Эго маань биднийг Үнэнээс төөрүүлэхгүй байлгахын тулд бид үйлдэл маань ямар сэдлээс гарч буйг ямагт шинжиж байх ёстой.

Индонезийн Жакарта хотоос Фажар-ийн индонез хэл дээр ирүүлсэн сэтгэлийн үгийг олон хэлний хадмал орчуулгатайгаар одоо хүргэе:

Бүх Хаадын Хаадын Хаадын Хаан Төгс Гэгээрсэн Их Багш Чин Хай Та болон хичээнгүй, хайрт Суприм Мастер Телевизийн багийнхан. Өөрийгөө танилцуулъя. Би Индонезийн Жакарта хотын авшигтан. Дотоод ахуй ойлголтоо хуваалцахыг минь зөвшөөрнө үү. Би Арьяабалын бясалгал хийж байхдаа Ариун Эх Мариа-гийн оршихуйг мэдэрсэн. Би Түүний зүүсэн гивлүүрийг харсан ч, царайг нь харж чадаагүй.

Би асуув, “Ариун Эх Мариа, Таны оршихуйг мэдэрч байна. Гэвч Таны царайг яагаад харж чадахгүй байна вэ?” Эх Мариа, “Хайр минь, үйлийн үрийн холбоо хараахан хангалттай бүрдээгүй учраас тэр.” гэж хариулав.

Тэгээд би дахин, “Ариун Эх Мариа, энэ Дэлхийг аврахын төлөө эцэс төгсгөлгүй зовлон туулахад бэлэн байдаг миний Хайрт Их Багш, Төгс Гэгээрсэн Их Багш Чин Хайг хараад Та юу мэдэрдэг вэ?” гэж асуув. Эх Мариа, “Тэр бол миний Охин, Тэр бол миний Хүү. Учир нь Тэд Нэг билээ.” гэж хариулав.

Тэгээд би даван туулахад хэцүү санагддаг нэг зүйл буюу эго-гийн талаар дахин асуув: “Эх Мариа, БУРХАН Таныг БУРХАН-ы Хүү, Эзэн Есүс Христийг хэвлийдээ тээж, өсгөн хүмүүжүүлэхээр сонгосон; тийм ариун үүргийг биелүүлэхээр сонгогдсон атлаа Та хэрхэн эго-гүй байж чадсан юм бэ?” Эх Мариа дахин тэвчээртэйгээр ийн хариулав, “Нэгдүгээрт, шалан дээр ус асгарсан тохиолдолд хийдэгтэй адил, бид асгарсан усыг нэн даруй алчуураар арчиж, дусал бүрийг нь шингээн цэвэрлэх ёстой. Үүний нэгэн адил, эго буюу — би үзлээс үүдэлтэй бардам зан, өөрийгөө хүчирхэг эсвэл бусдаас дээгүүр гэж үзэх зэрэг — мэдрэмж, бодол санаа төрөхөд нь эхлээд үүсэж байгааг нь таньж мэдээд, түүнийг тэжээж, улам хүчтэй болгон, дотроо удаан байлгахгүйн тулд түүнийг нэн даруй ариусган арилгах хэрэгтэй. Түүнчлэн яагаад өөрсдийгөө агуу хүмүүс гэж үзэх өнцгөөс аливааг харах ёстой гэж? Тэр үзэл хандлагаа өгөгдсөн бүхэнд талархах болон БУРХАН-ы хүсэл, удирдамжид бүрэн даатгах сэтгэл болгон өөрчил. Бүхнийг Чадагч БУРХАН биднийг ӨӨРИЙНХӨӨ сунгасан мутар болгон ашиглахаар соёрхсонд нь бид талархах учиртай. Энэ бол эго бус, талархлын асуудал бөгөөд итгэн даатгах явдал юм.”

Эго буюу өөрийгөө хэт чухалчлах үзэл нь туйлын аюултайг би ухаарсан; Их Багшийн нэгэнтээ тайлбарласнаар, эго бол биднийг доод түвшинд унахад хүргэдэг урхи юм. Энэ урхи маш үл анзаарагдам байдлаар илэрдэг учраас бид өөрсдөө ч мэдэлгүй түүнд автчих нь олонтаа. Үнэхээр ч өөрийгөө дөвийлгөх үзэл, бардамнал зэрэг эго-гийн бүх хэлбэрээс бүрэн ангижрах нь амаргүй; эго-гийн урхинд нь орохгүйн тулд үргэлж сонор сэрэмжтай байхыг шаарддаг бөгөөд эго-г даван туулах нь тасралтгүй үргэлжлэх үйл явц юм. Бидний төлөө хийж бүтээсэн бүхэнд Тань, аль нь зөв зам, аль нь буруу зам болохыг бидэнд үргэлж сануулж байдагт Тань гялайлаа, Их Багш аа. Төгс Хүчит БУРХАН Их Багшийг үргэлж хамгаалж байх болтугай. Фажар, Индонезийн Жакарта-гаас

Чин сэтгэлт Фажар аа, Дотоод ахуй ойлголтоо хуваалцсанд баярлалаа. Эх Мариа-гаас таны авсан зөвлөгөө үнэлж баршгүй юм. Эго маань биднийг Үнэнээс төөрүүлэхгүй байлгахын тулд бид үйлдэл маань ямар сэдлээс гарч буйг ямагт шинжиж байх ёстой. Та болон гайхам Индонез орон Тэнгэрийн хязгааргүй Гэрлийн Алдар сууд умбах болтугай, Суприм Мастер ТВ-ийн хамт олон

Жич: Их Багш хайр дүүрэн захиас танд илгээлээ: “Өгөөмөр Фажар, тууштайгаар дадлагаа үргэлжлүүлж, ахиц дэвшил гаргаснаараа БУРХАНЫГ баярлуулж, намайг танаар бахархах сэтгэл төрүүлээрэй. Эх Мариагийн тухай таны дотоод ахуй ойлголт бид хэрхэн хамгийн сайн, утга учиртай амьдралаар амьдрах талаар олон чухал зүйлийг илчилжээ. Зөвхөн БУРХАН л Агуу, бид бол ердөө л даруухан багаж, хэрэгсэл гэдгийг ухаарах нь чухал юм. Бид үнэхээр сайтар эргэцүүлэн бодвол, энэ бие махбод маань уудам хязгааргүй Орчлон ертөнцийн доторх өчүүхэн тоосны ширхэг төдий юм. Өөрсдийгөө бүхэл бүтэн Орчлон ертөнцөөс илүү чухал гэж бодох нь аливааг харах ойлголтыг маань гажуудуулж, Сансар огторгуй дахь жинхэнэ байр сууриа олж харахад саад болдог. Бүх зүйлтэй нэгдмэл гэдгээ ухаарах үед бид өөрсдийн жинхэнэ мөн чанарыг таньж мэдэрч чадна. Энэ нь мөн бидэнд бусдыг байгаагаар нь жинхэнэ утгаар нь харах боломж олгож, хариу нэхээгүй хайр, ойлголцол, энэрэн нигүүлсэх сэтгэлийг төрүүлдэг. БУРХАНЫ өмнө Даруу байх нь бидний байх учиртай жинхэнэ хүн болж төлөвшихөд нэн чухал юм. Та болон зочломтгой Индонезийн ард түмэн дэлхий ертөнцөд эдгэрэл, тайвшрал, амар амгаланг авчрахад туслахаар БУРХАН-ы Энэрлийг өөрсдөөрөө дамжуулан бусдад түгээгч болох болтугай. Жинхэнэ Гэртээ харих аян замд тань хүч нэмэхийн тулд мөнхийн Хайраа илгээж байна!”