Дэлгэрэнгүй
Татаж авах Docx
Дэлгэрэнгүй уншаарай
Тэгэхээр 49 хоног бол бид түүний хувь тавиланг шийдвэрлэж болох хугацаа юм. Бид залбирах ёстой. Өргөл өгөх ёстой. Эд зүйлсийг нь гарга. Боломжтой бол бүх эд зүйлсийг нь зараад ядуу хүмүүст, сүм, хийдэд, сайн буяны ажлуудад өгөх хэрэгтэй. Гэвч мэдээж, тэр хүүхдүүд гэх мэттэй бол амьдралд нь зориулж жаахныг үлдээх хэрэгтэй. Зөвхөн чадах зүйлээ л аваарай, тэгвэл тэр чөлөөлөгдөнө. “‘49 хоногийн хугацаанд өөд болоод хараахан дахин төрөл аваагүй байгаа нэгэн ойрын хамаатнууд нь тэднийг аврах хангалттай хүчтэй буян үйлдэх байх гэж хором мөч бүрд найдаж байдаг.’” Тийм учраас заримдаа тэд зүүдэнд нь ирж, эсвэл өмнө тань хоромхон гарч ирдэг. Гэвч тэд заримдаа тийм ч их ярьж чаддаггүй. Ярьж чаддаггүй, зүгээр л гунигтай харагддаг, хэрвээ тэгвэл тэдэнд таны тусламж нэн даруй хэрэгтэй байгааг мэдээрэй! учир нь тэр үед түүнд хэр их хугацаа үлдсэнийг, хувь тавилан нь шийдэгдэх хүртэл хэр их хугацаа үлдсэнийг мэдэхгүй. Хувь тавилан нь шүүгчээр шийдэгдсэн үед ахиад хийж чадах зүйл байхгүй. Цаг хугацаа ахиад байхгүй! Гэвч түүнээс өмнөх 49 хоног бол их хугацаа бид түүний төлөө их зүйлс хийж чадна. Маш их судар уншиж амжина.“‘Тэр үеийн төгсгөлд өөд бологсод үйлийн үрийнхээ дагуу шийтгэл хүлээх болно. Хэрвээ тэр нүгэлтэн бол нэг өдрийн ч чөлөөгүй олон зуун мянган жил дамжин өнгөрөх боломжтой. Хэрвээ түүний нүгэл нь тав дахин илүү хөдөлшгүй шийтгэлийг хүртэх ёстой бол агуу тамуудад унаж олон зуун мянган эрин галавт эцэс төгсгөлгүй зовлонг туулах болно.’” Энэ бол олон тэрбум, триллион, газиллион жил гэсэн үг. Өөрийгөө гээд төсөөл дөө. Тэнд ямар ч авралгүй, өдөр шөнөгүй, амьдралынхаа хором мөч бүхэнд тамлуулж, түүнийг мэдэж, зовлонгоо мэдэрч байна гээд төсөөлдөө. Туслах хэн ч байхгүй, дуудах хэн ч байхгүй. Дэндүү их зовлонд, амаа ч нээж чадахгүй. Залбирахыг ч санадаггүй. Тиймээс өмнө нь залбираарай. Хэрвээ та нарт туслах хамаатан байхгүй бол, дуусаа. Тэгэх ёстой. Ийм зовлонг маш урт хугацаанд, Бурхан минь! Ямар аймшигтай, ямар аймар! Өөрийгөө гээд төсөөл дөө. Ямар тэвчишгүй, ямар аймшигтай, ямар аймшигтай вэ! Бурхан минь, ямар ч хүн ийм зүйлийг туулахыг хүсэхгүй байна.Энэ дэлхийн бүх зүйлс хий хуурмаг, гэвч ертөнцийн хууль бол хий хуурмаг биш. Үйлийн үрийн хууль тийм биш. Үйлийн үрийн хуулиас чөлөөлөгдөөгүй бол та нар мэдрэх болно, Их Багшийн хүчээр дамжуулж эсвэл Будда нарт итгэл бишрэлтэй байж, эсвэл сайн үйлс хийж, амьдралдаа үргэлж анхааралтай байх хэрэгтэй. Хийж, бодож, ярьж байгаа бүхэн тань үргэлж сайн, цэвэр ариун, сайн санааны үүднээс байх ёстой. Үгүй бол хэлэхгүй байсан дээр. Би бол Их Багш бүхнийг хэлэх ёстой, олон зүйлсийг. Гэвч та нар тэгэх шаардлагагүй бол, чимээгүй байгаарай. Бусад хүмүүст энэ хүний муу зүйлсийг хэлж, нөгөө хүн нь цааш нь, улам цааш нь тараах зүйл бүү хэл. Бусдын муу зүйлсийг хэлснээр та нар тэр үйлийн үрийг бас хуваалцах ёстой болно. Зөвхөн өөрөө хийх ч биш. Тиймээс болгоомжтой байгаарай, за юу? Гурван сармагчныг санаж байна уу? (Тийм.) Сармагчин хүртэл та нарт зааж чадна. Муу зүйлсийг харахгүй, сонсохгүй, ярихгүй бай.“‘Түүнээс гадна Агуу Настан минь, нүгэлт үйл үйлдсэн төрөлтнүүд өөд болоход хамаатнууд нь цагаан/ногоон хоолны өргөл бэлдэж,’” харж байна уу? “‘үйлийн үрт зам мөрд нь тусалж болно. Цагаан/ногоон хоол бэлтгэх явцдаа мөн үүнийг идэхээс өмнө будаа угаасан ус болон ногооны навчсыг газарт ч хаяж болохгүй.’” Хөөх! Угаасан ус хүртэл идэхээс нь өмнө асгаж болохгүй нь, будаа, ногоо, жимс угаасан бохир усыг газар асгаж болохгүй.“‘(Веган) хоолоо Буддад болон чуулганд өргөл болгохоос өмнө хэн ч идэх учиргүй.’” Та нар бас энэ бүхнээс болгоомжлох учиртай. Өргөл барьчхаад л “За, би эхлээд идье.” гэж болохгүй. Амсаж ч болохгүй. Хэр их вэ гэдгийг мэдэж байх учиртай. Бага зэрэг их, юм уу бага давстай байлаа ч Будда тоохгүй, амьд чуулганд л өргөл болгоогүй бол зүгээр. Давс багатай байсан ч ирж судар уншиж байгаа чуулганд, лам нарт, өргөл болгосон хоолтойгоо соё соус юм уу давс хажууд нь өгч болно. Гэвч өмнө нь бүү амс.Хөөх! Бодисадва үнэхээр нигүүлсэнгүй юм. Тэр бүх зовлонгийн тухай, мөн зовлонгоос хэрхэн ангижрахыг нарийн мэдэж байна. Тэр үнэхээр нигүүлсэнгүй. Бид бүгд энэ Бодисадвад яг одоо талархацгаая, Кситигарба буюу Газрын Зүрхэн Бодисадвад талархацгаая. Агуу төрөлтөн минь, Та бол агуу төрөлтөн билээ, агуу, агуу, агуу. Танд маш их баярлалаа. Маш их баярлалаа. Би бараг л уйлах нь. Түүний золиослол, сайн үйлсэд сэтгэл их хөдөлж байна. Үнэхээр сайхан, үзэсгэлэнтэй! Танд баярлалаа, бид бүгд Танд талархаж байна. Дэлхий Танд талархаж байна. Бүх аврагдсан төрөлтнүүд Танд талархаж байна. Танаар эсвэл Таны заасан судраар аврагдах бүх төрөлтнүүд Танд маш ихээр талархаж байна.Бурхан минь! Ямар их Будда, Бодисадва нар бидний төлөө өөрсдийгөө золиосолдгийг харж байна уу. Тэгтэл бид жаахан л бясалгал хийж, Таван Сахил сахих хэцүү биш. Заавал хийх хэрэгтэй. Та нар тэдэнд өртэй. Тариаланчдад, эцэг эхдээ, ах дүү нартаа, гараг дэлхийд сайн хүн байх өртэй. Зөвхөн бясалгаж, Таван Сахил сахих. Илүү зүйл би асуугаагүй. Та нар хүсэхгүй бол надтай ирж уулзах шаардлагагүй. Гэртээ байж, надад итгэж болно. Миний сургаалд итгэж байвал хангалттай сайн. Бясалга. Сайн зүйл хий.Нэг сайн хүн, тэгж хэлсэн - энэ удаад, би зөвхөн Европчуудыг гэсэн - гэтэл хэн нэгэн сайн хүн, “Бусад хүн бүр хурдан ирээрэй.” гэж хэлсэн байсан. Хэдийгээр энэ нь тэдний буруу ч та нарт бол сайн, ингэснээр намайг заримдаа харж чадна, зарим тань. Харин ирж чадахгүй бол... Хүсвэл намайг буруутгаж болно, гэвч энэ нь та нарын (муу) үйлийн үр. Амьдралынхаа бүх зүйлд надад бүү хариуцлага хүлээлгэ. За юу? Би хэдийнээ хамаг сайнаараа хичээсэн. Би та нараас мянга дахин илүү завгүй. Өдөр тутамд, өөр өөр зүйлстэй. Дотор, гаднын. Тиймээс чадах зүйлээ л хий. Чадвал надтай ирж уулзаарай. Санхүүгийн хангалттай дэмжлэг байхгүй бол, номын ах эгч нар тань ирэхэд тань тусалж бас болно. Хэрвээ тэд туслахгүй бол зүгээр л гэртээ үлд. Би үргэлж та нартай хамт байдаг. Надтай ирж уулзах шаардлагагүй. Та нарын хэнийг нь ч надтай ирж уулз гэж би хүчлээгүй. Та нар надад цаг заваа зарцуулж, зарим мөнгөөрөө билет авч ирж байгаа ч энэ нь та нарт тустай. Би асуугаагүй. Би бас эргүүлээд та нарт хэд дахин нугалж өгдөг. Материаллаг байдлаар, сэтгэл зүйгээр, сэтгэл санаагаар, сүнслэгээр ч бас өгдөг. Би энд суучхаад зүгээр л юмс хүлээн авах дургүй. Хайрыг тань хүлээн авч байгаадаа маш их талархдаг ч би бас өгдөг. Та нар надад юу ч өгсөн байлаа би маш ихийг эргүүлэн өгдөг. Бусад хүмүүст өгдөг. Ядуу хүмүүст өргөл өглөө гээд та нарт ач тустай мэт харагдахгүй байвч энэ нь та нарын амьдарч байгаа дэлхийд тустай. Та нарт, болон хүүхдүүдэд тань зориулан сайн энерги бий болгодог. Гарагийг илүү сайн болгодог. Ойлгов уу? (Тийм.) Тиймээс хэдийгээр би та нарт шууд өгөхгүй байгаа ч, үнэхээр бас өгч байдаг. Сайн бүхэн та нарт тустай. Тиймээс сөргөөр бүү бодоорой.Будда юу гэж хэлснийг санахыг хичээ: өглөг, буян Будда нарт, гэгээрсэн гэгээнтнүүд, лам, гэлэнмаа нарт өгөх тухай. Тэд гэгээрсэн лам, гэлэнмаа нар учраас надад тустай гэдэг үүднээс би тэдэнд өргөл бариагүй. Үгүй, үгүй. Тэдэнд хайртай учраас өргөл өгсөн юм. Учир нь би, за... Тэднийг талбайд ажиллаж байсныг ч би мэдээгүй. Тэд зүгээр л суучхаад шавь нь ирж өргөл барихад найддаг байсан гэж бодсон. Гэвч олон Солонгосчуудад Ёндон хүртэл явах цаг зав байхгүй, тиймээс тэдэнд үргэлж сайхан (веган) хоол байдаггүй гэж бодсон. Тиймээс тэдэнд өгсөн ямар ч (веган) хоол нь магадгүй тэд удаан хугацаагаар идээгүй, эсвэл бүр идэж байгаагүй учраас юм. Жишээ нь тэд надад маш их эдгээр сакяа (сахартай-алим) өгсөн, яг л гуанабана шиг. Буддагийн энэ хэсэг үс шиг харагддаг учраас сакяа гэж нэрлэдэг, “Буддагийн жимс” гэсэн утгатай. Тэд надад хэдийг өгсөн ба гэлэнмаа туслахаасаа “Солонгост ийм жимс байдаг уу?” гэж асуухад тэр, “Үгүй, бид тарьж чаддаггүй.” гэсэн. Тэр, “Оролдож үзсэн ч, ургаагүй.” гэсэн. Би, “За, энэ сав дүүрэн жимсийг авч яваад гэлэнмаа нарт өг гэж хэлсэн. Хүн бүрд өгөхөөр их надад байхгүй ч, тэд хуваагаад идэг. Тэдэнд тэгж хэлээрэй.” гэсэн. Учир нь тэдэнд байхгүй.Надад ламд юу ч байхгүй мэт санагддаг: гэр бүлгүй, нөхөргүй, хүүхдүүдгүй, хэдийнээ эхнэргүй, ба амьдрах жаахан (веган) хоолтой ч хангалттай байдаггүй. Тийм учраас тэдэнд өгсөн юм. Ойлгов уу? (Тийм.) Буяны энэ тэрийн төлөө биш! Би өөрөө юуг ч тоодоггүй. Эндхийн бүх зүйлсийг би үнэхээр хий хуурмаг гэдгийг ухаардаг. Надад юу ч биш. Тиймээс ийм сэтгэлээр, хайраар өгөх учиртай. Тэдэнд хэрэгтэй гэж санагдсан учраас тусал. Буяны талаар хэзээ ч бүү бод. Будда энэ бүхнийг хэлж байсан, тайлбарласан ч та нар тэгж боддоггүй. Хайраар өгөх ёстой. Тэгвэл та нар тоосон тоогоогүй буян нь хэд дахин үржигддэг. Гэвч хайраар өгөхгүй бол тэгвэл... жаахан буян хүртэх ч бүтэн биш байна.Тэдэн өгсөн зүйл маань их зүйл биш. Мэдээж, тэд чуулгантай цуг идсэн. Гэвч тэд хэзээ ч идэхгүй байж магадгүй, улсад нь байхгүй учраас, эсвэл лам учраас хэзээ ч амтлаагүй сайхан зүйл байх гэж бодсон юм. Тийм учраас би та нарт тэднийг хүндэл гэж хэлдэг. Тэд гадна байж, ажиллаж, та нартай адил их мөнгө олж болно. Нөхөр, эхнэр хүүхэдтэй болж, байр, машинтай байж болох байсан. Гэвч Буддад итгэдэг учраас өөрсдийгөө огоорсон. Лам байх нь гэтэлгэгдэх зам мөр гэдэгт итгэдэг. Учир нь тэд амьдралынх нь мөн чанар ямартай ч мөнх бус гэж боддог. Тэр үзэл санааг би хүндэлдэг. Тэр үзлээ хадгалдгийг нь би хүндэлдэг. Тийм учраас би тэднийг хүндэлдэг. Үүнийг хийхэд маш их золиос шаарддаг. Тиймээс та нар, “Адилхан. Ялгаагүй, Их Багшаас авшиг хүртсэн. Ялгаагүй.” гэж бүү хэл. Адил биш! Та нар бүхнийг эдлэн баясдаг. Тэд тэгдэггүй. Одоо ойлгов уу? (Тийм.) Тиймээс тэдэнд орон зай, хүндэтгэл үзүүлж алхаж байхад нь зам тавьж өг. Бүхнийг хүндэтгэн үйлд. Тэднийг “номын ах”, “номын эгч” гэж дуудаад адил гэж, адил Их Багш, адил авшигтан гэж бүү бод. Адил биш. Тэд илүү.Таван Сахил сахихаас гадна та нараас илүү сахил сахидаг. Та нар лам, гэлэнмаа биш учраас олон сахилуудыг би хэлдэггүй. Мэдэхийг тань зөвшөөрдөггүй. Зарим нь маш нарийн учраас олон нийтэд хэлж болдоггүй. Зарим нь сахилууд хэрхэн сахих нарийн тайлбартай. Маш нарийн, олон нийтэд хэлэхэд тийм ч тустай биш. Бас, тэд олон зүйлсээс татгалздаг. Тэд том, өндөр, тав тухтай орон дээр унтдаггүй. Бүгд тийм биш, өвчтэй л биш бол. Мөн хавьгүй илүү бясалгадаг. Сахилуудаа үнэхээр сахидаг. Яагаад лам, гэлэнмаа нар болсноо, яагаад дадуулан бясалгадгаа үнэхээр ойлгодог. Зарим тань гадуур дэндүү завгүй учраас, мөн гэр бүл ажилдаа сатааран, амьдралаа залгуулах гээд, мөн ийм төрлийн амьдралд хүлээтэй хэвээр учраас сайн ойлгодоггүй. Зарим тань үгүй. Та нар бүгд хүлэгдсэн гэж хэлж байгаа юм биш. Хэдийгээр та нар эгэл хүмүүс ч гэлээ, хүлээснээс ангижраагүй гэсэн үг биш. Би тэгж хэлээгүй ч та нарын нэлээдгүй олон тань идэх дуртай зүйлс, өмсөх дуртай хувцас зэргээсээ хүлээс нь тасраагүй л байдаг. Хүлээсгүй байх нь дотоодоос ирдэг. Хэрвээ энэ дэлхийд дэндүү их байвал өөрсдийгөө салгах амаргүй, бодох, сүнслэг бясалгал дадалдаа төвлөрөх цаг гаргахад хэцүү байдаг. Би тэгж хэлсэн юм. Сүнслэг байдлаар нь хэлээгүй, эгэл хүн байвал Будда болж чадахгүй юм уу гэгээрэл багатай байна гэж хэлээгүй, яг ч тийм биш.Тэдний баримталдаг үзэл санааг, огоорлыг нь өөрсдийгөө золиослохоор хичээж байгааг нь би хүндэлдэг. Сайн хүн байх гэж, сайн лам байх гэж тэд маш их хичээдэг. Тэд хичээдэг, хэцүү байдаг ч, тэд хичээдэг. Материаллаг шунал болон хөгжил дэвшил, өрсөлдөөний энэ эринд тэд ийм байх гэж хичээсэн хэвээр байна. Энэ бол хэцүү. Тиймээс үүнийг нь хүндэлдэг. Түүнээс гадна тэдний туулдаг амьдралыг нь өрөвддөг, учир нь би үүнийг өөрийнхөө туршлагаар мэднэ. Сүнслэг дадал бясалгалдаа төвлөрч, бусад ая тухад гажуудахгүй байхын тулд хүмүүжил, сэтгэлийн хат хэрэгтэй байдаг. Хэцүү ч, боломжтой. Сүнслэг дэвшлийг үнэхээр хүсэж байвал хийдэг. Зүгээр л хийдэг, тэгснээр аяндаа л болдог. Гомдоллохгүй ба энэ хүнд хүчрийг мэдэрдэггүй. Сүнслэг дадал бясалгалд тань сайн гэж мэдсэн бүхнээ хийдэг. Хийх болно, зүгээр л хийдэг. Майханд унтана уу, газар унтана уу, эсвэл байшинд биш жижиг урцанд унтана уу хамаагүй. Юуг ч тоодоггүй. Хэрвээ энэ нь өөрт тань сайн гэдгийг мэдвэл, зүгээр л хийдэг.Тэгэхээр, лам юм уу сүм, хийдэд өглөг өгөхдөө заавал хайраар үйлдэх ёстой. Хайр байхгүй бол төсөөлөх хэрэгтэй, “За, би тэр хүн байсан бол ямар байх байсан бол. Гэр бүл маань байхгүй, ямар ч тансаг зүйлгүй, газар дээр амьдарч, өдөрт маш олон удаа залбирч, өөр юу ч үгүй байна. Амьдралд олон зүйлсээс татгалзсан. Одоо, ийм зүйлд маш дуртай байлаа гээд лам, гэлэнмаа учраас авч чадахгүй. Ийм зүйлд маш дуртай байлаа ч одоо лам, гэлэнмаа байсан бол авч чадахгүй.” гэж төсөөлөх хэрэгтэй. Тэгээд төсөөлдөө. Тэгвэл эрхэм ариун үзэл санааны төлөө, илүү дээд зорилгын төлөө амьдралаа золиосолсон хүмүүсийг хайрлах болно. Тэгвэл хайрлана. Учир нь би яг тэд мэт санагддаг. Тийм л юм. Би тэр шавж мэт санагддаг учраас би түүнийг алж чадахгүй. Би яг л тэр тагтаа мэт санагддаг учраас түүнд (веган) хоол өгөх ёстой. Хэрчих ёстой. Тэр талх идэх дургүй, харин нохдын маань (веган) хоолонд дуртай. Энэ бол ухаалаг охин, ухаалаг тагтаа, жижиг тагтаа. Түүнийг доош бууж айлгахгүйн тулд түүнд дээвэр дээр (веган) талх өгдөг, гэсэн ч өнгөлөг нохойн хоол харагддаг учраас тэр доош бууж ирдэг. Тэр идэх гэж хичээсэн ч дэндүү том байсан учраас чадаагүй. Тиймээс, үүнийг хараад маш жижиг хэсгүүд болгон няцалж гудамжинд өгсөн, учир нь тэр тэнд байх дуртай. Тэр аяганд юм уу дээвэр байхад дургүй. Яалтай билээ? Тиймээс тэнд ус тавьж, мөн няцалж өгсөн, учир нь нохдын хоол нь шүдэнд нь зориулагдсан маш хатуу. Гэвч би гудамжинд үүнийг чулуугаар няцалсан, тагтаа тэнд идэхийг хүссэн учраас. Би түүнийг аяганаас цэвэрхэн идүүлэхийг хүссэн. Гэтэл үгүй! Газар идэх дуртай, бохир. Би яалтай билээ? За, тэгээд тэр түүнд дуртай бол тийшээ л явна. Би дээвэр дээр тавьсан ч тэр идээгүй. Доош буугаад өчигдөр миний тавьсан газар хайж байсан ба, тэгээд харахгүй байсан учраас явчихсан. Тиймээс би дээвэр дээрээс аваад шороон дээр тавьж өгсөн. Тийм л байсан. Та нарт хүссэн зүйлс тань бий. Би илүү дээр зүйл мэдэх ч тэр л та нарын хүссэн зүйл бол түүнийгээ л авна.Хайраар хийгээрэй. Бүхнийг хайраар хийх ёстой. Хайргүйгээр өгвөл маш хоосон, хоосон байдаг. Гуйлгачинд ч өгч байсан тэдний нөхцөл байдлыг ойлгох хэрэгтэй. Магадгүй чадахгүй байж болох ч ядаж өрөвдөж, даруухнаар, хамгаалсан бодолтой, сайн энергитэйгээр өгөөрэй. “Май, аваад явж үз.” гэж хэлж, тийм байдлаар биш. Хайр бол хийж буй үйлдэл бүрийн тань мөн чанар. Үүнгүйгээр та нар зүгээр л хоосон бүрхүүл. Үнэхээр тийм. Юу ч хийсэн, маш их буян гэх мэт үйлдэж хүмүүст гайхууллаа ч ямар ч ач тус хүртэхгүй. Тэр хүн идэж, гэдсээ цатгалаа ч тийм ч сайхан мэдрэмж авдаггүй. Учир нь та нарын өгч буй энерги тийм сайхан байдаггүй. Тэгээд та нар маш их мөнгө зарцуулж, юу ч хүртдэггүй. Сэтгэл хангалуун бус, аз жаргалгүй байдаг. Учир нь тэр хүн аз жаргалтай байвал мөн та нар хайраар өгсөн бол, өөрсдөө маш их жаргалтай болж, яг л тэр хүн та нар өөрсдөө мэт байдаг. Тэгээд тэр хүнээс ч илүү жаргалтай болдог. Үүнийг хэмжих боломжгүй ч би мэднэ.Тиймээс Будда нар болон чуулганд өргөл өгөхөөсөө өмнө - Буддагийн зурагт, Буддагийн хөшөөнд, за хамаагүй, эсвэл амьд, амьд бус чуулганд өргөл өгөхөөсөө өмнө бүү ид. Бүү амс. “‘Үүнд сул байдал, алдаа зөрчил гарвал өөд болсон хүн үүнээс ямар ч хүч авахгүй.’” Хөөх! Хөөх! Энд хэлсэн зүйлсийг анхааралтай үйлдэхгүй бол өөд болсон хүн, хэчнээнийг өгсөн ч хамаагүй юу ч хүртэхгүй нь. Тиймээс маш хүндэтгэлтэй байгаарай. Ногоо угаасан усаа хүртэл газар асгаж болохгүй. Буддаг идсэний дараа, хүмүүс идсэний дараа магадгүй асгаж болох байх. Түүнээс өмнө- болохгүй. Өргөл өгч байгаа Будда нар, чуулган амсаагүй байхад та нар идэж болохгүй. Үргэлж цэвэр байлгаж, амаа маскаар хааж, бээлийтэй үйлчилсэн дээр. Тиймээс Буддад өргөл болгож байгаа хоолоо бүү бохирдуул, тэгснээр буян нь өөд болсон хүнд хайр болон цэвэр ариунаар дамжин шилжих болно. Зөвхөн хайр, болоод цэвэр ариун байдал л ийм материаллаг зүйлсийг агуу их, үл үзэгдэх буян болгон шилжүүлж чаддаг. Бохирдсон зүйлс шилжүүлж чадахгүй. Яг л хоолой шиг, усны хоолой шиг, хэрвээ дотроо жижиг чулуунд бөглөрсөн бол ус гардаггүй. Эсвэл хэрвээ хоолой бохир бол ус нь булингартай, шар, бор муу байдаг. Ойлгоход хялбар, тийм үү? Тиймээс үүнийг харж хандах хэрэгтэй. Буддагийн өмнө эсвэл лам нарын өмнө (веган) хоол өргөл болгохдоо ногоо угаасан усаа бүү асга. Тэнд нь байлгаарай. Хооллосных нь дараа магадгүй. Бүх хоолыг чуулган эсвэл... идэж дууссаны дараа... Өгчихсөн бол асгаж болно. Буддад, хальчихсан Буддад ч бай өргөл болгохоосоо өмнө (веган) хоолоо бүү амс. (Веган) хоолоо бүү амс. Эхлээд ламд хайр, хүндэтгэлтэйгээр өгөөрэй. Хэрвээ үгүй бол өөд бологсод үүнээс ямар ч хүч авахгүй. Бурхан минь! Хаагдана, харж байна уу? Хаалт, тийм учраас.“‘Буддад болон хуврагийн чуулганд өргөл болгохдоо цэвэр ариуныг чандлан баримталбал,’” Будда амьд эсвэл Нирваан дүр үзүүлсэн Буддад, “‘өөд болсон хүн буяны долооны нэгийг хүртэнэ. Тийм учраас Настан минь, цагаан/ногоон хоолны өргөлийг өөд болсон аав, ээж, бусад хамаатнуудынхаа нэрийн өмнөөс үйлдэж, тэдний өмнөөс чин сэтгэлээр залбиран гуйвал, амьд, үхсэн Замбативийн төрөлтнүүд хоёул ач тусыг нь хүртэнэ.’ Ингэж хэлсний дараа Траяастримса Диваажингийн ордонд байсан Замбативийн олон зуун мянган сая наюута сүнс, сахиуснууд,” та нарт хэлсэн дээ, “Бодь зэрэгт хүрэх буцалтгүй шийдвэр гаргажээ,” Будда болох шийдэлд хүрдэг. Сүнснүүд! Бүх сүнснүүд, сахиуснууд бүр яакса нар ч мөн адил! Олон зуун мянган сая, хязгааргүй тоогоор. “Наюута” гэдэг нь маш их, тоолохын аргагүй гэсэн үг.“Настан Агуу Элокүэнс хүндэтгэл үзүүлээд буцжээ.” Тэр зөвхөн төрөлтнүүдийн төлөө л асуусан байна, түүнд мэдэх шаардлага байгаагүй. Тэр хэдийнээ бурхан байсан. Тэр хэдийнээ Гэгээнтэн байсан учраас түүнд энэ бүх өргөл барьц хэрэггүй, энэ бүх зүйлсийг мэдэх шаардлагагүй. Мэдэх шаардлагагүй. Бусдын төлөө л тэр асуусан. Тэр хэдийнээ мэдэж байсан. Мөн тэр мэдээгүй байлаа ч мэдэх шаардлага байгаагүй. Тэр гэтэлчихсэн. Ойлгов уу? Тиймээс, бид энэ Настай Агуу Элокүэнсэд мөн Анандад болон Будда Бодисадва нараас асуулт асуун хариулт авсан бүхэнд талархах хэрэгтэй. Бүгдэд нь талархаж байна. Баярлалаа. (Баярлалаа.)
