਨਿਨ ਵਿੱਚ ਇੱਕ ਦੀਖਿਆ ਸਮਾਰੋਹ ਤੋਂ ਕੁਝ ਹਫ਼ਤੇ ਪਹਿਲਾਂ, ਮੈਂ ਆਪਣੇ ਅੰਦਰੂਨੀ ਦ੍ਰਿਸ਼ਟੀਕੋਣ ਵਿੱਚ ਤੁਹਾਡਾ ਪਾਰਗਾਮੀ ਸਰੀਰ ਨੂੰ ਇੱਕ ਸ਼ਾਹੀ ਚਿੱਟੇ ਚੋਲੇ ਵਿੱਚ ਪਹਿਨੇ ਹੋਏ ਅਤੇਤਾਜ ਪਹਿਨੇ ਹੋਏ ਦੇਖਿਆ। ਤੁਹਾਡੀ ਮੌਜੂਦਗੀ ਸ਼ਾਨਦਾਰ ਸੀ, ਇੱਕ ਸ਼ੁੱਧ ਚਿੱਟੀ ਰੋਸ਼ਨੀ ਜੋ ਆਪਣੇ ਰਸਤੇ ਵਿੱਚ ਹਰ ਚੀਜ਼ ਨੂੰ ਸ਼ੁੱਧ ਕਰ ਰਹੀ ਸੀ।

ਦੀਖਿਆ ਵਾਲੇ ਦਿਨ, ਜਦੋਂ ਮੈਂ ਧਿਆਨ ਨਾਲ ਸੈਂਟਰ ਵੱਲ ਗੱਡੀ ਚਲਾ ਰਿਹਾ ਸੀ, ਤਾਂ ਮੈਂ ਸੂਰਜ ਦੀ ਚਮਕਦਾਰ ਰੌਸ਼ਨੀ ਵਿੱਚੋਂ ਤੁਹਾਡੀ ਸਰੀਰਕ ਮੌਜੂਦਗੀ ਦੇਖੀ, ਜੋ ਸਾਡੇ ਮਾਰਗ ਨੂੰ ਰੌਸ਼ਨ ਕਰ ਰਹੀ ਸੀ ਅਤੇ ਸਾਨੂੰ ਇਸਦੀ ਬ੍ਰਹਮ ਰੌਸ਼ਨੀ ਵਿੱਚ ਘੇਰ ਰਹੀ ਸੀ। ਇੱਕ ਹੈਰਾਨੀਜਨਕ ਗੱਲ ਵਾਪਰੀ: ਸੈਂਟਰ ਤੱਕ ਪਹੁੰਚਣ ਦੀ ਦੂਰੀ ਘੱਟਦੀ ਜਾਪ ਰਹੀ ਸੀ ਅਤੇ ਅਸੀਂ ਉਮੀਦ ਤੋਂ ਪਹਿਲਾਂ ਪਹੁੰਚ ਗਏ। ਡੂੰਘੇ ਮੈਡੀਟੇਸ਼ਨ ਵਿੱਚ, ਮੈਂ ਇੱਕ ਅੰਦਰੂਨੀ ਦ੍ਰਿਸ਼ਟੀਕੋਣ ਵਿਚ ਤੁਹਾਨੂੰ ਕੀਮਤੀ ਗ੍ਰਹਿ ਨੂੰ ਬਚਾਉਣ ਲਈ ਬੁਰਾਈ ਦੀਆਂ ਤਾਕਤਾਂ ਨਾਲ ਲੜਦੇ ਹੋਏ ਦੇਖ‌ਿਆ ਜਿਸਨੇ ਮੈਨੂੰ ਸਾਡੇ ਗ੍ਰਹਿ ਨੂੰ ਬਚਾਉਣ ਦੀ ਜ਼ਰੂਰਤ ਤੋਂ ਜਾਣੂ ਕਰਵਾਇਆ। [...] ਅਸੀਂ ਪਿਆਰ ਅਤੇ ਸ਼ੁਕਰਗੁਜ਼ਾਰੀ ਨਾਲ ਤੁਹਾਡਾ ਧੰਨਵਾਦ ਕਰਦੇ ਹਾਂ। ਬੇਨਿਨ ਗਣਰਾਜ ਤੋਂ ਓਮੋਰੂਈ

ਪਿਆਰੇ ਸਤਿਗੁਰੂ ਜੀ, ਮੈਂ 22 ਅਕਤੂਬਰ, 2021 ਨੂੰ ਆਪਣੇ ਅੰਦਰੂਨੀ ਅਨੁਭਵ ਬਾਰੇ ਲਿਖਣਾ ਚਾਹੁੰਦੀ ਹਾਂ, ਜਦੋਂ ਮੈਂ ਕੋਵਿਡ ਦੇ ਇਲਾਜ ਲਈ ਹਸਪਤਾਲ ਵਿੱਚ ਸੀ। ਜਦੋਂ ਮੈਨੂੰ 19 ਅਕਤੂਬਰ ਦੀ ਸ਼ਾਮ ਨੂੰ ਹਸਪਤਾਲ ਵਿੱਚ ਦਾਖਲ ਕਰਵਾਇਆ ਗਿਆ, ਤਾਂ ਮੇਰੇ ਖੂਨ ਵਿੱਚ ਆਕਸੀਜਨ ਸਿਰਫ਼ 90% ਸੀ, ਅਤੇ ਮੇਰਾ ਸਾਹ ਕਮਜ਼ੋਰ ਸੀ। ਮੇਰਾ ਇਲਾਜ ਕੀਤਾ ਗਿਆ ਅਤੇ 22 ਅਕਤੂਬਰ ਦੀ ਸ਼ਾਮ ਨੂੰ ਮੇਰੀ ਹਾਲਤ ਹੋਰ ਵੀ ਸਥਿਰ ਹੋ ਗਈ। ਉਸ ਸ਼ਾਮ, ਮੈਂ ਤੁਹਾਨੂੰ ਦਿਲੋਂ ਪ੍ਰਾਰਥਨਾ ਕੀਤੀ ਅਤੇ ਤੁਸੀਂ ਮੇਰੀ ਮਦਦ ਕਰਨ ਲਈ ਆਏ। ਤੁਹਾਡਾ ਚਿਹਰਾ ਚਮਕ ਰਿਹਾ ਸੀ, ਤੁਹਾਡੇ ਲੰਬੇ, ਸੁਨਹਿਰੀ ਘੁੰਗਰਾਲੇ ਵਾਲ ਦੋਵੇਂ ਪਾਸੇ ਲਟਕ ਰਹੇ ਸਨ। ਤੁਸੀਂ ਮੇਰੇ ਬਹੁਤ ਨੇੜੇ ਆਏ ਅਤੇ ਮੈਨੂੰ ਆਪਣੇ ਅੰਦਰਲੇ ਗੁਰੂ ਨੂੰ ਜਗਾਉਣ ਲਈ ਕਿਹਾ, ਅਤੇ ਅੰਦਰੂਨੀ ਗੁਰੂ ਮੈਨੂੰ ਸਿਖਾਉਣਗੇ। ਫਿਰ, ਤੁਸੀਂ ਗਾਇਬ ਹੋ ਗਏ। ਫਿਰ, ਸਤਿਗੁਰੂ ਜੀ ਦਾ ਇੱਕ ਹੋਰ ਦਰਸ਼ਨ ਹੋਇਆ, ਚਿੱਟੇ ਵਾਲ ਜੂੜੇ ਵਿੱਚ, ਉਮਰ ਵਿੱਚ ਵੱਡੇ, ਅਤੇ ਇੱਕ ਚਿੱਟਾ ਪਹਿਰਾਵਾ ਪਹਿਨਿਆ ਹੋਇਆ। ਤੁਹਾਡੀ ਆਵਾਜ਼ ਡੂੰਘੀ ਅਤੇ ਹਮਦਰਦੀ ਭਰੀ ਸੀ। ਤੁਸੀਂ ਮੈਨੂੰ ਸਿਖਾਇਆ, "ਮੈਡੀਟੇਸ਼ਨ ਸਵੈ-ਬੋਧ ਲਈ ਹੈ, ਦੂਜਿਆਂ ਨੂੰ ਦਿਖਾਉਣ ਲਈ ਨਹੀਂ। ਅਹਿਸਾਸ ਉਵੇਂ ਜਿਵੇਂ ਇੱਕ ਬੱਚੇ ਵਾਂਗ ਹੈ ਜੋ ਦੇਖਣਾ ਸਿੱਖਦਾ ਹੈ, ਹਮੇਸ਼ਾ ਆਪਣੇ ਆਲੇ ਦੁਆਲੇ ਦੀਆਂ ਘਟਨਾਵਾਂ ਅਤੇ ਚੀਜ਼ਾਂ ਨੂੰ ਦੇਖੋ।" ਸਵੇਰ ਹੋਈ, ਅਤੇ ਮੈਂ ਤੁਹਾਡਾ ਧੰਨਵਾਦ ਕੀਤਾ ਕਿ ਤੁਸੀਂ ਮੈਨੂੰ ਆਪਣੇ ਪੈਰੋਕਾਰ ਵਜੋਂ ਸਵੀਕਾਰ ਕੀਤਾ, ਭਾਵੇਂ ਮੈਂ ਦੀਖਿਆ ਨਹੀਂ ਲਈ ਸੀ। [...] ਜਦੋਂ ਮੈਂ ਤੁਹਾਨੂੰ ਦੇਖਿਆ, ਮੈਨੂੰ ਤੁਹਾਨੂੰ ਜੱਫੀ ਪਾਉਣਾ ਬਹੁਤ ਚਾਹ‌ਿਆ, ਪਰ ਮੈਂ ਤੁਹਾਨੂੰ ਦੁੱਖ ਦੇਣ ਦੀ ਹਿੰਮਤ ਨਹੀਂ ਕੀਤੀ, ਭਾਵੇਂ ਤੁਸੀਂ ਮੇਰੇ ਬਹੁਤ ਨੇੜੇ ਸੀ। ਸਤਿਗੁਰੂ ਜੀ, ਤੁਸੀਂ ਬਹੁਤ ਦਿਆਲੂ ਹੋ! ਕਿਰਪਾ ਕਰਕੇ ਮੈਨੂੰ ਮਰਨ ਤੱਕ ਆਪਣੇ ਪਿਆਰ ਵਿੱਚ ਅਤੇ ਇਸ ਚੰਗੀ ਦਿਸ਼ਾ ਵਿੱਚ ਰੱਖਣ ਵਿੱਚ ਮਦਦ ਕਰੋ! ਔ ਲੈਕ (ਵੀਐਤਨਾਮ) ਤੋਂ, ਹੂ ਤਾਮ

ਮੈਂ ਕੌਮੀਅਤ ਅਨੁਸਾਰ ਕਾਂਗੋਲੀਜ਼ ਹਾਂ। ਮੈਨੂੰ ਵੀਰਵਾਰ, 19 ਸਤੰਬਰ, 2024 ਦੀ ਸ਼ਾਮ ਨੂੰ ਇੱਕ ਅੰਦਰੂਨੀ ਦਰਸ਼ਨ ਹੋਇਆ, ਜਿਸ ਵਿੱਚ ਮੈਂ ਪਰਮ ਸਤਿਗੁਰੂ ਚਿੰਗ ਹਾਈ ਜੀ ਨੂੰ ਇੱਕ ਸੜਕ 'ਤੇ ਤੁਰਦੇ ਹੋਏ ਦੇਖਿਆ ਜਿੱਥੇ ਕਈ ਲੋਕ ਆਮ ਤੌਰ 'ਤੇ ਆਪਣੇ ਕੰਮ ਲਈ ਤੁਰ ਰਹੇ ਸਨ। ਮੈਂ ਪ੍ਰਮਾਤਮਾ ਨੂੰ ਪਰਮ ਸਤਿਗੁਰੂ ਚਿੰਗ ਹਾਈ ਜੀ ਨੂੰ ਇਹ ਕਹਿੰਦੇ ਸੁਣਿਆ, "ਤੁਹਾਡਾ ਸਮਾਂ ਪੂਰਾ ਹੋ ਗਿਆ ਹੈ; ਘਰ ਜਾਓ।" ਪਰਮ ਸਤਿਗੁਰੂ ਜੀ ਨੇ ਪ੍ਰਮਾਤਮਾ ਨੂੰ ਕਿਹਾ ਕਿ ਉਸਨੇ ਅਜੇ ਕੰਮ ਪੂਰਾ ਨਹੀਂ ਕੀਤਾ, ਅਤੇ ਉਨਾਂ ਨੂੰ ਕਿਹਾ ਕਿ ਉਹ ਉਸਨੂੰ ਹੋਰ ਸਮਾਂ ਦੇਵੇ। ਇਹ ਗੱਲਬਾਤ ਸੋਚ-ਵਿਚਾਰ ਰਾਹੀਂ ਕੀਤੀ ਗਈ। ਫਿਰ, ਮੈਂ ਦੇਖਿਆ ਕਿ ਪ੍ਰਮਾਤਮਾ ਨੇ ਸਾਰਿਆਂ ਨੂੰ ਹੌਲੀ ਗਤੀ ਵਿੱਚ ਪਾ ਦਿੱਤਾ, ਅਤੇ ਲੋਕਾਂ ਨੇ ਆਪਣੀਆਂ ਗਤੀਵਿਧੀਆਂ ਹੌਲੀ ਗਤੀ ਵਿੱਚ ਕਰਨੀਆਂ ਸ਼ੁਰੂ ਕਰ ਦਿੱਤੀਆਂ। ਫਿਰ ਮੈਂ ਪ੍ਰਮਾਤਮਾ ਦੀ ਆਵਾਜ਼ ਸੁਣੀ, "ਜਾਓ ਅਤੇ ਖਤਮ ਕਰੋ।" ਤੁਰੰਤ ਹੀ, ਮੈਂ ਪਰਮ ਸਤਿਗੁਰੂ ਚਿੰਗ ਹਾਈ ਨੂੰ ਸ਼ਹਿਰ ਦੇ ਕੋਨਿਆਂ ਵਿੱਚ ਦੌੜਦੇ ਹੋਏ ਦੇਖਿਆ, ਉਨ੍ਹਾਂ ਲੋਕਾਂ ਨੂੰ ਛੂਹਣ ਦੀ ਕੋਸ਼ਿਸ਼ ਕਰ ਰਹੇ ਸਨ ਜਿਨ੍ਹਾਂ ਨੂੰ ਉਸਨੇ ਅਜੇ ਤੱਕ ਨਹੀਂ ਛੂਹਿਆ ਸੀ। ਸੋ, ਟੀਵੀ 'ਤੇ ਪਰਮ ਸਤਿਗੁਰੂ ਚਿੰਗ ਹਾਈ ਜੀ ਦੇ ਸੁਨੇਹੇ ਨੂੰ ਦੇਖ ਕੇ, ਮੈਂ ਦੇਖਿਆ ਕਿ ਸਾਡੇ ਕੋਲ ਸੱਚਮੁੱਚ ਬਹੁਤਾ ਸਮਾਂ ਨਹੀਂ ਬਚਿਆ ਹੈ।

ਪਰਮ ਸਤਿਗੁਰੂ ਚਿੰਗ ਹਾਈ ਜੀ, ਮੈਂ ਅਜੇ ਦੀਖਿਆ ਪ੍ਰਾਪਤ ਨਹੀਂ ਕੀਤੀ। ਮੈਂ ਸਤਿਗੁਰੂ ਜੀ ਨੂੰ ਪੁੱਛਦਾ ਹਾਂ ਕਿ ਮੈਂ ਦੀਖਿਆ ਲੈਣ ਲਈ ਕੀ ਕਰ ਸਕਦਾ ਹਾਂ। ਮੈਂ ਸਤੰਬਰ ਦੀ ਸ਼ੁਰੂਆਤ ਤੋਂ ਹੀ 100% ਸ਼ਾਕਾਹਾਰੀ ਹਾਂ, ਅਤੇ ਮੈਂ ਪੰਜ ਉਪਦੇਸ਼ਾਂ ਦੀ ਪਾਲਣਾ ਕਰਦਾ ਹਾਂ। ਮੈਂ ਈਸਾਈ ਹਾਂ। ਜਵਾਬ ਲਈ ਤੁਹਾਡਾ ਧੰਨਵਾਦ, ਪਰਮ ਸਤਿਗੁਰੂ ਚਿੰਗ ਹਾਈ ਜੀ। ਕਾਂਗੋ ਲੋਕਤੰਤਰੀ ਗਣਰਾਜ ਤੋਂ, ਸੇਲੇਸਟਿਨ

ਹਾਲੋ, ਸਤਿਗੁਰੂ ਜੀ ਅਤੇ ਸੁਪਰੀਮ ਮਾਸਟਰ ਟੈਲੀਵਿਜ਼ਨ ਟੀਮ!

ਇੱਕ ਰਾਤ, ਮੈਂ ਸਤਿਗੁਰੂ ਜੀ ਨੂੰ ਇਹ ਕਹਿੰਦੇ ਸੁਣਿਆ, "ਮੈਂ ਬਹੁਤ ਥੱਕੀ ਹੋਈ ਹਾਂ, ਪਰ ਮੇਰੇ ਕੋਲ ਆਰਾਮ ਕਰਨ ਲਈ ਕੋਈ ਜਗ੍ਹਾ ਨਹੀਂ ਹੈ।" ਅਗਲੇ ਦਿਨ, ਅਚਾਨਕ ਮੈਂ ਇੱਕ ਵੀਡੀਓ ਦੇਖੀ ਜਿਸ ਵਿੱਚ ਸਤਿਗੁਰੂ ਜੀ ਨੇ ਸਾਨੂੰ ਉਨ੍ਹਾਂ ਮੁਸ਼ਕਲਾਂ ਬਾਰੇ ਦੱਸਿਆ ਜੋ ਸਤਿਗੁਰੂ ਜੀ ਨੇ ਇਸ ਸਾਰੇ ਸਮੇਂ ਅਤੇ ਇਕੱਲੇ ਹੀ ਸਹਿਣ ਕੀਤੀਆਂ ਹਨ। ਸੋ, ਅਸੀਂ ਸਤਿਗੁਰੂ ਜੀ ਲਈ ਇੱਕ ਨਿੱਜੀ ਕਮਰਾ ਬਣਾਉਣ ਦਾ ਫੈਸਲਾ ਕੀਤਾ। ਚੁਣੇ ਹੋਏ ਸਫਾਈ ਸੇਵਕਾਂ ਤੋਂ ਇਲਾਵਾ ਕਿਸੇ ਨੂੰ ਵੀ ਅੰਦਰ ਜਾਣ ਦੀ ਆਗਿਆ ਨਹੀਂ ਹੈ। ਫਿਰ ਮੈਂ ਹਰ ਰੋਜ਼ ਸਤਿਗੁਰੂ ਜੀ ਲਈ ਖਾਣਾ ਬਣਾਉਂਦੀ ਹਾਂ।

26 ਜਨਵਰੀ, 2023 ਨੂੰ, ਇੱਥੇ ਦੋ ਦਿਨਾਂ ਦੀ ਰਿਟਰੀਟ ਦੌਰਾਨ, ਮੈਂ ਸਤਿਗੁਰੂ ਜੀ ਦੇ ਪ੍ਰਕਾਸ਼ਮਾਨ ਸਰੀਰ ਨੂੰ ਉਸ ਖਾਸ ਕਮਰੇ ਵਿੱਚ ਆਉਂਦੇ ਦੇਖਿਆ, ਅਤੇ ਸਤਿਗੁਰੂ ਜੀ ਨੇ ਮੈਨੂੰ ਉਨ੍ਹਾਂ ਲਈ ਕੁਝ ਦਰਦ ਨਿਵਾਰਕ ਅਤੇ ਸੈਲੋਨਪਾਸ (ਇੱਕ ਦਰਦ ਨਿਵਾਰਕ ਪੈਚ) ਲਿਆਉਣ ਲਈ ਕਿਹਾ। ਮੈਨੂੰ ਲੱਗਿਆ ਕਿ ਇਹ ਸਿਰਫ਼ ਮੇਰਾ ਆਪਣਾ ਅੰਦਰੂਨੀ ਦ੍ਰਿਸ਼ਟੀਕੋਣ ਸੀ। ਪਰ ਜਦੋਂ ਮੇਰਾ ਭਤੀਜਾ ਮੈਨੂੰ ਮਿਲਣ ਆਇਆ, ਤਾਂ ਉਸਨੇ ਇੱਕ ਗੋਰੀ ਔਰਤ ਨੂੰ ਪੌੜੀਆਂ ਤੋਂ ਹੇਠਾਂ ਆਉਂਦੇ ਦੇਖਿਆ। ਅਤੇ ਮੇਰੇ ਗਾਹਕ ਨੇ ਸਤਿਗੁਰੂ ਜੀ ਨੂੰ (ਮੇਰਾ ਇੱਕ ਵੀਗਨ ਰੈਸਟੋਰੈਂਟ ਹੈ) ਵੀ ਦੇਖਿਆ ਸੀ। ਉਸਨੇ ਕਿਹਾ, "ਅੱਜ ਬਹੁਤ ਸਾਰੀਆਂ ਸੁੰਦਰ ਔਰਤਾਂ ਹਨ!" ਮੈਂ ਜਵਾਬ ਦਿੱਤਾ, "ਉਹ ਕਿੱਥੇ ਹਨ?" ਉਸਨੇ ਕਿਹਾ, "ਇੱਕ ਸੀ ਜਿਸਨੇ ਪੀਲਾ ਪਹਿਰਾਵਾ ਪ‌ਹਿਨਿਆ ਹੋਇਆ ਸੀ। ਤੁਹਾਡੇ ਘਰ ਵਿੱਚ ਚਾਰ ਬੰਦੇ ਹਨ, ਹੈ ਨਾ?" ਮੈਂ ਕਿਹਾ, "ਨਹੀਂ, ਸਿਰਫ਼ ਤਿੰਨ।" ਉਸਨੇ ਜ਼ੋਰ ਦੇ ਕੇ ਕਿਹਾ, "ਨਹੀਂ, ਉਸ ਔਰਤ ਨੇ ਪੀਲਾ ਪਹਿਰਾਵਾ ਪਾਇਆ ਹੋਇਆ ਸੀ, ਅਤੇ ਉਸਦਾ ਇੱਕ ਛੋਟਾ ਜਿਹਾ ਫਰੇਮ ਹੈ। ਉਹ ਇੱਥੇ ਸੀ, ਬਹੁਤ ਸਮਾਂ ਪਹਿਲਾਂ ਨਹੀਂ।" ਅਸੀਂ ਇੰਨੇ ਪ੍ਰਭਾਵਿਤ ਹੋਏ ਕਿ ਅਸੀਂ ਰੋ ਪਏ।

ਸਤਿਗੁਰੂ ਜੀ ਦਾ ਅਲੌਕਿਕ ਸਰੀਰ ਸੱਚਮੁੱਚ ਇੱਥੇ ਸੀ! ਮੇਰੀਆਂ ਭਾਵਨਾਵਾਂ ਨੂੰ ਸ਼ਬਦਾਂ ਵਿੱਚ ਬਿਆਨ ਨਹੀਂ ਕੀਤਾ ਜਾ ਸਕਦਾ - ਸਾਨੂੰ ਇੰਨੀ ਵੱਡੀ ਅਸੀਸ ਕਿਵੇਂ ਮਿਲ ਸਕਦੀ ਹੈ! ਮੇਰੀ ਭਾਵਨਾ ਬਿਲਕੁਲ ਤੁਹਾਡੀਆਂ ਕਾਵਿਕ ਆਇਤਾਂ ਵਰਗੀ ਸੀ: "ਹਜ਼ਾਰਾਂ ਸਾਲਾਂ ਤੋਂ ਅਭਿਆਸ ਕੀਤਾ ਗਿਆ, ਸਿਰਫ਼ ਇਸ ਘੜੀ ਲਈ: ਸਰਵ ਵਿਆਪਕ ਪਿਆਰੇ ਦੇ ਨੇੜੇ ਹੋਣਾ।" [...] ਸ਼ਾਂਤੀ, ਸਿਹਤ, ਕਿਸਮਤ, ਅਨੁਕੂਲਤਾ, ਅਤੇ ਸੁਚੱਜਤਾ ਹਮੇਸ਼ਾ ਸਤਿਗੁਰੂ ਜੀ ਦੇ ਨਾਲ ਰਹੇ। [...] ਔ ਲੈਕ (ਵੀਐਤਨਾਮ) ਤੋਂ ਪੈਰੋਕਾਰ ਡੋਅਨ ਟ੍ਰਾਂਗ

ਆਦਿ…

ਜੇਕਰ ਤੁਸੀਂ ਗਿਆਨਵਾਨ ਹੋ ਤਾਂ ਤੁਹਾਡੀ ਆਤਮਾ ਬਹੁਤ ਸਾਰੇ ਚਮਤਕਾਰ ਕਰ ਸਕਦੀ ਹੈ। ਭਾਵੇਂ ਤੁਸੀਂ ਪਹਿਲਾਂ ਹੀ ਥੋੜ੍ਹਾ ਜਿਹਾ ਗਿਆਨਵਾਨ ਹੋ, ਪਰ ਮਹਾਨ ਗਿਆਨ ਦੇ ਰਾਹ 'ਤੇ ਹੋ, ਪਹਿਲਾਂ ਹੀ ਪ੍ਰਮਾਤਮਾ ਦੀ ਵਿਸ਼ਵਵਿਆਪੀ ਸ਼ਕਤੀ ਨਾਲ ਜੁੜੇ ਹੋਏ ਹੋ, ਫਿਰ ਥੋੜ੍ਹੇ ਜਿਹੇ ਗਿਆਨ ਨਾਲ ਵੀ ਤੁਹਾਡੇ ਕੋਲ ਪਹਿਲਾਂ ਹੀ (ਅੰਦਰੂਨੀ ਸਵਰਗੀ) ਪ੍ਰਕਾਸ਼ ਹੈ। ਤੁਸੀਂ ਪਹਿਲਾਂ ਹੀ ਬਿਨਾਂ ਜਾਣੇ ਦੂਜਿਆਂ ਦੀ ਮਦਦ ਕਰ ਸਕਦੇ ਹੋ।

ਪਿਆਰੇ ਪਰਮ ਸਤਿਗੁਰੂ ਚਿੰਗ ਹਾਈ ਜੀ, [...] 2019 ਵਿੱਚ, ਜਦੋਂ ਮੈਂ ਤੁਹਾਡੀਆਂ ਸਿੱਖਿਆਵਾਂ, "ਤੁਰੰਤ ਗਿਆਨ ਦੀ ਕੁੰਜੀ" ਨੂੰ ਵੇਖਿਆ, ਮੈਂ ਪ੍ਰਾਰਥਨਾ ਕੀਤੀ ਕਿ ਜੇ ਤੁਸੀਂ ਸੱਚਮੁੱਚ ਇੱਕ ਜੀਵਤ ਬੁੱਧ ਹੋ, ਤਾਂ ਮੈਨੂੰ ਵਿਸ਼ਵਾਸ ਕਰਨ ਲਈ ਕੋਈ ਨਿਸ਼ਾਨੀ ਮਿਲੇ। ਉਸ ਰਾਤ, ਮੇਰਾ ਕਮਰਾ ਇੱਕ ਆਭਾ ਨਾਲ ਚਮਕਿਆ ਅਤੇ ਇੱਕ ਰਹੱਸਮਈ ਖੁਸ਼ਬੂ ਛੱਡੀ ਜੋ ਮੈਂ ਕਦੇ ਨਹੀਂ ਜਾਣੀ ਸੀ। ਉਸ ਤੋਂ ਬਾਅਦ, ਮੈਂ ਆਪਣੀ ਜਾਦੂਈ ਸ਼ਕਤੀ ਨੂੰ ਤਿਆਗਣ ਦਾ ਫੈਸਲਾ ਕੀਤਾ ਅਤੇ ਤੁਹਾਡਾ ਪੈਰੋਕਾਰ ਬਣਨ ਲਈ ਅਰਜ਼ੀ ਦਿੱਤੀ, ਇਸ ਗੱਲ 'ਤੇ ਖੁਸ਼ ਹਾਂ ਕਿ ਮੈਨੂੰ ਤਿੰਨਾਂ ਮੰਡਲਾਂ ਵਿੱਚੋਂ ਬਾਹਰ ਨਿਕਲਣ ਦਾ ਰਸਤਾ ਮਿਲ ਗਿਆ ਹੈ।

ਤੁਹਾਡੇ ਸਾਰੇ ਸੱਚੇ ਅਭਿਆਸੀ ਆਪਣੇ ਅੰਦਰ ਇੱਕ "ਨਿਰਸਵਾਰਥ ਜਾਦੂਈ ਸ਼ਕਤੀ" ਰੱਖਦੇ ਹਨ - ਬਿਨਾਂ ਕੀਤੇ ਕੰਮ ਕਰਦੇ ਹੋਏ, ਆਪਣੇ ਕੰਮਾਂ ਤੋਂ ਅਣਜਾਣ। ਉਦਾਹਰਣ ਵਜੋਂ, ਇੱਕ ਦੀਖਿਅਕ ਸੀ ਜਿਸਦਾ ਇੱਕ ਗੰਭੀਰ ਹਾਦਸਾ ਹੋਇਆ ਸੀ, ਉਹ ਘਟਨਾ ਸਥਾਨ 'ਤੇ ਬੇਜਾਨ ਜਾਪਦਾ ਸੀ, ਪਰ ਉਸਨੂੰ ਐਮਰਜੈਂਸੀ ਸਰਜਰੀ ਲਈ ਹਸਪਤਾਲ ਲਿਜਾਇਆ ਗਿਆ। ਜਦੋਂ ਸਾਥੀ ਦੀਖਿਅਕ ਖੂਨ ਦਾਨ ਕਰਨ ਦੀ ਇੱਛਾ ਨਾਲ ਆਏ, ਤਾਂ ਉਹ ਚਮਤਕਾਰੀ ਢੰਗ ਨਾਲ ਜੀ ਉੱਠਿਆ। ਉਸਨੇ ਦੱਸਿਆ ਕਿ ਜਦੋਂ ਹਾਦਸਾ ਹੋਇਆ, ਉਸਦੀ ਆਤਮਾ ਉਸਦੇ ਸਰੀਰ ਨੂੰ ਛੱਡ ਗਈ ਸੀ, ਅਤੇ ਉਹ ਆਪਣੇ ਸਰੀਰ ਨੂੰ ਉੱਥੇ ਪਿਆ ਦੇਖ ਸਕਦਾ ਸੀ ਪਰ ਦੁਬਾਰਾ ਅੰਦਰ ਨਹੀਂ ਜਾ ਸਕਦਾ ਸੀ। ਜਦੋਂ ਦੀਖਿਅਲ ਪਹੁੰਚੇ, ਉਸਨੇ ਉਨ੍ਹਾਂ ਵਿੱਚੋਂ ਹਰੇਕ ਨੂੰ ਪ੍ਰਕਾਸ਼ ਫੈਲਾਉਂਦੇ ਦੇਖਿਆ, ਅਤੇ ਉਨ੍ਹਾਂ ਦੀਆਂ ਜੋਤਾਂ ਇੱਕ ਵਿਸ਼ਾਲ ਜੋਤ ਵਿੱਚ ਲੀਨ ਹੋ ਗਈਆਂ, ਜਿਸ ਨਾਲ ਉਸਦੀ ਆਤਮਾ ਨੂੰ ਉਸਦੇ ਸਰੀਰ ਵਿੱਚ ਵਾਪਸ ਧੱਕਣ ਵਿੱਚ ਮਦਦ ਮਿਲੀ। ਉਨ੍ਹਾਂ ਨੇ ਉਸਨੂੰ ਬਿਨਾਂ ਸਮਝੇ ਹੀ ਬਚਾ ਲਿਆ।

ਸਤਿਗੁਰੂ ਜੀ, ਤੁਸੀਂ ਸੱਚਮੁੱਚ ਸਭ ਤੋਂ ਮਹਾਨ ਗਿਆਨਵਾਨ ਸਤਿਗੁਰੂ ਹੋ। ਮੈਂ ਤੁਹਾਡਾ ਬਹੁਤ ਧੰਨਵਾਦੀ ਹਾਂ ਕਿ ਤੁਸੀਂ ਮੈਨੂੰ ਆਪਣੇ ਪੈਰੋਕਾਰ ਵਜੋਂ ਸਵੀਕਾਰ ਕੀਤਾ। ਔ ਲੈਕ (ਵੀਐਤਨਾਮ) ਤੋਂ ਤੁਹਾਡਾ ਪੈਰੋਕਾਰ, ਥੀਐਨ ਨਾਨ

ਕੇਵਲ ਜਦੋਂ ਤੁਸੀਂ ਬੁੱਧ ਬਣ ਜਾਂਦੇ ਹੋ, ਪੂਰੀ ਤਰ੍ਹਾਂ ਗਿਆਨਵਾਨ ਹੋ ਜਾਂਦੇ ਹੋ, ਤਾਂ ਤੁਹਾਨੂੰ ਸਰੀਰਕ ਤੌਰ 'ਤੇ ਵੀ ਪਤਾ ਲੱਗਦਾ ਹੈ ਕਿ ਤੁਸੀਂ ਕੀ ਕਰ ਰਹੇ ਹੋ। ਬਾਕੀਆਂ ਨੂੰ ਨਹੀਂ ਪਤਾ ਕਿ ਉਹ ਕੀ ਕਰ ਰਹੇ ਹਨ। ਜਾਂ ਤਾਂ ਉਹ ਲੋਕਾਂ ਨੂੰ ਆਪਣੀ ਰੋਸ਼ਨੀ, ਆਪਣੇ ਆਲੇ ਦੁਆਲੇ ਆਪਣੇ ਪ੍ਰਭਾਮੰਡਲ, ਆਪਣੇ ਸਰੀਰ ਦੁਆਲੇ ਰੌਸ਼ਨੀ ਦਾ ਆਸ਼ੀਰਵਾਦ ਦਿੰਦੇ ਹਨ, ਜਾਂ ਉਹ ਨਕਾਰਾਤਮਕ ਊਰਜਾ ਦੁਆਰਾ ਦੂਜਿਆਂ ਨੂੰ ਨੁਕਸਾਨ ਪਹੁੰਚਾ ਸਕਦੇ ਹਨ। ਉਹ ਦੋਵੇਂ ਨਹੀਂ ਜਾਣਦੇ। ਸਿਰਫ਼ ਬੋਧੀਸਤਵ ਅਤੇ ਬੁੱਧ ਹੀ ਜਾਣਦੇ ਹੋਣਗੇ ਕਿ ਉਹ ਕੀ ਕਰ ਰਹੇ ਹਨ। ਇਸ ਦੌਰਾਨ, ਬਿਨਾਂ ਕੀਤੇ ਵੀ, ਕਿਉਂਕਿ ਉਹ ਮਹਾਨ ਬ੍ਰਹਿਮੰਡੀ ਸ਼ਕਤੀ ਨਾਲ ਜੁੜੇ ਹੋਏ ਹਨ। ਉਹ ਕਿਸੇ ਦੀ ਮਦਦ ਕਰਨ ਲਈ ਸਿਰਫ਼ ਇੱਕ ਛੋਟੀ ਜਿਹੀ, ਤੰਗ-ਦਿਮਾਗੀ ਕਿਸਮ ਦੀ ਊਰਜਾ ਜਾਂ ਸੋਚ ਦੀ ਵਰਤੋਂ ਨਹੀਂ ਕਰ ਰਹੇ ਹਨ ਅਤੇ ਕਿਸੇ ਦੀ ਮਦਦ ਕਰਨ 'ਤੇ ਬਹੁਤ ਵਧੀਆ, ਮਾਣ ਮਹਿਸੂਸ ਨਹੀਂ ਕਰ ਰਹੇ ਹਨ। ਨਹੀਂ। ਉਹ ਕਰਦੇ ਹਨ, ਪਰ ਉਹ ਕੁਝ ਨਹੀਂ ਕਰ ਰਹੇ। ਇਹ ਸਿਰਫ਼ ਪ੍ਰਮਾਤਮਾ ਦੀ ਸ਼ਕਤੀ ਹੈ ਜੋ ਕਰਦੀ ਹੈ।

ਅਤੇ ਜੇਕਰ ਤੁਸੀਂ ਭੌਤਿਕ ਸਰੀਰ ਰਾਹੀਂ ਦੇਖਦੇ ਹੋ, ਤਾਂ ਫਿਰ ਸਤਿਗੁਰੂ ਦਾ ਸਰੀਰ ਇਸੇ ਲਈ ਹੈ। ਸੋ ਜਦੋਂ ਤੁਸੀਂ ਭੌਤਿਕ ਖੇਤਰ ਵਿੱਚ ਹੁੰਦੇ ਹੋ ਤਾਂ ਤੁਸੀਂ ਇਸਨੂੰ ਹੋਰ ਵੀ ਸਪਸ਼ਟ ਤੌਰ 'ਤੇ ਦੇਖ ਸਕਦੇ ਹੋ। ਇਸੇ ਲਈ ਗੁਰੂ ਨੂੰ ਭੌਤਿਕ ਸਰੀਰ ਵਿੱਚ ਅਵਤਾਰ ਧਾਰਨ ਕਰਨਾ ਪੈਂਦਾ ਹੈ ਤਾਂ ਜੋ ਤੁਸੀਂ ਨੇੜੇ ਹੋ ਸਕੋ, ਤੁਸੀਂ ਆਸਾਨੀ ਨਾਲ ਜੁੜੇ ਰਹਿ ਸਕੋ। ਅਤੇ ਉਹ ਗੁਰੂ ਤੁਹਾਨੂੰ ਮਨੁੱਖੀ ਭਾਸ਼ਾ ਵਿੱਚ ਸਿਖਾ ਸਕਦਾ ਹੈ ਤਾਂ ਜੋ ਤੁਹਾਡਾ ਮਨ ਇਸਨੂੰ ਸਮਝ ਲਵੇਗਾ ਅਤੇ ਸਵੀਕਾਰ ਕਰੇਗਾ। ਨਹੀਂ ਤਾਂ, ਇਹ ਸਰੀਰ ਨਹੀਂ ਹੈ ਜੋ ਤੁਹਾਨੂੰ ਪ੍ਰਕਾਸ਼ਮਾਨ ਕਰਦਾ ਹੈ, ਪਰ ਇਹ ਉਸ ਸਰੀਰ ਦੇ ਅੰਦਰ ਸ਼ਕਤੀ ਹੈ, ਉਸ ਖਜ਼ਾਨੇ ਦੇ ਅੰਦਰ, ਨਿਯੁਕਤ ਸਰੀਰ, ਜੋ ਤੁਹਾਡੀ ਮਦਦ ਕਰਦਾ ਹੈ।

ਪਰ ਕੋਈ ਵੀ ਗੁਰੂ ਮਾਣ ਮਹਿਸੂਸ ਨਹੀਂ ਕਰੇਗਾ, "ਓਹ, ਮੈਂ ਉਸਦੀ ਮਦਦ ਕਰਦਾ ਹਾਂ, ਮੈਂ ਉਸਦੀ ਮਦਦ ਕਰਦਾ ਹਾਂ। ਮੈਂ ਬਹੁਤ ਮਹਾਨ ਹਾਂ।" ਨਹੀਂ, ਨਹੀਂ। ਉਹ ਇਸ ਤਰਾਂ ਮਹਿਸੂਸ ਨਹੀਂ ਕਰਦੇ। ਉਹ ਇਹ ਬਿਲਕੁਲ ਕੁਦਰਤੀ ਤੌਰ 'ਤੇ ਕਰਦੇ ਹਨ, ਜਿਵੇਂ ਤੁਸੀਂ ਸਾਹ ਲੈਂਦੇ ਹੋ। ਕਿਉਂਕਿ ਉਹਨਾਂ ਕੋਲ ਹੁਣ ਕੋਈ "ਮੈਂ" ਜਾਂ ਸਵੈ, ਸਰੀਰਕ ਸਵੈ, ਆਪਾ ਜਾਂ ਸੁਆਰਥੀ ਸਵੈ, ਆਪਾ ਨਹੀਂ ਹੈ। ਸੋ, ਮੈਨੂੰ ਉਮੀਦ ਹੈ ਕਿ ਅੱਜ ਦੀ ਮੇਰੀ ਛੋਟੀ ਜਿਹੀ ਗੱਲਬਾਤ ਤੁਹਾਡੇ ਵਿੱਚੋਂ ਕੁਝ ਲੋਕਾਂ ਦੀ ਮਦਦ ਕਰੇਗੀ। ਅਤੇ, ਬੇਸ਼ੱਕ, ਇਹ ਮੇਰੇ ਪਰਮੇਸ਼ੁਰ ਦੇ ਪੈਰੋਕਾਰਾਂ ਦੀ ਮਦਦ ਕਰਦਾ ਹੈ। ਇਸੇ ਲਈ ਮੈਨੂੰ ਕਦੇ-ਕਦੇ ਗੱਲ ਕਰਨੀ ਪੈਂਦੀ ਹੈ।

ਮੈਂ ਇਸ ਤਰਾਂ ਹਰ ਰੋਜ਼ ਗੱਲ ਨਹੀਂ ਕਰ ਸਕਦੀ। ਉਥੇ ਕੋਈ ਲੋੜ ਨਹੀਂ ਹੈ। ਇੱਕ ਗੱਲ ਹਮੇਸ਼ਾ ਲਈ ਚੱਲੇਗੀ। ਸਾਰੀਆਂ ਆਤਮਾਵਾਂ ਇਸਨੂੰ ਫੜ ਸਕਦੀਆਂ ਹਨ। ਨਰਕ ਵਿੱਚ ਵੀ, ਸਜ਼ਾ-ਪ੍ਰਾਪਤ ਜੀਵਾਂ ਦਾ ਨਰਕ ਵੀ ਇਸ ਨੂੰ ਫੜ ਸਕਦਾ ਹੈ। ਇਹ ਸਿਰਫ਼ ਇਹੀ ਹੈ ਕਿ ਉਹ ਬਹੁਤ ਜ਼ਿਆਦਾ ਦਰਦ ਅਤੇ ਕਸ਼ਟ ਵਿੱਚ ਹਨ। ਉਹਨਾਂ ਨੂੰ ਕੁਝ ਵੀ ਪਤਾ ਨਹੀਂ ਹੋਵੇਗਾ। ਉਹ ਕੁਝ ਵੀ ਸਵੀਕਾਰ ਨਹੀਂ ਕਰ ਸਕਦੇ, ਭਾਵੇਂ ਉਹ ਇਹ ਪ੍ਰਾਪਤ ਕਰਦੇ ਹਨ। ਉਨ੍ਹਾਂ ਦੇ ਕਰਮ ਬਹੁਤ ਭਾਰੀ ਹਨ। ਇਹ ਉਹਨਾਂ ਨੂੰ ਪਿੰਜਰੇ ਵਿੱਚ ਕੈਦ ਕਰ ਦਿੰਦਾ ਹੈ, ਇਹ ਇਸ ਤਰਾਂ ਹੈ ਜਿਵੇਂ ਉਹ ਕਿਸੇ ਪਹਾੜ ਦੇ ਹੇਠਾਂ ਹੋਣ, ਇੱਕ ਵੱਡਾ ਪਹਾੜ। ਉਹ ਕਦੇ ਵੀ ਹਿੱਲ ਨਹੀਂ ਸਕਦੇ ਸਨ। ਉਹ ਕਦੇ ਵੀ ਆਪਣਾ ਬਚਾਅ ਨਹੀਂ ਕਰ ਸਕੇ। ਉਹ ਕੁਝ ਨਹੀਂ ਸੁਣ ਸਕਦੇ, ਕੁਝ ਨਹੀਂ ਦੇਖ ਸਕਦੇ, ਕੁਝ ਨਹੀਂ ਜਾਣ ਸਕਦੇ। ਇਹੀ ਤਰਸਯੋਗ ਸਥਿਤੀ ਹੈ ਜੋ ਕੋਈ ਵੀ ਜੀਵ ਇਸ ਵਿੱਚ ਹੋ ਸਕਦਾ ਹੈ ਜੇਕਰ ਉਹ ਗਿਆਨ ਦਾ ਅਭਿਆਸ ਨਹੀਂ ਕਰਦੇ ਅਤੇ ਜੇਕਰ ਉਹਨਾਂ ਕੋਲ ਉਹਨਾਂ ਦੀ ਰੱਖਿਆ ਲਈ ਮਹਾਨ ਗਿਆਨਵਾਨ ਸਤਿਗੁਰੂ ਨਹੀਂ ਹਨ।

ਕਿਰਪਾ ਕਰਕੇ ਇੱਕ ਗਿਆਨਵਾਨ ਗੁਰੂ ਦੀ ਭਾਲ ਕਰੋ। ਜੇ ਤੁਸੀਂ ਮੇਰੇ ਤੇ ਵਿਸ਼ਵਾਸ ਨਹੀਂ ਕਰਦੇ, ਤਾਂ ਖੋਜ ਕਰੋ, ਪ੍ਰਮਾਤਮਾ ਅੱਗੇ ਪ੍ਰਾਰਥਨਾ ਕਰੋ, ਪ੍ਰਾਰਥਨਾ ਕਰੋ, ਪ੍ਰਾਰਥਨਾ ਕਰੋ, ਪ੍ਰਾਰਥਨਾ ਕਰੋ, ਪ੍ਰਾਰਥਨਾ ਕਰੋ ਕਿ ਪ੍ਰਮਾਤਮਾ ਤੁਹਾਨੂੰ ਉਨਾਂ ਦੇ ਪ੍ਰਤੀਨਿਧੀ ਪੁੱਤਰ ਵੱਲ ਲੈ ਜਾਵੇ। ਸਭ ਤੋਂ ਵਧੀਆ ਇਹ ਹੈ ਕਿ ਤੁਸੀਂ ਪਰਮੇਸ਼ੁਰ ਦੇ ਇਕਲੌਤੇ ਪੁੱਤਰ ਨੂੰ ਲੱਭ ਸਕੋ। ਉਥੇ ਕੁਝ ਹੋਰ ਗੁਰੂ ਵੀ ਹਨ, ਘੱਟ ਪਧਰ ਦੇ, ਪਰ ਫਿਰ ਵੀ ਕੁਝ ਨਾ ਹੋਣ ਨਾਲੋਂ ਬਿਹਤਰ ਹੈ। ਮੈਂ ਤੁਹਾਨੂੰ ਪਹਿਲਾਂ ਹੀ ਦੱਸ ਦਿੱਤਾ ਹੈ ਕਿ ਹੋਰ ਗੱਲਾਂ-ਬਾਤਾਂ ਵਿੱਚ ਕਿੱਥੇ ਪਨਾਹ ਲੈਣੀ ਹੈ, ਸ਼ਾਇਦ ਕੁਝ ਮਹੀਨੇ ਪਹਿਲਾਂ। ਸੋ ਕਿਰਪਾ ਕਰਕੇ ਇਸਨੂੰ ਲੱਭੋ ਜੇਕਰ ਤੁਸੀਂ ਆਪਣੇ ਆਪ ਨੂੰ ਬਚਾਉਣ ਵਿੱਚ ਦਿਲਚਸਪੀ ਰੱਖਦੇ ਹੋ, ਜਾਂ ਜੇਕਰ ਤੁਸੀਂ ਪ੍ਰਮਾਤਮਾ ਨੂੰ ਜਾਣਨ ਵਿੱਚ ਦਿਲਚਸਪੀ ਰੱਖਦੇ ਹੋ, ਜਿਵੇਂ ਕਿ ਤੁਸੀਂ ਕਹੋਗੇ, ਆਹਮੋ-ਸਾਹਮਣੇ।

ਜੇ ਤੁਸੀਂ ਭਗਵਾਨ ਯਿਸੂ, ਈਸਾ ਨੂੰ ਜਾਣਨਾ ਚਾਹੁੰਦੇ ਹੋ, ਜੇ ਤੁਸੀਂ ਬੁੱਧਾਂ ਨੂੰ ਜਾਣਨਾ ਚਾਹੁੰਦੇ ਹੋ, ਜੇ ਤੁਸੀਂ ਵੱਖ-ਵੱਖ ਧਰਮਾਂ ਦੇ ਸਾਰੇ ਗੁਰੂਆਂ ਨੂੰ ਜਾਣਨਾ ਚਾਹੁੰਦੇ ਹੋ, ਤਾਂ ਪਹਿਲਾਂ ਗਿਆਨ ਪ੍ਰਾਪਤ ਕਰੋ ਇੱਕ ਸਮਰੱਥ ਗਿਆਨਵਾਨ ਗੁਰੂ ਰਾਹੀਂ ਜਾਂ ਸ਼ਾਇਦ ਘੱਟ ਸਮਰੱਥ ਗੁਰੂ ਰਾਹੀਂ, ਪਰ ਗਿਆਨਵਾਨ । ਉਸ ਗੁਰੂ ਨੂੰ ਘੱਟੋ-ਘੱਟ ਚੌਥੇ ਪੱਧਰ 'ਤੇ ਹੋਣਾ ਚਾਹੀਦਾ ਹੈ, ਭਾਵ ਇੱਥੋਂ ਗਿਣਿਆ ਜਾਂਦਾ: ਸੂਖਮ (ਐਸਟਰਲ), ਕਾਰਣ (ਕੌਸਲ), ਬ੍ਰਹਮਾ - ਇਹ ਤਿੰਨ ਪੱਧਰ ਹਨ ਜਿਨ੍ਹਾਂ ਦਾ, ਜਦੋਂ ਅਸੀਂ ਮਰਦੇ ਹਾਂ, ਸਾਨੂੰ ਸਾਹਮਣਾ ਕਰਨਾ ਪਵੇਗਾ। ਅਤੇ ਚੌਥਾ ਪੱਧਰ। ਮੈਂ ਤੁਹਾਨੂੰ ਉਸ ਪੱਧਰ ਦੇ ਪ੍ਰਮਾਤਮਾ ਦਾ ਨਾਮ ਨਹੀਂ ਦੱਸ ਸਕਦੀ ਸਿਵਾਏ ਉਦੋਂ ਜਦੋਂ ਤੁਸੀਂ ਦੀਖਿਆ ਲੈਂਦੇ ਹੋ। ਦੀਖਿਆ ਦੇ ਸਮੇਂ ਅਸੀਂ ਤੁਹਾਨੂੰ ਮੇਰੇ ਸਰਵਉੱਚ ਹੋਂਦ ਤੋਂ ਚਾਰਜ਼ਡ ਸ਼ਕਤੀ ਨਾਲ ਦੱਸਾਂਗੇ। ਫਿਰ ਇਹ ਤੁਹਾਡੀ ਮਦਦ ਕਰ ਸਕਦੀ ਹੈ। ਸਿਰਫ਼ ਸ਼ਬਦ, ਉਸ ਪ੍ਰਮਾਤਮਾ ਦਾ ਨਾਮ ਇਕਲਾ ਹੀ ਤੁਹਾਡੀ ਮਦਦ ਨਹੀਂ ਕਰ ਸਕਦਾ।

ਕਿਰਪਾ ਕਰਕੇ ਵੀਗਨ ਬਣੋ, ਗਿਆਨ ਪ੍ਰਾਪਤ ਕਰੋ। ਘੱਟੋ-ਘੱਟ ਪ੍ਰਮਾਤਮਾ ਦੀ ਉਸਤਤ ਕਰੋ, ਹਰ ਰੋਜ਼ ਪ੍ਰਮਾਤਮਾ ਅੱਗੇ ਪ੍ਰਾਰਥਨਾ ਕਰੋ। ਪ੍ਰਮਾਤਮਾ ਨੂੰ ਆਪਣੀ ਜ਼ਿੰਦਗੀ ਦਾ ਹਿੱਸਾ ਬਣਾਓ। ਪ੍ਰਮਾਤਮਾ ਨੂੰ ਆਪਣਾ ਰਿਸ਼ਤੇਦਾਰ ਬਣਾਓ। ਪ੍ਰਮਾਤਮਾ ਨੂੰ ਨਾ ਭੁੱਲੋ। ਸਾਰੇ ਦਿਸ਼ਾਵਾਂ ਦੇ ਅਤੇ ਹਰ ਸਮੇਂ ਦੇ ਸਾਰੇ ਗੁਰੂਆਂ ਦਾ ਧੰਨਵਾਦ ਕਰਨਾ ਨਾ ਭੁੱਲੋ। ਤੁਹਾਨੂੰ ਬੱਸ ਇੰਨਾ ਹੀ ਚਾਹੀਦਾ ਹੈ। ਕਿਸੇ ਪੂਰੀ ਤਰ੍ਹਾਂ ਗਿਆਨਵਾਨ ਗੁਰੂ ਜਾਂ ਸ਼ਾਇਦ ਘੱਟ ਗਿਆਨਵਾਨ ਗੁਰੂਆਂ ਰਾਹੀਂ ਗਿਆਨ ਪ੍ਰਾਪਤ ਕਰੋ ਜੋ ਤੁਹਾਡੀ ਮਦਦ ਲਈ ਆਪਣੇ ਪੁਰਾਣੇ, ਪ੍ਰਾਚੀਨ ਗੁਰੂਆਂ, ਜਾਂ ਪਹਿਲਾਂ ਤੋਂ ਹੀ ਚੜ੍ਹੇ ਹੋਏ ਗੁਰੂਆਂ 'ਤੇ ਨਿਰਭਰ ਕਰਦੇ ਹਨ। ਕੁਝ ਗੁਰੂ ਘੱਟ ਗਿਆਨਵਾਨ ਹੁੰਦੇ ਹਨ ਪਰ ਉਹ ਤੁਹਾਡੀ ਮਦਦ ਲਈ ਆਪਣੇ ਵਧੇਰੇ ਗਿਆਨਵਾਨ ਗੁਰੂ 'ਤੇ ਨਿਰਭਰ ਕਰਦੇ ਹਨ। ਪਰ ਉਹ ਬਹੁਤ ਸਾਰੇ ਲੋਕਾਂ ਦੀ ਮਦਦ ਨਹੀਂ ਕਰ ਸਕਦੇ। ਇਹੀ ਗੱਲ ਹੈ। ਇੱਕ ਪੂਰੀ ਤਰ੍ਹਾਂ ਗਿਆਨਵਾਨ ਗੁਰੂ ਸਾਰੇ ਸੰਸਾਰ ਦੀ ਮਦਦ ਕਰ ਸਕਦਾ ਹੈ। ਜੇਕਰ ਸਾਰਾ ਸੰਸਾਰ ਆ ਕੇ ਇਸ ਗੁਰੂ ਦੀ ਸ਼ਰਨ ਲਵੇ, ਤਾਂ ਉਹ ਉਨ੍ਹਾਂ ਸਾਰਿਆਂ ਨੂੰ ਬਚਾ ਸਕਦੇ ਹਨ। ਉਹ ਨਰਕ ਵਿੱਚ ਭਟਕੀਆਂ ਰੂਹਾਂ ਨੂੰ ਵੀ ਬਚਾ ਸਕਦੇ ਸਨ। ਕਲਪਨਾ ਕਰੋ। ਸੋ, ਇਸ ਤਰਾਂ ਦਾ ਗੁਰੂ ਤੁਹਾਨੂੰ ਸਿਰਫ਼ ਤਾਂ ਹੀ ਮਿਲ ਸਕਦਾ ਹੈ ਜੇਕਰ ਤੁਸੀਂ ਸੱਚਮੁੱਚ ਇੱਕ ਬਹੁਤ ਹੀ ਭਾਗਸ਼ਾਲੀ ਵਿਅਕਤੀ ਹੋ।

ਠੀਕ ਹੈ। ਇਹ ਚੰਦਰ ਨਵਾਂ ਸਾਲ ਹੈ। ਦੁਬਾਰਾ ਸ਼ੁਭਕਾਮਨਾਵਾਂ, ਅਤੇ ਮੈਂ ਤੁਹਾਨੂੰ ਸਾਰਿਆਂ ਨੂੰ ਸ਼ੁਭਕਾਮਨਾਵਾਂ ਦਿੰਦੀ ਹਾਂ। ਤੁਹਾਡੀਆਂ ਸਾਰੀਆਂ ਸ਼ੁਭਕਾਮਨਾਵਾਂ ਜਾਂ ਤੁਹਾਡੇ ਨੇਕ ਯਤਨ ਸੁਚਾਰੂ ਢੰਗ ਨਾਲ ਪੂਰੇ ਹੋਣ ਅਤੇ ਸੱਚ ਹੋਣ। ਪ੍ਰਮਾਤਮਾ ਤੁਹਾਨੂੰ ਅਸੀਸ ਦੇਵੇ। ਪ੍ਰਮਾਤਮਾ ਤੁਹਾਡੇ ਤੇ ਕਿਰਪਾ ਕਰੇ ਤਾਂ ਜੋ ਤੁਸੀਂ ਗਿਆਨ ਪ੍ਰਾਪਤ ਕਰੋ। ਆਮੇਨ। ਅਮਿਤਭਾ ਬੁੱਧ। ਸਾਰੇ ਗੁਰੂ ਸਾਡੇ ਉੱਤੇ ਦਇਆ ਕਰਨ ਅਤੇ ਸਾਨੂੰ ਪ੍ਰਕਾਸ਼ਮਾਨ ਕਰਨ ਦਾ ਇਕ ਤਰੀਕਾ ਲੱਭਣ, ਸਰਬਸ਼ਕਤੀਮਾਨ ਪ੍ਰਮਾਤਮਾ, ਸਭ ਤੋਂ ਮਹਾਨ ਦੀ ਕਿਰਪਾ ਨਾਲ ਸਾਨੂੰ ਮੁਕਤ ਕਰਨ। ਧੰਨਵਾਦ। ਆਮੇਨ।

Photo Caption: ਮਜ਼ਬੂਤ ਅਤੇ ਨਿਮਰ ਨਾਲ, ਬਹੁਤ ਵਧੀਆ ਰਿਸ਼ਤਾ > ਇਹ ਸ਼ਾਂਤੀ ਬਹੁਤ ਪਸੰਦ ਹੈ!

ਫੋਟੋ ਡਾਊਨਲੋਡ ਕਰੋ