Юу ч зориулахгүй байж бүхнийг хүсэн хүлээж болохгүй. (За, Багш аа.) Мөн та нар үнэндээ юу ч өгөх шаардлагагүй! Зүгээр л бусдаас авахгүй байх юм. Амьтдын амийг бүү ав. (За, Багш аа.) Их энгийн шийдэл! Хэрэв амь тасалбал хариуд нь амьтай байна гэж хүлээх учиргүй. “Юу тарина, түүнийгээ хураана.” Үйлийн үрийн хуулиар тоглох учиргүй.
( G4 EA H1N1 буюу богиноор G4 гэдэг нэртэй шинэ гайхан ханиад гарсныг олж нээсэн байсан. Энэ тахал болж дэгдэх үү? )
Та нар хүлээгээд, хар. Цохилж байгаа олон тэсрэх бөмбөг байгаа гэж би өмнө хэлсэн. Нэг ч биш, нэлээд хэд байгаа. (За, Багш аа.) Харин одоо, КОВИД-19-с болж энэ нь өөр бусад төрлийн тахал, өөр төрлийн өвчнийг үүсгэсэн. (За, Багш аа.) Хараахан тахал болохгүй байж мэдэх ч, хаа сайгүй байгаа. Хэр их гэдгийг хар... Ингэж өвчилсөн олон тэрбум хүмүүсийг хар. Тэгэхээр бид ерөнхийдөө өвчлөл, бактери, вирус, аюул дунд сэлж байна. (За, Багш аа.) Хаа сайгүй. Та нарын учирсан хэн нь чь хэдийгээр өвчлөөгүй мэт харагдавч тэр өвчнийг тээж байгаад халдварлуулахыг таашгүй. Хэдийгээр тэр хүн өвчтэй мэт харагдахгүй ч тээж байдаг ба ямар ч үед, хаа ч та нарт дамжуулж мэднэ, таашгүй. (За, Багш аа.)
Нэг номын ах чинь гарч шүдний эмчид үзүүлээд ирэхэд нь би түүнийг гурван долоо хоног тусгаарлах ёстой болсон. Би бичсэн байгаа. Зарим тань уншсан байх. (Тийм, бид уншсан Багш аа.) Надад тусалсан нэг. Би бүгдэд нь адил зүйл хэлсэн, бүлгээсээ гарвал тэгнэ. (За.) Учир нь та нар одоо хөөсөн дотор байна. (За, Багш аа.) Гал тогооны гишүүдэд бас хэлээрэй. Тэд гадагш гарвал эргэж ирж болохгүй. (За, Багш аа.) (Бид тэдэнд хэлье.) Эсвэл эргэж ирвэл өөрсдийгөө багадаа гурван долоо хоног тусгаарлах ёстой. (За, Багш аа.) Тиймээс туйлын шаардлагагүй л бол хэн ч гадагш гарах учиргүй. (За, Багш аа.) Гал тогооны хүмүүс болон та нар гарах учиргүй. Та нар өөрсдийнхөө хэсэгт хамгаалагдсан. (Тийм.) Гэвч явах ёстой бол, мэдээж явах хэрэгтэй. Эргэж ирээд хөлөөсөө толгой хүртлээ шүршүүрт ороод, хувцсаа эмнэлгийн аргаар угаа, гэх мэт. (За, Багш аа.) Гадагш гарахдаа нүдний шил зүү гэж хэлсэн үү? Хэлсэн. (Тийм, Багш аа.) За.
Яг одоо бусад олон өвчин гарч ирж байна. (Тийм, Багшаа.) Би манай [Суприм Мастер] ТВ-ээр харсан, Йеменд холер гээд. Өөр юу билээ? Эбола? (Тийм.) Бүр дахиад гараад ирсэн. (Тийм, Багш аа.) Бас хаа нэгтээ улаан бурхан г.м. Харж байна уу, КОВИД-19-ийн энергиэс болоод хүмүүс өвчин тээж хэрэн хэсээд байвал агаар бохирдох болно. (Тийм.) Тэгэхээр, хүмүүсийн дархлааны систем нөлөөнд орно, хэдий тэд КОВИД-19 тусаагүй байлаа ч тэгнэ. (За, Багш аа.) Ингээд тэд өөр нэг өвчин тусвал энгийн үед эмчлэгддэг байсан бол эмчлэгдэхгүй болж болзошгүй; (Өө, пөөх.) учир нь тэдний дархлааны систем хэдийн нэгэн байдлаар эрсдэлд ордог.
Тиймээс та бүхэнд, шавь нартаа энэ бүх конференцоор хэлээд байдгийн учир энэ. Тэднийг илүү сонор сэрэмжтэй, болгоомжтой, өөрсдийгөө сүнслэг буянаар илүү их хамгаалаг л гэсэндээ. (За, Багш аа.) Залбирал, бясалгалаар, ариун үйл болон бодол, яриа, үйлдлээрээ хамгаалаг гэж юм. Энэ бол жинхэнэ хамгаалалт. Эс бөгөөс хүн төрөлхтөн, миний өөрийн шавь гэгдэх хүмүүсийг оруулаад өөрсдийгөө хамгаалах хангалттай хайргүй, хангалттай буянгүй байдаг. (Өө, ойлголоо.) Тиймээс Багшийн хүч, илүү дээд хүчнээс зээлдэх хэрэг гардаг. Иймээс чадах чинээгээрээ өдөр бүр маш их залбирч, маш их бясалгах ёстой. (За, Багш аа.) Энэ нь та нар өөрсдийгөө үргэлж Бурхантай холбохын тулд юм. Тэгснээр бидэнд илүү асуудал гарахгүй. (За, Багш аа.) Өөр асуулт байна уу, хайр аа? Ахиад хэчнээн асуулт байна? Та нарт жагсаалт байгааг гэж сонссон. (Тийм, маш их.) За. Хэлээрэй.
( Багш аа, энэ бол эцсийн шүүлтийн цаг гэж Бурхад хэлсэн. Энэ цаг үеийн ивээлийн хугацаа нь юу вэ? Энэ ивээлийн хугацаанд хүн бүр веган болох ёстой гэсэн үг үү? Хэрэв зарим хүмүүс веган болохгүй бол зарим нэг тахал өвчнөөр юм уу гамшгаар эндэж, гэмшихгүй л бол там руу явах уу? )
Ивээлийн хугацаа аль эрт ерөнхийдөө дууссан. Зүгээр л би Диваажингаас хүмүүст илүү уян хатан хандахыг хүсдэг, хүмүүс хордсон, буруу залагдсан, тархиа угаалгасан, маяагийн, худалдагдсан чөтгөрүүдийн төрөл бүрийн муу нөлөөнд автсан байдаг. Тэд одоо хэзээд ч бүтэн эргэх боломжтой ба би хүлээж байх болно. Тэд эргэвэл, мэдээж ямартай ч илүү хамгаалалттай байх болно. Гэвч энэ нь бас тэд хэр их буянтайгаас хамаарна. (За, Багш аа.) Тиймээс үүнийгээ өнгөрсөн төрлийнх нь буянтай, чин сэтгэлтэй, мөн даруухан залбирал, гэмшилтэй нь нэгтгэвэл тэр нь ямартай ч тустай. (За, Багш аа.) Ядаж л, тэд тахал өвчин тусвал, зөөлөн байх болно, багасна. Тэгээд тэднийг өөд болоход надад тэдний сүнсийг Диваажинд хүрэхэд туслах шалтаг олдоно. (За, Багш аа.)
( Багш аа, зөгнөлүүд, жишээ нь Ау Лак (Вьетнам) болон бусад газрын зөгнөлүүдэд, сүүлийн шүүлтийн цагаар гамшгууд гарч, шинэ өвчин гарч зөвхөн арваас нэг, эсвэл хоёр ариун журамтай хүн л амьд үлдэнэ гэж хэлсэн байсан. Энэ үнэн үү, Багш аа? Учир нь бид Их Багшийн адислалаар тийм ч муу байхгүй гэдэгт итгэдэг. )
Зөвхөн сонсож байгаа, хэрэгжүүлж байгаа хүмүүсийг би адисалж чадна. Хэрэв эмч өвчтөнд жор бичиж өгөхөд, өвчтөн эмийг нь уухгүй бол үр дагавар нь ямар байх вэ? Эмчийг хамаг чадлаараа хичээсэнгүй гэж зэмлэх үү? (Үгүй, Багш аа.) Тийм! Юу ч зориулахгүй байж бүхнийг хүсэн хүлээж болохгүй. (За, Багш аа.) Мөн та нар үнэндээ юу ч өгөх шаардлагагүй! Зүгээр л бусдаас авахгүй байх юм. Амьтдын амийг бүү ав. (За, Багш аа.) Их энгийн шийдэл! Хэрэв амь тасалбал хариуд нь амьтай байна гэж хүлээх учиргүй. “Юу тарина, түүнийгээ хураана.” Үйлийн үрийн хуулиар тоглох учиргүй. (За, Багш аа.) Хэрэв хүмүүс хорыг үргэлжлүүлэн уусаар, эмч тэдэнд “Дахиж бүү уу. Ядаж хор хэрэглэхээ боль, тэгвэл би та нарыг эдгээж чадна.” гэж хэлэхэд тэд хороо уусаар байвал өвчтөн үхэх юм уу зовж шаналах болно. Намайг юм бүхнийг хийчихнэ гэж бодоод, хэн ч юу ч хийхгүй байж болохгүй. Тийм зүйл гэж байхгүй. (За, Багш аа.) Гэсэн хэдий ч бид амьтдад шударга байх ёстой. Тэд ямар ч буруу зүйл хийдэггүй. Тэд тамлагдсаар ирсэн, тэд, өө Бурхан минь, хөнөөгдөхөөсөө өмнө тамд байгаа юм шиг байдаг. (Тийм, Багш аа.) Та нар энэ бүхнийг манай [Суприм Мастер] ТВ болон Нетфликсээр, (Тийм.) мөн бидний сурталчилдаг бүх киноноос үзсэн. Хүчирхэг, ухаантай, сонголтоор дүүрэн хүмүүс бид сул дорой, хүчин мөхөс нэгнийг ингэж тарчлаадаг байж яахин аврал хүртэнэ гэж харах билээ?! Би тэдэнд гэмшиж, эргэлт хийх хэрэгтэй гэдгийг нь хэлсэн. (За, Багшаа.) Тэд ердөө үүнийг л хийх хэрэгтэй. Би нэг их юм гуйгаагүй. (Тийм, Багш аа.) Тэгснээр би тэдэнд тусалж чадна.
Мэдээж, би гэмшиж, амьдралын энэрэнгүй хэв маягт шилжиж буй хүмүүсийг адисалж чадна, би Бүхнийг Чадагч Бурханы өршөөл ивээлээр адисалж чадна. Гэмээ наманчилсан сүнснүүд хэдийгээр нүглээ төлөхийн тулд үхэх ёстой ч сүнснүүдэд нь тусалсан гэдгээ хэдийнээ хэлсэн. Хэрэв тэд зүрх сэтгэлдээ гэмшилтэй бол би тусална, хэрэв тэд миний зураг, эсвэл миний бичлэг эсвэл миний яриаг сонсож, мөн жаахан хүндэтгэлтэй, эсвэл надад жаахан итгэдэг бол би тусална. Ийм хүмүүст тусалж чадна. Гэвч хүмүүс намайг сонсохгүй, бахь байдгаараа байвал, надаас дахин тусламж гуйлтгүй, Их Багшийн адислал... Маш их адислал- ямар ч хэрэгцээгүй. Эдгээр хүмүүс өөрчлөгдөхгүй бол ямар ч нэмэргүй. Ойлгож байна уу? (За, Багш аа.)
Хүн бүр л надаас, та нар болон, номын ах нар тань үргэлж надаас, “Багш адислалтай байх учиртай, бүх зүйл зүгээр үү?” Яаж зүгээр байх вэ? Амьтад яах вэ? Тэд зүгээр биш, тийм үү? (Үгүй.) Тэд надаас ч юм уу, эсвэл хэн нэгнээс, эсвэл Диваажингаас ямар нэг зүйл харж хүлээдэггүй. Ийм төрлийн хүмүүс зөвхөн тамд л очно, учир нь тэд бусдын зовлонг үл тоож, өвдөлт, шаналалд нь баясдаг. (За, Багш аа.) Үргэлж тэнд сууж мах идэж, дарс ууж, амьтдыг бусдыг тамлачхаад тэднийг адисална гэж бодоо юу? Та нар ийм асуулт ахин дахин асуусаар байх юм. Би ахин ийм зүйл сонсмооргүй байна. (За, Багш аа.) Учир нь энэ бол ухаантай асуулт биш. Диваажингийн хүчийг болон Бурханы хайрыг буруугаар ашигласан болно. Багшаас Англи хэл сурмаар байвал гэрийн даалгавраа хийх ёстой. (За, Багш аа.) Багшийгаа арвин их мэдлэгээрээ, та нар давтахгүй байхад, ярихгүй байхад гэрийн даалгавраа хийхгүй байхад, Англиар ярихад, Англиар ойлгоход тань тусална гэж хүлээж найдах учиргүй. Ойлгов уу? (За, Багш аа.) Ийм зүйл, ийм төрлийн асуулт миний уурыг хүргэдэг. Яг л хүн бүр тэнд зүгээр суучхаад нэг хүн бүхнийг хийхийг хүлээж байгаа мэт санагддаг. Энэ асуулт бол яг л ерөнхийлөгчийн нөхцөл байдалтай адилхан. Тэр сонгогдож, уучлалтай, энэрэнгүй гэдгээрээ танигдсан байлаа гээд зүгээр л хуулийг үгүй хийж, хүн бүр хүссэн зүйлээ хийнэ гэж найддаг. Энэ нэг нь тэр хүнийг хөнөөгөөд ямар ч асуудалгүй; өөр нэг нь өөр нэг бяцхан охиныг дээрэлхэж, асуудалгүй. Хүн бүр хүссэн зүйлээ хийж, хүчтэй нь сул доройгоо дээрэлхэж, дараа нь ерөнхийлөгчөөс зүгээр л гэмт хэргийн бүртгэлийг хэрэгсэхгүй болгож бүгдийг нь уучлаач гэж хүснэ. Энэ нь хохирогчдод шударга бус. Тийм учраас би тэр асуултад ахин хариулмааргүй байна, яагаад гэвэл үнэхээр хачин, дэндүү доромжилсон. Хүмүүс тэгж боддог. Тэд юу ч хамаагүй хийж ерөнхийлөгчийг тэдэнд ид шид бүтээж өгнө гэж боддог, эсвэл Их Багш хула хула хуп гээд бүх зүйл зүгээр болно.
Та нар надаар яалгах гээ вэ? Есүс болон бусад Их Багш нар шиг илүү золиослол хүсээ юу? Унаад үхэхийг хүсээ юу? Миний үхэл магадгүй тэдний нүгдийг цэвэрлэх болохоор гайхамшиг болох байх гэж үү? Тэр бол мөрөөдөл. Бүх Их Багш нарыг хар, Тэд маш их зовж өөд болсон, мөн Буддагийн аминд хүрэх гэж олон удаа оролдсон. Есүс, загалмай дээр үнэхээр зовж үхсэн. Хэдийгээр Тэр дараа нь эдгэрч, эргээд хэвийн амьдралдаа орсон ч, хүн төрөлхтөнд Есүс шиг гэмгүй Төрөлтнүүдэд ингэж хандах учиргүй. Жишээлбэл, хэрэв Тэр тэнд үхсэн бол, хүмүүсийн нүглийг цэвэрлэх гэж шаргуу хичээсэн ч тэр нь ердөө л түр зуурынх, магадгүй зөвхөн Түүний шавь нар болон тэдний зарим хамаатан, найз нөхөд тав зургаан үеийнхэн л хамаарна. Гэвч хүмүүс мах идэж, дарс уухаа үргэлжлүүлсээр байсан учраас Түүний золиослол мөнхийн байгаагүй. Үүнээс ямар сайн зүйл гарсан бэ? Их зүйл биш. Тэд үүгээр улс гүрэн байгуулж, том сүм гэх мэт барьж, Түүний байдлыг шүтсэн; гэтэл амьд байхад нь Түүнийг цовдолсон. Мөн хүмүүсийг хар. Тэд юу хийсэн бэ? Мах идэж, дарс ууж, зугаацаж цэнгэхээ үргэлжлүүлсэн. (За, Багш аа.) Үүнээс ямар сайн зүйл гарсан бэ? Багш өөд болох юм уу, ямар нэг байдлаар золиосолбол, биеэр... Би өдөр бүр золиосолдог. (За, Багш аа.) Зөвхөн бие сайнгүй байх ч биш, та нарт хэлж болохгүй олон зүйлийг хийх ёстой байдаг. Бас сүнслэг сайн сайхнаа зориулдаг, та нар бүхнийг мэднэ. (Тийм, Багш аа.) Тиймээс ямар хэрэг байна? Миний нохдын зөв. Хүмүүсийн төлөө би яагаад ийм зүйл хийнэ вэ? гэж асуусан тэдний зөв. Хүмүүс хүртэх гавьяагүй. Зүгээр л өөрийгөө чөлөөл гэсэн. Диваажин хүртэл надад амьдралаа чөлөөл гэсэн. Тийм! Тэд надад, “Амьдралаа чөлөөл.” Учир нь тэд надад, “Эрх чөлөөтэй бай. Аюулгүй бай. Энх тайван бай. Эрхэм ариун бай.” гэсэн. Заримдаа тэд, “Аз жаргалтай бай” гэдэг. Тэр нь “Зүгээр л гар” гэсэн үг. (За, Багш аа.)
Энэ бүхэн бүгд тоглоом. Угаас хий хуурмаг. Бүгд яг л театр, зүүд шиг. Би тэр бүхнийг мэдэх ч гадна зовж байгаа энгийн хүмүүст хэлэхэд энэ нь тэдний хувьд зүүд үү? Үгүй. (Үгүй.) Тийм үү? (Тийм.) Тэд өдөр шөнөгүй хөлсөө урсгаж, төрөл бүрийн зүйлсээр зовж, амь зогоох гэж төрөл бүрийн нөхцөл байдлыг тэсэж туулдаг. Өөрсдийгөө эсвэл гэр бүлээ л харж хандах гэж төрөл бүрийн дарлал, төрөл бүрийн хүнд хүчрийг тэсдэг. Мөн үнэхээр хүнлэг бусаар зовж байгаа, үнэхээр харгис хэрцгийллийг тулж, үйлдвэрийн аж ахуйд зовж байгаа амьтдаас асуу. Тэднээс энэ зүүд эсэхийг асуу. Энэ нь өвддөг. Өөрсдийгөө чимхэхэд л энэ зүүд биш гэдгийг мэднэ. Өвдөг, тийм үү? (Тийм, Багш аа.) Зөвхөн чимхэхэд л өвддөг. Хуруугаа жаахан зүсэхэд ч өвддөг.
Тиймээс би яаж “Энэ бол зүгээр л мөрөөдөл” гээд холдоод явах бэ? Миний хувьд, тийм. Би өвдлөө ч, эсвэл шаргуу ажиллах юм уу ядарч туйлдах гэх мэт бүх зүйл боллоо ч, нөгөө талаараа тэр бүхнийг дуусна гэдгийг би мэддэг. Энэ бүхэн зүүд. (За, Багш аа.) Гэвч ихэнх хүмүүсийн хувьд, тэд гүн зовдог. Бүх зүүдний энэ зүүдэнд тэд зовдог гэдгийг ойлгохын тулд би зовохоор зориулагдсан. Жинхэнэ зовлон. Тийм учраас би зүгээр л холдоод явж чадахгүй. (За, Багш аа. Баярлалаа.) Тийм учраас олон гэгээрсэн Их Багш нар эсвэл сүнслэг бясалгагчид энэ дэлхийд бүр үлддэггүй. Тэд зүгээр л холдоод явдаг. Тэд Гималай, юм уу зарим нэг уулын хаа нэгтэй очих юм уу голын дэргэд ч юм уу очихоор явдаг. Тэд өөрсдийнхөө амьдралаар амьдардаг. (За, Багш аа.) Зүгээр нэг эгэл, жирийн амьдралаар биш, Бурхантай холбогдсон амьдралаараа, дотооддоо шинээр олсон эрх чөлөөтэйгөөр амьдарсан. Тэд шавь нар авах талаар тэгж их тоодоггүй. Юу ч болсон зүгээр л дашрамд л болдог. Гэвч тэд хэзээ ч гарахыг тоодоггүй. Ийм төрлийн бясалгагчид, энэ бүхнийг, бүгд зүүд гэдгийг мэдэж байдаг. (За.)
