Дэлгэрэнгүй
Татаж авах Docx
Дэлгэрэнгүй уншаарай
Маш их хоол хүнс, нарийн ширийн зүйл нөөцлөх мөнгө байхгүй бол бор будаа, гүнждийн үр аваарай. Хуурсан гүнждийн үр юм уу түүхийг нь худалдаж аваад боломжтой бол өөрсдөө хуурч болно. Үгүй бол зүгээр л хуурсан гүнжид худалдаж аваад бор будаа, давстай хольж идээрэй. Тэгээд заримыг нь нөөцлөөрэй. Үүнийг удаан хадгалж болно. (За, Багш аа.) Гэхдээ бор будааг цагаан будаа шиг удаан хадгалж болдоггүй тул аль алиныг худалдаж аваарай. Тэгээд эхлээд бор будаагаа идээд дараа нь цагаан будаагаа идээрэй. (Ойлголоо. За, Багш аа.) Гүнжид, газрын самар нөөцөл.Эдгээр нь маш их уураг агуулдаг. Ямар нэг хоол хийх боломжгүй үед будаатай хамт идэж болно. (Ойлголоо.) Тэгээд та нар амьд үлдэхэд хангалттай шим тэжээл авах болно. (За, Багш аа.) Би үүнийг хамгийн багадаа гурван сарын турш идсэн. Ямар ч шавьгүй байхдаа би жил бүр гурван сар, борооны улиралд лам бүрийн хийх ёстойн адил дияанд явж, бор будаа, гүнжид, жаахан давс л иддэг байлаа. Тэр үед би нэг шил шар буурцгийн цуу авах боломжтой байв. Тэгээд амтлах гэж бага зэргийг хийдэг байлаа. Үгүй бол ердөө бор будаа, гүнждийн үр, давс байхад л хангалттай. (Ойлголоо, Багш аа.)Өмнө нь Тайпейд байсан нэг ламыг би танина. Түүний хийдэд би амьдардаг байсан юм. Тэр зөвхөн ийм зүйл л идэж ус уудаг байсан. Гэсэн ч тэр дасгал хийдэг учраас үнэхээр хүчтэй. Чигонгоор хичээллэдэг байсан юм. (За.) Тэгээд шавь нартаа зааж, түүний хүзүүнд хутга тулгавал нэвтрэхгүй гэдгийг баталж харуулсан. (Хөөх!) Араас нь хагархай шил юм уу хутгаар дүрлээ ч биед нь нэвтэрдэггүй. (Хөөх.) Намайг тэнд байх хугацаанд тэр зөвхөн бор будаа гүнждийн үр иддэг байсан. Намайг очихоос өмнө, мөн явсны дараа ч тэр олон жил тэгж хооллосон. (Хөөх.) Тэгэхээр та нар алзахгүй. Тэр их том биетэй ба хүчтэй, над шиг туранхай биш. Их том ба хүчтэй. Намайг өөр шиг нь том болохын тулд жаахан илүүхэн ид гэж тэр зөвлөсөн. “Уул шиг” гэж хэлж билээ. Би хариуд нь “Би ийж жижиг байж яаж уул шиг болох юм бэ?” гэхэд тэр “Жижиг уул бай” гэсэн. Одоо бол би их олон зүйлийг үүрч яваа жижиг уул болсон байх. (Тийм ээ, Багш аа. Тийм.)Интернэтээс бусад хүмүүс хүнсний ногоогоо гэртээ, ямар ч зайд, хувинд, бүр гялгар уут, хаягдсан уутанд хэрхэн тарьж ургуулан, хэрхэн хурааж, ашигладаг талаар мэдэж аваарай. (За, Багш аа.) Тагтан дээрээ, угаалгын том өрөөнд ч юм уу тариарай. Би өмнө нь ванны өрөөндөө шар буурцгийн соёолж тарьдаг байсан. Хэдэн арван жилийн өмнө бидэнд ямар ч мөнгө байгаагүй учраас бид гаднаа хэдэн ногоо тарьж, ваннанд шар буурцгийн соёолж тарьж ургуулдаг байлаа. Үүнийгээ зараад тухайн үед амь зуух бага зэрэг мөнгө олдог байв. Би хэзээ ч хандив авахыг хүсдэггүй байсан учраас тэр. Авдаггүй байсан, амь зуух юу ч үгүй байсан ч авдаггүй байв. Хандив авалгүйгээр бид юу хийж болох талаар үргэлж л ямар нэг зүйл сэдэж олдог байсан. (Ойлголоо, Багш аа.)Ингэхэд би хуримтлуулсан туршлагаасаа хэлж өгч байгаа юм шүү. Та нар байшин дотроо юуг ч тарьж ургуулж болно. Цонхны тавцангийнхаа хажууд, цонхны тавцан дээрээ, цонхныхоо хажууд тавих юм уу нэг өрөөндөө нөөцөлж, эсвэл бас зочны өрөөндөө гоёл чимэглэлийн ургамал шиг байрлуулж болно. (За Багш аа.) Бусад ургамал шиг л тариарай. Хүнсний ногоогоо л чимэглэлийн ургамал болгон тарьж болно. Тэгвэл онцгой байдлын үед бэлтгэлтэй байна. (Ойлголоо, Багш аа.) Хэрэв та нарт өөр худалдаж авах зүйл байхгүй юм уу мөнгөний боломжгүй, эсвэл хэн ч мөнгө авахгүй бол эдгээрийг тарьж ургуулаад л бай. Онцгой байдлын үе биш байсан ч та нар идэж болно шүү дээ. (За, Багш аа.) Юутай ч та нарт өдөр бүр хэрэг болно. Та нар эдгээрийг худалдан авахын тулд хүнсний зах руу явах хэрэгтэй. Өнөө үед хоол хүнс улам бүр багасаж, илүү үнэтэй болж байна. Тиймээс та нар эдгээрийг амархан, маш амархан ургуулж болно. Ургамалд хөрс л байхад болчихно. Ногооны талбайн ямар ч хөрс байж болно. Эсвэл дэлгүүрээс хөрс аваад, ногооны талбайнхаа хөрстэй юм уу жаахан элстэй хольж болох юм. Хэрвээ та нар ногооны талбайтай, модтой бол навчийг бордоо болгон ашиглаж болно. (За, Багш аа.) Хадсан өвс гэх мэт юу ч байсан бордоо бэлтгээд навчтайгаа хамт хөрс, энэ тэр зүйл хийгээрэй. Энэ ёстой гайхалтай байх болно. (За.) Надад тийм тансаг зүйл байхгүй. Надад байгаагүй болохоор тэр үед би ногоо тарихдаа ердөө цайны навч тавьдаг байсан. Цай хандлах гэж хийдэг ууттай цайг, уут нь байсаар л байдаг даа. (Тийм ээ. Тийм Багш аа.) Түүнийг задлаад суулгац, ургамал дээрээ тавиарай. (За. Аан, ойлголоо.) Тэд галзуу юм шиг л ургана. Миний тарьсан бүхэн ургасан.Нэг удаа би Нью Йоркт нэгэн хийдэд амьдарч байхад ургамал... Энэ түүхээ та нарт ярьчихсан байх, гэхдээ мэдэхгүй. Их жижигхэн ургамал байсан, магадгүй, 25 см өндөр, шар өнгийн, их л гундсан ургамал байсан. Тэд цонхон дээр тавьсан ч хэн ч усалдаггүй байсан байх. Сүмийн хүмүүс цай чанахад ханднаас нь үлдсэн ууттай цайг нь би түүнд өгөөд бас усалдаг байв. Тэр их том болж ургасан, сүүлдээ бүр тэр ургамлыг ургаг гээд би өрөөнөөсөө гарах ёстой болсон. Өрөөг бүхэлд нь бүрхээд ургасан. (Хөөх!) Тэгээд хожим нь би өөр яахаа мэдээгүй учраас жижиглэн, жижиг ургамал болгож тайраад соёолуулсан, бишээ ургуулсан гэх гэсэн юм. Тэгээд гадаа гялгар уут, хуванцар саванд гээд олдсон зүйлсдээ суулгаж хийгээд гадаа тавьсан ба, дэргэдүүр явж байсан хүмүүс аваад явсан. (Хөөх.) Тэгээгүй бол багтахын аргагүй. Тэр ургамал ургаад хийдийг бүрхэх байв. Надад ердөө л гадаа талбайн шороо бас цай л байсан, үлдэгдэл цайны идээ. Тэгээд л гүйцээ. Мөн мэдээж цайгаа бүгдийг нь уухгүй бол жаахан үлддэг. Жишээ нь тэр хийдэд заримдаа тэд бүх цайгаа ууж дуусгадаггүй байсан учраас би ус нэмж шингэлээд, түүгээрээ тэр цэцгээ усалдаг байв. Үнэхээр галзуу мэт ургасан. Бүгд л их гайхаж байв. (Хөөх.)Надад гэрч бий, зүгээр ч нэг үлгэр зохиож яриагүй юм шүү. Шенг Ен Их Багшийн тэр хийдэд би амьдардаг байлаа. (За.) Тайвань (Формоса) дахь шавь нартаа ингэж л тэр ургамал хаа сайгүй ургасан тухай ярьсан. Тэр мэдэж байсан ба Америкаас эргээд хийддээ ирээд Тайвань (Формоса) дахь шавь нартаа, дагалдагч нартаа хэлсэн. Дараа нь нэг номын ах тань, би нэрийг нь мартсан байна, өөрийгөө надад Күнзийн удмын хүн гэж хэлсэн. (Тийм үү.) Би санаж байна. Тэр бас Шенг Ен Их Багш дээр очиж сонсоод надад энэ түүхийг ярьж байсан. Учир нь би түүний яриаг сонсоод тэнд байгаагүй. Тайваньд (Формосад) надтай ахин уулзахдаа тэр тэгж хэлсэн. Тэр, “Шенг Ен Их Багш тэгж хэлсэн, Таныг жижиг ургамлыг өрөөг дүүртэл ургуулах, хийдийн хоёр гурван өрөөг дүүртэл ургуулах шидийн хүчтэй гэж хэлсэн” гэсэн. Хэрэв би байн байн тайраагүй бол сүмийг бүрхэх байсан. (За. Хөөх.)Үнэндээ амьдралд бидэнд тийм ч их зүйл хэрэггүй. Хэрэв та нарт идэх зүйл байхгүй бол бор будаа, гүнждийн үр, давс байхад болно, тэгээд л та нар амьдраад байж болно. (За, Багш аа.) Мөн ус. (Баярлалаа, Багш аа.) Бас усны шүүлтүүр заавал байлгаарай. Тэгвэл ус хортой болох юм уу бохирдоход та нар усаа шүүгээд, хоол хийж болно. Эсвэл буцалгүйгээр шууд ууж ч болно. Байдлаасаа л хамаарна. (За, Багш аа. Ойлголоо, Багш аа.) Гэхдээ би усаа шүүсэн ч гэсэн ямагт буцалгадаг. Ингэвэл илүү аюулгүй санагддаг. Илүү дээр санагддаг юм.Бүр цахилгаангүй, шатдаг хийгүй, хоол хийх ямар ч аргагүй байдалд ороход хоол хийхгүйн тулд та нар лаазтай нөөшилсөн хоол авцгаагаарай. Гэрийн тэжээвэр амьтан-хүнээ гэртээ хаа нэгтээ, угаалгын өрөөндөө ч юм уу хиймэл зүлэг, эсвэл өөр ямар нэг зүйл дээр өтгөн шингэнээ гарган, бие засдаг болгож сургах хэрэгтэй. Учир нь атом, цөмийн бөмбөг дэлбэрвэл гэрийн тэжээвэр амьтан-хүнээ гаргаж чадахгүйд хүрнэ. Гаргавал тэд цацраг идэвхийг гэртээ оруулж ирэх болно. Энэ нь та бүгдэд, хүн-амьтанд тань хортой.Ямар нэг чөтгөрийн хорон санаат дайн хүмүүсийн дунд дэгдсэн аль ч тохиолдолд амьд гаръя гэвэл хийх ёстой зүйл бидэнд маш их байна. Дайны хэнээтэн хүмүүстэй тулаад зогсохгүй, энд ирж хүн төрөлхтнийг устгаж, сөнөөж, арчиж хаях үүрэгтэй чөтгөрийн хүчтэй бас тулах ёстой болж байна. Миний там руу тонилгосон зарим том чөтгөр одоо эргэж ирэх зөвшөөрөлтэй болсон байна. (Хөөх.) Ийм нөхцөлд яаж ялахаа би мэдэхгүй л байна. Учир нь энэ бүх сөрөг хүчийг ялахын тулд илүү хүчирхэг байх, мөн хүмүүсийн хамтын ажиллагаа хэрэгтэй байна. Сөрөг хүч одоо хаа сайгүй бий. Тэд хүмүүсийг уруу татаж, бохирдуулж, тархи оюун, бие махбодыг нь хордуулж байна. Тийм ч учраас элдэв гамшиг зовлон бараг зэрэг зэрэг тохиож байгааг та нар харж байна. Энэ гэтэл улам дордоно. Тэдгээр зүйл улам улам олноороо нэг зэрэг тохиолдоно... Элдэв төрлийн гамшиг, өвчин эмгэг гэх мэт тэр бүхэн. Энэ бүхэн ердөө эхлэл төдий. (Хөөх.)Үйлийн үрийн энэ дайнд ялахын тулд хүмүүс бидэнтэй хамтарч ажиллах хэрэгтэй байна. Диваажин, Дэлхий нэгдэх хэрэгтэй. (Ойлголоо, Багш аа.) Тэгж гэмээ нь бид илүү хүчтэй болж, энэ гараг дээрх хүн болон хүн бус оршин суугчдын эв зохирол, аюулгүй байдлыг хангах боломжтой Би асар их, маш их... цөхөрч байна. Диваажингийн тусламж байгаад ч маш их ганцаардаж байна. Дэлхийн оршин суугчид хамтран ажиллахгүй бол хэн ч ганцаардана. Миний санааг хүн бүхэн ойлгож байгаа гэж найдаж байна. (Тийм ээ, бид тэгж найдаж байна.) Энэ бол дэлхийн тухай, энд оршин буй дэлхийнхэн, амьтан-хүмүүсийн тухай учраас бид эв нэгдэлтэй байх болно.Амьтан-хүмүүс бидэнтэй хамтарч байна, хүмүүс харин бүгдээрээ биш. Одоогоор тийм ч олон биш. Тийм болохоор Диваажин хэдий “Гараг дэлхийгээ аврах итгэлээ бүү алд.” гэж намайг тайтгаруулсан хэдий ч бид хэрхэн яаж ялах ёстойгоо одоохондоо үнэхээр мэдэхгүй байна Залбирч чадах болгон залбираарай. Энэ хүнд бэрх цаг үед хүмүүс биднийг дэмжиж, босох хэрэгтэй. Мэдэхгүй нь... Би уйлах ч тэнхээгүй боллоо. Тэгэхээрээ би юу л болбол болог гэе.Сүнс хэзээ ч үхэхгүй, хэзээ ч. Зүгээр л хүний болоод амьтан-хүмүүсийн сүнс бие гээч энэ олон давхар зүйлд гацсан хэрэг гэж хэлдэг. Тэгэхээр физик бие махбод үхсэн ч, асуурийн биес байж байдаг, тамд аймшигтайгаар шийтгүүлж байдаг. Там руу очсон хэн боловч яаж шийтгүүлдгийг та нар төсөөлж ч чадахгүй. Гэхдээ... ээ, Бурхан минь. Харин хүмүүс үүнийг мэдэхгүйд л асуудал байна. Тэд харалган, нүдээ боолгосон мэт, тэд Диваажинг мэдэхгүй, тамыг сайн мэдэхгүй. Үр дагаваргүй гэж бодоод зүгээр л юуг ч хамаагүй үйлдэж байна. Энэ бүхнийг хараад сэтгэл минь тэвчээд байж чадашгүй нь.
