“Хуурамч их багш Румаг (өөр нэрс нь: Трань Там, Жон, Хюйнь Лон, Кау Ут, Сагаррумагармата гэх мэт) ариусгалын тамаас

“Хуурамч их багш Румаг (өөр нэрс нь: Трань Там, Жон, Хюйнь Лон, Кау Ут, Сагаррумагармата гэх мэт) ариусгалын тамаас дахин аварсан нь” Манай Төгс Гэгээрсэн Их Багш Чин Хайн Олон Улсын Нийгэмлэг (бүгд веган)-ийн гишүүн, Тайвань (Формоса)-ийн Му Юнийн гэрчлэл 2024 оны тавдугаар сарын 16 (Хятад хэлээр)

Их Багш над руу дахин залгаад, “Бид хуурамч их багш Румаг дахиад аврахаар явах хэрэгтэй байна. Түүнийг бид бас өнгөрсөн удаа Лаозитай хамт Хорт хорхойн тамаас аврах гэж явж байсан. Тэр дахиад өөр газар хоригджээ.” гэв.

Биднийг очиход тэр анх Хорт хорхойн тамд хоригдож байсантайгаа адил төмөр хаалгатай харанхуй агуйд дахин хоригдсон байлаа. Ойр орчим нь амьсгал боогдуулсан бузар чөтгөрийн энергиэр дүүрч, төмөр хаалганы гадна дахин нэг давхар төмөр сараалжаар бэхлэгдсэн байв. Тэнгэрлэг шидэт хэрэгсэлгүйгээр үүнийг онгойлгох боломжгүй байлаа. Би Алтан Шийдмээр төмөр сараалжийг чанга хангинуулан хөшиж онгойлгоод, доторх төмөр хаалгыг цохин эвдэв. Тэр даруй тоо томшгүй олон хар хуягт хорт шавж агуйгаас түрлэг мэт цутган гарч, хараа хүрэх газар бүрээр мөлхсөн нь аймшигтай байлаа! Би газарт Тэнгэрлэг тос яаран цацаж, хорт шавжуудыг шатаахаар их хэмжээний Тэнгэрлэг гал гаргав. Гал тачигнан дүрэлзэж, амьсгал боогдуулсан хар хорт утаа ихээр үүсэхэд би Лууны Ордны Дунгаар үргэлжлүүлэн сорууллаа.

Гэвч энэ удаа Лууны Ордны Дун яагаад хорт утааг сайн сорохгүй байв? Тэгээд би сүнслэг андууд болох Тэнгэрлэг Төрөлтнүүд Хөх Луу, Галын Галт Шувуу хоёроо дуудлаа. Хүчит Хөх Луу, Галын Галт Шувуу хоёр ирмэгцээ ам, нүднээсээ Тэнгэрлэг гал цацруулав. Галт Шувуу далавчаа дэлгэн галыг дэвэргэж байлаа. Тэдний хүч хар хуягт хорт шавжуудыг залгихуйц байсан тул тэднийг хурдан устгахад тусалсан юм.

Дараа нь би чөтгөр бутлагч машиныг агуй руу оруулав. Машин хүржигнэн, агуйг дүүргэсэн элдэв чөтгөрийг бутлан устгалаа. Удалгүй Румагийн хоригдож байсан газар хүртэл зам гаргав. Би уурлаж, түүнтэй дахин уулзахыг хүсээгүй тул Их Багшид даатгаад гадагш гарлаа. Би үлдсэн хар хуягт хорт шавжууд руу гал цацан шатаав. Хар утаа нь тэсэхийн аргагүй муухай үнэртэй байлаа! Тэгээд би тэнд зогсон хүлээв.

Энэ хорон санаат Рума ариусгалын тамд хоёр дахь удаагаа хоригджээ. Тэр өрөвдүүлэх өчүүхэн ч гавьяагүй! Удалгүй Их Багш түүнийг агуйгаас чирч гаргав. Бүх бие нь идээт гүвдрүү, хавдсан яр шархаар бүрхэгдэж, арьсан доогуур нь хорт шавжууд махыг нь идэж байлаа. Өмнө нь өнөөх тарган аулак (вьетнам) эм чөтгөрт тохиолдсон шиг хүнд биш ч үнэхээр аймшигтай байв. Тэр өвдөн орилж, тусламж гуйж байлаа.

Би уурлан, “Чи өөрийн хэлдгээр үнэхээр аугаа, асар хүчтэй их багш юм бол Их Багшаас гуйхын оронд арьсаа өөрөө зүсэж нээгээд өөрийгөө эдгээ! Чиний үйлийн үр хэмжээлшгүй их. Ариун Бүлэгт учруулсан бүх гай, Их Багш болон бид бүхэнд үүрүүлсэн их үйлийн үрийнхээ төлөө чин сэтгэлээсээ гэмш!” хэмээн зандарлаа.

Тэр дургүйцэн уйлж, “Яагаад Их Багш гэгээрсэн Их Багш байж болдог байтал би болдоггүй юм бэ? Ялгаа нь юу юм бэ? Их Багш ийм жижиг биетэй, харин би Түүнээс муухай харагддаггүй. Би яагаад гэгээрсэн Их Багш байж болохгүй гэж? Та хүмүүст авшиг хүртээж чаддаг юм бол би ч мэдээж чадна. Бид бүгд Будда биш гэж үү? Тэгвэл хүн бүр авшиг хүртээж чаддаг байх ёстой!” гэв.

Чөтгөрийн ичгүүргүй, гажууд логикийг сонсоод надад туйлын утгагүй, инээдтэй санагдав. Би түүнийг зэмлэн, “Чамд гэмшсэн шинж өчүүхэн ч алга. Тиймээс чи Хорт шавжийн тамд дахин унасан. Энэ нь сүнслэг түвшнээ ойлгоход чинь хангалтгүй гэж үү? Чи нүгэл үйлдчихээд, Их Багшийг араас чинь цэвэрлэнэ гэж найддаг. Ямар жигшүүртэй юм бэ!” гэв.

Түүнд гэмшсэн шинж огтхон ч харагдсангүй. Тэгээд би Их Багшид айлтган, “Их Багш аа, ийм хүнийг дахин авралгүй, чөтгөрийн шоронд нь буцаавал яасан юм бэ? Эс бөгөөс тэр эсэн мэнд гармагцаа хуурамч их багшийн дүр эсгэж, хүмүүст авшиг хүртээсээр байхгүй гэж үү?” хэмээн санал болгов. Их Багш санаа алдан, нулимс унагаж, дуугүй үлдэв… Би дургүйцэн, “Бид түүнийг явуулж болохгүй! Барыг ууланд нь буцаавал тэр эргэн гарч ирээд хүмүүст хор хүргэнэ!” гэв.

Их Багш “Тэр бараас ч аймшигтай! Бар хүн идэхдээ ясыг нь ядаж нулимж орхидог. Харин тэр нүд цавчилгүй хүмүүст хор хүргэж, яс ч үлдээдэггүй!” гэв. Би “Дараагийн удаа түүнийг авруулахаар намайг дахин бүү дуудаарай. Би гэмшдэггүй хүмүүст дургүй. Их Багш аа, түүнд өчүүхэн ч гэсэн гэмшсэн шинж харагдаж байна уу? Огтхон ч алга!” гэж хэлсэн юм.

Их Багш энэрэнгүйгээр дахин нулимс унагаж, “Тэр маш олон хүнд хор хүргэсэн, би тэдний зовохыг ч тэвчиж чадахгүй. Гэвч би түүнийг тамаас аврахгүй бол тамд байгаагаасаа болж бие махбодын ухамсар нь улам бүдгэрч, ухаарахад нь бүр ч хэцүү болно. Тиймээс би түүнийг тамаас дахин дахин татан гаргаж, бас нэг боломж өгөхөөс өөр аргагүй. Гэхдээ одоогоор түүнд гэмшсэн шинж үнэхээр огт алга.” гэв. Би түүнд сургамж өгөхөөр шийдсэн ч гараа бузарлахыг хүсээгүй тул углааш бий болгов. Углаашаа бариад хуурамч их багш Румагийн хацрыг дөрөв, тав хүчтэй алгадаж, улайн хавдтал нь цохилоо. Энэ нь түүнд сануулга болоосой гэж хүссэн юм!

Энэ үед Их Багш түүнийг цэнхэр аулак (вьетнам) малгай, уламжлалт аулак (вьетнам) хувцас өмссөн эрэгтэйн дүрд аль хэдийн буцаан хувиргаад, дахин буцааж явуулах гэж байлаа. Их Багшийн энэрэл хязгааргүй!

Гурван ертөнцийн шоронгоос хүмүүсийг чөлөөлөх Дээдийн Дээд Хүчинд хүрсэн жинхэнэ гэгээрсэн Их Багш нар аль ч эринд нэн ховор байсаар ирсэн. Өнөө үед чөлөөлөлтийн хамгийн дээд замын залгамжийг үнэхээр тээж буй Их Багш бол Төгс Гэгээрсэн Их Багш Чин Хай юм. Суприм Мастер Телевизийг тогтмол үзэж, Төгс Гэгээрсэн Их Багш Чин Хайн эрхэм ариун сургаалыг илүү их судлаарай. Хамгийн гол нь Тэнгэрийн багш хэмээн хуурамчаар дүр эсгэж, бусдыг сүнслэг бясалгал дадалд нь болчимгүй төөрөгдүүлсээр, эцэст нь өөрөө ч мэдэлгүй ариусгалын тамд бүү хоригдоорой!

Трань Там (Рума)-ын жинхэнэ болон хуурамч нэрсийн жагсаалт:

Том Вань Трань (Төрөхөд нь өгсөн нэр)

Жон Сэинт (Одоогийн хууль ёсны нэр бөгөөд паспорт дээрх нэр)

Гүрүжи Сагаррумагармата (Одоо өөрийнх нь хүсэж хэрэглэдэг нэр)

Трань Там

Трань Вань Там

Трань Вань Ут

Хюйнь Лон,

Трань Ут Хюйнь Лон

Там Трань

Том Трань / Том Тран

Их багш Трань Там

Трань Янь Том

Трань Йень Том

Кау Ут

Рума

Их багш Рума

Рума Гэгээн Жон

Их багш РУМА Гэгээн Жон

Минь Сү Рума

Минь Сү Трань Там

Гүрүжи Рума

Ом Рума

Сагаррумагармата

ГЭХ МЭТ…

Диваажинд очихгүй: учир нь бусдын зовлонд таны сэтгэл түвдэхгүй. Тийм үү?

Бид хүмүүс болохоос харгис чөтгөрүүд биш. Сүнсээ болон гарагаа аврахын тулд веган бол.

Их Багшийн шавь бүрд үүнтэй төстэй, өөр эсвэл бүр илүү олон дотоод сүнслэг ахуй ойлголт болон/эсвэл гадаад ертөнцийн адис тохиолддог. Эдгээр нь ердөө цөөн хэдэн жишээ юм. Их Багшийн зөвлөснөөр бид ихэвчлэн тэдгээрийг өөрсдөдөө хадгалдаг.

Үнэгүй татаж авах боломжтой бусад гэрчлэл энд бий: SupremeMasterTV.com/to-heaven