Энэ бол Их Багш үнэхээр бидэнд үзэгддэг гэдгийг бид хоёр дахь удаагаа баттай ойлгож, баталж байгаа тохиолдол юм.

Европ дахь нэгэн шавиас ирүүлсэн сэтгэлийн үгийг одоо хүргэе:

Эрхэм Их Багш болон Суприм Мастер Телевизийн хамт олон, Бид өөрсдөдөө тохиолдсон нэгэн явдлыг хуваалцахыг хүсэж байна. 2025 оны арван хоёрдугаар сарын 4-нд нөхөр маань эмчид үзүүлэх цагтай байлаа. Манай машин гудамжны хажууд зогсоолд зогсож байсан. Би түүний эрүүл мэндэд ихэд санаа зовж байв. Өвлийн хувцастай, дэгжин эмэгтэй гарч ирлээ. Тэр бидний өмнө зогсоод, гар утсаараа тэнгэрийн зургийг авав. Бид ч бас тэнгэр өөд харсан ч, юу ч олж харж чадсангүй. Эмчийн үзлэгтээ цагтаа амжихын тулд бид яаран машиндаа суув. Бид гэртээ харьтлаа “Тэр хэн байсан юм бол?” хэмээн бодсоор байв.

Бид гэртээ үнэртэй ус хэрэглэдэггүй ч, гэр маань хэдэн өдрийн турш гайхалтай сайхан үнэртсэн. Тэгээд л бид ойлгосон. Тэр дэгжин Эмэгтэй бол манай Их Багш байжээ. “Их Багшийг бодохдоо тэнгэр өөд харах хэрэгтэй” гэж Их Багш айлдсаныг бид санасан. Их Багш үргэлж бидэнтэй хамт байдгийг мэдэхэд үнэхээр аз жаргалтай байв. Бид Түүний Хайрыг ч мэдэрсэн. Зул сарын баярын өдөр бид Суприм Мастер Телевизээр Их Багшийнхаа хамгийн сүүлийн үеийн зургуудыг харсан. Тэр малгай өмссөн байсан бөгөөд царай нь бидний Түүнийг харсан тэр өдрийнхтэй яг адилхан харагдаж байлаа. Энэ бол Их Багш үнэхээр бидэнд үзэгддэг гэдгийг бид хоёр дахь удаагаа баттай ойлгож, баталж байгаа тохиолдол юм. Танд маш их баярлалаа. Бид Танд маш их хайртай. Бид Арьяабалын бясалгалаа аль болох их хийх болно. Тандаа үүрд хайртай. Европын шавь

Европын найрсаг авшигтан эгч ээ, Баяр хөөртэй энэ сэтгэлийн үгээ хуваалцсанд баярлалаа. Та нарын өмнө гарч ирсэн хүн нь Их Багш байсныг таньсан нь үнэхээр сайхан явдал бөгөөд энэ нь Тэрээр цаг ямагт бидэнтэй хамт байдгийг сануулсан явдал юм. Заримдаа бид зүгээр л анхаарлаа хандуулах хэрэгтэй байдаг. БУРХАНЫ мөнхийн Хайр, Хүч чадал та нарыг болон Европын халуун сэтгэлт ард түмнийг цаг үргэлж чимээгүйхэн тэтгэх болтугай. Суприм Мастер ТВ-ийн хамт олон

Жич: Их Багш танд ийн халамжтай хариуллаа: “Сайхан сэтгэлт БУРХАНЫ шавь минь, халуун дулаан, хайр дүүрэн үгсэд тань, мөн Арьяабалын бясалгалд чин сэтгэлээсээ зориулсан хичээл зүтгэлд тань баярлалаа. Хичээнгүйлэн бясалгаснаар бид дотоодын дээд Ертөнцүүдтэй мөнхөд холбоотой хэвээр байж, цаг хугацааны бүхий л шугам, хэмжээс бүрээр бид үргэлж хамт байдаг. Та болон азтай Европ Тэнгэрлэг Билиг Ухаан, Нигүүлслээр үргэлж замчлуулах болтугай. Бүх Хайраараа та нарыг тэвэрье.”