Нэг минутын дотор Бурхантай хэрхэн холбогдох вэ, лекцийн 6-ын 3-р хэсгийг

Тэгэхээр жишээ нь ердийн нөхцөлд төрөөд үхэж байгаа хүн үйлийн үрдээ хөтлөгдөн тамд юм уу эсвэл доогуур диваажинд, дээд Диваажинд, эсвэл бүр там Диваажингийн системээс бүрэн ангид, сайн муугийн ялгааг мэдэхээргүй өндөр хэмжээст төрөл авдаг. Зөвхөн төгс сайн, маш энгийн, хялбар, аз жаргалтай, гэгээрэлтэй, Бурханы хүүхдүүдийн мэдрэх ёстойг мэдэрч, байх ёстой шиг байдаг тийм хэмжээст. Харин зарим сүнс доогуур хэмжээст байдаг. Жишээлбэл материаллаг оршихуйд, мөн зарим нь тамд байдаг - энэ тухай нэмж яримааргүй байна. Энэ тухай би товчхон ярьсан ч хангалттай. […]

Буддын шашинд Будда энд тэнд там Диваажингийн талаар дурдсан байдаг. Мөн Кситигарба хэмээх Буддын судар байдаг бөгөөд тэнд олон өөр өөр тамыг тун нарийн, дэлгэрэнгүй тайлбарлан бичсэн байдаг. Тик Нат Ту гэдэг нэг лам байдаг тухай та нарт хэлсэн. Тэр там гэж байхгүй гэдэг. Энэ нь тэр Кситигарба хэмээх бүхэл бүтэн Буддын судар байхгүй гэж хэлж байна гэсэн үг. Кситигарба Бодисадва гэж байхгүй гэж буйгаас ялгаагүй, яагаад гэвэл Кситигарба Бодисадва тамд унасан сүнснүүдийг авардаг. Тэр харж хандаж, тэдэнд тусалж, тодорхой хэмжээнд гэгээрүүлж, улмаар тамаас гэтлэгдэх боломжийг бүрдүүлдэг. Зарим нэг хөнгөн тамын ялтай хүмүүст тусалдаг, бүгдэд нь биш, учир нь зарим тамаас ахин хэзээ ч гардаггүй, хэт том, хэт хүнд үйлийн үртэй болохоор ямар ч Будда тусалж чаддаггүй.

Нөгөө Тик Нат Ту хэмээх лам бас Авид Бурханы Орон байдаггүй гэдэг. Ингэснээрээ бас Шагжамуни Буддаг бас үгүйсгэж байна гэсэн үг, манай цаг үеийн Буддын шашны анхдагч, гол Бурхан Будда Авид Бурханы Орныг тайлбарласан.

Тийм учраас би бүх лам нарыг хэрэв мэдэхгүй бол чимээгүй байж, илүүтэй суралцаж, ямар Буддагийн Нэрсийг шүтэхээ сонгож, боломжтой бол гэгээрлийн төлөө залбир гэж зөвлөдөг. Үгүй бол зөвхөн Арьяабалын Арга л Буддагийн Орон, Диваажин, өндөр Диваажинд хүрэх хүртэл танд өнө мөнх байх, шууд гэгээрэх гэгээрлийг өгдөг. Энэхүү Диваажиг бид Гэр, жинхэнэ Гэр, Бурханы Ухаарал гэдэг.

Бусад олон аргууд нь ердөө л хүмүүсийн хэлдгээр “оймсны цаанаас мааждаг”. Жинхэнэ биш, үр нөлөөгүй, үр нөлөөтэй байлаа ч үүрд үргэлжилж ч мэднэ, маш урт удаан хугацаа шаардана, өмнөх төрлөөсөө үргэлжлүүлэн дадуулах боломжтой байлаа ч маш олон олон төрөлдөө дадуулах ёстой.

Арьяабалын Арга бол та нарыг Бурханы Оронд хүргэх, Диваажинд, Бурханы Гэрт хүргэх цорын ганц арга юм. Хамгийн хурдан, шууд хүргэх цорын ганц арга. Тийм учраас би “Агшин зуурын Гэгээрэл” хэмээн нэрлэдэг юм. Шавь та бүхэн миний юу ярьж байгааг мэднэ, өөрсдөө ч баталсан. Тийм учраас энэ аргаар үргэлжлүүлэн дадуулж, намайг магтаж, надад маш их талархдаг. Гэвч эхлээд Бурханд талархахаа мартуузай. Надад талархъя гэвэл хамаагүй. Мэдээж бидэнд тусалж буй бүгдэд бас талархах учиртай. Гэхдээ хамгийн чухал нь, бидний талархах ёстой гол Төрөлтөн бол Хамгаас Агуу, Оройн Дээд

Бурхан билээ. Арьяабалын Аргад суралцахад та бүхэнд үүнийг уламжлах төгс гэгээрэлд хүрсэн Их Багш хэрэгтэй. Үгүй бол бас ямар ч нэмэргүй. Арга гол нь биш, яагаад гэвэл сүнснээс сүнсэнд уламжлагддаг. Хэрэв тухайн сүнс хангалттай гэгээрээгүй, үйл явцыг зүгээр л тоть шиг давтвал танд бүр хор хөнөөлтэй байж мэднэ. Учир нь тэр таныг хэрхэн хамгаалахаа мэдэхгүй. Энэ материаллаг амьдралд болон дараах амьдралд тань, таныг тамууд, бүхий л гав гинжнээсээ бүрэн салж Гэртээ харьж, бүрэн чөлөөтэй болж гэтлэгдэх хүртэл тань таныг 24/7 хамгаалж чадахгүй. Зовлонт ертөнцөд та нар дахин хэзээ ч төрөх шаардлагагүй.

Өө, дашрамд хэлэхэд би дахиад жаахан судалж, өөр олон янзын өвдөлт мэдэрдэггүй хоол хүнсийг та нарт зориулан олж мэдсэн. Идэж болох бүх төрлийн өвдөлт мэдэрдэггүй хоол хүнс болох зарим жимс, хүнсний ногоо, самар, үр, тос гэх мэтийг. Эдгээр нь шим тэжээл, аминдэм, тэжээллэг чанаруудыг угаасаа бүрэн дүүрэн агуулж байдаг. Хэрэв та бас Арьяабалын Бясалгалын Аргыг дадуулдаг бол энэ бүхэн таны гэгээрэлтэй хослон, бие махбодын гайхалтай амьдрал, оюун санааны агуу ололтыг өгөх болно. Яагаад тэр вэ гэж үү? Зарим мод, жимс жимсгэнэ, зарим ургамлыг хүмүүс авч хэрэглээндээ, эмчилгээний зориулалтаар, эсвэл бусад хэрэгцээнд ашиглахад яагаад өвдөлт мэдэрдэггүй вэ гэж асуух байх. Яагаад? Яагаад зарим нь өвдөж, зарим нь өвддөггүй вэ? За, би одоо хариулъя.

Эргэн тойронд тань байгаа хүнсний ногоо, хоол хүнс, хэрэглэж болох өөр юу ч бай, шим тэжээл авах, эдгээх зорилгоор ашиглах зүйл өвдөлтгүй байдаг нь тэдгээрийг Бурхан бүтээсэн, Бурханы Хүчээр, Бурханы Ивээлээр, Бурханы Хайраар, Бурханы Адислалаар бүтээсэн учраас тэр юм. Тэд байгаагаараа хэдийн сайн. Тиймээс Библид “Би хүмүүст зориулан жимс, ургамлыг бүтээлээ. Мөн амьтан-хүмүүст тэжээлийг нь бий болголоо.” гэсэн байдаг. Тийнхүү Бурханы бүтээсэн зүйл ямар ч өвдөлт, үйлийн үргүй бөгөөд шим тэжээлээр баян, хүн төрөлхтөн болон бусад бүх төрөлтөнд шаардлагатай ашиг тусаар дүүрэн байдаг. Гэхдээ өвдөлттэй байвал үүнд шалтгаан бий. Бурханаас ирээгүй, Бурхан анхнаас нь бүтээгээгүй бол өвдөнө.

Бид сүнсний тухай ярьж байсан. Сүнс мэдээжийн хэрэг асар их хүч чадалтай. Мөн сүнснүүд бид оюун ухаан, бие махбод, бодол санаа, сэтгэл хөдлөл, сэтгэцийн хүч, бие махбодод өвлөгддөг бүх төрлийн хүчийг биет оршихуйд ашигладаг. Энэ дэлхийд та нарыг оршин байхад, мөн хүрээлэн буй бусдад туслахын тулд сүнс бие махбодын багажуудыг ашиглаж, биеийг зөв зүгт залж байдаг.

Учир нь энэ дэлхийд бие махбод хэрэгтэй. Энэ дэлхийд гэгээрэхийн тулд энэ бие махбод хэрэгтэй. Хэрэв бие махбод шаардлагагүй байсан бол Бурхан яах гэж Эзэн Есүсийг, эсвэл Буддаг ч юм уу бусад гэгээрсэн Их Багш нарыг бидэнд заалгахаар дэлхий рүү илгээх вэ? Яагаад гэвэл ойр байх нь чухал. Жишээ нь цахилгаанд шош хэрэгтэй, мөн генератор, гэр рүү холбосон утас байж байж ашиглах боломжтой. Сүнс гэдэг нэг зүйл, гэвч бүхэл Ертөнцтэй холбогдъё гэвэл танд бие махбод хэрэгтэй, мэдлэгийг дамжуулах бие махбод хэрэгтэй. Тийм учраас Их Багш нар энэ дэлхий дээр төрөл авч маш их зовох ёстой болж, маш их золиос гаргаж байж бусад материаллаг төрөлтнүүдтэй ойр байж, тэднийг дэвшүүлж, гэгээрүүлж, адисалж, Гэр рүү нь аюулгүй хөтөлдөг.

Бидний ярьж байгаа энэ зүйл, жишээ бид үхэх үед сүнс биеэ орхидог. Гэхдээ сүнс эрх чөлөөгүй хэвээр. Хэрэв бид өндөр төвшинд гэгээрээгүй бол үхэх үед сүнс биеэс гарлаа гээд чөлөөлөгддөггүй. Бид олон биетэй. Хэрэв бид тийм доор унасан байвал шалтгаан үр дагаврын бие бүр доогуур тамд байдаг. Физик бие, Асурын бие, Шалтгаан үр дагаврын бие, Брахма бие, сүнслэг бие, илүү дээшээх бие. Бие болгон яг л станц, хүлээн авагчтай адил. Яг л цахилгаан гаргагч эрчим хүчний станц шиг. Гэвч үүнийгээ өөр өөр төхөөрөмж, өөр өөр байшин, өөр өөр системд, өөр өөрөөр ашиглахын тулд бусад зарим багаж хэрэгсэл хэрэгтэй.

Үүнтэй адилаар сүнсийг бүрхсэн олон биес байдаг. Сүнсийг илүү дээд ертөнцтэй холбоотой байх үед энэ нь бас хамгаалалт болж өгдөг. Та нарт ганц бие байдаггүй, ертөнц болгонд өөр өөр бие шаардлагатай. Там, Асурын Ертөнц, материаллаг ертөнцөөс авхуулаад дээшээ, хамгийн дээд төвшин хүртэл өөр өөр биетэй. Тус бүрд нь онцгой бие хэрэгтэй. Зарим биеийг яг л энд материаллаг оршихуйд байгаа мэт харах боломжтой, биеийн оршихуйгаар дамжуулан бид нэгнээ харах боломжтой. Асурын Ертөнцөд бид өөрсдийгөө харах боломжтой ч Асурын бие нь болхи бүдүүлэг материаллаг биеийг бодвол арай л дээр. Асурын төвшнөөс дээш биес улам л илүү нарийн цэвэр болдог. Тэгээд хамгийн дээд ертөнцөд зөвхөн Гэрэл л харна, үүнийг бүрхсэн ямар ч бие харагдахгүй. Тэнд хүрсэн сүнс хамгийн дээд төвшинд бүрэн эрх чөлөөтэй байх болно.

Photo Caption: Сүүлчийн Амьсгалаа Хураатал Таныг Хамгаална!

Зураг татаж авах