Хөтлөгч: 2022 оны 5-р сарын 9-ний даваа гарагт бидний Хамгаас Хайрт Төгс Гэгээрсэн Их Багш Чин Хай дэлхийн төлөөх эрчимтэй дияан бясалгалаасаа цаг гарган Суприм Мастер Телевизийн ажлын багийнхантай утсаар холбогдон тэдний асуултад хариулж, Украин дахь зарим сайхан мэдээний талаар санаа бодлоо хуваалцжээ.
(Урьд нь Багш хэлэхдээ Трамп албан тушаалдаа хэвээр байсан бол Трамп юу ч хийхгүй байж байлаа ч гэсэн одоогийнх шиг дайн гарахгүй байх байсан гэж хэлсэн. Энэ нь ямар утгатай вэ? Үүнийд дэлгэрэнгүй тайлбарлаж өгч болох уу, Багш аа?)
Тэр дайнаас сэргийлэх, ер нь юу ч хийх хэрэггүй гэсэн үг. Яагаад гэвэл Диваажин түүгээр дамжуулан хийчихнэ. (Өө, хөөх.) Тэгж зохицуулагддаг юм. Сөрөг талын төлөөлөл ялбал сөрөг тал илүү хүчирхэгжинэ (Хөөх.) Тэгээд тэд бусад хөнөөлт зүйл хүн төрөлхтний мөхөл сэхэлд хүртэл заналхийлсэн дайн, өлсгөлөн, цар тахлууд зэргийг үүсгэдэг. Харин эерэг тал нь ялбал эерэг хүч илүү хүчирхэг болно гэсэн үг. (Аан. Ойлголоо.) Бүх зүйлд төлөөс гэж бий. Тэр албан тушаалд очих гэж залилан мэхэлсэн эсэх нь хамаагүй. (Хөөх.)
Тэр албан тушаалд байгаа л бол, зарим хэсэг хүн өөрийг чинь хүлээн зөвшөөрсөн бол болох нь тэр. Яагаад гэвэл улсдаа материаллаг, улс төрийн эрх мэдлийг бүгдийг гартаа авч чадна. (Тийм.) Тэгээд тэр улс нь АНУ шиг энэ дэлхий дээр олон салбарт давуу хүчтэй улс байвал мэдээж хэрэг бид бүр л илүү их асуудалтай тулгарах болно. Жижиг улс биш, нөлөө багатай улс биш. (Тийм, Багш аа.)
Би Трамп юу ч хийх шаардлагагүй гэж хэлсэн нь тийм утгатай юм. Тэр ийш тийш явж энх тайван гэх мэт юу ч гуйх шаардлагагүй. Эерэг талын хүн сонгогдсон бол юмс хүн төрөлхтний талд ашигтайгаар эргэнэ. (За.) Мөн тэрээр өөрт нь олгогдсон улс төрийн хүч нөлөөг ашиглах боломжтой болно. Тэгснээрээ тэр энэ дэлхийд одоогийн дайн шиг нэн хор хөнөөлтэй биш нөлөөг илүүтэй үзүүлж чадах юм. Яагаад гэвэл дайн өөр олон байдлаар, тухайлбал эдийн засагт, сэтгэлзүйд, нийгэмд, мөн мэдээж энхтайванд хор учруулдаг.
Украины боомтыг нээхгүй бол олон сая хүн өлсгөлөнд нэрвэгдэх болно хэмээн НҮБ-аас анхааруулан мэдэгдсэн. (Тэгсэн.) Яагаад гэвэл Украин бол дэлхийд улаан буудайн дөрөв дэх том нийлүүлэгч. Та нар мэдэх үү? (Мэднэ, Багш аа.) […] Украинаас дэлхийд нийлүүлдэг энэ бүх зайлшгүй хэрэгцээт хүнсийг Орос гацаачхаад байна. (Яг үнэн.) Иймд Украинаас гадагш хэрэгцээтэй нутаг орнууд руу нийлүүлэлт хийхэд маш хүнд байна. […]
“ABC News (Australia)- ийн мэдээ 2022.5.8 Сурвалжлагч (m): Тариаланчид энэ дайны галын шугамд мөр зэрэгцэн яваа. Тэдний үр тариа хадгалах байр руу халдан довтолсон. Галласнаас болж тариалангийн талбай өм цөм болж, зарим хэсэгт бүр минажуулсан байгаа.
Виталий Кистрика (m): Бидний одоо хийж байгаа бүхэн дайнтай холбоотой. Бид орондоо орохдоо өглөө сэрэх үгүйгээ ч мэддэггүй.
Сурвалжлагч (m): Виталий Кистрика эрдэнэ шиш, улаан буудай, арвай тариалдаг ч одоо тэр ашиг олох нь бүү хэл, үр тариагаа өртгөөр нь зарж чадахгүй байна, учир нь одоо оросууд Украины экспортын зах зээлийг бүхэлд нь сүйрүүлчхээд байна. Хар тэнгисийн боомтуудыг бүслээд байгаа нь тариаланчдыг орлогын хомсдолд оруулж Украины үндэсний баялгийн томоохон эх үүсвэрийг хааж байна.
Ник Доле (m): Дэд бүтэц рүү халдаж экспортыг хааж байгаа нь дан ганц Украин төдийгүй дэлхий дахинд хохирол учруулж байна. Дэлхийн Хүнсний Хөтөлбөрийн худалдан авдаг улаан буудайн тал хувийг Украинаас авдаг учраас Оросын дайн ядуу буурай хүмүүст хөнөөлт үр дагавар авчирч мэдэх нь.”
Тийм болохоор л би Путин болон түүний бүлэглэлийг чөтгөр гээд байгаа юм. Би ер хэтрүүлээгүй. (Тийм, Багш аа.) Путин болон түүний бүлэглэл тийм ч тэнэг биш. Тэд энэ бүхнийг мэдэхгүй гурван настнууд биш. Тэд бүх зүйлийг зориудаар хийсэн. Дэлхийг сөхрүүлж, хяналтаа тогтоох гэсэн. (Ойлгож байна, Багш аа.) Энэ дэлхийг түүний дарангуйлал, чөтгөрийн зорилгод бууж өгөхөд хүргэхийн тулд. Одоо ойлгосон уу? (Тийм, Багш аа, ойлгож байна.) […]
Украин яагаа ч үгүй байсан. (Тийм, Багш аа. Яг үнэн.) Тэнд очиж дэлхийн эдийн засагт хохирол учруулах зэрэг элдвийг хийх төдийгүй Оростоо олон хүнийг мөн бизнесгүй, ажилгүй болгох ямар ч шалтгаан байгаагүй. Оросын өөрийнх нь иргэд шүү дээ. Украин болон бусад орны иргэдээр тогтохгүй. Учир нь тухайлбал Оросын улаан буудайн экспорт дэлхийд ихээхэн хувийг эзэлдэг. (Тийм, Багш аа.) Тэгэхээр Украин мөн Оросын улаан буудайн экспортын бизнесийг нэгтгэх юм бол олон улс орон өвдөг сөхөрч хүнс гуйх болно. (Тэгнэ, Багш аа.)
Тийм учраас л би тэднийг Украины талд тулалдахгүй тэнэг байна гэсэн юм. Юу ч хийдэггүй. Тэгээд Украин тэсэж гарах эсэх нь хамаагүй гэж бодож байдаг. Хамаатай. Тэд одоо ойлгож байгаа. (Яг тийм. Тийм ээ, Багш аа.) Дэлхийн бүхий л удирдагчид одоо Украинд ирцгээж байна. Бүх элчин сайдын яамд эргэн ирж байна. Олон зүйл эргэн сэргэж байна. Дэлхийн удирдагчдаас хамгийн сүүлд Трюдо ирсэн бөгөөд Украинд нэмж туслахаа мэдэгдсэн. (Хөөх.) Тэд аль эрт л, Крым руу оросууд дайрч (Тийм.) эзлэх үед ингэх ёстой байсан юм. […]
Би зүгээр л Украины төлөө харамсаж байна. Энэ дөлгөөн тайван түмнийг би маш их өрөвдөж буй учраас л энэ талаар тэгж их яриад байгаа юм. (За, Багш аа.) Тэдний ихэнх нь тариаланчид. Тариаланчид дайн хийж хүнд түвэг удахыг хүсэх ч үгүй. (Яг тийм, Багш аа.) Тэд бол шилдэг нь. Тариаланчид шилдэг нь. Библид хүртэл энэ тухай, хоол хүнсээ хөлсөө дуслуулан байж тарьж ургуул гэдэг. (Тийм ээ.) […] Тэд тарьж, тарьсан бүхэн нь хэрхэн ургаж амьдрал бэлэглэн, гараг дээрх амьдралыг тэтгэж буйг харж тиймээс жаргалтай байдаг. (Тийм.) […] Тэдэнд хэнд ч ямар ч муу зүйл хийх боломж байхгүй. (Яг тийм.) Тэгэхийг хүсэх ч үгүй л дээ. (Тийм, Багш аа.) […]
Тэгэхээр энэ дэлхий бол Диваажингийн ертөнц биш. (Тийм, Багш аа.) Тэгэхээр Диваажингийн төрөлтнүүд энэ гараг дээр байлаа ч хүч чадал нь, түүнийгээ хэрэглэх нь хязгаарлагдмал байдаг. Тиймээс энд ирсэн олон Их Багш мөрдөн мөшгөгдөж байсан. (За, Багш аа.) Яагаад гэвэл Тэд бол эсрэг хүч юм. Мөн энэ гараг Диваажин биш. Та нар харж байгаа. (Тийм, Багш аа. Яг тийм.)
Тэгэхээр Их Багш, Диваажингийн төрөлтнүүд зэрэг энэ гарагийн хүмүүс болон бусад төрөлтөнд туслахаар ирсэн хэн боловч дайсны газар нутагт байж, ажиллаж, тэмцэж байгаа хэрэг. (За, Багш аа. Яг үнэн.) Иймд Тэд бууж ирэхийн тулд сөрөг талтай олон гэрээ хэлцэл хийх хэрэгтэй болдог. Тийм болохоор Тэд өөрсдөдөө ихээхэн үйлийн үрийг авдаг. Тэд огт хийгээгүй зүйлсийнхээ төлөө хавчигдан шийтгэл хүртэх болдог. Ямар ч шалтгаангүйгээр Тэдэнд элдэв нэр хоч өгч, доромжлол шүүмжлэлийг буулгадаг. (Тийм, Багш аа. Ойлголоо.)
Тэгэхээр жишээ нь Трамп Америк төдийгүй дэлхийн эерэг хүчний төлөөлөл юм. Хэрэв ялсан бол, өөрт олгогдсон эрх мэдлийн олон талыг Америкийн төлөө, Америкийн ард түмнийг асран хамгаалахын төлөө, улс орноо дампуурлаас хамгаалж, улсаа цэцэглүүлэн хөгжүүлж, ард иргэдийнхээ аюулгүй байдлыг хамгаалахын төлөө ашиглаж чадна. Мөн тэрээр дэлхий дахинд илүү их дипломат хүч нөлөөтэй байж чадна.
Тухайлбал тэр албан тушаалдаа байхдаа улс орноо шатахууны хувьд Оросын хараат байх шаардлагагүй (Хөөх. Тийм, Багш аа.) болгох ажлыг хэдийн хийж байсан. Яагаад гэвэл тэр Орос өөрийн улс орныг нь, Америкийг ийм замаар сүрдүүлж чадахгүй болно гэдгийг урьдчилан харж чадаж байна. (Ойлголоо.) Тэр сүнсээрээ урьдчилан харж чадна. (За, Багш аа.) Тэр өөрөө мэдээгүй байлаа ч Диваажингууд түүнд юу хийхийг чиглүүлж өгдөг. (За, Багш аа.) Учир нь түүний сүнс зөв, зүрх сэтгэл нь цэвэр бөгөөд санаа нь гэм зэмгүй. Тиймээс Диваажин АНУ-ын болон мэдээж хэрэг ойр орчмын улс орнуудын, дэлхий дахины сайн сайхны төлөө түүнийг ашиглаж болно гэсэн үг. Энэ бол хэдийнээ нотлогдсон. (Тийм, Багш аа, тэгсэн.)
Түүнийг засгийн эрхэнд байхад Америкийн эдийн засаг эрүүл байсан. Мөн жишээ нь тэр энхтайвныг тогтоох урьд хожид байгаагүй, итгэмээргүй гэрээ хэлцлийг Арабын олон орон ба Израилийн хооронд байгуулж чадсан. (Тэр үнэн.) Түүгээрээ маш их цус урсахаас сэргийлсэн. (Яг тийм. Тийм, Багш аа.) Тэр мөн Өмнөд болон Хойд Солонгосын хооронд энхтайван сахиулсан. (Тийм, Багш аа.) Харин одоо Трамп ч огцорч Хойд Солонгос улам олон цөмийн болон бусад зэвсгээр сүрдүүлэх болсон. Тэд Өмнөдийг хүртэл цөмийн зэвсгээр сүрдүүлсэн. […]
Цөмийн зэвсэг бол онилсон улсаа хөнөөгөөд зогсохгүй ойр орчмынх нь олон улс оронд хохирлуудыг учруулах болно. (Яг үнэн. Тийм.) Маш олон хүнийг өвчин зовлон, үхэлд хүргэн оюун ухаан, бие бялдар, сэтгэл санааг (эрүүл мэндийг) хохирооно. Олон талаар. Мөн мэдээж хэрэг дэлхий дахины эдийн засаг болон хүнсний аюулгүй байдалд нөлөөлөх болно. […]
Тийм учраас л “тэр юу ч хийх шаардлагагүй” гэсэн юм. Гэхдээ тэр мэдээж хэрэг галзуу юм шиг ажиллана л даа. (Тийм, тийм.) Тэр огт юу ч хийх хэрэггүй гэсэн үг биш юм. Жишээ нь Арабын ертөнцийн улс орнууд Израилийн хооронд энх тайван тогтоох зэрэг ажил нь маш их хүчин чармайлт шаардана. (Тийм, үнэн. Тийм, Багш аа.) Үүнд маш их зүтгэл, цаг хугацаа орсон юм. Зүгээр л “За. Трамп бүгдтэй нь ярьсан. Одоо бид энхтайвнаар оршино”, ингээд боллоо гэчихдэг амар юм биш. Огт тийм биш. (Ойлголоо, Тийм, Багш аа.) Тийм байдаг ч болоосой. Диваажин энд ирээд бүхнийг хянадаг байсан ч болоосой. (Тийм ээ.)
Даанч сөрөг хүч эндээс гаралтай. (Тийм, Багш аа.) Тэд эмзэг хүмүүс рүү бүр амьтад руу хүртэл дайрч биед нь шүглэн улам их нөлөөгөө тогтоосоор байна. Хөршүүд, хэсэг бүлэг хүн эсвэл улс орнуудын эсрэг дайн өдөөхийн тулд. Хараа биз дээ. (Тийм. Тийм, Багш аа.) Трампыг байхад Орос улс Америктай найрамдалт харилцаатай байсан. (Тийм, яг үнэн. Тэр үнэн.) Үргэлж л айлчлаад, гар бариад л. Би харж л байсан. Чихээ хүртэл инээмсэглээд л. (Тийм.) Ядаж л Америк, Европтой найрамдалтай байсан. […]
Харин би Оросын удирдлагад маш их урам хугарсан гэж хэлэх байна даа. Тэдний байхгүй газар гэж үгүй бөгөөд маш түрэмгий. (Тийм.) Зорилгоо гүйцэлдүүлж л байвал тэд хэчнээн хохирол учруулах нь хамаагүй. Зорилгодоо хүрээгүй ч ялгаагүй. Мэдээгээр үзэхэд бүр Африкт хүртэл тэд уугуул иргэдийг тамлан зовоож байсан. Тэд тэнд очоод зарим газар нутгийг эзэлж суугаад ямарваа шалтгаанаар, нутгийн иргэдийг нь тамлаж байсан. Бас амийг нь хороосон. (Ээ, Бурхан минь.) Мэдээгээр гарсан. Тэд ийм л бахим төмөр нударгатай. (Тийм байна.) Үүнийг би коммунист үзлийн үлдэгдэл гэж бодож байна. “Зорилго, үр дүн нь арга хэрэгслээ зөвтгөнө" гэж тэд хэлдэг. Тэд зорилгодоо хүртлээ ямар ч балмад, хүнлэг бус зүйл хийсэн хамаагүй гэсэн утгатай. (Тийм, Багш аа.) Яагаад гэвэл тэд Диваажин, там, Буддын сургаал, эсвэл Есүс зэрэг юунд ч итгэдэггүй. Тийм байх ёстой байдаг.
Коммунизм нь шашинлаг ямар ч зүйлд итгэхгүй байх ёстой гэдэг. Тиймдээ ч тэд хүн төрөлхтний, амьтан-хүмүүсийн эсрэг байж болох аль л муу муухайг хийхдээ айдаггүй. Нэг удаа Сочи билүү дээ, Олимпын наадам болсон тэр газар Путин гудамжны маш олон нохой-хүн, бүр асар олон нохой- хүнийг алах тушаал өгсөн. Галзуу өвчнөөс болж гэж тэр хэлсэн. (Хөөх.) Ердөө л Олимпоор хотоо цэвэрхэн сайхан харагдуулах гэсэн шалтаг. Жишээ л гэхэд тэр. […]
Би коммунистуудын бүхий л номлолд итгэхгүй. Учир нь тэд эрх мэдлээ ЗХУ-аас эхлээд Хятад, (Ау Лак) Вьетнам гэх зэрэг улсуудад хэрэгжүүлсэн шиг, тэр бүх харгислалыг үйлдсээр байвал би тэдний номлолд итгэхгүй. Тэдний тогтолцоо дэлхийд тархах нь ямар ч сайн зорилготой байсан хамаагүй. (Яг тийм. Тийм, Багш аа.)
Тийм болохоор л дэлхийн ихэнх хэсэгт чөлөөт тогтолцоо байгаа, би ийм байгаад баяртай байна. Би үүнд үнэхээр баярлаж байна. Харин Украин ялагдах юм бол мэдэхгүй юм даа. Бусад олон улс орон мөн л ялагдаж коммунизм цааш улам өргөжнө. (Хөөх.) Энэ бүх итгэл бишрэлгүй, Диваажинд итгэдэггүй тогтолцоо. (Тийм. Тийм ээ, Багш аа.) Тэгээд хүмүүсийг ямагт айлган сүрдүүлж, буулгаж авдаг. Үнэхээр айлган сүрдүүлдэг. Эс бөгөөс тэд яах гэж цэрэг армийн ул мөр ч үгүй (Тийм, Багш аа.) газруудыг хаа сайгүй бөмбөгдөж байгаа гэж. Хүмүүс өөрсдийгөө хамгаалж чадахааргүй эмнэлэг, цэцэрлэг, сургууль, мөн хүмүүс бөөгнөрөн хоргодож амиа хамгаалах гэсэн байшингийн суурийн давхар гэх мэт газрууд. (Яг тийм.) Зүгээр энгийн номхон ард иргэд, хүүхэд, эмэгтэйчүүд. Ээ, Бурхан минь. […]
Тэгэхээр энэ бол чөтгөрөөс дор. Чөтгөрөөс долоон дор. Тэгэхээр та нар одоо намайг зөвхөн өөрийн сэтгэл хөдлөлөөр яриагүйг ойлгоо биз. Энэ учирзүйтэй. Дэлхийн төлөө юм. (Тийм, Багш аа. Яг тийм.) Үнэхээр тийм. […]
Энэ чөтгөрийн шунаг удирдагчид, бүлэглэлүүд хэдийнээ олж авсан бүхэндээ сэтгэл ханана гэж огт үгүй. Ердөө л шунаж, чөтгөрийн төлөвлөгөөгөөрөө хөршүүдээ, дэлхийг улам бүр эзлэн хяналтаа тогтоохыг хүсдэг. […]
Асуултад чинь бүрэн хариулт болов уу? (Тийм ээ, Багш аа. Баярлалаа.) За. Дараагийнх нь. (Бразилийн өмнөх ерөнхийлөгч бөгөөд одоо ерөнхийлөгчид нэр дэвшиж буй Лула да Силва Украинд дайн гарсны төлөө ерөнхийлөгч Зеленскийг буруушаасан. Түүний зөв үү, Багш аа.)
Таван настай хүүхэд ч хариулж дөнгөнө. (Тийм ээ, Багш аа.) Бусдын төлөө асууж байгаад чинь баяртай байна. Яаж тэгдэг байна вэ? Зеленский Оросоос энхтайван сахиулахыг л хүссээр байгаа. Урьд нь ч тэр. (Тийм.) Урьд нь ямар ч нөхцөл тавиагүй. Оросын ерөнхийлөгч Владимир Путинд Путины дэмжигч, хамгийн дотны найзуудынх нь нэг болох Абрамовичаар дамжуулан захидал илгээж байсан. Одоо ч түүгээр дамжуулж байна. Учир нь тэр Путиныг захидлыг нь хүлээн авахгүй байх вий, тоохгүй байх вий, эсвэл нарийн бичиг нь түүнд харуулахыг хүсэхгүй байх вий гэсэндээ сайн найзаар нь өгүүлсэн.
Харин Путин захидлыг уншаад Зеленскийг бүр бут цохино гэж сүрдүүлсэн. Энхтайвныг л хүссэн. Тэгээд бас энхийн хэлэлцээрийг хэчнээн их хийлээ дээ? Орос энхтайвныг хүсээгүй. Тэр Украиныг л хүссэн. (Тийм.) Тэр Украиныг, хүнсний асар их нөөц баялгийг хяналтдаа авахыг хүссэн. (Тийм, Багш аа.) Тэгвэл тэр Европыг, Африкийг, дэлхийн бусад улс орныг хүнсний нийлүүлэлтээр хяналтдаа авч чадах болно. (Тийм, Багш аа.) Ойлгов уу? Учир нь хоол хүнс бол хэнд ч, ямар ч улс үндэстэнд маш чухал. (Яг тйим.) Иймд хүнсийг нь хяначих юм бол хэнийг ч хянаж чадна. Сонсов уу? (Тийм ээ, Багш аа.) Байгалийн хийгүй байлаа гээд хүмүүс мод түлж хоол хийж болох юм. (Яг тийм.) Нүүрс, эсвэл нарны эрчим хүчээр. Салхины, давлагааны, дулааны эрчим хүч. Бүгд орон гэр халаах юм уу, хоол хийхэд ашиглаж болно. Харин хоол хүнсгүй бол хүн яаж тэсэх билээ? Хоол хүнсийг хяналтдаа авах нь хамгийн харгис явдал. (Тэр үнэн, Багш аа. Тийм, Багш аа.)
Хүнсгүй бол юугаар хоол хийнэ гэж? (Яг үнэн.) (Тийм, Багш аа. Ойлголоо, Багш аа.) Газрын тосгүй бол тэд магадгүй Венесуэл, Ливи, Арабын орноос ч юм уу (Тийм.) хаанаас ч гэсэн эцэст нь импортолчихно. Хоол хүнсгүй бол яаж ч чадахгүй. (Яг тийм, Багш аа. Тэр үнэн.) Алт, очир эрдэнэ, газрын тос, байгалийн хийтэй байлаа гээд хүнсгүй бол юугаар хоол хийх вэ? Яаж амьд үлдэх билээ? (Ойлгож байна, Багш аа.) Тиймээс л Орос Украиныг хүсээд байгаа юм. (Тийм байх нь.) […]
Путин бүр өөрийн найз, найз гэгдэж байсан хүн, дэмжигчээ (Тийм.) тэр том бизнесмэн Абрамовичийг өөрийн талыг өрөвдүүлэх гэж өчүүхэн пи-ар хийхийн төлөө хордуулсан. Өө, Бурхан минь. Үүнийг чөтгөрийн арга барил гэхгүй юм бол юу гэх юм? (Тийм.) Үүнээс зайлах аргагүй. (Тийм, Багш аа.) Үүнээс өөрөөр тайлбарлах арга байхгүй.
Энэ ноён Лула. Бразилийн одоогийн ерөнхийлөгч ноён Болзонарогийн эсрэг Бразилийн дараагийн ерөнхийлөгч болохоор өрсөлдөж байгаа. Гэхдээ ялагдах байх. (Хөөх.) Би тэгж л найдаж байна. Ялагдаасай л гэж хүсэж байна. Тэр зүгээр л анхаарал татах гэсэн. (Тийм байх нь. Ойлголоо.) Орос түүнд ялахад нь тусална гэж тэр найдаж байгаа. (Хөөх.) Орос бол их гүрэн. Яагаад гэвэл Америк түүнд туслахгүй. Тэгэхээр Орос л магадгүй. Тэд Трампт Орос тусалсан гэж бодож байгаа. Гэхдээ тэгээгүй. (Яг үнэн, Багш аа. Тийм, Багш аа.) Үгүй. Трамп өөрөө ялсан. Тэд ерөнхийлөгч Трампыг юм бүхнээр доош хийх гэдэг. (Тийм, Багш аа.) Надад таалагдахгүй байна. Бусдыг доош хийснээрээ ялж чадахгүй. (Яг тийм.) Энэ бол өчүүхэн зан. Маш өчүүхэн. […]
Ямартай ч Зеленский яах гэж энхтайвныг хүсэхгүй байх вэ? Хэл дээ. Тэр ерөнхийлөгчийн албыг аятайхан хашаад, оросууд дайрч орж ирээд иргэдийг нь хөнөөх хүртэл бүх зүйл давгүй байсан. (Тийм.) Харин тэр тэвчээртэй хэвээр байж хүмүүсээ илгээн Оросын талтай энхийн хэлэлцээр хийлгэсэн. (Тэгсэн, Багш аа.) Гэтэл одоо Зеленскийг буруутгаж байдаг. Ингэсэн хэн ч бай нэг бол адилхан чөтгөр, эсвэл тэнэг. Өө, Бурхан минь. [...]
Тэрээр ердөө л улс төрийн тавцанд шуугиан дэгдээхийг хүссэн. Учир нь тэр урьд нь ямар нэг зүйлд буруутгагдаж байсан. (Тийм.) Одоо харин нэрээ цэвэрлэсэн. Яг цэвэрлэгдсэн ч юм уу үгүй ч юм уу. Тэгээд тэр дараагийн ерөнхийлөгч болохыг хүссэн. Ерөнхийлөгчийн сонгуулийн кампанит ажлаа хэдийнээ эхэлсэн. (Тэгсэн, Багш аа. Тийм.) Тэр ердөө л асуудалд хошуу дүрж, эсвэл дуулиан дэгдээх юм уу, Орост тал олох л гэсэн.
Украиныг буруушаах аргагүй. (Ойлгож байна, Багш аа. Тийм, Багш аа.) Огт буруутгах ёсгүй. Украин НАТО-д элсэхийг хүсэх эсэх нь ч тэдний эрх. (Тийм.) Тэд хүссэн зүйлдээ нэгдэж болно. Чөлөөт орон шүү дээ, Бурхан минь. (Тийм, Багш аа.) Тусгаар тогтносон орон. Тэд хүсвэл юунд ч элсэж болно.
Хараа биз, миний хэлж байсанчлан НАТО Украиныг даруйхан зөвшөөрчихсөн бол хүмүүс эрх чөлөөнийхөө төлөө илүү итгэлтэй тулалдах байсан. Зөвхөн Украины төлөө биш, дэлхийн төлөө, мөн хүмүүст зөв зүйл хийж байгаа гэсэн итгэл төрж, эрх чөлөө, ардчиллын төлөө амиа алдагсдын сүнс ч дэмий үрэгдээгүй хэмээн амарлина. (Тийм, Багш аа.) Тийм болохоор л НАТО аль эрт Украиныг элсүүлэх ёстой байсан юм. (Тийм, Багш аа.) Яагаад гэвэл Орос Украиныг НАТО-д элсэх юм бол халдан довтолно гэж байсан. Харин одоо Орос хэдийн халдчихсан. Тэгээд одоо алдах юм юу байна? (Яг үнэн, Багш аа.)
Тэгэхээр Зеленскийн буруу биш. Эсвэл Лалу ч билүү Лула ч билүү (Лула.) Лула атаархсан байх л даа. Учир нь тэр хэлэлцэхийн оронд бүгд л Зеленскийг магтаж байна гэж хэлж байсан. Тэд хэлэлцсэн. Тэд бүр Украины энхийн хэлэлцээрийн төлөөлөгчдийг хордуулсан шүү дээ. (Тийм.) Хуучны хууль дүрмээр бол дайтаж байгаа хоёр улс элч нартаа хор хүргэдэггүй. (Тийм, Багш аа.) Гэтэл та нар Орос ямар өчүүхэн, адгийн, дорой байгааг харж байна. Тэд эсрэг талынхнаа бүр хордуулж байна. Хүмүүсийг төөрөгдүүлэхийн тулд өөрсдийн хүмүүсээ ч хордуулсан. (Тэгсэн, Багш аа.) Өрөвдүүлэх эсвэл эрх чөлөөт ертөнцийг сатааруулах л гэж. (Тийм.) Үнэхээрийн өчүүхэн дорой. […]
Гэтэл хуучны хууль дүрмээр бол дайтагч хоёр улс элчид хор хүргэх ёсгүй байдаг байсан. Украин шиг энхийн хэлэлцээр хийх гэж хүмүүсээ илгээх юм бол. Тэд бол тэдний элч нар. (Тийм, Багш аа.) Тэд бүр тэднийг хордуулсан. Тэгэхээр Путинтэй дахин ярилцах ямар ч хэрэг байхгүй. Түүнийг зүгээр л зайлуул. Хурдан тусам дэлхийд тустай. (Тийм, Багш аа. Яг үнэн.) Украины төдийгүй дэлхийн төлөө. Хүмүүсийг өлбөрч үхэхээс нь өмнө, улам олон хүн тахир дутуу болж, зовж шаналан үхэхээс нь өмнө. (Тийм.)
Путин тонилох ёстой. Гэхдээ Путин тониллоо гэхэд илүү дээр хүн гарч ирэх эсэхийг мэдэхгүй тул миний санаа зовж байна. (Өө. Тэр үнэн.) Яагаад гэвэл тэр өөрт таалагддаг нэгнээ сонгоно. (Өө. Тэгнэ, Багш аа. Тэр үнэн, Багш аа.) Таалагддаг хүнээ гэдэг нь мөн л чөтгөр шиг нэгнээ гэсэн үг.
Дээрдэх юмгүй. Гэхдээ веганизм бол шийдэл юм. Ийм л учиртай. Хэрэв бусад төрөлтнийг хөнөөхөө зогсоох юм бол бид дахин дайнд алагдахгүй. Энхтайван үүрд тогтоно. Бусад төрөлтнийг бид тайван байлгавал бид амар тайван байна. Энэ бол шалтгаан, үр дагаврын хууль. […]
За, өөр зүйл байна уу? (Саяхан ерөнхийлөгч Макрон хэлэхдээ Украины ЕХ-нд элсэх хүсэлт хэдэн арван жилийг авна гэсэн. Тэр Украинд гишүүнчлэлийг ингэж удаан хүлээхийн оронд ЕХ-ны паралель нэгэн улс төрийн байгуулалд элсэхийг санал болгосон. Энэ нь Украинд сайн уу, Багш аа?)
Үүнийг би шударга төлөвлөгөө гэж бодохгүй байна. Учир нь бараг ямар ч нэмэргүй. ЕХ-ны албан ёсны гишүүн болохгүй юм чинь. (Тийм.) Бараг “За, бид хараахан мэдэхгүй байна” гэж байгаа аятай. (Тийм, Багш аа.) Бүхэл ЕХ-ны эсрэг ийм саналыг тэр яагаад тавьсныг нь би мэдэхгүй юм. Яагаад гэвэл ЕХ-ны дарга нь, босс нь Украиныг хэдэн долоо хоногт нэгдэж чадна гэсэн. (Тэгсэн, Багш аа.) Хэдэн жил биш. Гэтэл тэр хэдэн арван жил гэлээ. Тэр яах гэснийг мэдэхгүй юм. Түүний Оросыг дэмжмээр байгаа юм уу, ЕХ-г дэмжмээр байгаа юм уу гэдгийг мэдэхгүй. (Харин тийм.)
(Тэр яагаад тэгж хэлээ юм бол, Багш аа?) Хэдэн санаа миний толгойд зурсхийж орж ирлээ. Тэр зүгээр л манлайлагч байхыг хүссэн байж мэднэ. Гэхдээ буруу зүгрүү. (Тийм.) Эрчүүд босс байх дуртайг та нар мэднэ дээ. Тийм ээ? Магадгүй тэр ЕХ-ны тэргүүн Вон дер Лейенийг сонсохыг хүсээгүй байх. Учир нь тэр эмэгтэй хүн. (Аан, тийм.) Эрчүүдийн ертөнцөд ажиллах хэцүү ч тэр Европын нэгдлийн төлөө ажиллах л хэрэгтэй. Яагаад гэвэл Оросын эсрэг Европ яг одоо нэгдэх хэрэгтэй.
Үгүй бол тэр цөмийн зэвсгээс айгаад Оросыг дэмжиж байгаа байх. Гэхдээ Франц ч гэсэн цөмийн зэвсэгтэй шүү дээ. (Тийм.) Аль дээр, өмнөх ерөнхийлөгчийн үед тэд цөмийн бөмбөг туршсаныг нь Грийнпийс эсэргүүцэн жагсаж байсныг би санаж байна. Тэгэхээр Франц цөмийн зэвсгээс болж Оросоос айх учиргүй. (Тийм, Багш аа.) Иймд би яагаад ингэснийг мэдэхгүй.
Магадгүй тэр атаархсан ч юм уу, эсвэл дэлхий дахины хэн бүхэн Зеленскийг магтаж, Украинд туслах гэж, дэмжиж байгаагаа харуулах гэж Зеленский дээр айлчлан очиж байгаа нь түүнд таагүй санагдсан биз. Эр хүний тухайд бас нэг өрсөлдөгч шиг санагдаж. (Тийм, Багш аа.) Франц бол том, Украинаас хамаагүй том (Тийм.) илүү нэр хүндтэй улс. (Тийм, Багш аа.) Францчууд ямар нэг зүйл мэдэрч байгаа.
Украин ч гэсэн Европынх. Гэтэл Европ яагаад Украиныг ялангуяа тусламж хэрэгтэй цагт нь хайхралгүй орхих ёстой гэж? Яадаг ч байсан Украин нэг хөрш нь. Христосын сургаалд “хөршөө хайрлах ёстой” гэдэг. Ялангуяа сайн хөршөө. Одоо бол Украин маш сайн, амжилттайгаар тэмцэж байна. Тэгэхээр Украиныг бахархалтайяа Европын Холбоонд хүлээн авч зөвшөөрөх ёстой. (Тийм, Багш аа.) Украиныг хамгаалахын төлөө урьд нь аль хэдийнээ Украиныг хүлээн зөвшөөрөх байсан юм. (Тийм, Багш аа.) Бид нэгдвэл хүчтэй. (Тийм.) Ганц хөршийнхөө нэг танхай этгээдэд дарлуулж байснаас олон хөрштэй байсан нь дээр. (Тийм, Багш аа.)
Гэхдээ яагаад ч юм тэд тэгсэнгүй. Яадаг ч байсан хангалттай шалтгаан байсангүй. Харин одоо Украинд тусламж хэрэгтэй. Хэрэв Европын аль нэг улс, Европын ямар нэг удирдагч Украиныг Европын Холбоонд гишүүнээр элсүүлэхийн оронд татгалзаж, Украины статусыг доошлуулах гэж байгаа бол түүнийхээ төлөө өөрсдөө хариуцлага үүрэх хэрэгтэй. (Тийм, Багш аа.) Тэд хүн чанарынхаа өмнө хариуцлагаа үүрэх хэрэгтэй. (Тийм, Багш аа.) Учир нь би ойлгохгүй байна. Би байсан бол тэгэхгүй. (Ойлголоо.) Хэрэв би Европын Холбооны аль нэг орны удирдагч байсан бол Украиныг үтэр түргэн аль чадахаараа хамгаалалдаа авах байсан. Би тэгэх л байсан. (Тийм, Багш аа.)
Украинд одоо тусламж хэрэгтэй... хөршдөө та хэрэгтэй байна. Зүгээр л үл тоож, “Өө, хамаагүй” гэчхэж болохгүй. (Тийм, Багш аа.) Эсвэл чухалчилж үзэлгүй түрэмгийлэгчийн талд орж болохгүй. Одоо хүн бүр Оросыг түрэмгийлэгч, Украиныг хохирогч гэдгийг мэддэг болсон. (Тийм.) Иймээс хэн нэгэн нь хохирогчид аль чадахаараа туслах гэж яагаад хичээхгүй байгааг би ойлгохгүй байна. (Тийм, ойлгож байна.) Мөн Украиныг Европын Холбоонд элсүүлэхэд тэднээс юу ч унахгүй шүү дээ. Европын Холбоо улам л бэхэжнэ. (Тэгнэ, Багш аа.) Улам хүчтэй болно. Улам хүчирхэг болно. (Тийм, яг үнэн.) Ялангуяа Украин өөрийн улс орноор тогтохгүй Европын, дэлхийн эрх чөлөөний маш сайн хамгаалах хүчин байна шүү дээ. Түрэмгий оросын эсрэг. (Тийм.) Иймд би ёстой ойлгохгүй байна. (Тийм, Багш аа.) Би ингэж л бодож байна.
Макрон яагаад бүхэл дэлхийн эсрэг зогсохыг хүсээд байгааг би ойлгохгүй байна. Тэрээр шинэ ерөнхийлөгчөөр сонгогдчихоод Украинд айлчлах ёстой байсан юм. Энэ чинь тэмдэглүүштэй зүйл шүү дээ. Түүний дахин сонгогдсонд Киев баяртай байх л байсан. (Харин тийм ээ.) Би ч баяртай байна. Би түүнийг нөгөө нэгээсээ хавь илүү биз гэж бодож байлаа. Хатагтай Ле Пенийг би Оросыг дэмжигч гэж бодсон. Бүгд л тэгж хэлдэг байсан. (Тийм, Багш аа.) Түүний үг үйлдэл нь тийм. Гэтэл одоо энэ ч бас Оросыг дэмжигч юм шиг харагдаж байна. Түүний юу бодож санаж байгааг би мэдэхгүй. Надад ийм хэдэн таамаг л байна. (За, Багш аа.) Яагаад гэвэл яг одоо Европын эв нэгдэл түүний хувийн эгоноос илүү чухал цаг үе. (Тийм, Багш аа.) Яагаад гэвэл тэд Оросын эсрэг нэгдмэл байр суурь барих хэрэгтэй. (Тийм.) Мөн тэрээр Путинээс айж байх учиргүй. Яагаад гэвэл цөмийн зэвсэгтээ тулах юм бол тэдэнд ч гэсэн цөмийн зэвсэг бий. (Тийм.)
Эсвэл тэр айчихсан аймхай хүн байх. Мэдэхгүй юм даа. Тэр цаанаа айчихсан байгаа ч юм уу. Яагаад гэвэл сүүлд оросууд түүнийг билүү, Францыг сүрдүүлсэн. Санаж байна уу? (Тийм.) Тэр айсан байх. Гэхдээ тэр нөлөөтэй нэгэн байж айх ёсгүйсэн. (Тийм, Багш аа.) Мөн Франц бол томоохон гүрэн. Франц улс Европын Холбоонд нөлөө бүхий оролцоотой, нөлөө бүхий талуудын нэг байх учиртай. Ингэж буруу тийш далийх учиргүй. (Тийм, Багш аа.) Тэр одоо украинчууд, тэр дундаа эмэгтэйчүүд, хүүхдүүд хэр их зовж байгааг мэдэж авах хэрэгтэй. Түүний эхнэр, эсвэл үр хүүхэд тэгж хүчиндүүлж, тэгж алагдвал түүнд ямар санагдах бол? (Ойлгож байна, Багш аа.) Тэр эхнэртээ их хайртай. Оросууд Францад ирээд Украинд болсон шиг ийм харгислал үйлдвэл түүнд таалагдах болов уу? (Мэдээж үгүй.) Мэдээж үгүй. Иймд би түүнийг яагаад эр хүний хамгаалах зөн совингийнхоо эсрэг яриад байгааг ойлгохгүй байна. (Тийм, Багш аа.)
Эсвэл тэр Путины нөлөөнд орсон байх гэсэн өөр нэг санаа байна. Путин түүнд таалагддаг байж магадгүй. Яагаад гэвэл ийм сөрөг хүчнийхэнд хүнийг татах арга зам байдаг. (Хөөх.) Аймшигтай юм. Тэднээс их олон нь удирдагчийн суудалд заларч байна. (Тийм, Багш аа.) Иймд тэдэнд олон хүнтэй уулзаж, тэдэнд нөлөөлөх боломж бий. Эгоноосоо болж, эсвэл эрх мэдлээ хадгалахын төлөө эерэг бус сэтгэх хандлагатай аль ч ерөнхийлөгч (За, Багш аа.) үүнд багтана.
Би сайн тайлбарлаж чадахгүй нь. Хэрэв толгойд нь сөрөг бодол орж ирээд энэ нь хамаг хүн төрөлхтний сайн сайхны эсрэг бол, сөрөг тал хүнийг амархан өөртөө татан оруулах болно. (За.) Хэрэв эмзэг, гэнэн, эсвэл хүчтэй эерэг хандлагатай биш л бол сөрөг хүчний нөлөөнд амархан автчихдаг. (За, Багш аа.)
Европт бас сөрөг хүчний нөлөөнд автчихсан, эсвэл тэдэнд үйлчилж байгаа бусад хүмүүс байгаа. (Өө, хөөх.) Зарим удирдагчид. Би одоо энэ талаар ярихгүй. Харин та нар мэдээ үзэх юм бол тэдний хэн нь хэн бэ гэдгийг мэдэх болно. (За, Багш аа.) Энэ бүх сөрөг зүйлийн талаар ярихаас би залхаж байна.
Энэ асуулт хариултаас ойлгоогүй зүйл байна уу? (Ойлгомжтой байна, Багш аа.) Болсон уу? (Тийм ээ. Баярлалаа, Багш аа.) Сайн байна. Зүгээр дээ.
За, өөр зүйл байна уу? (Тийм ээ, Багш аа. П Францис НАТО болон бусдыг нь Украины дайнд буруутгасан. Энэ зөв үү, Багш аа?)
Би ч бас уншсан. Тэр хэлэхдээ НАТО буруутай. Яагаад гэвэл НАТО Оросын үүдэнд хуцсан гэсэн. Оросын үүд гэдэг нь ямар утгатай юм бэ. Путины хаалга хаана байна? Оросын хаалга хаана байна? Улс бүр хөрштэй. (Тэр үнэн. Тийм.) Хязгаар нь тэгэхээр хаана байна? Гэтэл оюун санааны удирдагч гэгдэгч п Францис НАТО-д элссэн тэр олон улсыг нохой гэж байгаа хэрэг үү? (Тийм, Багш аа. Тийм.) Энэ бол үндэслэл биш. Нохдын хувьд ч тэр. Яагаад гэвэл ноход огт буруу зүйл хийдэггүй. Тиймээс л дэлхий даяараа нохдыг хайрладаг. (Тийм. Яг үнэн, Багш аа.)
Мөн НАТО-г нохойтой зүйрлэн маш их доромжилж байна. НАТО болон энэ бүх холбоотныг маш их доромжилж байна. Тэд тэгэх ёсгүй. (Тийм, Багш аа.) Ер нь нохой үүдэн дээр чинь хуцлаа ч гэсэн гарч очоод яагаа ч үгүй, хаалган дээр чинь хуцаа ч үгүй бусад бүх нохойг алчихдаггүй шүү дээ. (Яг үнэн, тийм.)
НАТО-д элсэх нь сайн дурын хэрэг гэдгийг та нар харж байгаа биз дээ. Бас хүмүүс элсэхийг хүсвэл элсэж болно. Орос Украиныг холбоондоо элсүүлэх гэж хүчилдэг шиг биш. Энэ бол өөр зүйл. Нөгөөтээгүүр нохойг доромжилсон хэрэг. (Тийм. Тэр үнэн, Багш аа.) Яагаад гэвэл ноход хүмүүсийн дайн, харгислал, жигшүүрт ямар ч зүйлд огт хамаагүй. Харин ч хүн төрөлхтөн балмад, араатан шинжээ ялангуяа нохдод үргэлж үзүүлж байдаг. Бүхий л амьтан-хүн болон хүмүүсийн тухайд бүр ярих ч юм биш. (Тийм ээ, яг үнэн.)
Тухайлбал тэд нохой-хүмүүсийн эелдэг зөөлөн зан чанарыг далимдуулан олон янзаар тэднийг хүчирхийлж, элдвээр тамладаг. Нохой-хүмүүсийг гэр бүлийн гишүүнээ болгон авсан хүмүүсийг эс тооцвол. Тийм хүмүүст бол би алга ташна. (Тийм, Багш аа.) Гэтэл нөгөөтээгүүр бусад хүмүүс нохдыг Хятад, Тайланд гэх зэрэг улсад ямар ч мэдээ алдуулалтгүйгээр, арьс, махны нь төлөө амьдаар нь өвчих зэргээр жигшүүртэйгээр тамлан зовоож байна. (Яг тийм. Тийм, Багш аа.)
Хүмүүсийн харгислал Тэнгэр Газрыг чичрүүлж энэ дэлхийн гэм буруутай болон гэм зэмгүй ч хүмүүсийг олон гамшиг, эдгэшгүй өвчин, цар тахал зэрэг зовлон шаналлыг туулахад хүргэж байна. (Тийм, Багш аа.) Гэтэл бид сургамж авч зогссонгүй. Одоо болон эрт үеэс өөрсдийнхөө төрөл зүйлтэй дайн дажин хийх зэргээр дайрч довтолж байна. (Тийм.)
Хэрэв п Францис хүн төрөлхтний харгислалын түүхийг тийм ч сайн мэдэхгүй юм бол тэр дуугүй байсан нь дээр гэж би олон хэлж байсан даа. (Тийм, Багш аа.) Яагаад гэвэл түүний түүхий мах, цус савируулсан ам гэм зэмгүй хохирогчдын шарханд давс л хийнэ үү гэхээс биш огтхон ч тайтгаруулж өрөвдөх сэтгэлгүй байдаг. Энэ бол нууж далдлаа ч үгүй харгис явдал. Ил тод харгислал. (Тийм.) Есүс Христ болон Эзэн Бурханы Өршөөлд итгэдэг хэн ч байсан түүнийг цаашид тэргүүнээр байлгасаар байх эсэхийг мэдэхгүй. Бурхан минь туслаарай. Бурхан минь туслаарай. Бурхан минь. (Яг үнэн. Тийм, Багш аа.)
Ямар хүн дайныг өөгшүүлж байгаа юм шиг ийм утгагүй зүйл ярьж байдаг байна аа? Католик сүмийн тэргүүн, пап гэгч нөхрийн талаар бүр ярих ч юм биш. (Тийм, Багш аа.) Ай, би маш их цочирдож жигшиж байна. Жигшмээр этгээд юм. Ядарч зүдэрч зовсон хохирогчдын оронд жигшүүрт түрэмгийлэгчийн талд орж байдаг. Тэгэхээр та нар хэн нь чөтгөр гэдгийг тодорхой харлаа. (Тийм, Багш аа.)
НАТО дайнаас зайлсхийхийг үнэхээр хичээсэн. НАТО хамгаалалт шаардлагатай биш л бол ямар ч улсад түрэмгий хандаж байгаагүй. (Тийм, Багш аа.)
Энэ бол Орос-Путины л дайн. Өөр хэн ч буруутай биш. Аль Крымын асуудлаас хойш. (Тийм, Багш аа.) Тэгээд Донецк. Бас хаанах билээ? (Луганск.) Луганск. Одоо тэр Украиныг хүсэж байна. Тэд Киевийг эзэлж чадаагүй. Дэндүү их хохирол амссан учраас тэд шалтаг хэлээд буцаад салан тусгаарлагч бүс рүү тэндхийн хүмүүсийг чөлөөлнө гээд ухарсан. Хүмүүсийг бүр яг чөлөөллөө. 12 сая хүнийг эх орноос нь, орон гэрээс нь, газар нутгаас нь, бизнесээс нь, хайртай хүмүүсээс нь, тэднийг хайрлаж эрхэмлэдэг бүхнээс нь чөлөөлчихсөн.
Энэ хорон чөтгөрийн чөлөөлөх арга барил, (Тийм, Багш аа.) өөр хаана ч тохирохгүй. Чөтгөрийнх л биш бол өөр ямар ч улс ийм зүйл хийхгүй. Чөтгөр, Путин шиг хорон хүмүүс, тэдний бүлэглэл л хийнэ.
Би энэ п Францисыг пап гэгдэх гавьяагүй гэж хэлсэн дээ. Тийм ч болохоор түүний п үсгийг пийпий (шээс) шиг дууддаг. (Тийм ээ, Багш аа.) […] Тэр тоох ч үгүй. (Тийм, Багш аа.) Тэр дэндүү сайхан эрүүл саруул, зарим хүмүүс түүнийг хүндэлсэн хэвээр, (Тийм.) байр сууриндаа сэтгэл хангалуун байна.
Гэхдээ би та нарт хэлье, сүсэгтнүүд урьд өмнө байгаагүй их тоогоор Католик сүмийг орхиж байгаа талаар мэдээнээс уншсан. (Өө. Хөөх.) Зарим сүм бүр эзгүйрсэн. Зарим сүм цааш оршин тогтнох орлогогүй болж хаагдаж, (Хөөх.) Ватиканаас санхүүгийн тусламж хүссэн байсан. Ватикан татгалзсан. (Хөөх.) Хоосон бол сүмийг яах гэж хадгалах юм? (Тийм. Яг тийм, Багш аа.) Эсвэл хэдэн нохой-, муур-хүмүүс л хоргодох болно.
Өө Бурхан минь. Хүмүүс сүмд итгэхээ больж байна. Сүм тэдний хувьд аврал одуулах газар нь байх ёстой. (Тийм, Багш аа.) Энэ стресстэй амьдралд тэдэнд итгэж бишрэн, очиж зүрх сэтгэлдээ, оюун бодол, сэтгэл санаагаараа аврал одуулах газар хэрэгтэй. Гэтэл номлогч гэгдэгч тэр чөтгөрүүд бүхнийг сүйтгэсэн. Тэд хүмүүсийн хоргодох ариун газар болдог сүмийг булаасан. (Тийм.) Одоо тэгээд сүмүүд хоосорч. Хүмүүсийг шүүмжлэх ёсгүй. (Тийм, Багш аа. Яг үнэн.) Тэд итгэл бишрэлээ алдсан. Зөвхөн итгэл бишрэлээ төдийгүй, тэд аз жаргалаа, амьдралын суурь итгэл найдвараа алдсан. Мөн тэдэнд үнэхээрийн төөрөлдсөн санагдаж байгаа. Тэдний олонхид маш хэцүү, зүрх сэтгэл нь хоосорсон, яахаа мэдэхгүй болсон санагдаж байгаа. Хандах газаргүй. (Тийм, Багш аа.) Энэ бол тэр номлогч гэгдэгч чөтгөрүүдийн тэдэнд учруулсан хамгийн адгийн зүйл. Үр хүүхдийнх нь бие махбодыг хүчирхийлээд зогсохгүй. Ойлгож байна уу? (Тийм ээ, Багш аа.)
Тэгэхээр пийпий Францис юу ч хэлээд чимх давсны үнэд хүрэхгүй. (Тийм, Багш аа. Яг үнэн.) Тэр чөтгөрийн эр хамаа ч алга. Чөтгөр, хүн биш. Хүн юм бол тэгж зовж шаналж байгаа улс орныхонд тийм гомдмоор зүйл хэлэхгүй байх байсан. (Яг тийм. Тийм ээ, Багш аа.) Арван хоёр сая хүн хэдийнээ орон гэргүй болчхоод байна. Жаахан дарс уусныхаа дараа мэдээж согтоод ямар нэг зүйл хэлэх цаг гарч таарна. Эсвэл чөтгөрийг дэмжигч, чөтгөрийн зүрхтэй болохоор хэлсэн бүхэн нь Оросын, Путины бузар үйл бүхнийг халхлах хөшиг мэт. (Ойлголоо. Тийм, Багш аа.)
Тэгж хэлж байгаа бол адилхан л гэсэн үг. Оросын хамсаатан гэсэн үг бөгөөд (Тийм, яг үнэн.) Оросын Украин руу дайрч тэр бүх зовлон зүдгүүрийг учруулсны хамсаатан гэсэн үг. Энэ тэгээд чөтгөрийн үйл биш юм бол өөр юу юм? Хэл дээ. Тэр Сатанд, чөтгөрүүдэд зүтгэж байгаа биш юм бол өөр юунд зүтгэж байгаа юм? Хүн төрөлхтний төлөө лав биш. Огт үгүй. Тийм биз дээ? (Огт үгүй, Багш аа.) Одоо та нар мэдэж авлаа. […]
Өөр зүйл байна уу? (Өө, тийм, Багш аа. Бидэнд хэдэн сайн мэдээ бий.) За. (5-р сарын 5-нд Польшийн Варшав хотноо болсон олон улсын хандивлагчдын бага хурлаар Украинд зориулж 6.5 тэрбум ам. доллар босгожээ.) Хөөх. (“Франц, Финлянд, Чех, Хорват болон бусад нь олон сая еврогийн тусламжийг Украинд хүмүүнлэгийн болон цэргийн зориулалтаар хандивлахаар болсон байна.”)
Их сайн. Хамгийн сайн нь дайныг төгсгөх. Тэгвэл ард олон, хүүхдүүд, настнуудыг ингэж зовохыг харахааргүй болж Украиныг сэргээн босгох болно. (Тийм.) Дайныг зогсоох нь хамгийн чухал. Үгүй бол зүгээр л мөнгөний гарз. (Яг тийм.) Үргэлж л, энд хүмүүсийг аврахад тэнд Путин алж байна. (Тийм.) Бузар. Хорон. Хорон хүн. Хорон бүлэглэл. Орос орноо маш муу нэртэй болгож байна даа. Тэр тийм ард түмэнтэй байх гавьягүй. Тэр тийм агуу гүрний ерөнхийлөгч байх гавьяагүй. Тэр ямартай ч чөтгөр. […]
Дараагийнхыг нь хэлээрэй. (За, Багш аа. 5-р сарын 8-нд ерөнхийлөгч Зеленский тэсрэх бөмбөг илрүүлэгч Украины алдартай нохой-хүн Патрон болон түүний асран) Өө, тийм. (хамгаалагчийн байгуулсан гавьяаг үнэлэн медаль гардуулсан. Патрон Оросын дайралт эхэлснээс хойш 200 гаруй тэсрэх бөмбөг илрүүлээд байгаа. Тэр шагналыг Канадын ерөнхий сайд эрхэмсэг Жастин Трудог Киевт айлчлах үеэр гардуулсан.)
Хөөх! Тийм, Трудо бас ирчихсэн байсан. Сайн хэрэг. Ёстой хөөрхөн шүү. Тэр сүүлээ талархан годгонуулаад байсан. Тэр сургуультай нохой ч биш. (Хөөх.) Түүний эзэн, халамжлагч санаандгүй л түүнийг чаддаг болохыг нь мэдсэн. (Өө! Хөөх!) Украинчуудад туслуулахаар Диваажингаас илгээсэн авьяастан. (Өө, хөөх!) Яагаад гэвэл тэр 200 тэсрэх бөмбөг хожим нь олон хүнийг зэрэмдэглэж мэднэ. (Тийм, яг үнэн.) Одоо ч бай, ирээдүйд ч бай санаандгүйгээр эдгээр бөмбөгт өртөж болох шүү дээ. Тэгэхээр тэр бол том баатар, бас их хөөрхөн. Би түүнийг тэвэрмээр, хэзээ нэг цагт үрчилж авмаар байна. Гэхдээ тэр одоо Украины үнэт эрдэнэ болсон болохоор хэн ч түүнд хүрч болохгүй. Хэн ч үрчилж авч чадахгүй.
Тэгээд ч надад хангалттай нохой-хүмүүс бий дээ. Надад ямар ч цаг зав байхгүй. Гэхдээ тэр хөөрхөн, үзэсгэлэнтэй. Маш үзэсгэлэнтэй. Тэр Трудо руу хуцаж байсан. Би тэгэхийг нь харж, сонссон. Дайрч биш найр тавин хуцсан. (Хөөх. Ёстой хөөрхөн.) Яагаад гэвэл ерөнхий сайд Трудо Украинд туслахаар олон саяыг зориулахаа амласан. (Хөөх!) Тэгээд л тэр түүн рүү “Сайн хүү, сайн хүү. Сайн байна, сайн байна” гэж хэлж хуцсан. За. Сайн хэрэг.
Өөр зүйл байна уу? (5-р сарын 5-нд ерөнхийлөгч Зеленский Германы канцлер Шольц болон ерөнхийлөгч Штайнмайерийг Киевт урьсан.) Өө! Сайн хэрэг. (Тийм ээ. Тэгээд тэр хоёрыг төдийгүй Германы засгийн газрынхныг бүгдийг урьсан. Иймд тэдний харилцаа сайжирч байгаа юм шиг санагдаж байна. Штайнмайер, Зеленский хоёр утсаар ярьсан нь амжилттай сайн яриа болж чадсан байна.)
Украинчууд сайн байна! Зеленский сайн байна. (Тийм, Багш аа.) Дайснаасаа илүү олон анд найзтай болно гэдэг сайн хэрэг. Тэгээд ч одоо улам олон нөхөд хэрэгтэй. Сайн байна. Сайн байна. Сайн хэрэг. Хүмүүс заримдаа алдаа гаргадаг. (Тийм.) Германы ерөнхийлөгч ч гэсэн хүн шүү дээ. Бас түүнд эргэн тойрныхон нь нөлөөлсөн ч байж магадгүй. (Тийм, Багш аа.) Ерөнхийлөгчийн туслахууд болон удирдагчид маш чухал. Тэд нар гэгээрсэн байвал, тэд сайн байж, ерөнхийлөгч нь нэр хүндтэй байна. Тиймгүй бол, аз мэдсэн хэрэг дээ. (Яг тийм. Тийм, Багш аа.) Тэгэхээр Киев анд нөхдөө нэмж л байвал сайн. АНУ-ын ерөнхийлөгч Абрахам Линкольн, “Би дайснуудаа өөрийн анд нөхдөө болгон устгана” гэж хэлсэн байдаг. (Тийм.)
Сайн байна. Маш сайн. Сонсоход маш таатай байна. Өө, би үнэхээр баяртай байна. (Тийм ээ.) Диваажинд талархъя. Энэ үнэхээр сайн мэдээ байлаа. Украинд илүү их тусламж, илүү олон анд нөхөд хэрэгтэй. (Тийм, Багш аа.) Хаа нэгтээ таагүй харилцаа байдаг бол хэл амаа ололцох хэрэгтэй. Зөвхөн Оростой л анд нөхөд бололцож чадахгүй. Учир нь тэд найз нөхөд болохыг хүсдэггүй. (Тийм.) Асуудал нь энэ. Гэхдээ Орос одоо зогсох юм бол оргүйгээс дээр байхсан. (Яг үнэн.) Бид олон улсын харилцааг сайжруулж чадна. Олон ч дайн болж өнгөрлөө. Гэхдээ дэлхий эцэст нь золоор нэгдмэл хэвээр байна. (Тийм.) Иймд Орос үүнээс суралцах ёстой.
Путин болон түүний бүлэглэл болон Оросын дайныг дэмжигчид түүхээс суралцах хэрэгтэй гэх гэсэн юм. (Яг тийм. Тийм, Багш аа.) Бүх дарангуйлагчид голцуу аль муу үхлээр дуусдаг. Гитлер шиг. (Яг үнэн, Багш аа. Тийм, Багш аа.)
Өөр зүйл байна уу? (Хятадын ерөнхийлөгч Ши Жинпин Германы канцлераас Украины дайныг хурцатгахгүйн төлөө бүхий л хүчин чармайлтаа гаргахыг хүссэн. Үүнийг Багш юу гэж бодож байна вэ?)
Сайн хэрэг. Ингэж хэлж, тэгж бодож байгаа нь сайн хэрэг. Гэхдээ тэр үүнийг Путинд хэлэх хэрэгтэй. Учир нь Өрнөдийнхөн эхлүүлээгүй. Герман дайныг эхлүүлээгүй. Герман Орост заналхийлсэн ямар ч үйлдэл гаргаагүй. Үнэндээ тэд газрын тос, байгалийн хий гэх зүйл хэрэгтэй болохоор л Путиныг хаацайлах гэж оролдсон. (Тийм, Багш аа.) Гэтэл энэ ерөнхийлөгч яагаад Өрнөдийнхөнд дайныг зогсоохын тулд бүх чармайлтаа гарга гэдэг байна. (Ойлгож байна.) Путин л ямар ч шалтгаангүйгээр үүнийг эхлүүлсэн. Иймд Путин л зогсоох ёстой. (Тийм.)
Өөр зүйл байна уу? (Багш аа, Их Британийн ерөнхий сайд Борис Жонсон Украины парламентад хандан илгээсэн дүрс бичлэгтээ Украинд хийж буй Оросын түрэмгийлэлд Өрнөдийнхөн хариу үйлдэл үзүүлэлгүй хэт удсан ба Владимир Путины эсрэг хамтын хориг тавьж чадаагүй гэсэн. Дараа нь ерөнхийлөгч Зеленский Их Британи, Украин хоёрыг “ахан дүүс” гэж хэлсэн.)
За болж. Браво. […] Би Бористой санал нэг байна. Түүний хэлсэнтэй санал нэг байна.
Элон Маскийг мэднэ биз дээ? (Тийм.) Түүнийг оросууд сүрдүүлсэн болохоор тэр одоо амиа алдахаас айж байгаа. (Хөөх! Тийм, дуулсан, Багш аа.) Учир нь тэр Старлинкээр тусалсан. (Тийм ээ, тэгсэн.) Эс бөгөөс Украинд ямар ч харилцаа холбооны систем байхгүй байх байлаа. Оросууд устгачихсан. (Тийм, Багш аа.) Тэгээд л оросууд Элон Маскийг буруутгаж байгаа юм. Гэхдээ тэр Орост ч гэсэн ашиглах боломж өгсөн. Учир нь тэрээр, “Уучлаарай, үг хэлэх эрх чөлөө бол үг хэлэх эрх чөлөө” гэж хэлсэн. Тэр Украинд өгсөн хэр нь Оросыг хаачхаж болохгүй. (Тийм.) Тэгсэн ч гэсэн оросууд түүнийг сүрдүүлсэн. Хамгийн том албан тушаалтан нь. Өндөр албан тушаалтай зарим хүн. За, тэр ч яах вэ. Тэгээд тэрээр өөрийгөө ямар нэг нууцлаг байдлаар амиа алдах юм бол хүмүүс яагаад гэдгийг нь мэдэж байх хэрэгтэй гэсэн. Тэр хэдийнээ салах ёс адил зүйл хэлэх ёстой болсон. Энэ мэтчилэн.
Энэ бол алдартай нэгэн байгаад дэлхий дахинд туслахыг хүсэх үед тохиолддог асуудал. (Тийм.) Төлөөс гэж бий. Үүнээс зайлсхийж чадаж магадгүй. Гэхдээ энэ нь тайван амгалан, сэтгэл амар байж чадна гэсэн үг биш. Албан ёсоор заналхийлсэн ч бай үгүй ч бай, аюул үргэлж заналхийлж байдаг. (Тийм, Багш аа.) Гэтэл Маск юу гэж бодсон юм бол? Тэр Путинтэй үзэлцэж, Украинд ингэж ч, тэгж ч туслахыг хүссэн. Тэр зөвхөн Старлинкээр туслаад зогсохгүй өөр зүйлсээр ч бас тусалсан гэж бодож байна. Ямар систем, өөр юугаар Украинд тусалсныг нь мартжээ. Гэхдээ тэр ямартай ч баатар болохыг хүссэний төлөөс нь тэр. (Тийм байх нь, Багш аа. Тийм.)
Одоо хэр нь яриад явж байгаадаа тэр баярлах хэрэгтэй. (Тийм.) Мэдээж тэр одоо ярьж байгаа. Учир нь тэр дуугүй болох хүртлээ хүлээх юм бол дахин ярьж чадахгүй болно. Тэд түүнийг дуугүй болговол тэгээд дуусна. (Тийм, тэр үнэн.) Тэгэхээр би түүнд сайныг хүснэ. Тэр амьд сэрүүн хэвээр байж түүний компанийн техник хэрэгсэл, авьяас чадвар хэрэгтэй хэн бүхэнд туслах болтугай гэж залбирч байна. (За, Багш аа.)
Алдартай, баян чинээлэг байх нь ямагт эрсдэл дагуулдаг. (Тийм.) Лула мэтийн хүмүүс атаархана. Тэр магадгүй Зеленскийн алдар нэрд атаархаа биз. (Өө.) Мэдээж хүн бүр л Зеленский ингэсэн, Зеленский тэгсэн гээд л, дэлхий тэр аяараа Киевт түүнтэй уулзах гэж ирээд л. (Тийм.) Тэргүүн хатагтай Жилл Байден хүртэл ирсэн. (Тийм, тэгсэн.) Тэр Украйны тэргүүн хатагтайтай уулзахаар ирсэн. Аргагүй болоод арай гэж нэг ирж дээ? (Тийм.) Ирэхгүй бол юу болох билээ? Дэлхийд нүүргүй болно биз дээ? (Тэгнэ. Бүгд хэдийнээ ирчихсэн.) Тийм. Бурхан минь. Ямартаа ч нэг юм хийх ёстой болж. (Тийм, Багш аа.) Нөхөр нь биш юм гэхэд ядаж эхнэр нь. Хөөх. Тэгвэл баярлахсан.
Өөр зүйл байна уу? […] (Тийм ээ, Багш аа, Украины үр тариа дүүрэн ачсан хоёр дахь тээврийн хөлөг Румыны Константа боомтоос хөдөлсөн.) Хөөх. (Гурав дахь нь бас 5-р сарын дундуур хөдлөхөөр байгаа.)
Хөөх. Тэд яаж явж чадаж байна? Оросууд эзлээгүй юм уу? (Тэд Румынээр дамжуулан зарим замыг ашиглаж байгаа.) Аан за, за. Бурханы аврал. Арга зам олсонд нь Бурханд талархъя. Оросууд хэдийнээ олон боомтыг эзлээд байна. Ай, Бурханд талархъя. Диваажинд талархъя. Дэлхийг маань харж хандаарай. Хоол хүнсгүй бол тэд тэсэхгүй.
Ийм учраас л би та нарт хоол хүнстэй байгаадаа цаг ямагт талархаж бай гэж хэлдэг юм. (За, Багш аа.) Бас орон гэртэй байгаадаа. Одоо амар тайван байгаадаа. Энэ галзуу дэлхийд хэзээ, гэнэт юу тохиолдохыг бид мэдэхгүй.
Одоо бас КОВИД газар авч зөвхөн холбогдох улсууд төдийгүй олон улс оронд нөлөөлж байна. Жишээ нь Хятад болон Зеро КОВИД (ковидгүй болох) бодлого олон бизнест нөлөөлж байна. Та нар мэдэж байгаа биз дээ? (Тийм ээ, Багш аа.) Үүнээс зайлах аргагүй. Зайлах аргагүй. Хятадын төр засаг дуртайдаа ингээд байгаа юм биш. Тэд бас л ард түмнээ хамгаалахыг хүсэж байгаа. Гэхдээ бүхэл хот даяараа хөл хорионд орсон хүмүүс зовж байгаа. Тийм биз дээ? Хөл хорионы хатуу дэглэмээс болоод зарим хүнд хоол хүнс хүргэгдээгүй байгаа. Бурхан минь, энэ дэлхийн зовлонд эцэс төгсгөл гэж алга. Бурхан минь. Бурхан минь. Хэзээ дуусах юм бол доо?
За. Дараагийнх нь? Байна уу? (Багш аа, Украин болон Орос настайчууд, эмэгтэйчүүд болон хүүхдүүдийг Мариуполь дахь Азовстал гангийн үйлдвэрээс нүүлгэн шилжүүлнэ гэдгээ мэдэгдсэн. Ажиллагаа 7 хоногийн өмнө эхэлсэн.) Сайн мэдээ байна. (Үүнийг НҮБ болон Улаан загалмайн нийгэмлэг зохион байгуулсан.) За. (Украины мэдэгдсэнчлэн 300 гаруй энгийн иргэнийг гурван хоногт авраад байна.)
Энэ бол мөсөн уулын ердөө орой нь. Мариупольд хэдэн мянгаараа амиа алдсан. 10,000 гаруй. Одоо хэчнээн олон нэмэгдсэнийг мэдэхгүй. Энэ бол аль дээрийнх. (Тийм, Багш аа.) Яагаад гэвэл Оросын арми зүгээр л хаа сайгүй бөмбөгддөг. Дан энгийн иргэд, хөнөөх амархан. Хаа сайгүй болохоор алахад амархан. (Тийм.) Энгийн иргэдийг хаана байгааг бас мэдэж байгаа. Харин Украины цэрэг хаа байрласан газрыг мэдэхгүй байж мэднэ Мөн Украин сөрөг довтолгоонд орж болзошгүй учраас оросууд ойртож чаддаггүй. Харин энгийн иргэд рүү дайрч хөнөөх нь тэдэнд их амар байдаг. (Тийм, Тэр үнэн.) Учир нь томоохон хотуудад хүмүүс хаа сайгүй оршин суудаг. Эсвэл өндөр барилгуудын нэгд нь л гэхэд хэдэн мянгаараа, эсвэл нэг барилгад хэдэн зуугаараа амьдардаг. Иймд тэднийг олох амархан. Холоос л бөмбөгдчихөж болно. (Тийм, Багш аа.) Ээ дээ, мөн ч хулчгар хэрэг. Маш муухай, бузар хэрэг.
Хэрэв коммунизм тэдэнд ийм зүрх сэтгэлгүй байхыг заадаг юм бол би эрх чөлөөт дэлхийг л дэмжинэ. Эрх чөлөөт улс оронд зарим алдаа дутагдал, өө сэв байж магадгүй л дээ. Гэхдээ ядаж л эрх чөлөөтэй. (Тийм, яг үнэн.) Тэд Бурханд, Буддад, Ариун Сургаалд итгэсэн хэвээр байдаг. Төр засагт ч юм уу, хаа ч юм, зарим бусармаг хүмүүс байдаг л байх. Гэхдээ ядаж л хүн бүрийн эрх чөлөө, шашин шүтэх зэрэг бүхий л эрх чөлөөг дэмждэг. Би үүнд нь дуртай. Энэ бүхэнд дуртай. Чөлөөт ертөнцийн үзэл санаа надад таалагддаг. […]
Хөтлөгч: Хамгаас Өршөөлт Их Багшдаа бид энэ харанхуй, хүнд хэцүү цаг үед бидэнтэй хамт байгаад гүнээ талархаж байна. Таны хэмжээлшгүй их хичээл зүтгэл, дуусашгүй их Хайр, хүн төрөлхтний сайн сайханд итгэх Итгэл нь аль болох олон төрөлтөнд хүрч, бүхний тусын тулд энэрэнгүй веган амьдралын хэв маягт шилжихэд туслах болтугай хэмээн залбиръя. Эерэг хүч өсөн нэмэгдэж Дэлхийд ноёлон Украин дахь дайралтыг даруй зогсоож, зовсон, эгээрсэн бүхэнд амар амгалан, аюулгүй байдлыг авчрах болтугай. Их Багшдаа бид бүхий л Сансар Огторгуйн Төрөлтнүүдийн мөнхийн хайрын хамгаалал дор эрүүл энх, амар амгалан байхыг ерөөе.
Их Багшийн Суприм Мастер Телевизийн ажлын багийнхантай сайн мэдээний талаар ярилцсан болон украинчууд АНУ-д түр хугацаанд хэрхэн оршин суух болон ямар алдартай дуучин саяхан Киевт тоглолтоо хийсэн талаар сонсохыг хүсвэл Багш шавийн шүтэлцээгээр хожмын өдөр энэхүү конференцийг бүрэн эхээр нь хүлээн авч үзнэ үү.
Мөн танд лавлах шаардлага гарвал Шуурхай мэдээ/ Багш шавийн шүтэлцээ зэрэг өмнөх конференц нэвтрүүлгүүдийг үзнэ үү:
Шуурхай мэдээ:
Энх тайвныг сахин бусдын амь насыг нандигна
Зөвхөн Энхтайвныг сахиулагчид л Диваажинд хүрч чадна
Украины эрхэм хүсэл зориг Оросын хүчнээс илүү хүчирхэг
Путин Украинд даруй гал зогсоох тушаал өгөх ёстой
Хүн чанар, сайн сайханд итгэх нь бие биедээ тусалж буй хэрэг юм
Аливаа орныг байлдан эзлэхийг зөвтгөх шалтаг үгүй
Украиныг дэмжих тал дээр дэлхийд гарч буй эерэг өөрчлөлт
Багш шавийн шүтэлцээ:
Дэлхийн бүх улсын төр засаг Украины талд зогсох ёстой
Хүчирхэг орнууд зоригтой байж Украинд туслах ёстой
Сайн ба муугийн хооронд болж буй дайнд Диваажин Украинд тусалж байна
Төгс Гэгээрсэн Их Багш Чин Хайн Украины тулгамдсан нөхцөл байдлын талаарх санаа бодол
Дэлхий дахин Украиныг дайнд ганцааранг нь үлдээлээ
Украинд тусалж буй талаар урамтай сайхан мэдээ
Хүчирхэг улсууд Украйнд өгсөн амлалтдаа хүрээгүй
Украины ард түмний нэгдмэл мөн чанар Дэлхийн өмнө гэрэлтэж байна
