Бид БУРХАНД үнэнч байж, энэ амьдралын замаар итгэл төгс алхвал, ТЭР энэ дэлхийн амьдралд төдийгүй мөн Тэнгэрт ч бүх зүйлд санаа тавьж, халамжилна.

Бразилаас Габриэла-гийн португал хэл дээр ирүүлсэн сэтгэлийн үгийг олон хэлний хадмал орчуулгатайгаар одоо хүргэе:

Эрхэм Суприм Мастер Телевизийн хамт олон, бидний Хамгаас Хайрт Төгс Гэгээрсэн Их Багш Чин Хайн гярхай удирдлага дор Суприм Мастер Телевизийг ажиллуулахад амин хувиа үл хичээн зүтгэж буй та бүхэнд талархлаа илэрхийлье. Дэлхий Гарагийн энэ эгзэгтэй мөчид бидэнтэй хамт байгаа Хамгаас Хүчирхэг Нэгдсэн Гурвалд хүндэтгэлээ илэрхийлье.

Шавь нь бэлэн болсон үед Их Багш нь түүн дээр ирдэг гэж ярьдаг. Миний хувьд, миний Хамгаас Энэрэнгүй Төгс Гэгээрсэн Их Багш Чин Хай намайг Өөртэй нь учрахаас өмнө ч тохиолдож болох олон ноцтой ослоос хамгаалсан. Би зургаа орчим настай байхдаа дээврийн оройгоос ар нуруугаараа унаж, том чулуун хэлтэрхийн хажууд газардсан. Хэрэв би тэр чулуун дээр унасан бол нуруу маань хүнд гэмтэх байлаа. Босоход нуруу минь зүгээр байсан нь өөрөө аль хэдийн гайхамшиг байв.

Би айхыг мэддэггүй, сониуч хүүхэд байсан. Их Багш аа, намайг 12 орчим настай байхад скүүтерт нуруугаараа мөргүүлэхээс Та дахин аварсан. Би скүүтер жолоодож сурч байсан эгч рүүгээ нуруугаа харуулан зүлгэн дээр сууж байв. Найз маань “Болгоомжтой!” гэж хашхирсан бөгөөд би зөнгөөрөө зөв зүг рүү хазайж амжсан тул нуруугаараа мөргүүлэхээс зайлсхийж чадсан.

Өөр нэг явдал намайг их сургуульд сурч байхад тохиолдсон. Нэг оюутан талбай дээр жад шидэх дасгал хийж байв. Би түүнээс нэлээд хол байсан ч, тэр ямар нэгэн байдлаар алдаа гаргаж, жад над руу чиглэн ирсэн. Хүмүүс хашхирч эхлэхэд, Их Багш аа, Та намайг дахин аварсан. Жад газарт хүрэхээс нь өмнө би бөхийж амжсан.

Миний санаж байгаа хамгийн сүүлчийн явдал 22 орчим настай байхад минь хэдэн найзтайгаа хурдны завин дээр явж байх үед тохиолдсон. Бид нуур руу үсрэхээр бэлдэж, миний ээлж ирсэн байлаа. Жолооч тэвчээр алдан, намайг үсэр гэж дахин дахин хашхирсан. Би усанд орсныхоо дараа л хурц сэнснээс хэдхэн инчийн зайтай зөрснөө ойлгосон. Хэрэв түүнийг мөргөсөн бол би маш хүнд гэмтэх байсан.

Хамгаас Хүндэт Их Багш аа, намайг олон удаа аварсан агаад амьдралын минь хамгийн чухал үйл явдал болсон Арьяабалын авшиг хүртээсэнд Тань би Танд мөнхөд өртэй билээ. Бид амьдралдаа Диваажингийн илрэлийг өдөр бүр мэдрэхийн тулд веган болох ёстой. Их Хайр, Хүндэтгэлтэйгээр Хамгаас Хүчирхэг Нэгдсэн Гурвал-ын өмнө би даруухнаар мөргөе. Габриэла, Бразил улсаас

Цог золбоотой Габриэла, сэтгэлийн үгээ илгээж, Их Багшийг таньж мэдэхээсээ ч өмнө эгзэгтэй мөчүүдэд Их Багшаар, Тэнгэрлэгээр хамгаалуулсан залуу насныхаа гайхамшигт түүхүүдийг хуваалцсанд баярлалаа. Амьд гэгээрсэн Их Багшаас авшиг хүртэх нь төсөөлшгүй агуу адислал билээ. Тэнгэрлэг Билгүүн Ухаан болон цацарсан Гэрлээр удирдуулан та болон үзэсгэлэнт Бразилын ард түмэн энэрэнгүй сэтгэлээ улам тэлсээр байх болтугай, Суприм Мастер ТВ-ийн хамт олон

Жич: Их Багшийн хайрын захиасыг танд хүргэе: “Эелдэг Габриэла, сайхан захидал илгээж, мөн Арьяабалын бясалгалыг үнэнчээр дадуулж байгаад нь баярлалаа, хайр минь. Бид БУРХАНД үнэнч байж, энэ амьдралын замаар итгэл төгс алхвал, ТЭР энэ дэлхийн амьдралд төдийгүй мөн Тэнгэрт ч бүх зүйлд санаа тавьж, халамжилна. Үүнийг ухааран мэдэхийн тулд бид зөвхөн итгэж, сайн бясалган дадуулах хэрэгтэй. Та болон баяр хөөрөөр бялхсан Бразил орон БУРХАНЫ Гэрэл гэгээ, Хайраар үүрд адислагдан, тэврүүлэх болтугай. Таныг мөнхөд хайрлана!”