Дэлгэрэнгүй
Татаж авах Docx
Дэлгэрэнгүй уншаарай
Дуугүй байх ёстой гэдгийг авшиг өгөх үед бид хэдийнээ хэлсэн шүү дээ. Юу сурснаа бусдад дэлгэн хэлж болохгүй. Учир нь аман заавар дангаараа юу ч биш. Их Багшийн Хүч таныг дэвшүүлэн, ариусгаж, таныг цаашид сүнслэг түвшнээ сайжруулахад тусалдаг юм.Харин та нарт гарч яваад бие даан авшиг хүртээхийг зөвшөөрөөгүй. Гагцхүү Их Багш таныг тэг гэж илгээсэн тэр үед л тэгнэ. Нэг удаа тэг гэлээ гээд та цаашид насаараа хийнэ гэсэн үг биш. Тийм юм биш шүү. Яагаад гэвэл танд хүмүүст туслах, хүмүүсийг Дээд Диваажинд хүргэх, замд нь тохиолдох бүх аюулаас хамгаалах хангалттай хүч байхгүй. Та тэднийг хаашаа хүргэхээ мэдэхгүй. Яагаад гэвэл замаа мэдэхгүй. Зөвхөн Их Багш л мэддэг бөгөөд бүрэн төгс гэгээрсэн Их Багшийн нэрийн өмнөөс авшиг хүртээхийг даалган, Их Багшид тэдний нэрийг мэдэгдэх аваас тэд албан ёсоор авшиг хүртэж, Их Багш хариуцлагыг нь хүлээх юм. Харин Их Багшийн зөвшөөрөлгүйгээр юу ч хийж чадахгүй. Хэзээ мөдгүй Их Багшийн Ивээл, Хамгааллаас алдуурч, чи болон чиний дагагчид бүгд тамын чөтгөрүүд болох Марагийн урхинд унах болно! Энэ аймшгийн талаар бодохоор би ч дагжин чичирч байна!Мял Богд ихэд зовж, үнэхээр авшиг хүртэхийг хүсэж байхад нь Түүний Их Багш Марвагийн эхнэр нэг шавьд нь ‘Мял Богдод авшиг хүртээж болно’ гэж захидал бичсэнийг санаж байна уу? Гэтэл Их Багш нь энэ тухай мэддэггүй. Ингээд Мял Богд Марвагийн төлөөлөгчдийн нэгнээс авшиг авахаар очоод юу ч хүртдэггүй. Ямар ч ахуй ойлголт хардаггүй. (Дотоод Диваажингийн) Гэрэл, (Дотоод Диваажингийн) Аялгуу байдаггүй. Тэгэхэд нь шавь-төлөөлөгч нь ихэд гайхан дотроо, эсвэл Мял Богдод хандан магадгүй Их Багш зөвшөөрөөгүй байх, тийм учраас ийм зүйл боллоо гэж бодох юм уу хэлдэг. Тэр цаг үед хүртэл Мял Богд үнэхээр хүчтэй шидтэй байсан бөгөөд Их Багшдаа олон муу хүмүүсийг зохицуулж өгч тусалдаг. Их Багшийнхаа Өөрт нь өгөхийг хүсээгүй зүйлийг Тэр авах боломжгүй байсан, үнэхээрийн хүнд нүгэлтэй байсан учраас Түүний бие махбод оршихуй нь ямар ч Ариун Хүч шингээх боломжгүй байсан учраас хараахан бэлэн бус байв. Учир нь эсрэг тэсрэг хоёр энерги холилдвол Түүний аминд хүрнэ.Олон биш... ховор, гэхдээ зарим шавь нар бас авшгийн үеэр юу ч хүртсэнгүй гэдэг. Магадгүй тэд сатаарсан болохоор ч юм уу эсвэл зааварчилгааг сайн сонсоогүйгээс юм уу бясалгалын үеэр хийх ёстой зүйлээ сайн хийгээгүйгээс болдог. Тэд бас төвлөрөөгүй байдаг. Эсвэл магадгүй тэр хүн чин сэтгэлээсээ авшиг хүртэхийг хүсээгүй, Их Багшийг хүндлээгүй, Их Багшид итгээгүй, зүгээр л зугаацах гэж орж ирсэн юм уу, охин эсвэл залуу дагаж, өөрсдийнхөө эгэл ертөнцийн дорд зорилгын төлөө орж ирдэг. Тиймээс тэд жинхэнэ авшгийг хүртэхгүй. Би дор хаяж нэг тийм хүнтэй учирсан, тэр бусад зарим нь бас ахуй ойлголт хардаггүй гэж гомдоллож, өөрөө ч бас хардаггүй гэж байв. Сүүлд би яагаад гэдгийг мэдсэн. Тэр надаас мөнгө авахыг хүссэн байсан. Авшгийн дараа түүнд надтай уулзах боломж гарч, надаас €100,000, €200,000 авахыг хүсэв. Би байхгүй гэж хэлсэн. Тэр үед бид бүх мөнгөө шинэ Ашрам барихад зориулж ашиглах ёстой байсан юм.Бурхан минь... Амжилт ч бай, уналт ч бай бүгд өөрсдөөс тань хамаардаг. Та нар Бурханыг хүсэх үү, хүсэхгүй юу гэдгээ шийднэ. Хэрэв Бурханыг хүсэж байвал Бурхан үргэлж дэргэд тань, өөрсдийн тань төлөө үнэхээр дуртайяа байх болно. Их Багш мөн л та бүхний төлөө үнэхээр дуртайяа байна. Харин хүсэхгүй бол зүрх сэтгэлдээ үнэхээр чин сэтгэлгүй бол, зүгээр л эгэл ертөнцийн шалтгаанаар ч юм уу орж ирвэл дурдаад байх зүйл биш, тэгвэл юу ч хүртэхгүй. Зарим нэг тун бишрэл багатай хүмүүс жаахан юм хүртлээ ч, магадгүй авшгийн үед жаахан хүртлээ ч, цааш нь дэлгэдэг учраас дараа нь үүнийгээ алддаг. Тэд бусдад хэлдэг. Ингэж болохгүй. Өөр хэнд ч хэлж болохгүй, яагаад гэвэл тэд хэлэх ёсгүй зүйл хэлэх юм уу, хийх ёсгүй зүйл хийвэл хэлсэн сонссон аль аль нь унаж, гэмтэж, Диваажингаас адислал хүртэхгүй, хамгаалалтгүй болдог. Тэгэхээр энэ бол харанхуй мунхгаараа, бардам, чин сэтгэлгүй байдлаараа тоглох зүйл биш. Одоо та нар мэдлээ.Иймд Бурханы шавь гэгдэгч хэн ч бай, миний зааврыг дагадаг хэн ч бай миний дээр дурдсан энэ бүх буруу зүйлийг үйлдсэн бол даруй үүнийгээ зогсоох хэрэгтэй. Харайж орж ирээд ганц хоёр заавар мэдэж аваад харайж гараад бусад хүнд авшиг өгөх хэрэггүй. Тэгээд өөрийгөө Их Багш, бүр Агуу Их Багш гэж ичгүүр сонжуургүй гайхуулах юм. Бүхнийг Чадагч Бурханд хүндэтгэлгүй хандсаныхаа төлөө, мөн Бурханы эрдэнэ мэт гэмгүй үрсийг мэхэлсэндээ Бурханаас өршөөл гуйх ёстой. Яагаад гэвэл үүний чинь үйлийн үр дэндүү хүнд тул үлдсэн насандаа Бурхан өөрийг чинь өршөөнө гэж найдан, наманчлах хэрэгтэй.Их Багш Арьяабалын оюун санааны бясалгалыг сонирхогч хэн бүхэнд хамгаалах сэрэмжлүүлэг айлдлаа: Бидний өгөөмөр сэтгэл, эелдэг хандлагыг хүний дүрд нуугдаж буй чөтгөрүүд урвуулан ашигласан тул 2024 оны 8-р сарын 21-ээс эхлэн, үүнээс өмнө ч, дараа ч Арьяабалын элч нарыг дуурайж, хуурамчаар Арьяабалын Аргыг Их Багшийн албан ёсны зөвшөөрөлгүйгээр, мөн Төв ФГ-ээс баталгаажуулаагүй байхад заах гэж оролдсон хэнээс ч болов Хэрэв мэдсээр байж эсэргүүцэх гэж оролдвол танд болон ойр дотнынхонд тань ямар нэг хохирол учирвал бид хариуцахгүй. Дараа нь шинээр авшиг авах гэж бидэн дээр ирвэл танд зөвшөөрөхгүй байх магадлалтай. Энэ сэрэмжлүүлэг нь бүх холбогч, бясалгалын бүх Төв, бүх авшигтан, ирээдүйн бүх авшигтанд хамаарна. Ийм хор уршигтай явдал дахин тохиолдвол ИБ-д аль болох хурдан мэдэгдэх ёстой.Будда болохын тулд үй олон эрин галаваар бясалган дадуулж ирсэн байх ёстойгоос гадна, Бурхан зөвшөөрөх ёстой. Мөн Ертөнцүүд хүлээн зөвшөөрөх учиртай. Тэд мэдэх ёстой. Ертөнцөд хуурч болох юу ч байхгүй. Бүхэлдээ ил тод. Хүн бүр мэдэж байдаг. Бүгд сүнслэг төвшин, хөгжлийг тань харж байдаг, 30, 40 жил тэнд суугаад өөр нэгний зааварчилгааг даган, их зүйл хийгээгүй байж, эсвэл онгон болохоор ч юм уу, веган учраас тэгдэггүй. Будда бол Будда. Төрөл бүрийн гадна талын дадал бясалгал, нүдэнд харагдах зүйл үйлдлээ гээд, эсвэл өөрийгөө ямар нэг зүйлд хүрсэн гэж бодсоноороо тийм болохгүй. Үгүй! Энэ бол тоглож болдог тоглоом биш! Үйлийн үр нь дэндүү хүнд. Тиймээс энэ бүх утгагүй зүйлээ зогсоо. Гэмээ наманчил, Бурханаас уучлал гуй, мөн Их Багшийнхаа заасан зүйлийг эгэл даруухнаар үргэлжлүүлэн бясалган дадуул.Үгүй бол энэ үйлийн үр дэндүү хүнд, учир нь та хэлж байгаа шигээ биш, зүгээр л дүр эсгэж байдаг, эсвэл тэр байр суурыг авахыг хүсэж байдаг. Буддын сударт үүнийг хамгийн хүнд үйлийн үр хэмээн дурдсан байдаг, Будда тэгж хэлдэг. Яагаад гэвэл та өөрөө Буддын хутагт хүрээгүй шүү дээ. Төгс гэгээрэлд хүрээгүй байж өөрийгөө хүрсэн хэмээн тунхагладаг. Энэ бол хамгийн хүнд нүгэл. Ингэвэл завсарлагагүй тамд унана гэж Будда хэлсэн. Тиймээс болгоомжил. Болгоомжтой бай. Өөрийнхөө сүнслэг буян, дадал бясалгалаа харж ханд. Даруу бай. Хичээнгүй бай. Бурханаас уучлал гуй. Магадгүй тамаас – завсарлагагүй тамаас хэлтэрч чадах байх, энгийн тамд ч биш, үүрдийн тамаас.Онгон байлаа гээд та Будда болох боломжгүй! Лам эсвэл гэлэнмаа байлаа гээд, эсвэл өдөрт маш бага хооллож, автобусаар явалгүй алхаж, гутал өмсөлгүй хөл нүцгэн явдаг байлаа гээд Будда болохгүй. Тэр цаг үед лам нарын хувьд тав тухтай зүйлстэй болоход үнэхээр хэцүү байсан учраас тэдэнд аль болох бага зүйлс байсан. Тэдэнд мөнгө байгаагүй учраас гутал худалдаж авах боломжгүй байв. Гэвч хүмүүс гутал авч өгвөл тэд өмсдөг байсан. Будда тэгэхийг зөвшөөрөх байсан гэдэгт итгэлтэй байна. Гэвч лам хүн, Буддагийн дэргэд байлаа ч, үй олуулаа, дэндүү олон мянган лам нар байдаг учраас хүмүүс хангалттай хэмжээгээр хангах боломжгүй. Тэр үед зүгээр л тосгоны замаар явдаг байсан бөгөөд энэ нь улаан шороо байсан учир хөл өвтгөхгүй. Өдөрт нэг удаа хооллодог болохоор ч юм уу, өөрийгөө, бие махбодоо дарлаж, төрөл бүрийн цаг уурын нөхцөлд байлгалаа ч, мөн өөртөө хэсэг хугацаанд амсхийн хэвтэх тав тух олгохгүй байлаа гээд Будда болчихдог юм биш. Будда хүртэл ил тодоор, албан ёсоор заримдаа хэвтдэг байсан. Энэ бүх гадаад шалтгааны улмаас та нар Будда болдог юм биш.Девадатта өөрийгөө хатамжилсан. Тэрээр Буддагаас, мөн Буддагийн лам шавь нараас илүү огоорлыг дадуулдаг байв. Гэхдээ тэр Будда байгаагүй! Тэр үнэхээрийн түрэмгий байсан нь илт, бүр, харгис хэрцгий. Тэр өөрт нь ямар ч гэм хор хүргээгүй Буддаг хороохыг хүссэн. Будда бүр Девадаттаг өвчилж, асуудалд орсон байхад нь олон удаа анагааж тусалж байсан. Девадатта Түүнээс урваж, өөрийнхөө бүлгийг үүсгэн, өөрийгөө Буддагаас илүү сахилга баттай, хатамжилтай энэ тэр гэж харагдуулж байсны дараа ч тусалдаг. Энэ бүхэн хэрэггүй хог! Зөвхөн гаднах харагдах байдал.Хэрэв та Будда бол Будда учраас тэр юм. Өдөрт нэг хооллосон ч, гурав хооллосон ч Будда хэвээр байх болно. Тиймээс хүмүүсийг татаж өөрийгөө шүтүүлэхийн тулд ямар ч үнэ цэнгүй жүжиг тоглох шаардлагагүй. Худал хэлж буй учраас илүү муу үйлийн үр татдаг. Өөрийгөө хуурч, бүр Диваажинг, Бурханыг хуурч байгаа явдал юм. Яаж ингэж зүрхэлнэ вэ? Бурхан бүхнийг мэддэг. Хэрэв ирээд асуувал, эсвэл бичээд асуувал Их Багш бас төвшнийг тань мэдэж байдаг.Photo Caption: Бурханы Хүчээр Хийгдсэн Зүйл Хүний Хийснээс Хүчтэй!
