15 Statements About the Benefits of Vegan Food

Ач тусыг нь мэдсэний дараа хятад хүмүүсийн 98% нь веган болно гэжээ. ПроВеж Интернэйшналын хийсэн судалгаагаар дэлхийн хүнсний системийг өөрчлөхийн төлөө ажиллаж буй байгууллагын мэдээлснээр бол, хятад хүмүүс веган хоолны ач тусыг мэдсэний дараа бараг бүгд веган болно хэмээсэн гэжээ. Уг судалгааг Бэйжин, Шанхай, Гуангзоу хотуудад 1,000 гаруй махан болон холимог хоолтон хүмүүсийн дунд явуулжээ.

Судалгаанд оролцогсод веган хоолны ач тусын талаар дараах 15 мэдэгдэл өгчээ:

1. Хамгийн эрүүл, хамгийн байгальд ээлтэй хоолны дэглэм нь веган (ургамлын) гаралтай хүнс юм.

2. Тэнцвэртэй веган хоолны дэглэм биеийн жингийн индексийг бууруулж, таргалалтын хувийг багасгаж, улмаар зүрх судасны өвчин, цус харвалт, цусны даралт ихсэх, холестерин ихсэх магадлалыг багасгадаг.

3. Тэнцвэртэй веган хоолны дэглэм 2-р хэлбэрийн чихрийн шижин өвчнөөс сэргийлдэг.

4. Тэнцвэртэй веган хооллолт хөхний хорт хавдрын эрсдэлийг буруулахад тустай.

5. Веган хооллолт нь амьтны гаралтай хоолноос үүдэлтэй антибиотикт тэсвэртэй болох эрсдэлийг бууруулдаг. Хятад улсад антибиотикийн хэрэглээний тэн хагасаас илүүг амьтан өсгөх салбарт ашигладаг. Бактери нь антибиотикт тэсвэртэй болоход, эдгээр бактериас үүдэлтэй халдваруудыг эмчлэх илүү хэцүү болдог ба улмаар эмчилгээний зардал болон эндэх магадлалыг нэмэгдүүлдэг. Антибиотик тэсвэртэй байдал нь одоогоор дэлхийн эрүүл мэнд, хүнсний аюул байдал ба хөгжилд тулгарч буй хамгийн том заналхийлэл.

6. Веган хүнс, тэр дундаа шош, буурцагт ургамал, сэвэг зарам зэрэг нь хүнийг хангалттай уургаар хангахаас гадна холестерингүй, эрүүл бус ханасан амьтны өөх тосгүй байдаг.

7. Буржгар байцаа, хятад байцаа, бууцай, байцай зэрэг ногоон ногоо нь кальцийн агууламж өндөртэй. Зарим нь сүүн бүтээгдэхүүнээс илүү өндөр биологийн хүртээмжтэй байдаг.

8. Дүпү, сэвэг зарам, кинва, гүнждийн үр зэрэг төмрөөр баялаг төрөл бүрийн веган хүнсийг С амин дэм өндөртэй жимс ногоотой хольж идвэл хүмүүс төмрийн дутагдлаас сэргийлэх боломжтой.

9. Веган хоолны дэглэм нь мал аж ахуйтай харьцуулахад газрын хэрэглээ, цэвэр ус, эрчим хүч зэрэг байгалийн нөөцийн хэрэглээний хувьд илүү хэмнэлттэй юм.

10. Мал аж ахуй нь хүлэмжийн хийн ялгарлын 20%-ийг бий болгодог. Махан хоолтой харьцуулахад веган хоол нь хүлэмжийн хийн ялгарлыг 50% бууруулна.

11. Үхрийн мах, сүүн бүтээгдэхүүн зэрэг нь хүнээс үүдэлтэй хамгийн том метан хийг ялгаруулдаг. Метан хий нь агаар мандалд дэгдсэнийхээ дараа эхний 20 жилдээ дэлхийг дулааруулах нөлөөгөөрөө СО2-ээс 80 дахин илүү хор хөнөөлтэй. Веган хоолны дэглэмд шилжвэл хоолноос үүдэлтэй метан хийн ялгарлыг 90% бууруулна.

12. Веган хоолны дэглэм нь дэлхийн өлсгөлөнг арилгахад тустай. Хурааж авсан шар буурцгийн 75 гаруй хувийг амьтан тэжээхэд ашигладаг. Яг энэ нөөцөө хүмүүсийн хүнсэнд зарцуулбал илүү олон хүнийг хооллох боломжтой ба улмаар хүнсний аюулгүй байдалд тустай.

13. Жил бүр 80 тэрбум газрын амьтан, 2.3 их наяд далайн амьтдыг нядалдаг. Ургамлын гаралтай хоолны дэглэм нь санаатайгаар амьтдыг нядлахыг эрс бууруулж, зэрлэг амьтад, экосистемд туслах болно.

14. Мал амьтан өсгөж үржүүлэх салбар нь тариалангийн талбайн 80%-ийг ашиглаж, ширэнгэн сүйтгэлийн 70%-ийн шалтаан болдог учраас биологийн төрөл зүйлийн алдагдлыг тэргүүлэх шалтгаан юм. Одоо байгаа төрөл зүйлийн 25% мөхлийн эрмэгт байгаа бол 2050 он гэхэд төрөл зүйлийн 88% нь амьдрах орчноо алдана. Веган хоолны дэглэм нь хуурай газрын, усны, ширэнгэн ойн байгалийн нөөцийг чөлөөлж, хүлэмжийн хийн ялгарлыг бууруулж, биологийн төрөл зүйлийг хамгаалах болно.

15. Ургамлаар баялаг хоол нь жимс, ногоо, үр тариа, шош буурцаг, самраас төрөл бүрийн амтыг мэдрүүлж, сэтгэл ханам, амттай хоол болдог.

Нийтлэлийг бүтэн эхээр нь дараах вебээс үзээрэй: ProVeg.org

Эрүүл, энэрэнгүй амьдралын талаар дэлгэрэнгүй мэдээлэл авахыг хүсвэл дараах хаягаар зочлоорой: SupremeMasterTV.com/Be-Veg