Нарны хүмүүс Энх Тайван Дэлхийг бидэнтэй хамт тэмдэглэж байна.

Канадаас Элси-гийн ирүүлсэн сэтгэлийн үгийг одоо хүргэе:

Эрхэм Хүндэт, Хайрт Их Багш болон Суприм Мастер Телевизийн сайхан сэтгэлтэй багынхан, 4-р сарын 19-нд би Нарны эргэн тойрон дахь үзэсгэлэнт солонгон цагариг болон өнгөлөг, бэлгэ дэмбэрэлтэй үүлсийн зургийг авсан юм. Энэ их өлзийтэй сайхан санагдсан. Би үүнийг Их Багш болон Суприм Мастер Телевизийн үзэгчидтэй хуваалцахыг хүсэж байна. 5 дугаар сарын 17-нд би солонгон цагаргийн зургийг дахин авсан. Тэр үед хэдийнээ оройн 7 цаг өнгөрсөн байсан тул солонгон цагариг төдийлөн тод харагдаагүй. Сүүлийн хэдэн өдөр зургуудыг томруулж харахдаа би, Нарны зүүн талд зүүний гуурс шиг нарийхан, урт сунасан зүйл байгааг анзаарсан. Тэр Нарнаас энерги сорж авч байгаа мэт санагдсан. Надад маш онцгой санагдсан тул зургийг нь бас хавсаргалаа. Дэлхийг авран хамгаалж, дэлхийд энх тайвны шинэ эхлэлийг авчрахын төлөө Их Багшийн хийсэн бүх зүйлд би талархаж байна. Их Багшийн бүх хүсэл мөрөөдөл биелж, Веган Дэлхий, Энх тайван Дэлхий удахгүй Дэлхий дээр цогцлоосой гэж чин сэтгэлээсээ хүсэж байна. Таны чин сэтгэлт шавь, Элси, Канад улсаас

Гярхай Элси, Гялайлаа. Таны илгээсэн үзэсгэлэнтэй гэрэл зургууд, Их Багшид зориулсан сайхан ерөөлд талархаж байна. Та болон ариун дагшин Канад улс мөнхөд Тэнгэрлэгийн Гэрэлд замнах болтугай, Суприм Мастер ТВ-ийн хамт олон

Жич: Их Багш сэтгэл дулаацуулах захиасыг танд хүргэж байна: “Сониуч Элси, Бидний сэтгэлийг өргөж, энх тайван хэдийн ирснийг сануулсан сүр жавхлант Нарны гэрэлтэх энергийг хүн бүрд харуулсан гэрэл зургууд илгээсэнд баярлалаа. Анхаарлыг тань татсан үзэгдлийн талаар бясалган тунгаах нь сайн. Учир нь тэдгээр нь ихэвчлэн онцгой захиас агуулж байдаг. Нарны хүмүүс Энх Тайван Дэлхийг бидэнтэй хамт тэмдэглэж байна. Та болон байгальд хайртай Канадын эх орон нэгт иргэд тань Байгаль Эхийн ивээлд байж, эрч хүчээ сэлбэн, тэтгэгдэж байх болтугай. Таныг үргэлж хайрлана.”