Төгс Гэгээрсэн Их Багш Чин Хайтай (веган) хийсэн хэвлэлийнхний ярилцлага, 12-ын 10-р хэсэг

Энэ дугаарт Их Багш бид бүгд Дээд Эх Сурвалжаас үүдэлтэй бөгөөд авшиг хүртэх үед дотоод билиг ухаан маань сэрдэг хэмээн тайлбарласан билээ. Тэрээр мөн веганизм нь амь хөнөөх үйлийн үрийг багасгаж, биеийг цэвэр ариун байлган, улмаар оюун санааны хувьд дэвшихэд тусалдаг төдийгүй хамаг амьтныг хайрлах хайрын илэрхийлэл учраас оюун санааны бясалгалд тустай хэмээн зөвлөсөн юм.

(Тэгэхээр Та хүмүүсээс эд хөрөнгөө бүгдийг нь орхи гэж бус, харин юу ч хийсэн чин үнэнч зорилгоор хийхийг хүсэж байна уу?) Зөв, тийм, Тийм ээ. Бид үр бүтээлтэй байж, сүнслэг ертөнцөд төдийгүй энэ дэлхийд ч хувь нэмрээ оруулах ёстой. Бид зөвхөн сүнслэг талаасаа бус, бүх талаар хөгжих ёстой.

Танд баярлалаа. (Учир нь бид олон хэмжээст оршдог шүү дээ, тийм биз?) Тийм ээ, олон хэмжээст. (Тийм.) Учир нь бид төгс байх ёстой. “Тэнгэр дэх Эцэг тань төгс байдаг шиг та нар мөн төгс байгтун” гэдэг шүү дээ. Төгс хүн агуйд завилан суугаад юу ч хийхгүй, эсвэл амьдралаа өөрчлөөд, хийж буй ажлаа орхиод байж болохгүй. Тэр бас хариуцлагатай байх ёстой.

(За, Их Багш аа, агуйд завилан суух тухайд дахин асуухад, бясалгалын хэв маяг, арга замын хувьд Та юуг санал болгож байгаагаа жаахан дэлгэрэнгүй тайлбарлаж өгч болох уу?) Тэгье. Ер нь ямар нэг тусгай арга барил хэрэггүй. Хамгийн чухал нь дотоод билиг ухаан тань нээгдсэн байх явдал бөгөөд авшиг хүртэх үед энэ нь нээгдэнэ. Бид энэ чадвар буюу ойлгох чадвараа ашиглан эргэн тойронд маань болж буй бүхнийг, Орчлон ертөнцийг, мөн өөрсдийгөө ойлгохыг зорьдог. Суух байрлал бус, харин төвлөрөл л чухал.

Jared: Эргэн тавтай морилно уу. Энэ бол Радио 2000-ын Чанадыг харахуй нэвтрүүлэг. Бид баасан гарагийг тань гэрэл гэгээтэй болгож, бидний байнга сонсож дассан гэрэл гэгээтэй гэхээсээ илүүтэй бараан үүл мэт санагддаг бусад мэдээнүүдийн оронд сайхан мэдээ хүргэж байгаа гэж найдаж байна. Өнөө өглөө Өмнөд Калифорниос утсаар холбогдож буй Төгс Гэгээрсэн Их Багш Чин Хайтай ярилцлагаа үргэлжлүүлж байхдаа амьдралд тань нарны туяа, гэрэл гэгээ авчирч байгаа гэж найдаж байна. Тэр бол үнэхээр гайхалтай Эмэгтэй гэж би хэлнэ. [Түүнийг] [өөрөөр] яаж тодорхойлохоо би мэдэхгүй байна. Их Багш аа, зарим тодорхой зүйлсийг тайлбарлахад Танд хэцүү байсан. Таныг тодорхойлоход надад ч хэцүү байна. Харин Та эмэгтэй дүрээр заларсанд би үнэхээр баяртай байна.

Өнөөгийн дэлхийд, бидний амьдралд сүнслэг хүч чадалтай Эмэгтэйн үгийг сонсох нь тун чухал гэж би боддог. Янз бүрийн юм ярьж явдаг эрчүүд олон шүү дээ. Та өнөө өглөө бидэнтэй энд байгаад би их баяртай байна.

Master: Баярлалаа. Би ч бас баяртай байна. Та надад энэхүү хүндэтгэл үзүүлж, боломж олгосонд баяртай байна.

(Их Багш аа, Та “авшиг” гэдэг үгийг хэд хэдэн удаа дурдлаа.) Тийм ээ. (Та чухам юуг хэлж байгаагаа тайлбарлаж өгөхгүй юу? Би энэ үгийн утгыг мэднэ. Харин Та яг ямар утгаар хэлж байна вэ?) Тийм ээ, тийм.

Авшиг гэдэг нь үнэндээ Сүнслэг мөн чанарыг нээхийг нэрлэсэн үг төдий. Биднийг харагдах, үл харагдах олон янзын саад тотгор халхалдаг. Тэгэхээр авшиг гэгч нь билиг ухааны үүдийг нээж, түүнийг энэ дэлхийд урсган оруулж, дэлхий ертөнцийг төдийгүй биднийг, өөрөөр хэлбэл би гэгчийг ивээх үйл явц юм. Харин Жинхэнэ Би үргэлж Алдар суу, Билиг ухаанд оршдог. Түүнд адис ивээл хэрэггүй. Миний хэлж буй зүйл бол бидний аливааг ойлгох байдал юм. Энэ ойлголт эргээд бидний амьдарч буй дэлхийг ивээж, улам гэрэл гэгээтэй болгоно.

(Тэгэхээр Их Багш аа, авшиг хүртээхдээ Та тухайн хүнийг адисалж, ингэснээр түүнд шинэ боломжууд нээгддэг гэж хэлж байна уу?) Зөв. Үнэндээ бид бүгд Орчлон ертөнцөд хамгийн агуу нь юм. Бид хамгийн агуу Эх сурвалжаас ирсэн; Тиймээс бид хамгийн агуу нь байх учиртай. Бид мод, чулуу эсвэл санаанд орсон ямар нэг зүйлээс үүссэн байж таарахгүй. Ямартай ч авшиг хүртээх нь биднийг нэг ёсондоо цочроон, өдөр тутмын ертөнцийн ажилд хэт автаад мартчихсан тэрхүү хамгийн дээд байр сууринд маань даруй буцаан авчрах үйл явц юм.

(Энэ үг надад их таалагдлаа: “Цочроож, тэр илүү өндөр байр сууринд буцаан авчрах юм байна.”) Хамгийн дээд байр сууринд. (Хамгийн дээд!) Тийм ээ.

Jared: Их Багш аа, Суфийн Их багш нар бид энэ амьдралдаа хэн болохоо эргэн санахын тулд ирсэн гэж олонтоо хэлдэг. (Үнэн.) Та ч бас үүнийг хэлж байх шиг байна. (Тийм ээ, яг тийм.) Бидний ухаан санаа бүрхэгдэж, үнэнийг бүрэн харж чаддаггүй энэ оршихуйн тухайд ярихад, миний нэг багш ийнхүү хэлсэн: эндхийн амьдралын ихэнх хэсэг нь Маяа буюу хуурмаг үзэгдэл, гэвч энэ нь бас тун бодитой хуурмаг үзэгдэл гэж тэр хэлжээ. Бид түүнд тун их автдаг. (Үнэн.) Сүнслэг эрэлчийн замд тулгардаг хамгийн том саад тотгоруудыг Та юу гэж боддог вэ?

Master: Бид хэдий чинээ их мэднэ, төдий чинээ бага ойлгодог. (Энэ үг надад их таалагдлаа.) (Энэ нь эерэг чиглэл байж болох уу, Та тэгж бодож байна уу, байж болох уу?) Учир нь бид эгэл ертөнцийн мэдлэгийг хэт их хуримтлуулдаг. Тиймээс ч бид Жинхэнэ Билиг ухааныг ойлгодоггүй. Тиймээс энэ бол бидний халхлагдсан оршихуй. Бид Докторын зэрэг эсвэл энэ эгэл ертөнцөөс олж авсан ямар нэг мэдлэгээрээ хэт бахархаад, түүнээс хавьгүй агуу гэдгээ мартдаг. Үнэндээ хэт бардамнах нь өөрсдийгөө дорд үзэж буй хэрэг. Учир нь бид түүнээс ч агуу. Мэдээж, энэ эгэл ертөнцийн мэдлэг сүнслэг билиг ухаанд саад болдоггүй. Харин хэрэв бид… яаж хандахаас шалтгаална. Хэрэв түүнд зууралдвал асуудалд орно.

(Өөрөөр хэлбэл, бид сургуульд явж, Докторын зэрэг хүртэхийн тулд олж авдаг мэдлэг буюу оюун ухаанаар хуримтлуулсан мэдлэгээ дээдэлж, түүнийг Туйлын үнэн мэт үзэх юм бол бид сүнслэг утгаараа унтаа байдалд ордог гэж) Зөв. (Та хэлж байгаа юм шиг санагдаж байна.) Зөв. Та бүхнийг мэдэж байна шүү дээ.

(Тэгвэл, Би энд асуудалд орох нь дээ.) (Жаред, би яагаад гэдгийг мэддэг. Учир нь та одоохондоо Докторын зэрэг горилогч. Хэрэв Докторын зэрэг авчихсан бол, та асуудалд орох байлаа.) (Өө, тийм байна. Тийм ээ. Магадгүй тийм байх.) Өө, тэр зэрэгтэй юм уу? Тийм ээ.) Тэгвэл баяр хүргэе. (Тэгэхээр, би үүрд зэрэг горилогч хэвээр байх болов уу. Би ... гэж бодохгүй байна. Ямартай ч.) (Тэр хөгжиж, өөр хүн болон төлөвшиж байна. Үнэндээ бид бүгд л тийм байдаг байх.)

Үгүй ээ, би эдгээр зэргийг дорд үзэх гэсэнгүй. Би юу хэлэх гээд байна вэ гэхээр, эдгээр зүйлтэй хэт зууралдвал, Жинхэнэ Би-гээ мартдаг гэдгийг тодорхой жишээгээр л хэлэх гэсэн юм. Ердөө л энэ. (Тийм ээ, яг үнэн.)

Jared: Энэ нь Библид гардаг, баян залуу захирагч Есүс дээр ирээд “Мөнх амьдралыг өвлөхийн тулд би юу хийх ёстой вэ?” гэж асуудаг түүхийг санагдууллаа. Есүс түүний зууралдаад байсан зүйлийг нь яг онож хэлсэн. Тэрээр “Чи бүхнээсээ татгалзах ёстой?” гэж хэлсэн. Тэр залуу тэгэхийг хүсээгүй байх гэж би боддог. (Тийм ээ.)

Берклигээс утасдсан Майк гэдэг эрэгтэй, Их багш хэрхэн “Төгс Гэгээрсэн Их Багш” цол хүртдэгийг асууж байна.

Master: Аан, ойлголоо. Үүнийг би өөрөө ч мэдэхгүй. (Та нэг өглөө сэрэхэд хэн нэгэн Таныг ингэж дуудсан, тийм үү?) Тийм ээ, эсвэл заримдаа шавь гэгддэг хүмүүс Их Багш гэгддэг хүний хүрсэн түвшнийг таньдаг. Тэгээд тэд Их Багшаа олон сайхан нэрээр хүндэтгэн дууддаг. Жишээлбэл, Христ гэдэг нь мөн нэг цол. Будда гэдэг нь ч мөн цол. (За.) Тухайн үеийн Их Багш нарт эдгээр цолыг өгсөн. Би өөрийгөө тийм Төгс дээд гэж боддоггүй. Харин бид Төгс дээд Эх сурвалжаас ирсэн гэдгийг баттай мэднэ. Би танд үүнийг л хэлж чадна.

Jared: Бид Төгс дээд Эх сурвалжаас ирсэн. (Тийм ээ, бид бүгдээрээ.) Тийм. (Тийм.) Энэ бүхнийг тунгаан бодох нь өөрөө л бясалгал болж байгаа юм биш үү? Үүнийг ахин дахин хэлэх нь. “Би Төгс дээд Эх сурвалжаас ирсэн.”

Master: Гэхдээ гол нь давтаж хэлэхдээ биш; Энэ нь өөрийн мөн чанарыг танин мэдсэнээр төрдөг бат итгэл юм. (Зөв.) Тийм ээ. (Яг тийм.)

Bonnie: Их Багш аа, Танаас миний анзаарч буй зүйл бол Таны дулаахан, зөөлөн хошин шогийн мэдрэмж юм. (Өө, тийм үү?) Тийм ээ. Бидний амьдралд хошин шог хэр чухал талаар жаахан ярихгүй юу?

Master: Энэ аяндаа бий болдог. Аливааг хөнгөнөөр хүлээн авч, хаанаас ирснээ мэддэг болохоор аяндаа бий болдог. Дотооддоо маш итгэлтэй байвал, хошин шогийн мэдрэмжтэй болдог. (За.) Мэдээж, түвшин нь өөр өөр. Гэхдээ… (Тийм.) Юу ч урьдын адил чухал санагдахаа болино. Эерэг сэтгэлгээгээ орхиход хүргэхээр чухал зүйл гэж байхаа болино. (Хошин шогийн мэдрэмжээ орхиход хүргэхээр чухал зүйл гэж үгүй.) Тийм ээ, зөв.

(Сан-Хосегоос Алекс гэдэг сонсогч утасдаж, “Гэрлэхгүй байх сургаалын талаар Их Багш юу гэж боддог вэ?” гэж асууж байна.) (Гэрлэхгүй байх. Тэр гэрлэхгүй байх болон [веган амьдралын хэв маяг]-ийн талаар асууж байх шиг байна.)

Master: За. Үгүй ээ, би веган амьдралын хэв маягийг зөвлөдөг болохоос гэрлэхгүй байхыг зөвлөдөггүй. Учир нь бид энэ материаллаг амьдралд оршиж байгаа тул, бусдад хор хүргэхгүй л бол амьдрал өөрсдөөс маань шаардагдаж буй үүрэг, хийх зүйлээ хийсээр байх ёстой. Гэр бүлийн амьдрал олон хүнд сайн. Би бас бүх хүмүүс гэрлэх ёстой гэж хэлэхгүй. Энэ нь тэд өөрсдөө юу хүсэхээс нь шалтгаална. Гэрлэлт гэдэг нь насан туршийн нөхөрлөл бөгөөд бас илүү үр бүтээлтэй амьдрах явдал юм. Хэрэв бид өөрсдөө сүнслэг байвал энэ дэлхийд илүү олон сүнслэг хөгжилтэй сүнсийг авчирна. Энэ нь маш үр бүтээлтэй. Болно шүү дээ. Веган амьдралын хэв маяг бол хамаг төрөлтнийг хайрладгаа илэрхийлэх нэг арга юм.

Jared: Менло Паркаас утасдсан Линда мөн [веган] амьдралын хэв маягийн ач холбогдлын талаар ярьж өгөхийг хүссэн. (Тэгье.) [Веган] байх нь яагаад чухал вэ?

Master: Учир нь энэ нь манай энэ гарагийн амь хөнөөсний хүнд үйлийн үрийг багасгана. “Үйлийн үр” гэдэг нь бидний үйлдлийн үр дүн гэсэн утгатай. Тиймээс хэрвээ бид ариун үйл хийж – бие, хэл, сэтгэл маань ариун байвал – гараг дэлхий илүү ариун, илүү амар амгалан болно. Мэдээж, энэ нь хүн бүрд, хамгийн түрүүнд бидэнд өөрсдөд маань нөлөөлнө.

(Их Багш аа, хүний хооллолт сүнслэг хөгжилд нь хэрхэн нөлөөлдөг вэ?) Бие, сэтгэл ч бас сүнслэг хөгжилд нөлөөлдөг. Учир нь илүү өндөр түвшинд хүрэхийн тулд бид бие, сэтгэл хэмээх энэ хэрэгслийг ашиглах ёстой. Тийм биз? (Тийм.) Тиймээс энэ нь ариун байх ёстой. Жишээлбэл, хэрвээ та ус хийж уухын тулд аяга ашиглавал, таны аяга цэвэр байх ёстой. Эс бөгөөс энэ нь заримдаа таныг хордуулна. Уснаас болсон хэрэг биш. Харин та аяганаас ус ууж байгаа учраас аяга цэвэр байх ёстой.

(Их Багш аа, Та одоо Тайвань (Формоса)-г үндсэн оршин суух газраа гэж үздэг үү?) Тийм ээ. (Танд эх газрын Хятадтай ямар холбоо мэдрэгддэг, эсвэл ямар холбоотой байсан бол гэж сонирхож байна.) Бид хүсэлтийн дагуу авшиг хүртээлгэхээр тийшээ хүмүүсээ ч илгээдэг. Олон мянган хүн авшиг хүртсэн. Тийм ээ.

(Тэгэхээр Та… үүнээс үзэхэд эх газрын Хятадын хүлээн авах хандлагад том өөрчлөлт гарсан гэж үзэж байна уу?) Тийм ээ, тийм. (Тэнд их өөрчлөгдөж байна уу?) Тийм ээ, маш их өөрчлөгдөж байна. Сайн тал руугаа, тийм ээ. (Оросын тухайд ямар вэ? Та Орост очиж байсан уу?) Тийм ээ, очиж байсан. Эрт дээр үед нэг өдөр дайрч өнгөрсөн. (Зүгээр л дайрч өнгөрсөн.) Тийм. Хөшиг татагдахаас өмнө.

(Их Багш аа, дараагийн завсарлага хүртэл бидэнд хэдэн минут орчим үлдлээ. Та Есүс, Будда хоёрыг хоёуланг нь ихэд хүндэтгэн ярьж, Сургаалуудаас нь ижил төстэй зүйлсийг олж хардаг. Христэд итгэгчид Есүсийг БУРХАН гэж итгэдэг байх. Харин Буддын шашинтнууд Буддаг яг үүнтэй адилаар үздэггүйг би мэднэ. Та Тэднийг юугаараа адил, юугаараа ялгаатай гэж үздэгээ ярьж өгөхгүй юу?) Тэгье.

Юу гэвэл, Буддын шашинд итгэгчид ч бас төстэй байдлаар боддог. Өөрөөр хэлбэл, нэг талаараа жинхэнэ буддистууд гэсэн үг л дээ. Учир нь Энэтхэгт Их Багшийг БУРХАН гэж үздэг. Эзэн Бурхан Есүс, Будда хоёр тийм Их Багш нар байсан. Үнэндээ заримдаа тэд Их Багш нарыг БУРХАНААС ч илүү шүтдэг. Учир нь БУРХАН биднийг энэ зовлонт оршихуйд зүгээр л шидчихсэн, харин Их Багш зовлонгийн гинжийг тасалж, биднийг чөлөөлдөг гэж тэд хэлдэг. Гэвч орчуулга, буруу тайлбар заримдаа биднийг ихэд төөрөгдүүлдэг. Харин би энэ бүхний цаадах мөн чанарыг олж хардаг. Энэ бол гэгээрлийн үр дүн юм.

(За, Их Багш аа, бид дахин түр завсарлаад) За. (Радио 2000-ын Чанадыг харахуй нэвтрүүлгийн зарим ивээн тэтгэгчийг танилцуулъя. Энэ богино завсарлагын дараа бид та бүхэнтэй даруй эргэн уулзана.)

Photo Caption: “Цэцэгс Бүхний Эх Үндэс БҮТЭЭГЧИЙН төлөө дэлгэрнэ. Сүнс ЦОРЫН ГАНЦ, ЦОРЫН ГАНЦХАН НЭГЭН-ийг Магтан дуулна”

Зураг татаж авах