Дэлгэрэнгүй
Татаж авах Docx
Дэлгэрэнгүй уншаарай
Таныг буруутгах гэсэнгүй, зүгээр л залбирч байгаа юм шүү. Иймд Та энэ дэлхий хэн бүхэнд амаргүй гэдгийг ойлгож хайрла. Уруу татагдах муу зүйл хийх нь дэвшиж, Таны Алдрыг санахаас хялбархан байдаг юм. Энэ бол хүмүүсийг доош татах тогтолцоо төдий бөгөөд тэд нэг уруудвал эргэн өндийх тун бэрх. […]
Хүмүүст сэрж сэхээрэх, Таныг эргэн санах тун хүнд байдаг. Энэ хэдэн арван жилд би тэдэнд сануулах гэж аль чадахаараа хичээлээ. Даанч үнэхээр давчдаж байна. Би маш олон удаа арга мухардсан. Энэ дэлхий улам бүр там шиг болоод байх шиг санагдах юм. Зарим хэсэг нь там болчихсон. Та намайг хэчнээн их адисалж байдгийг би төсөөлөөд ч барахгүй. Тэр тулдаа л хүмүүс, амьтан-хүмүүс, модод зэргийн энэ бүх зовлонг яг өөрөө юм шиг мэдэрсээр, харсаар байгаа атлаа сөхрөөд уначхалгүй тэсэж байна даа! Намайг хүчтэй байлгаж, ядаж л оюун ухаан, бие махбодын минь зарим хэсгийг хүчтэй байлгадаг Танд талархъя.Гэхдээ олон хүн үүнийг тэсвэрлэж чадахгүй, Эзэн Бурхан минь. Тэд амиа хорлох юм уу, эсвэл сэтгэлийн хямралд автаж, мартахын тулд согтууруулах ундаа, мансууруулагч бодис хэрэглэдэг. Гэтэл тэд улам ихээр хэрэглэх тусмаа хөл дээрээ тогтож, өөрийгөө элдэв халдлагаас ч хамгаалах аргагүй сул дорой болдог. Учир нь тэдэнд хаашаа ч харсан бараг дандаа л зовлон шаналал, уй гашуутай байх шиг санагддаг. Харин одоо бид байгалийн гамшиг, уур амьсгалын халалт, зүгээр нэг хуй салхи, аадартай шуурга төдийгүй [нарны] дэлбэрэлт, [нарны] шуурга зэрэгтэй нүүр тулж байна. Энэ гараг дээр тэсэж үлдэхийн тулд бид маш олон аюул заналтай учирдаг. Та сайн мэдэж байгаа. Хар Сахиусан Тэнгэр энэ гаргийн хамаг төрөлтөнд тийм ч өршөөнгүй ханддаггүй. Учир нь хүн төрөлхтөн их бага хэмжээгээр бүгд л ямар нэг буруу юм хийдэг. Цөөн хэд нь л эрс өөрчлөгдөн, гэмээ наманчилж, буруу үйлээ Таны тэдэнд хайрласан Ивээлээр залруулах гэж хичээдэг.Та Хүчээ ашиглан тэднийг сэрээх юм бол тэд үүрд төөрөлдөхгүй шүү дээ. Яагаад гэвэл энэ цаг үед тэд тийм ч амар өршөөгдөхгүй. Учир нь тэдний оршихуйн төрлөөс төрөлд муу үйлийн үр, муу нүгэл нь асар их овоорсон байгаа. Гэхдээ бид Эзэн Бурхан Таныг буруутгах гэсэнгүй, зүгээр л залбирч байгаа юм шүү. Иймд Та энэ дэлхий хэн бүхэнд амаргүй гэдгийг ойлгож хайрла. Уруу татагдах муу зүйл хийх нь дэвшиж, Таны Алдрыг санахаас хялбархан байдаг юм. Энэ бол хүмүүсийг доош татах тогтолцоо төдий бөгөөд тэд нэг уруудвал эргэн өндийх тун бэрх. Хэдий тэд босоод зогсож байвч зомби шиг л байдаг.Тийм их бодоод байх цаг байдаггүй. Тэд завгүй ажиллаж, гэртээ ирэхээрээ дэлгүүр хэсэх, угаалга хийх, хүүхэд, настан, өвчтэй хүмүүст санаа тавих болдог. Бас тэд амьтан-хүмүүсийн мах зэрэг буруу зүйл идэж байна. Тэгээд тэд дандаа өвдчихдөг. Эмчид очих, эмнэлэг явах, маш их зовлог тэвчих хэрэгтэй болно. Тэд өөрт байгаа бүхнээ хөлс, нулимс, заримдаа бүр цусаа урсган хөдөлмөрлөж олдог. Энэ амьдрал тэднийг маш их шийтгэж байна. Өвчтэй байсан ч тэд амарч чаддаггүй. Тэд тун шаргуу хөдөлмөрлөсөн ч заримдаа бүх зүйлээ алдаж, орон гэргүй болох тохиолдол ч гардаг юм шүү дээ. Орон гэртэй байлаа ч наад захын хэрэглээний дулаан байх, өөрсдийгөө, үр хүүхдээ тухтай байлгах, тэжээж тэтгэх, сургуульд явуулах ч мөнгө байдаггүй. Энэ амьдрал Диваажин шиг биш, Эзэн Бурхан минь. Энд ирсэн сүнс дарлагдаж, хордож, төөрөлдөж, бодож ч чадахааргүй болсон байдаг. Тэд Диваажинд итгэх итгэлээ ч алдаж, тамаас ч айхгүй болдог. Учир нь тэд энэ талаар огт мэдэхгүй.Мөн Диваажин дахь хэн ч хүн төрөлхтний туулах ёстой болдог зовлон шаналлыг ойлгохгүй. Гинжлэгдэж, жижигхэн хайрцагласан зайд эргэж хөрвөөж ч чадахгүйгээр өдөр шөнөгүй, насан туршдаа, маш их зовлон шаналалтай энэ дэлхийн нэгээхэн харанхуй буланд алуулах хүртлээ байж байдаг амьтан-хүмүүсийн талаар бүр ярих ч юм биш. Энэ дэлхий бол ямар ч сүнсэнд тэсэж үлдэхэд амаргүй газар билээ, Эзэн Бурхан минь. Гуйя, гуйж байна, дахин бодож үзэн, тэдэнд сэрж сэхээрэх боломж олгож хайрла. Тэднийг сэрээхийн тулд бүхий л Хүч, Арга Замаа ашиглаж хайрла. Намайг Та яаж ч ашиглаж болно. Тэднийг сэрээхэд тустай бол намайг хөнөө. Нэг хүн үхээд олон хүн амьдарч байвал хамаагүй ээ, Эзэн Бурхан минь. Ийм аймшигтай, үүрд үгүй болох хүнд үйл амсах нүгэлтнүүдийн нэг юм шигээр Та намайг устгаж, сүнсийг минь хаа сайгүй тараан хаяж болно. Бүх төрөлтөн л зовлонгоос салж, гэтлэн Гэртээ харихад туслах аваас хамаагүй ээ! Тэд зовж байхад би яаж жаргалтай байх билээ!?Энэ дэлхий диваажин шиг биш, Эзэн Бурхан минь. Үүнийг болгоож хайрла. Сүнснүүд энд ирэх хүртлээ юутай нүүр тулахаа мэдээгүй байдаг. Нэгэнт энд хүрээд ирсэн бол тэдэнд буцах хэцүү. Учир нь маш олон занга, заль мэх, уруу таталт зэрэг Диваажингуудад байхдаа мэддэггүй байсан зүйлс нь бий. Тэд эдгээрийг хэрхэхийг мэдээгүй байдаг. Одоо ч тэд мэддэггүй. Хэдхэн секунд тэд Таныг саналаа ч гэсэн өөр олон зүйл тэр бодлыг нь дарж, живүүлж, тэднийг төөрөгдөлд оруулан, дахин ямар ч мэдлэггүй болгон, унтаа байдалд нь оруулчихдаг.Танд залбирч хэлэх үг одоо надад үлдсэнгүй. Өдөр бүр Танд залбирч, мөргөдгийг минь Та мэднэ. Та мэдэж байгаа. Таны Адисалж байгааг мэдлээ ч, Хайрыг Тань мэдэрлээ ч зүрх сэтгэл минь тайтгарахгүй. Гэхдээ би Үүнд маш их талархдаг. Гэсэн ч зүрх сэтгэл минь жаргалтай болдоггүй. Яагаад гэвэл дэлхий бүхэлдээ аз жаргалтай биш, ихэнх нь тамд маш хүндээр шийтгүүлж, эсвэл орчлон ертөнц даяар дахин өөрийгөө олох аргагүйгээр хуваалган тараалгах болно. Тантай миний ярьж байгаа шиг хэзээ ч ярьж чадахгүй болно. Танд хэзээ ч залбирч чадахааргүй болно. Хэзээ ч сайхан хоол амталж, сайхан агаараар амьсгалж, усанд сэлж, энэ гараг дээрх биеийн таашаалтай зүйлийг хийж чадахгүй болж, харин ертөнцийн хаа нэгтээ эцэс төгсгөлгүй цаг хугацаанд үүрд төөрч, орь дуу тавин тасчуулж хаа сайгүй тараалгана. Тэгээд эргүүлж нийлүүллээ ч ямар ч хэрэггүй зүйл болно. Яг л чулуу, хайрга шиг, эндэх хүмүүс, амьтан-хүмүүс, эсвэл бүр мод шиг ч биш ямар нэг зүйл болно гэсэн үг.Бүхнийг мэдэгч Цаглашгүй Оройн Дээд Эрхэм Бурхан минь, би юунд ийм их яриад байгаагаа мэдэхгүй байна. Танд л гэж хандан, Таныг сонсох сон болов уу, хүн төрөлхтөнд туслах болов уу хэмээн ярилаа, гуйя. Тэднээс битгий Нүүр буруулаарай. Энэ удаа үүрд мэт санагдаж байгаа ч төгсөх л болно. Хүн төрөлхтөнд би үүнийг яаж батлахаа мэдэхгүй юм. Тэгвэл тэд Таныг сонсож, Танд мөргөж, Танд наманчлан, эргээд Диваажинд Таны Ивээлээс төрсөн шигээ сайн хүүхдүүд болно.Надад ярилцах хүн байхгүй болохоор Тантай ярилаа. Би тусгаарлагдаад дөрвөн жил болж байна. Би энд ганцаараа нэг өрөөний хэв маягаар амьдарч байна. Нэг өрөөтэй, нэг гал тогоотой, нэг угаалгын өрөөтэй байдаг даа. Үнэндээ надад энэ л хэрэгтэй. Гудамжинд, аймшигтай халуун цөлд, эсвэл хүйтэн газар дүрвэж яваа, толгой хоргодох нийлэг дээвэртэй, гуйж олсноо иддэг, тарааж өгснийг авдаг, орон гэргүй олон хүмүүсийнхээс миний энэ байдал хамаагүй дээр. Тэдэнд очих газар байхгүй, орон гэр байхгүй, маргаашдаа итгэх нэг их зүйл байхгүй.Надад хайрласан бүхэнд Тань би ямагт талархдаг билээ, Эзэн Бурхан минь, ямагт талархдаг. Надад үнэндээ нэг их зүйл хэрэггүй. Гэхдээ үзэсгэлэнт гараг маань хог болох гээд, хумхын тоос болох гээд, огт байхгүй болох гээд байна гэж бодохоор л зүрх сэтгэл минь үнэхээр их шаналж байна. Энэ сайхан гаргаа тийм байдлаар устаж, үүрд алга болж буй тухай ахуй ойлголт хараад хэн ч тэсвэрлэхгүй, хэн ч тэсэж гарахгүй! Учир нь хүн төрөлхтөн бүхэлдээ, эсвэл хүн төрөлхтний ихэнх нь энэ гаргийг орхисныхоо дараа дэндүү ихээр зовно. Яагаад гэвэл гараг байхгүй болно. Үүнийг бодохоор л би маш их шаналах юм.Хэдий би Диваажинг хардаг ч Таны Хайр, Адислалыг мэдэрдэг ч тоолшгүй олон төрөлтөн чаддаггүй. Ээ, Бурхан минь. Миний чадах өөр зүйл байна уу? Энэ тогтолцоог өөрчилж хайрла. Өршөөж хайрла. Хүмүүсийг сэрээж хайрла. Гуйж байна. Тэднийг ингэж үгүй болоход бүү хүргээч дээ. Тэд Таны үр сад шүү дээ, Эзэн Бурхан минь. Тэд яаж сайн хүн байхаа л мэддэггүй юм. Энэ амьдрал тэднийг дэндүү завгүй байлгаж, тэднийг мунхгийн далайд живүүлдэг.Тоолшгүй олон удаа Та Охид, Хөвгүүдээ энэ дэлхий рүү илгээснийг Тань мэднэ ээ. Гэтэл хэдэн хүн Тэднийг сонсдог билээ? Хэдэн хүн Тэдэнтэй учирч чадах билээ? Бас хүрлээ гэхэд тэдний хэд нь Тэдэнд итгэдэг билээ. Тэд тун харалган болсон байдаг. Энд үүрд байсаар хэдий амьд мэт боловч хагас үхдэл болсон байдаг. Хэнд хэлэхээ мэдэхгүй болохоор би Тантай ярьж байгаа юм. Танд дарамт болж байгааг минь уучлаарай, Эзэн Бурхан минь. Даанч би... Би Танд хэлж болохгүй.Өөр би юу хийж чадах билээ? Би маш олон аргаар хичээсэн. Та ч бас надад маш олон арга замаар оролдоход тусалсан. Даанч Танд таалагдахуйцаар, миний найдсанчлан нэг их нэмэр болсон юм шиг санагдахгүй байна. Танд өөр юу гэж хэлэхээ мэдэхгүй нь. Таныг ивээх болтугай. Эзэн Бурхан Та боломжит бүхий л байдлаар жаргалтай байх болтугай.Энэ гараг дээрх хамаг төрөлтний төлөвлөгөөгөө Та дахин харж үзэх болтугай. Таныг ивээг, Эзэн Бурхан минь, Цаглашгүй Дээд Бурхан минь, Оройн Дээд, Хамгаас Агуу, Хамгаас Өршөөнгүй, Хамгаас Хайрлангуй, Хамгаас Энэрэнгүй, Хамгаас Өгөөмөр, Цаглашгүй Эзэн Бурхан минь. Бид Таны бидэнд хайрласан бүхэнд талархаж, бидэнд заяасан бүхнийг Тань ойлгох болно. Ердөө л... хүлээн зөвшөөрөхөд амаргүй юм. Бид Танд хайртай. Бид Танд хайртай, үүрд хайрлана. Баярлалаа. Баярлалаа. Хайртай шүү, хайртай шүү. Амен.
