Хайрт Багшдаа, Багш Та Диваажингийн адисаар сайн сайхан, эрүүл энх байхыг хүсэн ерөөе. Нөхөр бид хоёр Loving Hut Litchfield Park-ыг эзэмшдэг. Бид сүүлийн долоон жил үйл ажиллагаа явуулж байгаа ба бизнес сайн явж байна. 2023 оны 6-р сард Багшийн Гэрлэн хувилгаан бие нь ажлын цагаар манай Ловин Хатад олон удаа ирсэн. Багш зүгээр л бидний Ловин Хат хэрхэн байгааг харахыг хүссэн тул Багш хурдхан ирж, буцдаг.Гэсэн ч хамгийн сүүлд Багш ирэхэд надтай ярихаар хэсэг хугацаанд байсан. Багш нил цагаан хувцастай гарч ирээд, намайг хоол хийж байхад баруун гар талд минь зогсоод, бид товчхон ярилцлаа. Дэлхийн өнөөгийн нөхцөл байдлыг харгалзан бид юу ч хийхгүй бол бүх Ловин Хат асуудалд орно, учир нь энэ бол бизнесүүдийн оршин тогтноход маш хэцүү үе гэж би Багштай хуваалцсан. Багш хариуд нь, “Магадгүй таны нөхөр Ловин Хатыг аварч чадах байх; тэр бизнесийн зэрэгтэй." гэлээ.Багш ингэж хэлчхээд явсан. Энэ тухай мартчихаад маргааш нь нөхрөөсөө бизнесийн зэрэгтэй эсэхийг асуухад тэрээр олон улсын бизнесийн удирдлагын чиглэлээр MBA-тай байсан юм. Би нөхөртэйгөө ярилцсан бөгөөд тэрээр Ловин Хатад дуртайяа тусална гэж зөвшөөрлөө. Гэсэн ч түүнд Багшийн зөвшөөрөл, заавар үнэхээр хэрэгтэй гэж боддог. Ловин Хатад анхаарал, санаа тавьдаг Багшдаа бид чин сэтгэлээсээ талархаж байна. Бид хүн төрөлхтөнд үргэлжлүүлэн үйлчлэхийн тулд бүх Ловин Хатууд өсөн тэлж, цэцэглэн хөгжөөсэй гэж хүсэж байна. Таны шавь, АНУ-ын Аризона мужийн Финикс хотоос НериаЭрхэм Төгс Гэгээрсэн Их Багш Чин Хай болон Суприм Мастер ТВ-ийн хамт олонд, […] Би Төгс Гэгээрсэн Их Багш Чин Хайн оршихуйтай холбогдоход тохиолдсон гүн гүнзгий туршлагаасаа хуваалцахыг хүсэж байна. Бенин улсад авшиг хүртэх ёслол болохоос хэдхэн долоо хоногийн өмнө би хааны цагаан нөмрөг өмсөж, титэм зүүсэн Таны хувилгаан дүрийг харсан. Таны оршихуй замдаа таарсан бүхнийг ариусгах цэвэр цагаан гэрэлтэй, сүр жавхлантай байв.Авшиг хүртэх өдөр би төв рүү болгоомжтой жолоодон явахдаа бидний замыг гэрэлтүүлж, Тэнгэрлэг гэрлээр биднийг бүрж байгаа Таны бодит оршихуйг Нарны нүд гялбам гэрэл дунд харсан. Гайхалтай зүйл тохиолдов: Төвд хүрэх зай багассан мэт санагдаж, бид санаснаас эрт ирлээ. Гүн бясалгалын явцад бидний үнэт гарагийг аврахын тулд Та чөтгөрийн хүчний эсрэг тэмцэж байгааг би дотоод ахуй ойлголтдоо харсан нь гарагийг аврах яаралтай байдлыг ойлгуулав. Би Танд хайр, талархал илэрхийлж байна. Оморуй, Бүгд Найрамдах БенинээсЭрхэм Их Багш аа, Би 2021 оны 10-р сарын 22-нд харсан ахуй ойлголтоо хуваалцах гэсэн юм, Би эмнэлэгт КОВИД-ын эмчилгээ хийлгэж байлаа. 10-р сарын 19-ны орой би эмнэлэгт хүргэгдэж ирэхэд миний цусан дахь хүчилтөрөгч дөнгөж 90% миний амьсгал маш сул байсан. Би эмчилгээ хийлгээд 10-р сарын 22-нд бие тогтворжиж ирлээ. Тэр орой би Танд хандан чин сэтгэлээсээ залбирсанд Та ирж надад тусалсан. Таны царай маш тод гэрэл цацран харагдаж Таны урт алтлаг үс хоёр талаараа долгиолон байсан. Та над луу нэлээн ойрхон дөхөж ирээд өөрийн дотоодын Их Багшаа сэрээгээрэй Дотоодын Их Багш чамд бүгдийг заана гэж хэлсэн. Тэгээд Та алга болсон. Дараа нь Их Багшийн өөр нэг хувилгаан бие үсээ ардаа шуусан арай өндөр настай цагаан өмсгөлтэй хүрч ирсэн. Таны хоолой маш гүнзгий бас тун энэрэнгүйгээр ийн хэлсэн. “Бясалгал бол өөрийгөө олж нээх тухай юм, бусдад харуулах гэж биш. Өөрийгөө олж нээх гэдэг яг л ажиглаж сурч байгаа хүүхэд мэт. Эргэн тойронд байгаа юмс үзэгдлийг үргэлж ажиглаж бай” гэж сургалаа. Өглөө болоход би Танд хэдийгээр би авшиг аваагүй ч гэсэн намайг шавиа болгож хүлээн авсанд талархсан. Таныг харангуутаа тэврэхийг маш ихээр хүссэн боловч хэдий ойр байсан ч Таныг хохироохыг хүсээгүй учраас тэвэрч зүрхлээгүй. Их Багш Та үнэхээр энэрэнгүй! Насан эцэслэх өдрийг хүртлээ би таны хайрыг, энэ зөв замаар алдахгүй дагахад тусална уу! Ау Лак (Вьетнам)-ийн Хиу ТамБи үндэстний хувьд Конго хүн. 2024 оны 9-р сарын 19-ний пүрэв гарагийн орой би, Төгс Гэгээрсэн Их Багш Чин Хайг, өөр өөрсдийн ажлаа хийх гэж явж байгаа хэдэн хүнтэй хамт, хэвийн алхаж буй зам дээр явж буй ахуй ойлголтыг харсан. Бурхан Төгс Гэгээрсэн Их Багш Чин Хайд “Таны цаг дууслаа, Гэр рүүгээ яв." гэж хэлэхийг би сонсов. Төгс Гэгээрсэн Их Багш Бурханд хандан Би дуусаагүй байна гэж хэлээд Өөрт нь илүү их цаг гаргаж өгөхийг Бурханаас гуйв. Энэ яриа бодлоос бодлын хүрээнд явагдсан. Дараа нь Бурхан хүн бүрийг удаашруулах хөдөлгөөнд оруулж, хүмүүс үйл ажиллагаагаа удаашруулж эхэлснийг би харсан. Тэгээд би Бурханы дуу хоолойг "ЯВЖ, ДУУСГА." гэхийг сонссон. Тэр даруй Төгс Гэгээрсэн Их Багш Чин Хай хотын өнцөг булан бүрийг тойрон гүйж, хараахан хүрч амжаагүй хүмүүст хүрэхийг хичээж байхыг би харав. Ингээд Төгс Гэгээрсэн Их Багш Чин Хайн зурагтаар айлдсан захиасыг үзэхэд бидэнд их цаг үнэхээр үлдээгүй байлаа.Төгс Гэгээрсэн Их Багш Чин Хай, би хараахан авшиг аваагүй байгаа. Их Багшаас авшиг авахын тулд би юу хийх вэ гэж асууж байна. Би 9-р сарын эхнээс хойш 100% цагаан хоолтон болсон бөгөөд Таван Сахилыг мөрддөг. Би Христийн шашинтан. Таны хариултад баярлалаа, Төгс Гэгээрсэн Их Багш Чин Хай. Селестин, Бүгд Найрамдах Ардчилсан Конго УлсаасИх Багш болон Суприм Мастер Телевизийн хамт олны амрыг айлтгая.Нэг шөнө Их Багш, “Би маш их ядарч байгаа ч амрах газар алга” гэж хэлэхийг сонссон юм. Дараа өдөр нь би тохиолдлоор Их Багшийн бидэнд Их Багш бүх цаг хугацаанд цор ганцаар туулдаг хүнд бэрхийн тухай айлдсан бичлэгийг үзлээ. Тэгээд бид Их Багшид нэг тусдаа өрөө бэлдэхээр шийдсэн юм. Цэвэрлэх хүмүүсээс өөр хэн ч тийш нэвтрэхийг зөвшөөрдөггүй. Тэгээд би Багшид өдөр бүр хоол хийдэг болов.2023 оны 1-р сарын 26-нд, хоёр өдрийн дияаны үеэр Их Багшийн Гэрлэн лагшин тэр тусгай өрөөнд ирж, өвчин намдаагч Салонпас (өвчин намдаадаг наалт) авчирч өгөөч гэлээ. Би үүнийг зөвхөн миний дотоод ахуй ойлголт гэж бодов. Гэтэл хамаатны дүү над дээр ирээд шаргалт үст нэг хатагтай шат уруудаж явахыг харсан гэлээ. Бас үйлчлүүлэгч маань Багшийг харсан байсан, (Би нэг веган ресторантай юм.) Тэр хэлэхдээ “Өнөөдөр олон үзэсгэлэнтэй хатагтай байна шүү!” гэсэн юм. “Тэд хаана байна вэ?” гэж намайг хэлэхэд “Шар даашинзтай нэг хатагтай байсан. Танайхан дөрвүүлээ биз дээ, тийм үү?” гэв. “Үгүй ээ, гурвуулаа.” гэхэд тэр, “Үгүй ээ, шар даашинзтай хатагтай, жижигхэн биетэй эмэгтэй саяхан энд байсан.” гэж хэлсэн. Бидний сэтгэл маш их хөдөлж уйлцгаасан.Их Багшийн хувилгаан лагшин үнэхээр энд байжээ! Тийм гайхалтай Адислал хүртсэн миний мэдрэмжийг үгээр илэрхийлэх арга байгаагүй! Энэ мэдрэмж яг л Таны яруу найргийн дараах мөрт шиг: “Цаглашгүй Хайрт Түүний дэргэд оршин байх Энэ л цаг мөчийн төлөө мянга мянган жилийг туулсан мэт.” Амар амгалан, эрүүл энх, зол завшаан, таатай бүхэн, аядуу сайхан ямагт Багштай минь оршиг. Шавь Доан Тран Ау Лак (Вьетнам)Гэх мэт...
Хэрэв та гэгээрсэн бол сүнс тань маш их гайхамшгийг бүтээж чадна. Багахан гэгээрсэн байсан ч агуу гэгээрэлд хүрэх замдаа та бүхэн хэдийнээ Бурханы Ертөнцийн Хүчтэй холбогдсон байдаг. Багахан гэгээрсэн байсан ч (дотоодын Диваажингийн) Гэрэл та бүхэнд бий. Та бүхэн өөрсдөө ч мэдэлгүй бусдад тусалж байдаг.Эрхэм Төгс Гэгээрсэн Их Багш Чин Хай, 2019 онд Таны “Агшин зуур гэгээрэхийн түлхүүр” хэмээх сургаалыг олж уншаад, хэрэв Та үнэхээр амьд Будда бол итгэх ямар нэгэн тэмдэг надад илгээхийг хүсэн би залбирсан юм. Тэр шөнө миний өрөө аурагаар гэрэлтэж, урьд хэзээ ч миний мэдэж байгаагүй нууцлаг үнэр ялгаруулж байлаа. Тэр цагаас хойш би ид шидийн хүчээ орхихоор шийдэж, Гурван Ертөнцөөс гарах арга замыг олсондоо баярлан, Таны шавь болох хүсэлт гаргасан юм.Таны бүх жинхэнэ бясалгагч өөрсдийнхөө үйлдлийг мэдэлгүй, үйлдэхгүйгээр үйлдэж, “аминч бус шидэт хүч”-ийг өөртөө агуулж байдаг. Тухайлбал, хүнд осолд орж, ослын газарт амьсгал хураасан мэт байсан ч яаралтай хагалгаанд орохоор эмнэлэгт хүргэгдсэн нэгэн авшигтан байв. Бусад авшигтнууд ирж цусаа өгөхийг хүсэхэд тэр гайхамшигтайгаар сэргэсэн. Тэрээр осол болоход сүнс нь биеэсээ гарсан бөгөөд тэнд хэвтэж буй бие нь харагдаж байсан ч дахин орж чадаагүй тухайгаа ярьсан юм. Авшигтнууд ирээд тэд тус бүрдээ Гэрэл цацруулж, тэдний Гэрэл нь асар том Гэрэл болон нэгдэж, түүний сүнсийг бие рүү нь буцаан түлхэхэд нь тусалж байхыг тэр харсан байна. Тэд түүнийг өөрсдөө ч мэдэлгүй аварсан аж.Их Багш аа, Та үнэхээр хамгийн Агуу Гэгээрсэн Их Багш билээ. Та намайг шавиа болгон хүлээн авсанд би гүнээ талархаж байна. Ау Лак (Вьетнам)-аас Таны шавь Тиень Нхань
Зөвхөн Будда болсон үедээ л, төгс гэгээрсэн үедээ л бие махбодын хувьд юу хийж байгаагаа мэддэг. Бусад нь юу хийж байгаагаа мэддэггүй. Нэг бол тэд Гэрлээрээ, тойрсон гэрлэн бүрхүүлээр, биеэ тойрсон Гэрлээр бусдыг адислах юм уу сөрөг энергиэр бусдыг хохироох боломжтой. Тэд аль алийг нь мэддэггүй. Зөвхөн Бодисадва нар, Будда нар л яг юу хийж байгаагаа мэддэг. Мөн хийлгүйгээр бас хийж байдаг. Учир нь Тэд агуу Ертөнцийн Хүчтэй холбогдчихсон байдаг юм. Тэд хэн нэгэнд туслахдаа бахдаж, бардамнах гэсэн өчүүхэн явцуу сэтгэлгээтэй энерги буюу бодол ашигладаггүй. Үгүй. Тэд хийдэг ч юу ч хийдэггүй. Зөвхөн Бурханы Хүч л хийдэг юм.Хэрэв бие махбодын үүднээс харвал Их Багшийн бие махбод үүний төлөө л байдаг. Биет оршихуйд байхдаа үүнийг илүү тод харах боломжтой. Та бүхнийг ойр байж, хялбархан холбогдог гэж л Их Багш бие махбодод төрөл авдаг юм. Тийнхүү та бүхэнд Их Багш хүмүүний хэлээр ном тайлж, бодол сэтгэлдээ та нар түүнийг нь ойлгож, хүлээн авах болно. Тэрнээс биш та бүхнийг гэгээрүүлдэг нь бие биш, харин тэрхүү бие доторх Хүч, томилогдсон тэрхүү эрхэм бие доторх Хүч юм. Энэ та нарт тусалдаг.Харин ямар ч Их Багш бахархаж, “Өө, би түүнд тусалдаг, тэрэнд тусалдаг. Би агуу.” гэж бардамнахгүй. Үгүй, үгүй. Тэгж боддоггүй. Яг л амьсгалж байгаа мэт аяндаа л болдог зүйл. Яагаад гэвэл Тэдэнд ямар ч “би”, биет би, аминч би байхаа больсон байдаг. Тэгэхээр өнөөдрийн миний бяцхан яриа та нарт тус болно гэж найдъя. Мөн мэдээж энэ нь миний Бурханы шавь нарт тустай. Тийм учраас би хааяадаа нэг ярих ёстой болдог.Өдөр бүр ингээд ярьж чадахгүй. Шаардлагагүй. Нэг л ярихад үүрд үлдэнэ. Бүх сүнс бариад авч чадна. Тамд хүртэл, тамд шийтгүүлж буй төрөлтнүүд ч барьж авдаг. Гэхдээ тэд хэт их зовж шаналж байдаг. Тэд юу ч мэдэхгүй. Хэдийгээр тэд барьж авдаг ч юу ч хүлээн авч чадахгүй. Үйлийн үр нь дэндүү хүнд. Энэ нь тэднийг хорьж, тэд яг л ууланд, асар том ууланд даруулсан мэт байдаг. Хэзээ ч хөдөлж чадахгүй. Өөрсдийгөө хэзээ ч хамгаалж чадахгүй. Тэд юу ч сонсдоггүй, юу ч хардаггүй, юу ч мэддэггүй. Гэгээрлийг дадуулдаггүй, Хамгаалуулах агуу Гэгээрсэн Их Багшгүй ямар ч төрөлтөн ийм л өрөвдөлтэй нөхцөлд унах магадлалтай.Гэгээрсэн Их Багшийг эрж хай гэж та бүхнээс гуйя. Хэрэв надад итгэхгүй бол эрж хай, Бурханд залбир, залбир, залбир, залбир, Бурхан өөрийг тань төлөөлөгч Хүү рүүгээ хөтөлж хүргэхийг гуйн залбир. Бурханы Цорын ганц Хүүг олж чадвал хамгийн сайн. Өөр бусад, арай доогуур төвшний Их Багш нар бий. Гэхдээ оргүйгээс л дээр юм даа. Хэдэн сарын өмнө би бусад яриандаа та нар хаанаас аврал эрж болох тухай хэлсэн. Тиймээс өөрийгөө аврахыг хүсвэл, Бурхантай нүүр тулан, таньж мэдэхийг хүсвэл та бүхэн тэрхүү яриаг хайж олоорой.Хэрэв та Их Эзэн Есүсийг таньж мэдэхийг хүсвэл, Буддаг таньж мэдэхийг хүсвэл, өөр өөр шашны бүхий л Их Багш нарыг таньж мэдье гэвэл эхлээд чадварлаг гэгээрсэн Их Багшаас гэгээрлийг хүртээрэй. Эсвэл магадгүй чадвар муутай хэдий ч гэгээрсэн Их Багшаас. Тухайн Их Багш хамгийн багадаа Дөрөвдүгээр Төвшнийх байх ёстой. Бид өөд болохоороо Асурийн, Шалтгаан үр дагаврын, Брахмагийн гэсэн гурван Төвшинтэй нүүр тулдаг. Тэгээд Дөрөвдүгээр Төвшин бий. Тэрхүү Төвшний Бурханы Нэрийг би та нарт хэлж болохгүй. Авшиг хүртсэн үед тань л хэлнэ. Авшиг хүртэх үед тань бид тэрхүү Нэрийг миний Хамгийн Дээд Оршихуйн Хүчээр цэнэглэн, хэлэх болно. Тэгж байж та нар тусыг нь хүртэнэ. Үг дангаараа, Бурханы Нэр дангаараа та нарт тусгүй.Гуйя веган бай, гэгээрэлд хүр. Ядаж л Бурханыг магт, өдөр бүр Бурханд залбир. Бурханыг амьдралынхаа нэг хэсэг болго. Бурханыг саднаа болго. Бурханыг бүү март. Бүх зүгийн, бүх цагийн бүх Их Багш нарт талархахаа бүү мартаарай. Тэгэхэд л хангалттай. Төгс гэгээрэлд хүрсэн Их Багшаар дамжин гэгээрэлд хүр, магадгүй хуучин, эртний Их Багшийгаа, хальсан Их Багшийгаа түшдэг арай доогуур төвшний Их Багшийн тусламжтай гэгээрээрэй. Зарим Их Багш нар арай бага гэгээрэлд хүрсэн байдаг ч та нарт туслахын тулд тэд өөрсдөөсөө илүү гэгээрсэн Их Багшийгаа түшдэг. Гэвч тэд хэт олон хүнд туслах боломжгүй. Тэр л асуудал. Төгс гэгээрэлд хүрсэн Их Багш дэлхий дахинд туслах боломжтой. Хэрэв дэлхий бүхэлдээ энэ Их Багш руу ирж, аврал одуулбал Тэд бүгдийг нь аварч чадна. Тамын төөрсөн сүнснүүдийг ч Тэд аварч чадна. Төсөөл дөө. Тэгэхээр ийм төрлийн Их Багштай үнэхээрийн хувь ерөөлтэй хүн л учирдаг.За. Сар шинэ болж байна. Дахин мэнд дэвшүүлж, хамгийн сайн сайхан бүхнийг хүсэн ерөөе. Бүх сайн хүсэл, эрхэм ариун үйлс тань саадгүй биелэн, хэрэгжих болтугай. Бурхан та бүхнийг адислаг. Бурхан та бүхнийг ивээн, гэгээрлийг таниулах болтугай. Амен. Авид Бурхан минь. Бүхий л Их Багш нар биднийг Өршөөн, Хамгаас Агуу Оройн Дээд Бурханы Ивээлээр биднийг гэгээрүүлж, гэтэлгэх замд хөтлөх болтугай. Баярлалаа. Амен.Photo Caption: Хүчтэй ба Сул Дорой Эв Найртай Оршино > Ийм Энх Тайван Сайхан шүү!
