Олон хүн үхэл амьдралын заагт олж мэдсэн зүйлс байна. Тэгээд 2023 он өмнөх жилүүдээс ч дор байх болно гэсэн зөгнөл сүүлийн үед гарах боллоо. Багш энэ талаар юу гэхсэн бол?) Би та нарт байнга хэлдгээ л хэлнэ: би зөн билигтэн биш. […] Тэд зөгнөсөн байна уу, тэдэнд хэлсэн ч байна уу, ийм л байгаа. (За, Багш аа.) Байдал дордож байна. (Өө...) Гэхдээ залбирал нэмэртэй. Бидний залбирал нэмэр болдог. Гэхдээ дээрдэж болох ч бүрмөсөн өөрчилж чадахгүй. (Хөөх.)
Өршөөлт Бурхан өөрчилж чадна. Бурхан бидэнд сурч авах боломжийг дахин өгч байна. Хүмүүс веган амьдралын хэв маяг зэрэг нигүүлсэнгүй амьдралын хэв маягтай болж өөрчлөгдөн дотооддоо тусган авч өөрчлөгдөх ёстой. Тэгвэл бид өөрчилж чадна. Хувь заяанд өөрчилшгүй зүйл гэж үгүй. Бид тавиландаа өөрсдөө эзэн болж өөрчлөх ёстой. Тиймээс ч Бурхан бидэнд ашигла гэж чөлөөт сонголтыг өгсөн юм. […]
Миний хэлж буйг сонсож, үгийг минь огт авахгүй эвэл бүгдийг нь зүгээр мартаад, харин, Бурханаас чин сэтгэлээсээ даруухнаар, үнэнээсээ “Намайг өршөө” гэж гуйгаарай. Бурханаас л өршөөл гуй. Чин сэтгэлээсээ, туйлын ихээр гэмшин наманчилж, туйлын үнэн голоосоо, туйлын даруугаар тэгж гуйгаарай. Тэгвэл Бурхан таныг уучлан, дахин нэг боломж өгч магадгүй. Тэгвэл та тамд унахгүй болно. Гуйж байна. Та надад боломж олгохгүй байгаа болохоор би танд тусалж чадахгүй. Тиймээс үүнийг санаарай. Бурханаас өршөөхийг гуй. Бурхан ямагт өршөөдөг. Харин та үнэн голоосоо даруу, чин сэтгэлээсээ, үнэнхүү жинхэнээсээ чин зүрхнээсээ наманчлах ёстой. […]
Та нарыг бүгдийг нь хайрлаж, санаа зовж буйгаа яаж илэрхийлэхээ мэдэхгүй байгаа ч сэтгэлдээ бүгдийг чинь хайрлаж, бүгдийг чинь үхэх, төрөх, зовохоос гэтлээсэй гэж хүсэж байна. Яадаг ч байсан Гэртээ эргэж хариарай. Амен.
2022 оны 11-р сарын 5-ны бямба гарагт бидний Хамгаас Хайрт Төгс Гэгээрсэн Их Багш Чин Хай (веган) Суприм Мастер Телевизийн хамт олонтой үнэлж баршгүй цагаасаа хуваалцлаа. Их Багш ажлын багийнхны мэндийг мэдээд тулгамдсан нөхцөл байдалд хэрэг болох зарим үнэтэй зөвлөгөөг өглөө. Үүний дээр 2023 оны талаарх зөгнөлүүд болон Украин (Урейн) дахь дайны төгсгөхтэй холбоотой зэрэг асуултуудад хариулсан юм.
(Сайн уу, Багш аа? Сайн байна уу, Багш аа?) Сайн уу, сайн уу? Сайн уу, үзэсгэлэнтэй, үгүй ээ, царайлаг залуус минь? Үзэсгэлэнт сүнснүүд. Та нар эрэгтэй ч бай, эмэгтэй ч бай, дотооддоо үзэсгэлэнтэй шүү дээ. Дагаад төрх чинь царайлаг сайхан бол мэдээж хэрэг бүр л сайн. Тийм биз? Бүгдээрээ тийм биз дээ? Миний нүдээр бол тийм. За юу? (Баярлалаа, Багш аа.) Гоо үзэсгэлэн гэдэг... (Харж буй хүний нүдэнд буй.) Хөөх, та нар бүгдийг мэдэх юм аа, Бурхан минь. (Их Багш үзэсгэлэнтэй шүү. Хамгийн үзэсгэлэнтэй нь.) Юу гэсэн бэ, хайр аа? Юу гэснээ дахиад хэл дээ. (Их Багш хамгаас үзэсгэлэнтэй нь.) Аан, миний эго ийм үг сонсох дуртай. Үүнийг сонсох ёстой дуртай шүү. Ямартай ч баярлалаа. (Зүгээр ээ. Үнэн шүү дээ.) Харж буй хүний нүдэнд гэх тул болно, болно. […]
Та нар сайн уу? (Тийм ээ, Багш аа, бид сайн.) […] Ийм шөнө орой болсон байхад ярьж байгаад уучлаарай. Өглөө эрт гэмээр ч юм уу. Би хэцүү байдалд байгаа. Тиймээс та нарын унтах, сэрэхийг дандаа хүлээгээд байж чадахгүй юм. Тэгвэл ярих боломжгүй болж ч мэднэ. Би олон өдөр хүлээсэн болохоор цаг орой байсан ч одоо, өнөөдөр ярих хэрэгтэй байна. Сэрээж нойрыг чинь үргээсэнд уучлаарай. (Зүгээр дээ, Багш аа. Бид ойлгож байна, Багш аа. За.)
Буцаад унтаж болно, за юу? Аз таарвал, цаг байвал хамаа байж уу. Бид бараг л адилхан нөхцөл байдалд байгаа. Би бас нэг их сайн унтахгүй байгаа. Бас сүүлийн үед хоол ч огт амтгүй санагдах болсон. Та нарын хоол давгүй биз дээ? (Тийм ээ, Багш аа. Сайхан байгаа.) Их сайн байна. Өө, ашгүй дээ, би баярлаж байна. Одоо та нар өөрсдөө ч хоолоо хийх шаардлагагүй байгаа биз дээ? (Яг тийм. Тийм.) Ингэж өөрчилсөн нь сайн хэрэг. Жаахан ядмаг байгаа байх. Гэхдээ бүгдийг хүртэх аргагүй. (Тийм ээ, Багш аа.) Гадаад ертөнцтэй жишихэд бид хавьгүй сайн заяатай, тийм биз? Хоолтой, аюулгүй байж чадна. Харин, миний хувьд заримдаа байн байн нүүх, өөрийн аюулгүй байдал мэт бүх юманд гав ганцаараа санаа тавих шаардлагатай байна.
Би өөртөө бие хамгаалагч. (Хөөх.) Тэгсэн ч сая сая, тэр бум тэр бум хүмүүсээс, долоо хоног бүрийн тэрхүү тэр бум тэр бум амьтан-хүмүүсээс л дээр байдалд байна. Иймд хэчнээн бага байвч, санаснаас хавьгүй дор байсан ч байгаа бүхэндээ Бурханд талархах ёстой. Та нарт сануулж байгаа юм. (За, Багш аа.) Би Бурханд өдөр бүр талархдаг. Бидний таашаалд нийцэхгүй, эсвэл санасанд хүрэхгүй бол бидний өөрсдийн үйлийн үрээс, эсвэл дэлхийн хамтын үйлийн үрээс л болсон хэрэг. Бурхан бүгдийг нь ингэж зохицуулсан юм биш. (Ойлголоо, Багш аа.) Бүхнийг Чадагч Бурхан бол тэр аяараа хайрлахуй, өглөг, уучлал, энэрэл, өршөөл юм. Үүнийг ямагт санаж яв. (За, Багш аа.) […]
Хэрэв цахилгаан байхгүй бол яаралтай хэрэг болж мэдэх тул ямартай ч халуун сав, ямар ч хамаагүй халуун ус байгаа бол дүүргэчих. Жимсний шүүсний лонхыг ч байгаа бол халуун усаар дүүргэ. Тэгвэл дулаан байна. Эсвэл өвөртөө унтаж болно. Хэт тэврэлдэхгүйгээр гэхдээ л дулаан байж чадна. (За, Багш аа.) Ганц хоёр хөнжил дундаа хэрэглэ. Төвөдүүд аялж явахдаа тэгдэг юм. Дэлхийн дээвэр болсон уулс дээр машин байдаггүй болохоор тэр. Тийм болохоор аялж явахдаа зам зуур танихгүй хүмүүс ч өвөртөө унтчихдаг. (Аан.) Хаа ч тэр. Жижигхэн өрөөнүүдэд.
Бас та нарын хэрэглэж болох нэг зүйл бий. Тэд нар ургамлын тос шиг зүйл худалддаг. Гэхдээ өтгөрчихсөн ургамлын тос. Бүх ургамлын тос. Тэд бүх ургамлын гэж нэрлэдэг. Ард нь залгадаг нэрийг мартжээ. Тос л гэсэн утгатай. Гэхдээ тусгай нэртэй. Зарим зах дээр зардаг гэж бодож байна. Том лаазанд ихээр савласан Том тугалган лааз юм уу шилэнд.
Тэрийг худалдаж аваад, бас нарийхан лаа авдаг- ердийн, нарийхан урт лаа. Үүнийг лаазны голд зоож байрлуулна. Эсвэл арай жижиг шилэнд хийгээд жижиг лаа хийж болно. Гэхдээ лаа нь нарийн байх ёстой. Учир нь лаанд гол бий. Үүнд суулгаад асаахдаа голыг нь богиносгон тайрах хэрэгтэй. Яагаад гэвэл тэдний худалддаг лааны гол заримдаа их урт байдаг. […]
Энэ лаазтай ургамлын тосныхоо голд лаагаа хийвэл ассаар байх болно. Яг л лаа шиг, гэхдээ бүр том лаа болчихно. Харин бүр томыг нь, гурав, зургаан паундынхыг нь авах юм бол өдөрт найман цаг асаалаа гэхэд гучаас ч дээш өдөр, дал гаруй өдөр ч асна. (Хөөх.)
Тулгамдсан үед энэ их сайн арга. Тэгээд нэг жижигхэн, тун жижигхэн өрөөнд бай. Жижиг тусам сайн. Өвөлдөө дулаацуулах юу ч байхгүй болсон тохиолдолд ингэвэл дулаахан байх болно. (За, Багш аа.) […] Байгаагаа л идэж бай. Лаазалж, савласан, шилтэй хоол ид.
Ер нь би ойд амьдарч байсан, харин одоо ууланд амьдарч байна. Жижигхэн газар ч гэлээ давгүй. Харин ойд юм уу, ууланд цахилгаангүй байлаа гээд тийм ч муугүй. Хуурай мод түүгээд л хоолоо хийж эсвэл дулаацаж болно. Харин хотын орон сууцанд амьдардаг бол энэ нь зөв арга байх. (За, Багш аа.) Тийм лааг шөнөдөө асааж жижигхэн өрөөнд хамт байгаарай.
Тийм лаа, эсвэл хэд хэдэн жижиг лаа жижигхэн өрөөг дулаацуулж дөнгөнө. Эсвэл суудлын машин, жижиг ачааны машин байж болно. (За, Багш аа.) Хүмүүс хаа нэгтээ хурдны зам дээр цастай, хүйтэнд явах аргагүй гацах үедээ ийм арга хэрэглэдэг юм. Машиндаа лаа асаадаг. Тэгж дулаахан байдаг. Ядаж хөлдчихгүй. Тэр ч яах вэ. Бид илүү сайн сайхан байна гэж найдан, ирээдүйн төрхийг ямагт илүү сайн байна гэж найдацгаая. (Тийм ээ, Багш аа.)
Надад хэлэх зүйл байна уу? (Тийм ээ, бидэнд асуулт бий.) Хэл хэл. Ганц л асуулт уу? (Үгүй ээ, хоёр бий.) Хэл дээ. Хурдлаарай. Ойрд би хоёр, гурав, дөрөв, таван цагаар яриад байхаар тийм тав тухтай байдалд байж чадахаа больсон. Иймээс хурдлаарай. (За, тэгье.) (Олон хүн үхэл амьдралын заагт олж мэдсэн зүйлс байна. Тэгээд 2023 он өмнөх жилүүдээс ч дор байх болно гэсэн зөгнөл сүүлийн үед гарах боллоо.)
“Courtesy of Great Miracles Avenue – May 21, 2022 Voiceover (f): Энэ бол манай Африк дахь нэгэн үзэгчийн үхэл амьдралын заагт үзсэн зүйл. Тэрээр үхэлтэй нүүр тулсан үедээ болсон үйл явдлууд болон Есүстэй гайхалтайгаар учирсан талаараа дэлгэрэнгүй өгүүлсэн юм.
“Би нам дуугаар ингэж асуулаа, ‘Есүс, энэ Та юу?’ Дуу хоолой эргэн цуурайтаж ‘Би бол Зам Мөр, Үнэн, Амьдрал’ гэж хэлсэн. Тэрээр цааш нь, ‘Нааш ир, би чамд огт мэдэхгүй агуу, гайхалтай зүйлсийг үзүүлье. Би чамд Өөрийн Үгийг хүргэж, дэлхий даяар түгээхийг хүсэх болно. Асар их гай гамшиг тохиож байгааг тэдэнд мэдэгдээрэй. Энэ нь хүн төрөлхтний төсөөлж чадахаас ч хүнд, урт удаан үргэлжилнэ. 2023 он хүнд жил байх болно. Мөн улам их сүйрлийн жил болно. Өнгөрсөн жилүүдийн зовлон зүдгүүр ирээдүйнхтэй жишихэд юу ч биш байх болно. Хүмүүний хомхой сэтгэл, шунал илчлэгдэж, энэ нь маш хүнд цар тахлыг үүсгэх болно. Улс орнууд хоорондын зөрчилдөөн улам олон удаа дэгдэн урьд өмнө байгаагүй харгис болно. Хамгийн эрх ямба өндөртэй нь ч санаа зовних болно.””
(Багш энэ талаар юу гэхсэн бол?) Би та нарт байнга хэлдгээ л хэлнэ: би зөн билигтэн биш. Хүмүүс үнэхээр үхэл амьдралын заагт олж мэдсэн ч бай, зөгнөсөн ч бай ихэвчлэн тэдэнд сахиусан тэнгэр юм уу Бурхан эсвэл Есүс тэднийг үхэл мэдрэх үед, үхэл амьдралынх нь заагт хэлж өгсөн гэж тэд ихэвчлэн хэлдэг. Тэд зөгнөсөн байна уу, тэдэнд хэлсэн ч байна уу, ийм л байгаа. (За, Багш аа.) Байдал дордож байна. (Өө...) Гэхдээ залбирал нэмэртэй. Бидний залбирал нэмэр болдог. Гэхдээ дээрдэж болох ч бүрмөсөн өөрчилж чадахгүй. (Хөөх.)
Өршөөлт Бурхан өөрчилж чадна. Бурхан бидэнд сурч авах боломжийг дахин өгч байна. Хүмүүс веган амьдралын хэв маяг зэрэг нигүүлсэнгүй амьдралын хэв маягтай болж өөрчлөгдөн дотооддоо тусган авч өөрчлөгдөх ёстой. Тэгвэл бид өөрчилж чадна. Хувь заяанд өөрчилшгүй зүйл гэж үгүй. Бид тавиландаа өөрсдөө эзэн болж өөрчлөх ёстой. Тиймээс ч Бурхан бидэнд ашигла гэж чөлөөт сонголтыг өгсөн юм.
Бурхан Өршөөл үзүүлж илүү сайн сайхныг үзэх боломж олгосон ч одоо удаан тийм байхааргүй болсон гэдгийг л би хүмүүст хэлж л чадна. (Тийм, Багш аа.) Яагаад гэвэл бид Бурхантай ярилцаж, Бурханд залбирахыг хүслээ ч Бурханд өргөх залбирал харилцан яриа адил чин сэтгэлийн, утга учиртай, үнэн сэтгэлийн гүнээс, даруу байх учиртай. Харилцан ярилцаж буй мэт байх учиртай. Яг л би та нартай ярилцахдаа сонсож, ярьж байгаа шиг, ядаж л асууж, хариулж, хариулт өгөхийн адил байх ёстой. Нэг нь л яриад байх биш. (Тийм, Багш аа.) Гэтэл бидний Бурханд хандаж байгаа нь яг л нэг нь яриад байх шиг. Бид үргэлж гуйж, залбирч байдаг. Ихэнхдээ л амин хувийн шалтгаанаар энэ тэрийг гуйдаг.
Дэлхийд үүрдийн энхтайвныг тогтоохын тулд дэлхий веган болоосой гэж залбирахаас бусдыг нь хэлж байна. Энэ бол зөвхөн ганц биеийн хэрэгцээ, хувийн хүсэл төдий бус, харин энэ үзэсгэлэнт гарагийн бүхий л төрөлтний нийтлэг эрх ашгийн төлөө юм. (Тийм, Багш аа.)
Тэгэхээр бид Бурханаас зүгээр л үргэлж гуйгаад л гуйгаад л байдаг. Гэвч Бурханы үгийг бид сонсдоггүй. Бид Бурханыг сонсож чаддаггүй. Ихэнх хүн чаддаггүй. Бурханыг шууд сонсож чадахгүй бол, эсвэл Бурхантай, үгүй бол Түүний Өршөөлөөр өөрийн шүтдэг хэн нэгэн, Есүс Христ, Буддатай үхэл амьдралын заагт шууд ярилцахыг хүсээгүй л юм бол Их Багш нарын сургаал номлолыг сонсох хэрэгтэй. Хамгийн чухал бөгөөд энгийн нь сахил юм. Христийн сургаал дахь Арван Хууль болон Буддын шашны Таван Сахил, хамгийн товчхон Таван Сахил гэх мэт.Үүнд: амь хороож болохгүй, худал хэлж болохгүй, хулгай хийж болохгүй, зохисгүй харилцаа үүсгэж болохгүй, мансууруулах бодис хэрэглэж болохгүй гэх зэрэг орно.
Харин хамгийн чухал нь “амь хороож болохгүй.” Зөвхөн хүний амийг төдийгүй амьтан-хүнийг ч хороож болохгүй. Амьтад ч бас хүмүүс. Тэд мэдрэхүйтэй, оюун ухаантай, сэтгэл хөдлөлтэй, юмсыг ойлгодог, Бурхан тэднийг Гэр рүү нь дуудах хүртэл тайван амгалан амьдрах хүсэл зоригтой. Яг л хүмүүс бидний нэгэн адил. Тэгэхээр бид Бурханы сургаалыг дагаж, Бурханыг сонсох аваас Бурхан ч биднийг сонсох болно. Харилцан яриа байх учиртай. (Тийм, Багш аа.) Бурханыг сонсоно гэдэг чухам энэ юм.
Сохор, дүлий, царайлаад байвал хэн ч тусалж чадахгүй. Танд тусалж чадах нь гагцхүү та өөрөө л юм шүү дээ. Хэрэв хүнд үйлийн үрийг чинь авч улам ихийг зааж сургаж өгөх Их Багшгүй бол өөрийнхөө дотоодыг үнэнхүү хичээн сонсох ёстой. Юу хүсэж байгаагаа та мэдэж байгаа. Мөн та Бурханаас ирсэн учраас Бурханы оч дотоодод чинь байгааг мэдэж байгаа.
Бурханы тэр очоор замаа заалган туслуулж, хамгаалуул. Гэхдээ Бурханы сургаалыг Мөрдөх замаар тэрхүү очтойгоо холбогдсон байх ёстой. Шууд бусаар юм гэхэд Их Багшийн сургаалаар холбогдох хэрэгтэй. Нэгэн чухал сургаал бол янз бүрийн шашны Арван Сахил юм уу, Таван Сахилд агуулагдаж байдаг. Ердөө Бурханаас өршөөл гуйж, тэр бүх хорон үйлээ дахин үйлдэхээ зогсоож харин эсрэгээр нь сайн үйл хий. Их энгийн байгаа биз. Та нарт миний үргэлж хэлдэгчлэн: веган болж, эв найртай байж, сайн үйлс хий. Эсвэл ядаж веган бай. Бурханаас өршөөхийг гуй. Бүх зүйлд өршөөхийг Бурханаас гуй. Өөрийгөө тамаас хамгаал.
Та нарыг бүгдийг нь хайрлаж, санаа зовж буйгаа яаж илэрхийлэхээ мэдэхгүй байгаа ч сэтгэлдээ бүгдийг чинь хайрлаж, бүгдийг чинь үхэх, төрөх, зовохоос гэтлээсэй гэж хүсэж байна. Яадаг ч байсан Гэртээ эргэж хариарай. Амен. Бурхан та нарт хайртай. Бурхан ивээг. Та бүхэн Бурханы хуулиудыг сонсох болтугай. Тэгээд Бурхан та нарт гадаад болон дотоод амгаланг хайрлах болтугай. Амен. Амен. Амен. (Амен.)
Бурхан Хүү Есүсийг, Буддаг, Гүрү Нанак, Жайн шашны бүхий л агуу Их Багш нарыг жишээ татаж болно. Мөн Номлогч Мухамед Тэрээр Амгалан Оршиг. Гэтэл бид үнэндээ Тэднийг сонсдоггүй. Тэд бидэн рүү бууж ирсэн. Тэд зовдог. Тэд ая тухаа золиосолж, тэр бүү хэл амиа хүртэл бидэнд зориулж Бурхан Тэднээр бидэнд юу гэж хэлүүлснийг дамжуулдаг. Гэтэл бид хэзээ ч сонсдоггүй. Бидний ихэнх нь сонсдоггүй. Тэгээд үр дагавар нь ирэнгүүт бид уйлж, заримдаа орилж хашхиран Диваажин, Бурхан, там гээд л бүгдийг нь буруутгадаг. Гэтэл бидний сонсоогүйгээс л болсон байдаг. Бурханд ярилцах боломжийг бид өгдөггүй.
Нэг талын л яриа болдог. Бид үргэлж л гуйгаад, гуйгаад, шаардаад, шаардаад байдаг хэр нь Бурханыг сонсдоггүй. Бидний зовлонгийн шалтгаан энэ. Бид зөвхөн одоо л зовж байгаа юм биш, энэ гараг дээр хүмүүн буй болсон цагаас л зовох болсон. Мэдээгээр би тэр бүү хэл цөмийн зэвсгийн үлдэгдэл олдсон тухай ч сонслоо. 2 тэрбум орчим жилийн өмнөх. (Хөөх.) Хэдэн тэрбум жилийн өмнө!!!
Энэ нь бид өөрсдийгөө өөрсдөө л сүйтгэсээр, дэлхийг ахин дахин сүйтгэсээр ирсэн гэсэн үг. Зөвхөн одоо ч биш. Харин одоо цөмийн зэвсэгтэй зарим орны удирдагчид дэлхий дахиныг үүгээрээ заналхийлсээр л байна. (Тийм, Багш аа.) Түүх дахиад л давтагдах болно. Яагаад гэртээ сууж байж болдоггүй байна аа? Эхнэрээ тэврээд л, хүүхдүүдтэйгээ ямар нэг сайхан зүйл хийж, ялангуяа удирдагч бол давуу байдлаа таашааж болно. Яг л эрт дээр үеийн хаад, хатад шигээр хүмүүсийг аясаар нь байлгах хэрэгтэй. Улс орондоо түвэг удаж, бусад хүн төрөлтнүүдээ хүчиндээ дулдуйдан заналхийлэхийн оронд улс орондоо энхтайван тогтоо. (Тийм, Багш аа. Яг үнэн.) Яах гэж тэгдэг байна вэ? Амьдрал богинохон шүү дээ. Амьдралаа гайхалтай нэгэн домог болго. Онцгой сайн удирдагч, өршөөнгүй удирдагч бай.
Юунд муу нэгэн байна вэ? Юунд заналхийлэгч байна вэ? Юунд айдас төрүүлэгч байна вэ? Юунд алуурчин байна вэ. Яах гэж? Үхэж л таарна шүү дээ. Юу ч авч явж чадахгүй. Бас түүхэнд нэрийг чинь цусаар бичих болно. Яах гэж ингэнэ вэ? (Хэлээд юү гэх вэ, Багш аа. Тэр үнэн.) Та бол удирдагч, мөн бүхэл бүтэн нэг улсын хүндлэл хайрыг хүртсэн хүн. Харин илүү дээр байвал бүхэл дэлхийн хүндлэл хайрыг хүртэж чадна. Мөн Бурхан таныг илүүтэй хайрлана. Бурхан таныг хайрлаж, Диваажин адислах болно. Түүнчлэн урт удаан, аз жаргалтай амьдарна. Юунд алуурчин удирдагч болно вэ? Эсвэл бүр заналхийлэгч удирдагч байж яана вэ? Яах гэж? (Тийм. Тэр үнэн.) Ингээд юу хожих юм? Ард түмэн чинь хүртэл зүрх сэтгэлдээ үзэн ядна.
Хорих вий, хөнөөх вий гэж айхдаа ил хэлж чадалгүй байгаа байх. Зүрх сэтгэлдээ таныг үзэн ядна. Энэ бүх эрчим нэгдэн нийлж эрт орой хэзээ нэгэн цагт амьдралыг чинь там болгоно. Түүхэнд олон дарангуйлагч, алуурчин удирдагчид харамсалтайгаар амиа алдаж байсан. Та нар мэднэ, тийм үү? Бүх хүн мэддэг. (Тийм ээ, Багш аа.) Тэд сайхан амьдарч чадахгүйн дээр сайнаар үхэж ч чадахгүй. Мөн сайн хойд насыг ч олж чадахгүй. Тэд тамд үүрд үлдэх болно. Та нарт гэж үнэнийг хэлье. Гитлер одоо ч тамд байгаа. (Хөөх.) Номын зарим ах, эгч нар шигээ там руу (бясалгалынхаа үед) очиж үзэх боломж гарах юм бол түүнийг тэнд байгааг нь харах болно.
Бурхан минь. Бидний залбирлын нөлөөгөөр Бурхан хэдэн жил зөөлөн хандаж магадгүй л юм. (Бурханд талархъя.) Үүрд биш. Бид өөрчлөгдөхгүй бол, хүмүүс Бурханы зөөлөн хандаж буйд, өршөөнгүй хүлээцтэй байж өгч хайрласныг бид үнэлэхгүй юм бол бүхий л зөгнөлөөс хамаагүй дор зүйлийг туулах болно. (Хөөх.)
Өөр асуулт байна уу? (Байгаа. 2023 оны талаар маш олон зөгнөл байдаг. Харин 2021 онд нэг хүний тохиолдлыг дурдъя. Тэрээр 2021-2027 оны хооронд гацчихсан. Тэр 2027 онд нэгэн эмнэлэгт сэрээд гадаа гудамжинд гараад дүрс бичлэг хийтэл тэнд эргэн тойронд нь нэг ч хүн байсангүй. Тэр сүүлийн амьд хүн болж үлдсэн юм шиг санагджээ. Тэр ойр орчимд явж хоосон гудамжнууд, хотуудын бичлэгийг хийж. Тэнд нэг ч хүн байсангүй. Түүнд Дэлхий дээрх сүүлийн хүн шиг санагджээ. Хүмүүс тэдгээр дүрс бичлэгүүдийг хуурамч гэж бодсон. Багш энэ талаар мэдсэн болов уу, бас үнэн болов уу, худал болов уу?)
Тэр бичлэг нь үнэн байна уу, хуурамч байна уу аль нь боловч түүний хэлсэн зүйл үнэн. (Хөөх.) Тийм л юм болно. Тэгэхээр бид илүү сайн залбирч, улам чин сэтгэлээсээ наманчилсан нь дээр. Эс бөгөөс ийм л юм болно. (Хөөх.) Хэн нэгэн ганц товчлуур дараад л гэм зэмгүйчүүд рүү цөмийн зэвсгүүдийг илгээлээ гээд төсөөл дөө. (Тийм ээ.) Гудамжнууд, хүмүүс, дэлгүүрүүд, амьтан-хүмүүс бүгд үгүй болно. Дараах нөлөө нь ч бас хүмүүсийг хөнөөж, эсвэл тахир дутуу юм уу гажигтай болгоно. Урьдын Хирошима шиг. Та нар энэ тухай сайн мэднэ. 50 жилийн дараа ч гэсэн хүмүүс цөмийн бөмбөг дэлбэрснээс үүдсэн ул мөрөөс болж зовсоор байсан. (Тийм. Тийм ээ, Багш аа.) Тэгэхээр бичлэгийг үнэхээр хийсэн ч бай, үгүй ч бай тийм л юм болно.
Энэ хамаагүй ээ. Энэ хамаагүй. Яадаг ч байсан тийм юм болно. (Тийм, Багш аа.) Тэгэхээр Бурханы адислалаар энэ хүн энэ зөгнөлийг харж, эсвэл та нарын өмнө хэлсэн 2023 оны талаарх зөгнөлийг. Хэн нэгэн хүн үүнийг харсан үгүй нь хамаагүй. Хэдэн хүн үхэл амьдралын заагт очиж үзээд мэдсэн эсэх, энэ бичлэг жинхэнэ хуурамч нь хамаагүй. Ийм л юм болно. (Ээ Бурхан минь.) Би юу ч хэлэхгүй хүсээгүй төдий. Хэллээ гээд яах ч билээ. Хэн ч намайг сонсдоггүй. Тун цөөн, нэмэр болохооргүй цөөхөн хүн сонсдог гэх гэсэн юм. Зарим нь өөрсдийн сүнсээ гэтэлгэх гэж тус нэмэр болдог байх. Гэвч дэлхийд тийм их өөрчлөлт гарсангүй. Тэгээд ч би цаашид ярихаас ч залхаж гүйцлээ. (Тэгнэ дээ, Багш аа.)
Нэмэр болохгүй. Надад л түвэг зовлон, өвдөлт, шаналал авчирч урам хугалах юм. Хүмүүсийн олонх нь өөрчлөгдөхгүй л юм бол ийм л юм болно. Бүр дор ч юм болж мэднэ. Яагаад гэвэл үгс, энэ бүх удирдагчид цөмийн зэвсэг хэрэглэж хүн төрөлхтнийг, өөрийн ахан дүүс болох хүн төрөлхтнийг хөнөөнө гэж заналхийлсээр л байвал дүрс бичлэг, гэрэл зургууд жинхэнэ бодит байдлыг, бодит зураглалыг, олноороо зовж байгааг, байж боломгүй үр дагаврыг илэрхийлэхгүй. (Тийм ээ, Багш аа.)
Путин цөмийн бөмбөгийн талаар тушаал гаргаагүй гэж би хэдэн мэдээнээс уншсан. Тэр бас цөмийн зэвсгийг Украины эсрэг хэрэглэхгүй гэж олон удаа хэлж байсан. Гэвч командлагчид нь ашиглаж магадгүй гээд байгаа. Тэд “ашиглах” гэдэг үгийг хэлж байгаа ч яг хэрэглэх үгүй нь бүү мэд. Яагаад гэвэл цэрэг армийнхан ерөнхийлөгчөө эрх хүч нь, улс төрийн хүч нь, коммандлах хүч нь суларч байгаа гэж үзэх юм бол тэр бүр ерөнхийлөгчөө сонсохгүй байх нь бий. Миний хэлснийг ойлгов уу? (Тийм ээ, Багш аа.)
Жишээ нь дайнд командлагчид, цэргийн командлагч удирдагчид ердөө улайрснаасаа, уурласнаасаа, сүр хүчээ үзүүлэхийг хүссэндээ, эсвэл юу ч хамаагүй хийж магадгүй байдаг. (Хөөх. Тийм, Багш аа.) Путин хэвээр байсан ч, орлон тоглогч нь байлаа ч энэ бүхэн Путины хүсэл биш байж магад. (Тийм.) Тэр чухал биш. Орлон тоглогч хувилбар нь байх юм бол бүр л дор. Яагаад гэвэл арми яаж ч чадна. Хэрэв ердөө орлогч хувилбар нь бол юу ч хийж зүрхлэхгүй. (Тийм, Багш аа.) Түүний тушаалыг хэн сонсох вэ дээ? Улаан нүүрэн дээр нь л “Бидэнд юу хийхийг заадаг чи хэн бэ?” л гэнэ. (Яг тийм.) “Чи бол ердөө л нэг хуурамч хувилбар. Мэдсээр байж зүгээр л амаа тат. Өөр яах юм” гэнэ. (Тийм, Багш аа.)
Ээ, Бурхан минь. Энэ ч асуудал шүү. Жинхэнэ Путин Украин руу дайрч алдаа гаргасан байж магад. Харин одоо тэр амьд байлаа ч гэсэн одоо буцаахад хэтэрхий оройтсон. (Тийм.) Тэр командлах хүч нөлөөгөө, Орос дахь улс төрийн нөлөөгөө алдаж байх шиг байна. (Тийм, Багш аа.) Тэд Украинд ч гэсэн ялагдсаар байна. Бас үүнээс ч болсон. (Тийм.) Одоо төрийн өмчит ТВ-ээр хүртэл дайныг чөлөөтэй шүүмжилж, бүтэлгүйтсэн зэрэг бүх зүйлийг гаргаж байна. Урьд нь бол ингэж зүрхэлдэггүй байсан. Одоо бол Украин дахь дайныг улам ихээр шүүмжлээд байх шиг. (Тийм.)
“Media Report from MSNBC Sept. 12, 2022 Chris Hayes (m): Оросын утга учиргүй түрэмгийллээс хойш зургаан сарын дараа Украинд болж буй үйл явдлуудын гайхалтай эргэлтийг бид харж байна. Украины арми тус улсын зүүн хойд хэсэгт өргөн уудам газар нутгийг эзлэн авч, Оросын цэргүүдийг ухрахаас өөр аргагүй байдалд хүргээд байна. Дайны эсэргүүцэл улсын телевизээр ч хүч авч, сөрөг хүчний хууль тогтоогч байсан нэгэн одоогийн стратеги болохгүй байна гэж олон нийтэд мэдэгдэж, Орос эвлэрч энхийг тогтоох хэрэгтэй хэмээн хатуу хэлж байна.
Russian media monitor guest (m1): Одоо бид ойлгох ёстой цэгтээ ирлээ: ОХУ дайнд, колонийн дайны аргуудыг ашиглан гэрээт цэрэг, хөлсний цэрэг дайчлахгүйгээр Украиныг ийм нөөцтэйгөөр ялах огт боломжгүй. Оросын армийн эсрэг Европын орнууд зэрэг эдийн засгийн болон технологийн хувьд хамгийн хүчирхэг улсуудын дэмжлэгтэй хүчирхэг арми зогсож байна.
Russian media monitor Host (m2): Та цэргийн дайчилгаа санал болгож байна уу?
Russian media monitor guest (m1): Би дайныг зогсоох талаар энхийн хэлэлцээр болон улс төрийн аргаар шийдвэрлэхэд шилжихийг санал болгож байна.
Michael McFaul (m): Оросын маш олон элитүүд олон нийтийн өмнө тус бүрдээ үгээ хэлж байгааг сонсож байна. Тэд энэ дайн явцгүй болж байгааг мэдэж байгаа. Тэд удаан хугацаанд сунжрах вий гэж санаа зовж байна. Украины дайчдын тулааны талбарт байгуулсан энэ бүх гайхалтай ялалтын үр дүнд тэд одоо олон нийтийн өмнө үгээ хэлж эхэллээ. Түүнийг Оросын телевизээр хүртэл ингэж хэлэхийг зөвшөөрсөн нь гайхалтай. Тус станц Кремлийн мэдэлд байдгийг санаарай. Буруутгавал зохих маш их зүйл болж байгааг энэ бүхэн илтгэж байна. Энэ нь энэ дайн цаашид хэрхэх талаар эмх замбараагүй төөрөлдсөн нөхцөл байдал үүссэнийг харуулж байна.”
“Media Report from CNN Oct. 20, 2022 Erin Burnett, News Anchor (f): Дайчилгаа нь гэртээ суугаа Путины хувьд улам бүр л том асуудал болж байна. Оросын өдөрт тутмын сонинд гарсан нийтлэлээс би эш татмаар байна. Учир нь энэ бол Орост болсон явдал: “...хэсэгчилсэн дайчилгаа нь улам томорсоор улсыг хамарсан том асуудал боллоо [дараах түвшнүүдэд]: нийгэм, сэтгэлзүй, удирдлагын, эдийн засгийн болон” ... Энд байгаа ноцтой үг бол “улс төрийн ч байж магадгүй.” Оросын төрийн өмчит хэвлэл ингэж бичсэн нь гайхалтай хэрэг юм. Оросын төрийн телевизээр дайны сурвалжлагч юу гэснийг л сонсоцгооё.
Russian war correspondent (m): Бид нэлээд чангахан хүчинтэй нүүр тулж байна. Фронтын зарим бүсэд дайсан манай хүчнээс 4-өөс 1 хүнээр илүү байна.”
Гол нь тэдэнд тийм өндөр ёс суртахуун байхгүйг хараа биз. Тэдэнд Украинд сэдэл болох зүйл байхгүй. Украинчуудад бол бий. Учир нь тэд өөрсдийгөө, хайртай хүмүүсээ, эх орноо хамгаалахыг хүсэж байгаа. Тэгэхээр тэдэнд ийм урам зориг, сэдэл, зорилго бий. Харин оросууд тэгж хүсэхгүй. Украины дайнаас олж авах сан гэсэн амь хайргүй хүсэл тэдэнд байхгүй. (Тийм.) Саяхан, өчигдөрхөн миний уншсанаар Оросын армийн командлагчид тэр бүү хэл цэргүүдээ орхиод явж байна гэнэ. Тэд зугтаж. (Хөөх.) Тулаанаас тэд зугтаж байна.
Цэргүүд нь ч сайн бэлтгэгдээгүй атал үхэг гээд орхиж. Үхэх, амьдрах нь хэнд хамаатай юм, гээд. (Хөөх.) Иймд шинэхэн татагдаж очсон зарим цэрэг нь бас л оргон зугтаж ойд нуугдаж. (Хөөх.) Тэд бэлтгэгдээ ч үгүй. Татагдаж очсон цэргүүд нь сургагдаагүй. Хэдий урьд нь цэрэгт явж байсан байлаа ч, эсвэл чөлөөнд гарсан цэргүүд байлаа ч одоогийн зэвсгүүд нь өөр, нөхцөл байдал ч өөр. Тэд олон жил зэвсэгт гар хүрээгүй эсвэл олон дахин сургуулилж үзээгүй байгаа. Бас зарим нь бүр шинэ, хоригдол гэх зэрэг хүмүүс. (Тийм, Багш аа.) Тэд бэлтгэгдээгүй.
Тэгэхээр тэдний армийн командлагчид орхичихоор урам зоригын хувьд бүр ч дор. (Тийм, Багш аа.) Аймшигтай хэрэг. Иймд миний бодлоор Путин жинхэнэ байлаа ч гэсэн тэр командлалын хүч нөлөөгөө алдаж байна. (Тийм.) Ойлгож байна уу? (Тийм, Багш аа. Бид ойлгож байна. Тийм.) Асуултад чинь хариулт болов уу, хангалтгүй байна уу? Өөр мэдэхийг хүссэн зүйл байна уу? (Ойлгомжтой байна, Багш аа.) Сайн ойлгосон, тийм үү? Сайн байна. (Баярлалаа. Ойлгомжтой байлаа, Багш аа. Тийм.)
Өөр зүйл байна уу? (Байгаа, Багш аа. Дайныг зогсооход, мөн Украин дахь бүхий л зовлонг таслахад Украинд тусалж чадах ямар нэг зүйл бидэнд байгаа болов уу?)
Бурхан минь! Бурхан л туслах ёстой болно. Харин бид зөвхөн залбирч, эергээр итгэж найдаж л чадна. (Тийм. Ойлголоо, Багш аа.) Би энэ талаар нэлээн их хугацааны турш бодож байна. Тэгээд сайн унтаж чадахгүй, сайн бясалгаж ч чадахгүй, хоол ч сүүлийн үед сайхан амтагдахаа болиод байгаа. Ямар ч амтгүй байх болсон. Үргэлжлүүлэн ажиллахын тулд л идэх ёстой болдог. Ямар ч амт мэдэрдэггүй. (Хөөх!) Урамгүй. Унтаж, идэж ч чадахгүй.
Энэ талаар л бодол болж байлаа. Та асуусан нь сайн хэрэг. Тэгээд би магадгүй Украиныг өөр нэрээр нэрлэх ёстой байх гэж бодох боллоо. (Юу гэж нэрлэх вэ, Багш аа?) Жишээ нь “Урейн” гэдэг ч юм уу. Урейн. “Та Бүрэн эрхтэй” гэх шиг утгатай. (Хөөх, тэгье! Сайхан санаа байна.)
Яагаад гэвэл Вьетнам (Ау Лак) урьд нь, дайнаас хойш хэдэн арван жил, гучин жил хоригийн дор явж ирснийг санаж байна. (Тийм.) Тэгээд тэр хориг цуцлагдахаас өмнө тэднийг албан бус ч гэсэн Ау Лак гэдэг нэрээр дуудаж байя гэж санал гаргасан. Санаж байна уу? (Тийм, Багш аа.) Тэгээд байдал улам бүр л дээрдсэн. Одоо тэд үнэхээр Ау Лак улстай болсон. Ау Лак гэдэг нь âu ca lạc nghiệp буюу тэд хөгжин цэцэглэж, баяр жаргалтай байна гэсэн утгатай. (Хөөх, тийм шүү.)
Энэ нь эрх чөлөөтэй гэсэн үг. Тэд эрх чөлөө, хөгжил цэцэглэлт, аз жаргалыг мэдрэх болно. Энэ бол Ау Лакийн нэр юм. Харин эрт дээр үеийн Вьетнам (Ау Лак)-ын нэртэй давхацсан. (Тийм.) Олон мянган жилийн өмнөх нэртэй. Тэр ч бас ийм байж таарсан. Тэгээд тэд сайжирсан гэж хэлсэн. Тэд бүр Дэлхийн Худалдааны Байгууллагад хүлээн зөвшөөрөгдсөн. (Тийм.) Би сайн санаж байгаа бол тэр үед Орос хүртэл зөвшөөрөлгүй байсан. Олон улс орон зөвшөөрөлгүй байсан ч Вьетнам (Ау Лак) Дэлхийн Худалдааны Байгууллагад хүлээн зөвшөөрөгдсөн. Энэ бол маш том нэр хүнд бөгөөд тэдэнд тустай. (Тийм, тэгэлгүй яах вэ.) Одоо тэд тасралтгүй сайжирсаар байна. Мөн тэд дэлхийн хаашаа ч эрх чөлөөтэй аялж болно. (Тийм, Багш аа.)
Тэгэхээр Украин гэдэг нь “крэйн” гэж байгаа юм шиг байдаг. Энэ нь зүдэргээтэй, стресстэй гэдэгтэй төстэй утгатай “crane/гудайх” гэдэг шиг сонсогддог. Гудайх гэдэг үгийг хүзүүгээ гудайлгах, биеэ тонгойлгох гэх зэрэгт хэрэглэдэг (Тийм, яг үнэн.) таагүй утгатай. (Тийм.) Стресс, зовлонг илэрхийлдэг. (Тийм. Тэр үнэн.) Тэгэхээр гудайлаа гээд төсөөл дөө. Биеэ юм уу, биеийнхээ аль нэг хэсгийг гудайлгах таагүй биз дээ? (Таагүй. Тийм.) Өвдөнө. (Тийм шүү.)
Тэгэхээр одооноос тэднийг нэрлэхдээ Урейн гэдэг үгийг (Тэгье ээ. Тийм ээ.) хэрэглэж байя гэж бодож байна. Мөн энэ нь тэдний байдлыг дээрдүүлээсэй гэж залбиръя. Урейн - Өөрөө өөрийгөө захир. (Тийм байна, Багш аа, яг үнэн.) Та нар тусгаар тогтносон. Сайхан байгаа биз? (Тийм, маргаангүй, үнэхээр сайхан, Багш аа. Гайхалтай, яг тэгж нэрлэе.)
Тийм. Яагаад гэвэл Украины түүхийг асар олон арван жилээр сөхөж үзсэн. Энэ улс руу байнга дайрч довтолно. Нэг нь дайраад удалгүй өөр нэг улс дайрна. (Тийм.) Зөвхөн Орос ч биш. Ай Бурхан минь! Тэдний яаж тэсэж үлддэгийг мэдэхгүй юм. Үргэлж л маш их дайн тулаан! (Тийм.) Ихэнх үед. (Тийм.) Тэгсэн ч тэд тэсэж гараад цэцэглэн хөгжсөөр байна... Тэд яасан гэж? Хэнд ч огт буруу юм хийгээгүй. Тэд зүгээр л газар тариалангаа эрхлэн дэлхийг тэжээж байна. Ямар ч буруу зүйл хийгээгүй. Гэвч урьд өмнө маш олон улс орон тэдэн рүү дайрч довтолсоор байсан. Ээлж дараалаад л. (Тийм.) Хөөрхий ард түмэн, хөөрхий улс!
Энэ шинэ нэр нь урейнчууд (украинчууд)-ын амьдралыг дээрдүүлнэ гэж найдаж байна. (Тийм ээ, тэгж найдъя. Тийм.) (Их Багшийн Хүчээр дээрдэнэ гэж бид бодож байна.) Тийм ээ. Мөн энэ бол авшгийн нэгэн адил Их Багшийн Ертөнцийн Хүч юм. Энэ бол зүгээр давтан хэлдэг нэр, тарни биш бөгөөд Их Багш үүнийг хүчирхэгжүүлдэг. Их Багшийн Хүч үүнийг хүмүүсийг дэвшүүлэн, гэгээрүүлж, гэтэлгэх хүчээр цэнэглэж байдаг. (Тийм.)
Энэ бол чек чинь мөнгөтэй юү, үгүй юү гэдэг шиг гэж би хэлсэн дээ. (Тийм, Багш аа.) Хэрэв банкны дансандаа ямар ч мөнгөгүй бол чек чинь бусдынхтай адил харагдах боловч ямар ч хэрэггүй байх болно. Хүн бүр авшиг өгч чаддаггүйн учир энэ. Хүн бүр бусад сүнсийг гэтэлгэж чадахгүй. Бурханаас заяамал байх учиртай. (Ойлголоо, Багш аа.) Бурханаас даалгасан байдаг. Тэгээд Бурхан тэрхүү Хүчийг Их Багш руу дамжуулснаар Их Багш ашиглах боломжтой болдог. (Тийм.) (Тийм, Багш аа. Сайн хэрэг.)
Үнэндээ үг бүхэнд хүч бий. Та нар мэднэ дээ. (Тийм, Багш аа. Тэр үнэн шүү.) Хэн нэгэнд хайртай гэж хэлэх юм бол нэг өөр мэдэрнэ. (Тэгнэ.) Харин хараах зэрэг үг хэлбэл өөрийг мэдэрнэ. Эсвэл занах юм бол өөрийг мэдэрнэ. Учир нь үгэнд энерги бий. (Тийм, Багш аа. Тэр үнэн.)
“Courtesy of Thisis432 VO (m): Эдгээр цуврал гэрэл зураг Японы судлаач ноён Масару Эмотогийн “Усны захиас” номын зургууд юм. Ноён Эмотогийн судалгаа хүний давтамжит энерги, бодол, үг, санаа бодол болон хөгжим усны молекулын бүтцэд нөлөөлдөг гэдгийг баримтаар баталжээ. Нас бие гүйцсэн хүний биеийн 70%-ийг ус бүрдүүлдэг гэдгийг санаарай. Мөн дэлхийн гадаргын ийм хувийг ус бүрхдэг. Ус бол бүх амьдралын эх.
Ноён Эмото цэвэршүүлээгүй нэрмэл усны талст үүсэхэд бодол болон үгс хэрхэн нөлөөлж байгааг харахаар шийдсэн бөгөөд цаасан дээр үг бичиж, дараа нь уг цаасыг шилэн лонхонд шөнөжин наалттай байлгажээ. Энэ гэрэл зурагт “баярлалаа” гэдэг үгийн нөлөөг харуулсан. Дараагийн зурагт “хайр ба талархал” гэсэн үгийн нөлөөг үзүүлэв. Энэ зураг бол “чи намайг галзууруулах нь. Би чамайг ална даа.” гэсэн үгсийн нөлөөг харуулжээ. Энд бид “баярлалаа” гэдэг үгийн нөлөөг “чи намайг галзууруулах нь. Би чамайг ална даа.” гэсэн үгийнхтэй харьцуулж болно. Хандлагаас болоод геометрийн үнэхээрийн өөр хэлбэрүүд үүсжээ. Одоо Фуживара далангийн асар их бохирдсон хортой усны зургийг харуулж байна. Харин энэ бол Фуживара далангийн мөн адил усанд Буддын шашны лам залбирал шивнэсэн нь. Залбирал нь санаатайгаар дуу чимээг хослуулснаар усны байгалийн, зохистой геометрийн тэгш хэмийг сэргээх онцгой чадвартай санагдлаа.”
Тиймээс ч олон улстөрч санал их авахын тулд үгээ болгоомжтой сонгодог юм. Мөн тиймээс ч хүмүүс дуучид болон поп оддод сайнаар ханддаг. Яагаад гэвэл тэд сонсохыг хүссэн үгээр нь ярьдаг. (Тийм. Тэгдэг, Багш аа.) Тэд дууны шүлэгтээ хүмүүсийн сонсох дуртай үгсийг л сонгож оруулдаг. Тэр үгсийнх нь сайн энергиэс болоод тэдэнд татагдаж байгаа юм. (Яг тийм, үнэн. Тийм, Багш аа.)
Түүгээр ч тогтохгүй “Эхлэл үед Үг байж, тэрхүү Үг нь Бурхантай хамт байсан бөгөөд тэр Үг нь Бурхан байв” гэдэг. Үүссэн бүхий л зүйл энэ Үг-ээс үүдэлтэй бөгөөд энэ Үг-гүйгээр үүссэн зүйл нэгээхэн ч үгүй. Одоо та нар тэр Үг-ийг мэднэ. Учир нь нэрлэх нэр цөөн байсан тул эрт цагт “Үг” гэж тэд нэрлэж. Энэ нь (дотоодын Диваажингийн) Аялгуу гэсэн үг. Арьяабалын бясалгал хийхэд өдөр бүр (дотоодын Диваажингийн) Аялгуу сонсдог. (Тийм ээ, Багш аа.) Дотоодын Диваажингийн Аялгууг ямар ч зэмсэггүйгээр, ямар ч дуу эгшиггүйгээр, огтоос юу ч үгүйгээр сонсдог. Учир нь бид үүнээс гаралтай.
Авшиг авахдаа, мөн түүнээс хойш энэхүү (дотоодын Диваажингийн) Хөгжмийг сонсох болно. Энэ нь дотоодын Диваажингийн Эгшиг, Бурханы Аялгуу гэсэн үг. Учир нь энэ Аялгуу Бурхантай хамт оршдог бөгөөд энэ Аялгуу Бурхан юм. Одоо та нар Библийн тэр өгүүлбэрийг ойлгодог боллоо. Тийм биз? (Тийм ээ, Багш аа. Ойлгоно. Тийм.) Авшигтнууд л үүнийг ойлгоно. Зөвхөн энэхүү Арьяабалын Аргыг, эсвэл Наам, Сат, Шабд, дотоодын Диваажингийн Аялгуу, Крияаг дадуулдаг хүмүүс л ойлгоно. Юу ч гэж нэрлэсэн бүгдээрээ Бурханы Үг, Диваажингийн Аялгуу, дотоодын Ая Эгшиг, Жинхэнэ Би, Жинхэнэ мөн чанар, Бурхан чанар гэсэн утгатай. Хүмүүст энэ бий. Сүнстэй л бол байгаа. (Тийм, Багш аа.) Хүмүүст. Тийм учраас ихэнх зонхилох сайн шашинд хүмүүн төрөлтнийг бүтээлийн дээд гэдэг. Бид бол энэ Ертөнцийн хаад, хатад нь юм. Бид бол Бурханы үр сад.
Ихэнх хүн үүнийг ойлгодоггүй нь даанч харамсалтай. Тэд үүнийг мэддэг хэр нь та нар шиг өөрийн туршлагаараа мэдэж чаддаггүй. Арьяабалын Арга буюу Гэрэл Аялгууны Аргын авшигтнууд үүнийг ойлгоно. Учир нь энэ бол үнэн бодит. Бусад хүмүүс энэ тухай зөвхөн л ярьдаг, мөнгөний тухай яриад л мөнгөгүй байхтай адил. Харин та нар бол банкны дансандаа мөнгөтэй гэсэн үг. Та нар энэ талаар ярьж болно, эсвэл ярихгүй ч байж болно. (Тийм, Багш аа.) Гэхдээ заримдаа ядарсандаа та нар хэр мөнгөтэйгөө мартаж, эсвэл санахгүйд хүрдэг. Гэхдээ үргэлж тэрхүү банкны дансаа шалгаж чадна. (Тийм.)
Яг л та нар ядарснаасаа болоод заримдаа бясалгахдаа (дотоодын Диваажингийн) Гэрэл сайн харагдахгүй байлаа ч Гэрэл байж л байдаг шиг. Мөн заримдаа бясалгалаас, нойрмоглож байгаад, эсвэл шөнийн нойрноосоо сэрсэн даруйдаа Гэрэл хардаг. (Тэгдэг.) Мөн тэрхүү (дотоодын Диваажингийн) Гэрэлд та байсан учраас энэ биет дэлхий дээр сэрснээс болоод Гэрэл тэр мөчид алга болчих шиг санагддаг. Гэвч тэр (дотоодын Диваажингийн) Гэрлийн үлдэгдлийг л харсан хэрэг.
Энэ дэлхийн үйлийн үрээс болж би хүртэл хэдэн хагалгаа хийлгэсэн. Тэгэхдээ мэдээ алдуулалт гарах үед би (дотоодын Диваажингийн) Гэрэл харсаар л, (Хөөх.) тэр үеийн ахуй ойлголт байсаар л байсан. Биеэ хөдөлгөж чадаахгүй, нүдээ ч нээж чадахгүй, ярьж ч чадахгүй байсан хэр нь би (дотоодын Диваажингийн) Гэрэл харсаар л байсан. (Тийм байна, Багш аа.) Өөрөөр хэлбэл хагалгааны туршид би цаг үргэлж (дотоодын Диваажингийн) Гэрэлтэй хамт байсан. (Тийм, Багш аа.) […]
Бидний хэрэглэдэг үг бүр өнгөтэй, хэлбэр дүрстэй, энергитэй. Тийм ч учраас амьтан-хүмүүс хэзээ ч англи хэл сурдаггүй ч гэсэн англиар хэлсэн бүх зүйлийг ойлгодог. (Хөөх.) Миний нохой-хүмүүс ч тэр. Энэ бол миний мэдэх нотолгоо. (Тийм.) Мөн тэр ч бүү хэл нэг нь англиар надад “Би Танд хайртай”, “Сайн уу?” гэх зэргийг хэлэх гэж оролдсон.
Би түүнд хэзээ ч зааж өгөөгүй. Би ердөө л өдөр бүр тэдэнд “Би чамд хайртай, би чамд хайртай” гэж хэлсээр байдаг юм. Тэгээд л тэр үүнийг үг гэж мэддэг хэрэг. (Тийм байна, Багш аа.) Намайг түүнд тэгж хэлэхэд, эсвэл бүх нохой-хүмүүст, эсвэл нэг бүрд нь, заримд нь хэлэх үед, заримдаа тухайн байдлаасаа болдог. Түүгээр зогсохгүй би тэдэнд Хүрэхгүй, тэднийг үнсэхгүй, тэврэхгүйгээр, бүр өрөөний нөгөө булангаас хэлсэн байлаа ч тэд тухайн үгийг ойлгодог. Яагаад гэвэл тэр үг тэдэн рүү хайрын энергийг, аятай байдлыг, аядуу эрчмийг ялгаруулдаг юм. Мөн энэ нь тэдний мэддэг зүйлийг ертөнцийн хэлээр дүрсэлж байгаа юм. Тэд утгыг нь мэддэг. (Тийм, Багш аа.)
Тэд хэлсэн бүхнийг минь ойлгодог. Гэхдээ мэдээж би тэдэнтэй өдөржин ярьдаггүй л дээ. Хэрэгтэй зүйлээ л ярьдаг. Үрчилж авсан цагаас л тэд миний хэлсэн бүхнийг хэдийнээ ойлгож байсан. За тийм, тэд надтай маш олон жил хамт байгаа болохоороо л хэлснийг маань ойлгодог гэсэн үг биш. Тийм биш. Тэд даруй л ойлгосон. (Хөөх.)
Ай, би амьтан-хүмүүст тун ч их хайртай. Та нар төсөөлөхгүй дээ. Очсон амьтны хүрээлэн болгоныхоо талаар би та нарт ярьсан. (Тэгсэн.) Тэд зөвхөн хоолны төлөө ирдэггүй. Тэд надад ямар нэг зүйл хэлэх гэж ирцгээдэг. Тэд анхаарлыг минь татахыг хүсдэг. Тэд надад сайн, муу, (Хөөх.) анхааруулсан, тайтгаруулсан, удахгүй мөдхөн болох зүйлсийн талаар надад хэлдэг. Тэдний зарим нь холын ирээдүйг харж чадахгүйг ойрынхыг хардаг. Зарим удахгүй болох, жишээ нь жилийн эцсээр юм уу дараа жилийн эхэнд болох гэх зэрэг явдлын талаар. Ганц хоёр жил байж ч болно, гэхдээ л нэг их урт хугацааны дараа биш. Заримдаа холынхыг харж чаддаг.
Жишээ нь гэхэд би цахлай- хүмүүсийг хэдийнээ хооллочхоод байлаа л даа. Тэдэнд хэлэх зүйл байна гэж би бодсон ч үгүй. Тэд цадталаа идчихсэн ч намайг цонх нэвт ширтсэн хэвээрээ байгаад л байлаа. Тэгээд би түүнийг надад ямар нэг зүйл хэлэх гээд байгааг ойлголоо. Тэгээд мэдээж сонсон. Би завгүй байсан юм л даа. Цаг үргэлж шувуу-хүмүүсийг хараад байж чадахгүй. Тэднийг өлсөж гэж мэдрэх юм бол хайрлаад хооллодог.
Тэгээд тэдэнд дандаа, “Үүнийг Бурхан өгч байна. Би Бурханы Ивээлээр л үүнийг хийж байна. Та нар Бурханыг санаж, Бурханд талархах хэрэгтэй. Мөн урьд төрөлдөө болон энэ насандаа ямарваа буруу зүйл хийж байсан бол цаг үргэлж Бурханаас өршөөхийг даруухнаар гуйгаарай” гэдэг. Хүмүүсийг би яг одоо үүнийг хий гэж зөвлөж байна, гуйя, гуйя, гуйя. Миний хэлж буйг сонсож, үгийг минь огт авахгүй гэвэл бүгдийг нь зүгээр мартаад, харин, Бурханаас чин сэтгэлээсээ даруухнаар, үнэнээсээ “Намайг өршөө” гэж гуйгаарай.
Ердөө Бурханаас өршөөл гуй. Чин сэтгэлээсээ, туйлын ихээр гэмшин наманчилж, туйлын үнэн голоосоо, туйлын даруугаар тэгж гуйгаарай. Тэгвэл Бурхан таныг уучлан, дахин нэг боломж өгч магадгүй. Тэгвэл та тамд унахгүй болно. Гуйж байна. Та надад боломж олгохгүй байгаа болохоор би танд тусалж чадахгүй. Тиймээс үүнийг санаарай. Бурханаас өршөөхийг гуй. Бурхан ямагт өршөөдөг. Харин та үнэн голоосоо даруу, чин сэтгэлээсээ, үнэнхүү жинхэнээсээ чин зүрхнээсээ наманчлах ёстой.
Өөр зүйл байна уу? (Байгаа.)
“Media Report from People – Oct. 24, 2022 Reporter (f): Лиз Труссийн оронд Их Британийн шинэ ерөнхий сайд сонгогдлоо. 42 настай Риши Сунак нь найман долоо хоногийн хугацаанд сонгогдсон, Их Британийн гурав дахь ерөнхий сайд боллоо.”
(Багш аа, Их Британи одоо шинэ ерөнхий сайдтай болсон.) Түүнд баяр хүргэе. Англи их өгөөмөр баян юм. Ганцхан сар орчим хугацаанд гурван ч ерөнхий сайдтай байлаа. Ойролцоогоор. Түүнийг би энэ албанд удаан байж, британичуудын төлөө сайн ажиллаж, дэлхий дахинаас хүндэтгэл хүлээнэ гэж найдаж байна. (Тийм.) Түүнд баяр хүргэцгээе. Мөн түүнд Бурхан хүссэн ёсоороо сайн үйлс бүтээхэд нь туслаг. (Тийм ээ.)
Өөр асуулт байна уу, хайр аа? (Байхгүй, Багш аа.) Сайн байна. Тэгвэл дараа та нартай дахин ярилцах боломж гарна гэж найдъя. Миний байдал амаргүй байна. Би дандаа амлаад байж чадахгүй нь. Хичээх болно. (Ойлголоо, Багш аа.) (Баярлалаа, Багш аа.) Байдал дээрдвэл би удахгүй ярина. Эсвэл илүү ойр ойрхон ярьж, та нарт үлгэр түүх уншиж өгнө. (Баярлалаа, Багш аа.) Би ч залбиръя, та нар ч залбир. Тэгвэл байдал дээрдэж бид нар илүү дээр ярьж чадна. (За, бид Багшийн байдал дээрдэнэ гэж найдъя.) Бурхан Хайрлаг, Бурхан та нарт хайртай шүү. (Өнөөдөр цаг гаргасанд баярлалаа, Багш аа. Баярлалаа, Багш аа.) Бурхан Хайрлаг. Бурхан Ивээг. (Бурхан Ивээг. Бурхан Багшийг ямагт хамгаалаг.) Би бас та нартаа хайртай. (Баярлалаа, Багш аа. Бид ч бас Тандаа хайртай, Багш аа. Бид бас Тандаа хайртай.)
Өршөөлт Их Багшийнхаа цаг үргэлж хүн төрөлхтөнд өөрсдийгөө хамгаалахын төлөө даруй эерэг өөрчлөлт хийхэд хайраар урам зориг өгч байгаад нь бид гүнээ талархаж байна. Гарцаагүй амар амгалан ирээдүйд хүргэх цор ганц сонголт бол амьдралын веган зам мөр юм гэдгийг удирдагчид болон улс орнууд даруй сэрж сэхээрэн ойлгоосой хэмээн залбиръя. Бидэнд сургадаг Бурханы Билиг Ухааныг бид хүлээн зөвшөөрөх аваас бид илүү эрхэм ариун, сайн сайхан замыг эргэлт буцалтгүй сонгох чөлөөт сонголт хэмээх гайхалтай бэлгээ эргэн олох болно. Хүндэт Их Багш маань ямагт аюулгүй, таатай нөхцөл байдалд байж, бүхий л Энэрэнгүй Бурхадын төгс хүчит Хамгаалал дор ая тухтай, эрүүл энх байх болтугай.
Төгс Гэгээрсэн Их Багш Чин Хай (веган)-н айлдсан бусад гаргуудын тухай түүхүүдтэй холбоотойгоор хиймэл оюун ухаан хүн төрөлхтөнд заналхийлж байна хэмээн санаа зовних нь үндэслэлтэй эсэхийг мэдэхийг хүсвэл 2022 оны 11-р сарын 24-ний пүрэв гарагт Багш шавийн шүтэлцээгээр тус конференцийг бүрэн эхээр нь хүлээн авч үзээрэй.
Мөн дэлгэрүүлж үзэхийг хүсвэл өмнөх холбогдох Шуурхай мэдээнүүд/ Багш шавийн шүтэлцээ хөтөлбөрүүдийг үзнэ үү:
Шуурхай мэдээ:
Сатаны хэв шинжтэй засаглал ба Украин дахь дайн хурцдаж буй байдал
Бусдыг амар амгалан байлгавал өөрөө амгалан оршино – Хүсэж буй зүйлийнхээ үрийг бид өөрсдөө тарих учиртай
Багш шавийн шүтэлцээ:
Веган болж чин сэтгэлээсээ наманчлах сүүлчийн дуудлага
Сэрж сэхээрэн, зөвийг буруугаас ялгаж сурахыг хүмүүст Төгс Гэгээрсэн Их Багш Чин Хай уриалав
КОВИД-ын Тэргүүнээс хүлээн авсан чухал мэдээлэл
Төгс Гэгээрсэн Их Багш Чин Хайн бүх шашны сүсэгтнүүдэд өгөх зөвлөгөө болон манай дэлхийн хямралын шийдэл
Зөвхөн энхийг сахиулагчид Диваажинд хүрч чадна
Энхтайван бол шилдэг ялалт
Жинхэнэ нигүүлсэл, ёс суртахууны хэм хэмжээ бол жинхэнэ шийдэл
Гэх мэт...
