Дэлгэрэнгүй
Татаж авах Docx
Дэлгэрэнгүй уншаарай
Арьяабалын Аргыг шавь нарт цааш нь дэлгэж болохгүй гэж хэлдэг, яагаад гэвэл энэ нь хувийн тань зүйл, хувийн тань зам мөр. Мөн энэ нь Диваажингаас тэдэнд очиж буй зүйл. Тийм учраас тэд зүгээр л гараад ахуй ойлголт энэ тэрээ гайхуулах учиргүй. […] Тэд үнэнч байж, Таван Сахил сахих тангараг өргөх ёстой. Тиймээс гадагш гарч бүх зүйлийн талаар тэгж гайхуулах учиргүй. Харин, “Агшин зуур гэгээрэлд хүргэж, нэг насанд нь мөнхөд гэтэлгэх Арьяабалын Арга гэдэг зүйл байдаг” талаар ярьж хэлж болно. Үүнийг болж хэлж болно. Харин өөрсдийнхөө сүнслэг ойлголтоо бол хэлэх учиргүй. Ихэвчлэн хэлэх учиргүй. Тэд хэлдэггүй.Ямар ч “би” үзэлгүйгээр, зөвхөн талархалтайгаар хэлбэл зүгээр. Гэвч эго-гүйгээр хэлэх үнэхээр амаргүй. Дээрээс нь бусад хүмүүс өөрийг тань Диваажингийн ийм тийм төвшинд хүрснийг сонсвол танд эргэлзэх болно. Өөр рүү тань хараад таныг толгойндоо асуудалтай гэж бодож мэднэ. Өөрсдөд нь байхгүй болохоор тэр. Тэд дэргэд тань суудаг ч таны хардаг юуг ч хардаггүй. Таны хэлдэг шигээр тэд (дотоод) Диваажингийн Гэрлийг хардаггүй, Эзэн Есүсийг хардаггүй, Буддаг хардаггүй. Тиймээс та нар найз нөхдөө алдаж мэднэ, эсвэл ажил бизнесээ ч алдаж мэднэ. Тиймээс өөртөө л хадгалаарай, тийм л учиртай. Өөрийнхөө Диваажингийн ахуй ойлголтыг нууц байлгах учиртай олон шалтгаан бий. Эрт дээр үеэс тийм байсан.Гэвч зарим хүмүүс орж ирээд миний энэрэл нигүүлслийг ашиглан, Аргыг хулгайлж, сургуул номлолыг минь үг бүрчлэн хулгайлдаг. Намайг шавь нартаа шинэ зүйл хэлэх болгонд энэ нь Тран Тамын вэбсайтад нэр төр, ашиг хонжоо олох зорилгоор түүний дуу хоолой, нэрээр тавигддаг болохыг би саяхан олж мэдлээ! Тэр бүү хэл хүмүүс тэр сайтад нэвтэрч бүртгүүлдэг! Маш олон хүн шүү. Мөн тэд түүнд итгэдэг. Тэд: “Бурхан минь, нэг залуу яаж ингэж ухаантай ярьж чадаж байна аа? Тиймээс тэр гэгээнтэн байх учиртай.” гэж боддог. Үгүй ээ! Тэр хуурдаг. Тэр надаас бүх зүйлийг хулгайлсан, тоть-хүмүүстэй тоглодог байдлыг минь хүртэл шүү! Тэр бас тоть-хүмүүсийг хүртэл худалдаж аваад, тоглодог нь яг адилхан. Мөн миний өмсдөгтэй ижил хувцас өмсдөг. Гэвч тэр лам, эрэгтэй хүн байх ёстой. Тэр эмэгтэй хүний хувцас өмсөх ёсгүй. Гэхдээ тэр голдуу эрчүүдийг, мөн хүүхдүүдийг хүртэл хүчирхийлдэг гэдгийг та нар мэднэ. Тэгэхээр тэр өөрт нь итгэсэн, дагаж яваа залуусыг хохироодог, гажигтай, хачин, бисексуал хүн байж таарна.Үүнийг нь миний шавь нар хүртэл ойлгоогүй байсан. Түүнд ийм зүйл хийхийг тушаасан, ямар нэгэн шалтгаанаар ингэхийг зөвшөөрсөн хүн нь намайг гэж бодсон. Тран Там нэг хүүхдийг албадан өөртэйгөө хамт байлгаж, ээжид нь тэр хүүхэд хэт их үйлийн үртэй тул Тран Тамтай үлдэх ёстой гэж хэлсэн байсан. Тран Там ээжид нь ингэж хэлсэн. Гэвч үгүй, тэр энэ хүүхдийг хүчирхийлэн доромжилж! Бүх зүйл ил тод болсны дараа бид түүний бүх үйлдлийг ил тод ярьсны дараа л ээж нь саяхан хэлсэн.
Excerpt from a heartline from Ngọc Hạnh in Âu Lạc (Vietnam): Эрхэм Төгс Гэгээрсэн Их Багш Чин Хай, намайг өөрийн шавь болгон хүлээн авсанд тань үүрд талархаж байна. Би Тран Тамыг найман жилийн турш дагасан бөгөөд түүнийг дагаж байгаа эсвэл дэмжиж буй хүмүүст сэрэмжлүүлэх үүднээс зарим мэдээллийг хуваалцахыг хүсэж байна. Би Тран Тамын бясалгалын төвд очиж тусламж санал болгодог байсан бөгөөд гаднаас нь харахад тэр маш нэр хүндтэй, сайн багш шиг харагдаж байгааг анзаарсан. Гэсэн хэдий ч нэг өдөр би Тран Тамын ойрын шавь нь түүнийг бэлгийн хүчирхийлэл үйлдсэн тухай ярихыг сонссон. Би түүнийг амьд Будда шиг хүндэлдэг байсан болохоор эхэндээ эргэлзэж байлаа. Хэтэрхий цочирдмоор байсан болохоор зүрх минь шархалж, долоо хоног уйлсан. Үнэний төлөө би Илүү Дээд Хүчнүүдэд залбирав. Дараа нь би Лаос дахь Тран Тамын бясалгалын төвийн менежер болон түүний ойрын лам асантай уулзсан ба тэр хоёр хоёулаа энэ мэдээллийг үнэн зөв гэдгийг баталсан. Энэ хуучны лам ч өөрөө хохирогч байсан. Тран Там эрэгтэй, эмэгтэй шавь нарын аль алинд нь бэлгийн хүчирхийлэл үйлдсэн ч гол төлөв эрэгтэйчүүд байв. Тэр ч байтугай нэг удаа АНУ-д өсвөр насны хүүд бэлгийн хүчирхийлэл үйлдсэн ба хүүг муу үйлийн үртэй, бясалгалын төвд байх шаардлагатай гэж хүүгийн ээжийг хууран мэхэлсэн байна. Хүүгийн ээж түүнийг шүүхэд өгсөн ч яаж ийгээд энэ асуудал намжив. Би түүний бэлгийн хүчирхийлэлд өртсөн 50 гаруй хохирогчийг мэднэ.
Хэдэн хүүхэд, томчууд бие махбод болон сүнсээрээ аврагдсанд би тун их баярлаж, Бурханд талархаж байна.ХБ-гийн талаар та нар надаас өөр нэг зүйл асуусан. Би энэ хүний нэрийг үнэхээр хэлмээргүй байна. Аймшигтай ой гутмаар. Тэр солиотой юм шиг байна, эсвэл зүгээр л муу муухайд хорлогдсон байх, ямар ч логикгүй, зүгээр л намайг хорлох гэж миний талаар цаг үргэлж худлаа л яриад байдаг. Бас хүмүүсийг урхиндаа оруулж чадна гэж бодож бусад зүйлийг ярьдаг! Үнэндээ миний сэтгэл хэтэрхий зөөлөн. Түүнийг дагаж, түүнд мөргөж залбирсан 16 хүн бий. Тэд түүнийг 10-р сарын 15-нд нас барна гэдгийг мэдээд түүний төлөө залбирсан. Гэвч бүтээгүй, тэр там руу, энэ мөнхийн, буцашгүй там руу татагдсан. Тэр тэнд орсон л бол хэзээ ч гарч чадахгүй! Тэгээдзүрх минь тэсэхээ больж, түүнийг өршөөж, амьд үлдээгээч хэмээн Диваажинд хөндлөнгөөс оролцсон. Хэрэв тэр амьд үлдвэл миний ажлыг үймүүлж, саад болно гэж надад хэлж байв! Тэд хүсээгүй ч маш их хэлцэл хийж, би түүний төлөө оюун санааныхаа буяны оноогоор солилцох ёстой болсон. Гэсэн ч тэд зөөлрөөгүй. Эцэст нь Тэд түүний хэргийг надад хүндлэл үзүүлэхийн тулд одоо хүлээлгэж байгаа.Тэгэхээр одоогоос эхлэн би тэр, хүний тухай энэ ХБ гэдэг хүний тухай дахин яримааргүй байна. Учир нь түүний нэрийг дурдахад л миний дотор муухайрах шиг болж байна. Тран Тамын нэрийг дурдахад ч гэсэн миний бие өвдөж, заримдаа биеэр өвдөх мэдрэмж төрдөг. Тиймээс одоогоос эхлээд үнэхээр шаардлагатай л биш бол эдгээр хүмүүс болон лам нэртэй худлаа ярьдаг бусад олон хүний нэрийг дурдмааргүй байна.Миний урьд нь итгэдэг байсан зарим лам хүртэл амьдралын минь талаар, хувийн амьдралын талаар элдэв зүйлсийг худал ярьдаг. Тэд яагаад ингэдгийг би мэдэхгүй. Зарим нь хаа нэгтээ сонин дээр намайг америк хүүхэдтэй гэж хүртэл бичиж байсан. Надад америк хүүхэд огт байхгүй. Ээ, Бурхан минь! Энд ч, тэнд ч цуурхал тарааж, үүнийгээ албан ёсны болгож, гэтлэгдэхээр ирсэн олон хүнд саад болж байна. Хүмүүс Будда, Бурхан, Эзэн Есүст итгэдэг учраас эдгээр санваартнууд, лам, гэлэнмаа нар дээр ирдэг, тэд миний талаар дэмий зүйл, худлаа зүйл ярьдаг. Тиймээс тэд хүмүүсийг Арьяабалын Аргыг сурахаар ирэхэд нь саад болсон.Энэ арга үнэндээ арга биш юм. Би хэлдэг шүү дээ, сэтгэлийн авшгийг сүнснээс сүнсэнд уламжилдаг. Тиймээс авшиг хүртээх үед бид ярьдаггүй. Бид тэдэнд зүгээр л хэрхэн суух, хэрхэн бясалгах гэх мэт бүхнийг л хэлдэг. Гэхдээ номын цогцыг сүнснээс сүнсэнд уламжилдаг бөгөөд бүгд Оройн Дээд Бурханы Зөвшөөрөл, Ивээл, Хүчнээс ирдэг. Тиймээс хуурамчаар уламжлагч хэнд ч энэ хүч байхгүй. Тэд зүгээр л авшгийн үед сурсан ижил аргыг амаараа ярьдаг ч та бүхнийг гэтэлгэхийн тулд та бүхэнд уламжлах жинхэнэ хүч тэдэнд байхгүй! Гэвч хожим нь тэд юу ч үгүй, зөвхөн түнэр харанхуй, үхэл болж хатаж, хагдран үхэж, эсвэл хүүхэд хүртэл хүчирхийлнэ. Одоо та нар мэдлээ. […]Надад зориулж, Сэтгэгдлийн булангаар зурвасууд ирдгийг та нар мэднэ. Би бас та нартай хамт анх удаагаа уншдаг. Хэн бичсэнийг нь ч мэдэхгүй. Мэдээж би тэдний хаяг, и-мэйл, юуг ч мэдэхгүй. Би хэрхэн и-мэйл бичихийг ч мэдэхгүй. Та нар намайг мэднэ. Одоо би хэдэн шинэ утастай болсон. Яаж мессеж бичихээ ч мэдэхгүй байна. Тэгэх ч шаардлагагүй. Би зүгээр л ярьдаг ба ажлаар холбогдох бол компьютероо ашигладаг. Гэхдээ энэ нь бас өөр нэгнээр дамждаг, яагаад гэвэл би компьютерын бүх техникийг ашиглаж мэдэхгүй. Жишээ нь би хэн нэгэн рүү илгээхэд, өөр нэгэн цааш нь явуулдаг. Амьдралд минь ямар ч нууц байхгүй.Намайг юу бичиж, юу хийдгийг дор хаяж гурав дөрвөн хүн мэдэж байдаг. Мэдээж тэд надтай ойр амьдардаггүй. Манай энд амьдардаггүй. Өөрсдийн гэсэн... Ажилчдад зориулж өмнө нь худалдан авч байсан байр, ашрамаа би тэдэнд өгсөн. Би тэнд очлоо ч зөвхөн агуйд, өөрийнхөө “байшин” гэгдэх зүйлд амьдардаг. Байшингийн дэргэд, цэцэрлэгийн буланд би агуйд амьдардаг. Бас Гэгээн Мартин Төвтэй адил би ашрамын ард нэг жижигхэн саравчид амьдардаг. Та нар харсан, мэдэж байгаа. Тэгэхээр юу ч минийх биш. Юу ч нууц биш. Тиймээс хэн нэгэн, бүр итгэдэг авшигтан номын ах эгч тань та нар дээр очвол түүнийг хуурамч гэдгийг мэдээрэй.Нэг бол тэр хүн үнэхээр тэнэг, дэндүү гэнэн, цайлган болохоор Тран Тамын туслахууд шиг бүлэгт итгэж, ямар нэг муу юм саналгүй тэдний төлөө ажилладаг, үгүй бол тэр ашигтан гэгч номын ах эсвэл эгч тань чин сэтгэлгүй гэсэн үг. Тэд шавь нараас минь мөнгө дээрэмдэх гэж орж ирдэг. Би хэзээ ч тэднээс мөнгө авдаггүй болохоор тэд мөнгөтэй. Би хэзээ ч асуудаггүй. Надад мөнгө хэрэгтэй байна гэж би хэзээ ч хэлдэггүй. Яах гэж мөнгө хэрэг болох вэ? Би өөрөө мөнгөө олох чадалтай. Тэгээд илүү гарсан мөнгөө бид дэлхийн хаа сайгүй ядарч зүдэрсэн, ядуу хүмүүст өгч, буяны ажлаа үргэлжлүүлж, асрах төв зэргээ ажиллуулахад нь тусалж хандивлах юм уу өлссөн хүмүүст болон амьтан-хүмүүст хоол хүнс авч өгдөг. Хувийн хэрэгцээндээ би юу ч хадгалдаггүй. Надад юу хэрэг болох вэ? Надад юу хэрэгтэй гэж? Амьдрахад их зүйл хэрэг болдоггүй, хэдэн хос хувцас, энгийн хоол байхад л болно.Photo Caption: Гэрт Угтах Гэрэлт Инээмсэглэл
