Дэлгэрэнгүй
Татаж авах Docx
Дэлгэрэнгүй уншаарай
Аан, тийм, SupremeMasterTV.com/max вебсайт, эсвэл Folia (Ютюб суваг)-г хэрвээ та бүхэн яаж гэдгийг нь мэддэг бол өөрийн компьютерт, бүр ухаалаг гар утсандаа СИМ-гүйгээр суулгаад, Суприм Мастер Телевизийг 40 квадриллион дэлгэцээр гаргаж болно. Нэг квадриллион гэдэг бол мянган триллион гэсэн үг. Ийм их нягтшилтай, асар том, гайхалтай энерги танай гэр орон, хүрээлэн буй орчин, тосгон, хотыг адисалж, олон хүн үүнийг хийвэл эх орныг тань, дэлхийг адислах болно. Тэгвэл бидэнд гамшиг бага нүүрлэнэ. […]Хүн бүрийг веган байхыг уриалаарай. Яагаад гэвэл аллагын энерги бидний амьдрал, манай дэлхийд байж болох хамгийн муу зүйл юм. Учир нь аллагын энерги алж хөнөөх энергийг өөртөө татна. Ижил нь ижлээ татдаг даа. Эрт орой хэзээ нэгэн цагт гамшиг, дайн нүүрлэж, биднийг, үр хүүхдийг маань хөнөөж, хойч үеийг хөнөөж, дэлхийн эдийн засгийг сүйрүүлж, бидний нандигнан хайрладаг бүхнийг, тэр байтугай бидний хайртай хүмүүсийг ч хөнөөх болно. Тиймээс хүн бүрийг веган бол гэж уриалахыг хичээгээрэй.Одоо намайг сонсож байгаа хэн бүхэн амьдралаа, сүнсээ аврахын тулд нэн даруй веган болоорой. Хэрэв та веган болж, чин сэтгэлээсээ наманчилбаас миний нэрийг ганц удаа дуудахад л би таныг Диваажинд аваачих болно гэдгээ бүх Диваажин, там, Дэлхий болон Бүхнийг Чадагч Бурханд тангараглая. Та ядаж тамд унахгүй. Хангалттай чин сэтгэлтэй биш, үйлийн үр тань хэтэрхий хүнд байвал ядаж л дахин хүн болно.Хэрэв та үүнийг хийвэл бидэнд дэлхийгээ аврах итгэл найдвар хэвээр байна. […] Бусдаар бол хэт олон хүн амь үрэгдэж, хэт их сүйрэл болж байхад бүх засгийн газруудад иргэдийнхээ амьдралыг эргээд босгож, тосгон, орон байрыг нь сэргээх санхүү байдаггүй. Магадгүй материаллаг байдлаар чадлаа ч, хайртай нэгнээ алдсаныг тань, амттай сайхан дурсамжуудыг бүтээсэн сайхан гэр орныг тань буцаан сэргээх боломжгүй. Энэ нь өөр. Гамшгийн дараа та нарт адилхан байхгүй. Насан туршдаа үүрдийн шархтай үлдэнэ.Гуйя веган байгаарай. Миний төлөө биш, миний төлөө биш. Өөрийнхөө төлөө, дэлхийн төлөө, гараг дэлхийн төлөө, энх тайвны төлөө, гэтлэгдэхийн төлөө. Мөн мэдээж, физик төвшинд үр хүүхдүүдийнхээ төлөө. Тэд өсөж том болж байна. Тэд үзэсгэлэнт гарагаа өвлөн авах учиртай. Гэтэл хэрэв бид бүхнийг устгачихвал тэд яаж амьдрах вэ? Танай хотод гамшиг тохиохгүй бол та нар үзэж харахгүй.Гэвч интернэтээр хараарай, үй олон гамшиг болсныг харах болно. Гэнэтийн үер, гэнэтийн хар шуурга, гэнэтийн газар хөдлөлт зэргээс болж маш олон хүн амь насаа алддаг. Мөн гэнэтийн шинэ өвчин гарах юм уу, хуучны өвчин эргэн дэгдэж, эсвэл магадгүй эдгэшгүй өвчин гарч, хурдтай халдварлан тархдаг. Аймшигтай! Би засах гэж хичээж буй учраас ахуй ойлголтоо хэлмээргүй байна. Та нарыг бас айлгамааргүй байна, гэвч одоо үнэхээр анхааралтай байгаарай. Үргэлж Бурханыг бод. Зүрх сэтгэлээ үргэлж Диваажинтай, Бурхантай байлгаж, Бурханыг магтаж, хамгаалал хүсэн залбираарай. Харин та нар өөрсдөө бүрэн хамгаалагдсан байгаа, надад итгээрэй.Хэрэв ёс суртахууны хувьд зөв амьдран, веган байж, Бурхан, Будда, Гэгээнтэн Мэргэд, Эзэн Есүс болон бусад Их Багш нар, бусад Номлогчдод (Тэд бүгд Амгалан Оршиг) чин сэтгэлээсээ итгэдэг бол хамгаалагдсан гэсэн үг. Хэрэв та Ертөнцийн Хамгаалалтын Хүчтэй холбогдсон бол хамгаалагдсан гэсэн үг. Тэгэхгүй бол таныг хамгаалж чадах байшин, машин, том банк, юу ч байхгүй. Аймшигт үер, шуурга, сүйрүүлэгч цаг агаар, газар хөдлөлт, өвчин, тахал гэх мэт нөхцөл байдалд биднийг түлхэн, үйлийн үрийг биежүүлж байгаа нь Бурхан биш, харин бидний үйлийн үр юм. Бид Бурханыг санадаггүй учраас энэ бүхнийг хийсэн. Бид жинхэнэ мэргэн ухаан, жинхэнэ хамгаалалт, жинхэнэ баяр хөөр, аз жаргал, жинхэнэ хөгжил цэцэглэлтийн Эх Сурвалжийн холбоог санахгүй, тэр байтугай биет байдлаар холбогдохоо ч санахгүй байна. “Эхлээд Бурханы Хаант Улсыг эрэлхийл. Тэгвэл бүх зүйл танд ирэх болно.”Нэг Еврей үлгэр санаанд орж ирлээ. Урт үлгэр ч гэлээ би товчилъё. Нэгэн настай эмээ байж гэнэ. Тэрээр нэг баян хатагтайд ажилладаг байжээ. Тэгээд Гаталсан баярын үеэр – тэд Египетээс далайг гаталсан үеэ дурсан тэмдэглэж Гаталсан баяр хийдэг, боолчлолоос чөлөөлөгдсөн үе нь. Мозес тэднийг дагуулан явдаг. Тиймээс маш том баяр хийдэг байв. Гаталсан баярын үеэр баян хатагтай төрөл бүрийн юмс бэлтгэж, бүхнийг бэлдээд, энэхүү баярын үеэр юу ч үгүй байгаа ядуу эмэгтэйг хараад дорд үзэж байлаа. Гэвч тэр яалтай билээ? Түүнд их зүйл байгаагүй учраас тэр гарч голд хувцсаа угаажээ. Тэр зуураа тэрээр Бурханд итгэсэн хэвээр байж, Бурханыг магтаж залбирч байв. Ядуу зүдүү байлаа гээд түүний итгэл бишрэл ядуу зүдүү болсонгүй. Үгүй, тэр Бурханд бүрэн дүүрэн итгэдэг байжээ. За тэгээд тэр баян хатагтайн хувцсыг угааж байлаа. Тэгтэл нэгэн настай эрэгтэй хүрч ирээд түүнээс, “Өө, өнөөдөр Гаталсан баярын өдөр. Та баяртаа зориулж хангалттай хоол унд, сайхан хувцас энэ тэр бэлтгэсэн үү? Гэртээ гэр бүлийнхэнтэйгээ идэж уух арвин их хоол хүнс, төрөл бүрийн сайхан уух зүйлс бэлдсэн байх, тийм үү? Та бэлдчихсэн байх, тийм үү? Бүгдийг нь бэлтгэсэн байх, тийм үү?” гэж асуув. Хариуд нь нөгөө эмэгтэй, “Бурханыг магтан дуулъя, Бурханд талархъя.” гэж л хэлэв. Тэгтэл нөгөө эрэгтэй орхин оджээ.Тэр, “Бурханыг магтан дуулъя, Бурханд талархъя” гэж л хэлдэг. Тийм, үгүй гэж хариулаагүй. Зүгээр л, “Өө Бурханыг магтан дуулъя, Бурханд талархъя” гэдэг. Яагаад гэвэл нөгөө эрэгтэй түүнийг чухал Гаталсны баярт зориулан хангалттай юмс бэлтгэсэн эсэхийг асуусан. Хариуд нь тэр, “Өө, Бурханд талархъя, Бурханыг магтан дуулъя.” гэж хэлчхээд гэртээ ирээд гэр нь юмс бүхнээр дүүрэн байгааг хардаг! Яг л баян чинээлэг айл шиг түүнд болон түүний гэр бүлд зориулаад юмс бэлтгэгдсэн байв. Тэгээд мэдээж гэр бүлээрээ өвдөг сөгдөн Бурханд талархаж, Бурханыг магтаж, тэр бүхнийг идэж уудаг.Харин нөгөө баян эмэгтэй үргэлж тэр ядарсан эмэгтэйг дорд үздэг байлаа. Тэрээр дэргэдүүр нь өнгөрч яваад, түүнийг дорд үзэж, юу ч үгүй байгаагаар нь гутаан доромжилъё гэж бодон, шоолох санаа өвөртөлж байв. Эсвэл үгээр доромжилж, эмэгтэйн сэтгэлийг эмзэглүүлэх бодолтой байлаа. Гэвч тэрээр ядарсан эмэгтэйн гэрт ирээд бүхнийг харжээ! Хөөх, өөрийнх нь баярт зориулан бэлтгэснээс ч илүү элбэг дэлбэг, илүү амттай, үзэсгэлэнтэй харагдаж байв. Тиймээс тэрээр түүнээс, “Юу болоо вэ? Яагаад, яагаад?” гэхэд ядарсан эмэгтэй мэдээж, тун цэвэр ариун сэтгэлтэй нэгэн тул шударгаар бүгдийг нь хэлж гэнэ. Угаалга үйлдэж байгаад, угаалга цэвэрлэгээ хийн ажиллаж байхад нь нэгэн настай эрэгтэй ирээд түүнээс Гаталсан баярын талаар энэ тэр зүйлс асуухад нь тэр “Бурханыг магтан дуулъя, Бурханд талархъя” гэж хариулсан ч, гэртээ ирэхэд нь энэ бүхэн бий болсон байсныг хэлжээ.Ингээд баян эмэгтэй үүнийг нь сонсоод, шунал нь хөдөлж, гэртээ очоод авч болох бүхнээ аваад голын эрэгт очин мэдээж бэлгэдэл төдий биеийн хүчний ажил хийжээ, тэр огт ажиллаагүй. Зүгээр л тийм зүйлс хийж байв, сав суулга угааж, бохир алчуур энэ тэр угааж байв. Тэгтэл нэгэн хүн гарч ирээд түүнээс, “Өө, Гаталсан баярын өдөр шүү дээ. Та Бурханд талархаж, гэр бүлтэйгээ тэмдэглэх гээд бүх юмаа бэлтгэчихсэн үү?” гэж асуув. Тэр, “Үгүй, үгүй, би ядуу хүн. Гэрт минь юу ч байхгүй. Үгүй, юу ч бэлтгээгүй. Надад жаахан юм өгөөч.” гэв. Тэгтэл нөгөө хүн үүнийг сонсоод яваад өгөв. Ингээд эмэгтэй гэртээ очиход нь гэр нь бүхнээр дүүрч, өөрт нь байснаас ч их болсон байна, ядаж л ядуу эмэгтэйнх шиг бүх зүйлтэй болсон байна гэж бодож байлаа. Гэтэл түүнийг ирэхэд бүх юм алга болсон байв. Гэрт нь түүний бэлтгэсэн юу ч үлдээгүй байв. Тэрээр хөлөө дэвслэн гашуудаж уйлахаас өөр яаж ч чадсангүй.Ямар ялгаа байсан бэ? Яагаад гэвэл энэ эмэгтэй чин сэтгэлгүй. Тэр үнэндээ Бурханд итгэдэггүй. Юм хүслээ ч тэр “Үүний төлөө Бурханд талархъя,” “Бурхан надад өгнө гэж залбиръя” гэж хэлээгүй. Тэр шаардсан. Яг л тэр хүн очоод түүнд юмс өгөх ёстой мэт. Тиймээс мэдээж тэр хүртэхгүй. Тэгэхээр зүрх сэтгэл гэдэг чухал. Үргэлж бидний юу хүсэж залбирч буй нь гол биш, Бурханд хайртай гэж хэлэх юм уу Буддад, Христэд итгэдэг гэдэгтээ гол нь биш. Бид үнэхээр тэр бүхэн байх ёстой. Чин сэтгэл байх ёстой. Хүсэл тэмүүлэл байх ёстой. Хүсэж буй зүйлтэйгээ бид нэг байх ёстой. Жишээ нь үнэхээр, бид бол “хүсэл” мэт. Буцаад Диваажинд л очихыг бид хүсдэг. Гэтлэгдэхийг л хүсдэг, яагаад гэвэл энэ бол хамгийн чухал зүйл.Бидэнд юм бүхэн байлаа ч насан эцэслэхдээ юу ч үгүй болж, үүнийхээ төлөө тамд унах ёстой болбол юу нь сайхан бэ? Эсвэл бүр хүний төвшнөөс ч доош унавал юу нь сайхан байна? Эсвэл Диваажинд очлоо ч богинохон хугацаагаар л байрлаж, буцаад үхэж төрөхийн хүрдэнд ахин дахин эргэлдэж, янз бүрийн төрөл авч, амьтан-хүн хүртэл болж, зовсон амьтан-хүн болж, эсвэл тамын чөтгөр, хий үзэгдэл энэ тэр болбол бидэнд ямар хэрэг байна? Тиймээс гэтлэгдэх бол жинхэнэ зүйл, хамгийн сайн. Энэ доод ертөнцөд ахин хэзээ ч боол болохгүй. Энэ дэлхий... Түр хүлээгээрэй, би эхлээд та нарт хэлж болох эсэхийг асууя, түр хүлээгээрэй. Би эргээд ирнэ ээ.Photo Caption: Төгсгөлийн Чанадын Гоо Үзэсгэлэн
