Дэлгэрэнгүй
Татаж авах Docx
Дэлгэрэнгүй уншаарай
Будда хэдийгээр ханхүү байж, маш их тав тух болон тансаглалтай байсан ч гэсэн, гэгээрснийхээ дараа, Тэр өчүүхэн ч таагүй мэдрэмж, харамсах зүйлгүйгээр гуйлга гуйдаг ламын амьдралаар амьдарчээ. Түүнийг аз жаргалтай болгосон зүйл нь ламын амьдрал байсангүй. Учир нь тухайн цаг үед маш олон лам нар байсан ба тэд гэгээрэлд хүрээгүй байсан ба тиймээс тэд зөрчилдөөн, тэмцэл болон мунхаглалын амьдралаар амьдарч, алдар нэр ба эд баялгийн хооронд тэмцэлдэж, үүнд Бурхан багш ч өртөж байв. Заримдаа тэд бас Бурхан багшид хор хөнөөл учруулахыг хүсдэг байв. Түүний дотоод аз жаргал, дотоод Нирваан нь өдөр тутмын амьдралынх нь туршид илэрч байсан тул, энэ нь хүн төрөлхтний тэвчиж чадахгүй сорилт бүрийн үед Түүнийг тэтгэж байсан учраас ийм байв. Заримдаа бусад шашны лам нарын өрсөлдөөний уур амьсгалаас болж Бурхан багш олон сарын туршид өргөл хүлээн авах боломжгүй байсан ба морины тэжээлээр амьдрах шаардлагатай болдог - тэгсэн ч гэсэн, Тэр хэзээ ч цөхөрдөггүй байв; өлсгөлөнгөө дарахын тулд, эсвэл Өөрөө илүү тав тухтай байхын тулд, Тэр хэзээ ч ордон руу буцаж очин ааваасаа алт өгөөч гэж гуйж байгаагүй.Бясалгагч бүр билиг ухааны өндөр түвшинд хүрсэн хойноо энэ ангижралыг мэддэг. Хэдийгээр тэд дэлхий дээр үлдэхийг сонгосон ч, жирийн амьдралаа үргэлжлүүлэхийн тулд хаан, албан хаагч эсвэл ямар нэг бизнесмен болж магадгүй юм. Гэхдээ зүрх сэтгэлдээ, тэдэнд алдар нэр, нэр төр, ашгийн төлөөх хүсэл байхаа больсон байдаг. Яг л Бурхан багшийн үед олон хүн Түүнийг гүтгэж, Түүний сургаал номлолд нь маш их саад тотгор учруулж байсантай адил. Гэхдээ Тэр хэзээ ч гуйвж, бусдын эдгээр бузар муу үйлээс болж зовж шаналж байгаагүй. Учир нь Түүний зүрх сэтгэл хоосон байсан – ямар ч хүсэл шунал байхгүй, ямар ч уур хилэн, хүлээс байхгүй. Хэдийгээр Тэр гадна талдаа бусад хүмүүстэй адил үйлддэг байсан ч, Тэр энгийн утгаараа жирийн хүн байхаа больсон байсан.Бурхан багш урьдын адил дэлхий дээр үлдэхээр сонгосон олон энгийн шавь нартай байсан. Гэхдээ тэд дотооддоо сүнслэг дэвшлийн өндөр түвшинд хүрсэн байдаг. Вималакирти шиг эсвэл Гуань Ши Инь Бодисадва буюу Арьяабал Бодисадва шиг. Хэдийгээр Тэр эгэл жирийн хүн, гоёмсог хувцас, гоёл чимэглэлтэй үзэсгэлэнтэй эмэгтэйн дүрээр гарч ирсэн ч гэсэн, Тэр бол Будда байсан.Тиймээс бясалгалын хоёр арга байдаг гэдгийг бид мэддэг. Нэгдүгээрт бид дэлхийгээс татгалзаж, тусгаарлагдсан газар очиж бясалгал хийх боломжтой. Хоёрдугаарт, бид дэлхийд үлдэж, гэгээрсэн гэгээнтэн болж, үүргээ биелүүлж чадна. Учир нь ширэнгэн ой болон уулс бидэнд гэгээрэл өгч, зүрх сэтгэлийг өөрчилж чадахгүй. Сүнслэг бясалгалын аргагүйгээр, бид хаана байгаа, юу хийж байгаагаас үл хамааран, бид мунхгийн харанхуйд үлдэх болно. Бар-, арслан-, ирвэс-хүмүүс ширэнгэн ойд амьдардаг. Хэн ч тэдэнд саад болдоггүй. Тэдний амьдралд ямар ч саад тотгор байхгүй, тэднийг түрэмгий болгох өдөр тутмын дарамт байхгүй. Гэсэн хэдий ч, тэд түрэмгий төрдөг, түрэмгий амьдардаг, түрэмгий үхдэг. Бурхан багшийн эсвэл зарим өөр Гэгээнтний шавь нар дэлхий дээр үлддэг, гэхдээ Тэд бол гэгээрсэн, Тэд бол энэрэнгүй, Тэд бол гэгээрсэн төрөлтнүүд юм.Энэ дэлхий дээр янз бүрийн шашин хоорондын болон нэг шашны дотоодод олон "ариун" дайн байдаг. Энэ нь мунхаглалаас үүдэлтэй. Тиймээс бид гэгээрлийн түлхүүрийг мэдэхгүй бол, газар орон, орчин болон шашин бидэнд тусалж чадахгүй. Бид хувцсаа сольж, гэгээрэлд тэмүүлэхийн тулд, энэ ертөнцийн бүх зүйлийг орхисон ч гэсэн арга замыг мэдэхгүй эсвэл яаж гэдгийг мэдэхгүй бол, энэ нь ашиггүй хэвээр байна.Орчлон ертөнцөд Хуулиуд байдаг ба бид үүнийг зайлшгүй дагах ёстой. Бид юуг ч хийхийг хүсэж байсан, хэрэв бид амжилттай байхыг хүсвэл, Хууль, Дүрмийг дагах ёстой. Бидний биед янз бүрийн үйл ажиллагаатай янз бүрийн эрхтэн байдаг. Хэрэв бид сүнслэг гэгээрлийн эрхтнийг мэдвэл, бид түүнийг ашиглаж, гэгээнтэн болж чадна. Эс бөгөөс, бид буруу газрыг ашиглаж, буруу аргаар бясалгавал, хэр удаан байсан ч хамаагүй, энэ нь бидэнд юу ч авчрахгүй.Будда бас гэгээрэхийнхээ өмнө алдаа хийж байсан. Өөрөөр хэлбэл, Тэр маш олон янзын аргаар бясалгаж, тэр дундаа огоорлыг дадуулж байсан - хэдэн сарын турш өлсөж байсан нь Түүний бие, сэтгэн бодох чадвар, тэр байтугай сүнслэг хүчид нь хохирол учруулсан. Зургаан жил алдаа гаргасны дараа л Тэр Дундад зам мөрийг буюу ердийн арга барилыг хэрэгжүүлэх ёстой гэдгээ эцэст нь ойлгосон бөгөөд ингэснээр Тэр зөв Багштай уулзаж, зөв аргыг хэрэгжүүлсэн байж магадгүй юм. Тиймээс, Бодь модны дор зөвхөн 49 хоног болсны дараа, Тэр гэгээрэлд хүрсэн.Гэхдээ магадгүй Тэр Будда байсан тул үүнийг хийх ёстой байв; Тэр бидэнд алдааг харуулахын тулд үүнийг хийх ёстой байсан, ингэснээр бид адил алдааг хийхгүй. Эсвэл магадгүй Тэр гэгээрлийн өмнө энэ ертөнцөд төрөхдөө бусдын адил үйлийн үрийн хуулийг туулах ёстой байсан. Учир нь Тэр залуу насандаа нийгэм, улс орондоо ямар ч хувь нэмэр оруулалгүй тансаг амьдарч байсан. Тийм учраас Тэр зориудаар хийгээгүй ч өнгөрсөн үед хийснээ цайруулахын тулд, ийм төрлийн өлсгөлөн зовлонг туулах ёстой байсан байх.Би зүгээр л “магадгүй” гэж хэлж байгаа тул буруу мэдэгдэл хийсэн бол уучлаарай. Ямартай ч бид Нирваан дахь Буддаг харахдаа мэдэж болно. Би мэдэж буй зүйлээ та нарт нотолж чадахгүй. Тиймээс би та бүхнийг ирж, Будда үйлийн үрээс болсон уу, эсвэл бидний мэдлэгийн төлөө үүнийг хийх ёстой байсан уу гэдгийг өөрсдөдөө нотлохыг урьж байна.Би та нарт олон зүйл хэлэхийг хүсэж байгаа ч бидний цаг хугацаа хязгаарлагдмал. Миний мэдэж буй олон зүйлийг Би манай ертөнцийн хэлээр хэлж чадахгүй. Би та нарт зөвхөн аргыг санал болгож чадна, Ингэснээр та нар билгийн мэлмийгээ нээх замаар, Буддагийн мэлмийг нээх замаар үүнийг өөрсдөө мэдэж авах болно. Тэгвэл та нар ямар ч Их Багш эсвэл Багшаар хэлүүлэхгүйгээр бүгдийг мэдэх болно. Та нарын олж авсан мэдлэг бол үүрдийнх - энэ бол та нарынх, энэ бол анхдагч мэдлэг юм.Тийм ч учраас … Та нарт баярлалаа. Энэ бол сайн; та нар алга ташсан нь сайн хэрэг. Ядаж л хэн нэгэн хүн сэрж, унтахгүй байх болно. Гэхдээ магадгүй хэн нэгэн хүн Самадид байсныг та нар сэрээсэн ч байж магадгүй. Гэхдээ ямар ч байсан цаг нь болсон. Тиймээс хүн бүр сэрэх хэрэгтэй.pPhoto Caption: ЖИНХЭНЭ ИТГЭЛЭЭР БИД ХААНА Ч САЙН УРГАДАГ!
