Дэлгэрэнгүй
Татаж авах Docx
Дэлгэрэнгүй уншаарай
Намайг харж хандаж буй мэтээр өөрсдийгөө харж хандаарай. Учир нь би бол та нар. (За.) Бид хамтдаа. Та нар сайн бясалгаж байвал, буянтай байвал тус бүрдээ нэг Их Багштай хамт байна. Өөрийгөө хэр чухал гэдгийг бодоод үз. Хөөх. Иймд та нар хамтдаа бясалгавал маш олон Их Багш, маш их эрчим нэгдэн нийлж та нарыг дэвшүүлж, оюун санаа бие махбод аль аль талаар хүчтэй, эрүүл саруул байлгана. (За, Багш аа.) Хамтдаа бясалгах үед эрчим нь маш их хүчтэй байдаг. (За, Багш аа.) Есүс хүртэл миний нэр дээр хоёр болон түүнээс олон хүн суувал би хамт байх болно гэсэн. (Тийм.) (Тийм.) Энэ бүхнийг та нар мартчихдаг. Есүсийн ингэж хэлснийг та нар компьютер дээрээ бичих хэрэгтэй, эсвэл яг нүднийхээ өмнө, хаалган дээрээ, хөргөгч дээрээ, гар дээрээ, хоолныхоо аяган дээр, кофены аяган дээрээ наагаарай. (За, Багш аа.) Тэгвэл ямар чухал болохыг нь мэдэх болно. (За, Багш аа.) Та нар надад, “Хаана ч хамаагүй бясалгах боломжтой” гэх мэт зүйл хэлдэг. Мэдээж тийм. Гэхдээ тодорхой түвшинд хүрэх хүртлээ хамтдаа бясалгасан дээр. (За, Багш аа.) Хамтдаа бясалгасан минут бүр эрдэнэ. Алт, алмаз. Үүнийг бүү дутуу үнэлээрэй. Их бясалгах тусам та нарын гэрлэн бие аура улам гэрэлтэнэ. (За, Багш аа.) Улам олон хамгаалах давхаргатай болно. Зарим шавь нар... зарим, цөөн шавь нар КОВИД туссан нь тэдний хамгаалалтын давхарга нимгэн юм уу бүр байхгүй байснаас болж халдан орсон. Тэд бясалгадаггүйгээс тэр. (Хөөх.) Хангалттай бясалгаагүй. (За, Багш аа.) Та нарын хувьд, дэлхийн төлөө ажиллаж байвал, энэ бол маш том ажил. Өдөрт дор хаяж дөрвөн цаг бясалгах ёстой, энгийн хүмүүс шиг хоёр цаг гучин минут биш- тэд өөрсдийнхөө төлөө бясалгадаг. (За, Багш аа.) Ямар ч улс оронд, магадгүй жижиг улсад эсвэл хотод арван ариун буянтай, сүнслэг хүн байвал тэр хотод ямар ч сүйрэл тохиолдохгүй гэдэг. Хөөх. Ямар ч дайн, ямар ч асуудал тэр хотод тохиохгүй. Аравхан хүн. (Хөөх. За.) Яагаад гэвэл сайн бясалгах юм бол аура чинь томрон адислал нэмэгддэг. (За, Багш аа.) Тэгээд эргэн тойрныхоо илүү том хүрээллийг адислаж чадна. Тэгээд хүрээлэн буй орчин чинь илүү тайван болдог. Бас өөрөө ч ийм орчинд амьдарч, юуны түрүүнд өөртөө ашиг тустай байх болно. (Тийм ээ.) Бас орчин тойрондоо үзүүлэх ач тусын цар хүрээ их. Цар хүрээ том тусмаа дэлхийд тустай.
