Бид нөхцөл болзолгүй үйлчлэх үед бидний хайрын чанар тэлж, хүмүүс ач тус хүртэх үедээ баяр баясгалан нь олон дахин нэмэгддэг.

Монгол улсын Алтанчимэгээс ирүүлсэн сэтгэлийн үгийг хүргэе:

Эрхэм Хүндэт Их Багш, Орчлон даяар Их Багшийн Адислалыг уйгагүй түгээн дэлгэрүүлж буй Суприм Мастер телевизийн баг хамт олонд мэндчилж, талархал илэрхийлье. Нарлаг Монгол Улсаас энэхүү захидлыг бичиж байна.

Би 2012 онд авшиг хүртсэн бөгөөд тэр үеэс авшигтан бид буяны ажил хийж эхэлсэн. Эхэндээ бид хэдэн хүн шоронд байгаа хүмүүст тусладаг байсан. Тэнд бид Их Багшийн мюзиклийг үзүүлж, ном тарааж Их Багшийн сургаалыг түгээн дэлгэрүүлэх замаар амьдралд хайр, урам зоригийг харуулахыг хичээсэн. Тэгээд бид тэдэнд веган хоол хэрхэн хийхийг зааж, бүр тэдэнд зориулж хоол хийж өгч, мөн өмсөх хувцас авчирдаг байсан.

Эцэст нь авшигтнууд бид буяны үйлсээ Буяны баг нэрийн дор томоохон төслүүд болгон өргөжүүлсэн. Бид амьтан-хүмүүсд спей заслага хийхэд нь тусалдаг, асрах хүмүүн найзгүй байгаа шархадсан амьтан-хүмүүсийг Амьтны эмнэлэгт авчирч тэдэнд насан туршийн гэр бүлийг нь олж өгдөг.

Мөн үндэсний баяр наадмаар амьжиргааны түвшин доогуур айл өрх, хүүхдүүдэд веган хоол, бэлэг авчирч, асрамжийн газарт очиж, бага хэмжээний концерт зохион байгуулж, тэдэнд хэрэгтэй бэлэг, хувцас аваачиж өгдөг. Мөн гамшгийн дараа хамгийн их тусламж хэрэгтэй байгаа хүмүүст хувцас, эм тариа, байнгын байртай болоход нь тусалдаг. Цаашилбал манай баг Төвөөс зохион байгуулж буй үйл ажиллагаа болгон дээр ажилладаг.

10 жил өнгөрсөн ч бид өсөн тэлж, гайхалтай ажлаа хийсээр л байна. Бидний буяны ажлаас би нэг зүйлийг сурсан. Бид халамжилдаг гэр бүлээ хэзээ ч орхидоггүй, тэдэнтэй ярилцаж, холбогддог. Бидний тусалж буй гэр бүл, хүмүүс хараат байдлаас бие даасан байдал руу шилжиж, улам сайжирч байгааг би харсан.

Бид өдөр бүр ажлаа дуусгаж, алдаагаа засаж, алхам тутамдаа Хайрт Их Багшийнхаа агуу, Хайрыг мэдэрч дараагийн ажлаа эхлүүлдэг байгаа. Бид эдгээр үйл ажиллагаа бүр дээр хамтран ажиллахдаа Их Багшийн Хүч, Хайр, Адислал хэрхэн гайхалтай түгээн дэлгэрч байгааг мэдэрч, харж, магтдаг билээ.

Монголын нийт ахан дүүсийнхээ өмнөөс Танд хайраар дүүрэн талархсан сэтгэлээр үүнийг бичиж байхдаа би нулимсаа барьж чадсангүй. Таныхаа Хайр болон бидэнд энэ азыг өгсөнд тань бид маш их талархаж байна. Эрхэм Хүндэт Их Багш минь, бид Танд маш их хайртай. Таныг хайрладаг шавь тань, Алтанчимэг Монгол Улсаас

Эетэй Алтанчимэг ээ, Та болон танай хамт олон улс орныхоо ард олны төлөө хийж буй сайхан үйлсдээ эрч хүчтэй байгаарай.

Их Багшийнхаа билгүүн үгсийг хуваалцахад баясаарай: “Сайн сэтгэлт Алтанчимэг болон багийнхан, бид бусдад туслах болгондоо өөрсдөдөө тусалж байдаг. Бид нөхцөл болзолгүй үйлчлэх үед бидний хайрын чанар тэлж, хүмүүс ач тус хүртэх үедээ баяр баясгалан нь олон дахин нэмэгддэг. Энэ бол жинхэнэ сүнслэг бясалгагчийн зам мөр юм. Энэ дэлхийд сайн зэмсэг байхад биднийг чиглүүлсэн Бурханд талархахаа үргэлж санаарай. Та болон хийморь лундаа өндөр Монголчуудыг Бурхан багшийн туяа адисалж байх болтугай. Та бүхэнд хайртай!”